27/04/2024
🔴
بالنسبة للجهاز الذي تقوم سونلغاز Sonalgaz بتركيبه هذه الأيام...
- أغلب الناس لا تعرف هذا الجهاز وماهو دوره وعلاش راه يصوني ؟
كل واحد واش يقول اللي يقول نحيلها البيل les piles واللي يقول خرجها تشم الهواء ....
- اولا 👈🏻 هذا الجهاز يسمى كاشف أحادي أكسيد الكربون اي كاشف الغازات المحترقة وليس كاشف تسرب غاز المدينة
- ثانيا 👈🏻 الجهاز هذا تركب في رواق المنزل بالقرب من المدفأة
- ثالثا 👈🏻 عندما يصدر الجهاز تنبيه فهذا يدل على وجود تسرب في الغازات المحترقة CO سواء من سخان الماء او المدفأة وهذا التسرب يكون في الشميني ممكن يكون مبوشي وبالتالي الغاز المحروق مايخرجش ويرجع للدار ولا الشميني مثقوب بلا ما ننساو الطابونة والكويزينيار Cuisinière هوما ثاني كي نشعلوهم يطلقو غاز أحادي أكسيد الكربون وبالتالي الجهاز يستشعرهم ويصوني في هذا الحالة كي نستعملو خاصة الطابونة نفتحو نافذة المطبخ ولا الباب معناتها نوفرو تهوية في المطبخ باش يخرج غاز أحادي أكسيد الكربون هادي هي الطريقة الصحيحة لإستعمال الجهاز ماشي تطفيه وتنحيلو les piles ههههههه
#توضيح : 25 ماهيش نسبة غاز أكسيد الكربون ولا تقاس بالنسبة المئوية 25 لي راهي في شاشة الجهاز هي كمية غاز أكسيد الكربون في الهواء أي 25 وحدة في المليون بالفرنسية 25ppm part par milion وهي كمية عالية لأن كمية غاز أكسيد الكربون العادية في الهواء الطبيعي هي 0.2 وحدة في المليون.
