06/07/2026
من المنشور تاع البارح حول رخصة البناء فهمت بلي
الجزائري ما يكرهش رخصة البناء بسبب البيروقراطية فقط…
هو يكرهها لأنها تقولّو:
“ما تقدرش تبني كيما تحب!”
يحب يزيد طابق بلا دراسة، يفتح نافذة على الجار، يسدّ التراجع، ويبدل المخطط في وسط الورشة… ومن بعد كي تجيه الرقابة يقول:
“ راهم يعرقلوا في المواطن!”
الحقيقة؟
رخصة البناء ما تعرقلش المواطن، تعرقل الفوضى.
اللي يبني بلا رخصة راهو ما راهوش “يوفّر المال”، راهو يأجل المشكلة فقط:
توقيف الورشة، مشاكل مع الجيران، صعوبة البيع، تعقيدات في التسوية، وخسارة أكبر من ثمن الملف كامل.
والغريب أنو نفس الشخص اللي يبني بلا رخصة، يروح يشكي كي الجار يبني فوق حقو أو يسدلو الضوء والتهوية!
تحب القانون يطبق على غيرك فقط؟
ولا تحب تبني صح وتخلي دارك واقفة قانونيًا قبل ما تكون واقفة بالإسمنت؟
قولولنا: رخصة البناء فعلاً معقدة… ولا حنا ما نحبوش أي ورقة تمنعنا نديرو اللي نحبوه؟
#التعمير
