03/06/2026
ملخص لكل مبتدئه حبه تبدا مشروع فن الكونكريت 🥰
مراحل تفنيش القطعه
أولا.. مرحلة الصنفره ومساوية حواف القطعه
ثانيا.. مرحلة التأسيس
اللى هو وش سيلر لسد المسام وتوحيد اللون
ملحوظه // أنا معنديش سيلر ومش عايزه اكلف نفسي اعمل ايه ؟
الجواب.. اجيب معلقة لون ابيض بلاستيك مط أو لامع واحط عليهم معلقتين ثلاثة مياه وادهن وش نضافه للقطعه بدل السيلر وهيحل محل السيلر
ثالثا.. مرحلة الدهان
الدهان بتاعي مايكونش خفيف اوي ولا تقيل اوي عشان مايعلمش معايا فى القطعه
والدهان بيتخفف بمياه افضل
وبدهن القطعه وشين ثلاثه وبين كل وش أقل حاجه نص ساعه
رابعا.. مرحلة الورنيش
الورنيش هو الملمع للقطعه وبيحافظ عليها من العوامل الخارجيه
وبيتدهن مباشرة من غير تخفيف ده لو مش تقيل ولو تقيل بيتخفف بمياه بسيط
خامسا.. مرحلة الفينيش
ده بيبقي عباره عن الزينه اللى بتتحط على القطعه وهي انواع
1- الورق دهبي أو فضي وده بيتلزق بالورنيش المائي
2- الشوجر دهبي أو فضي وده بيتلزق سواء(امير او صاروخ أو 7000 او 8000 أو غراء
3- الدهان التيكسي للحواف وده بيستخدم بعد الورنيش ومش بيتحط عليه ورنيش
4- اللون السحابي ده بيستخدم بعد الورنيش وممكن قبله وبعدين الورنيش عادي برضه
5- ورق ديكوباج وده بيتلزق بالورنيش وبيتحط عليه ورنيش للثبات
أخيرا/// لو أنا عايز اصب شمع فى قطع الكونكريت
بدهن القطعه وورنشها 4 أو 5 مرات وبعدين اصب فيها شمع
وشكرا لحضراتكم ♥️
