28/11/2024
مقارنة بين الجبس البلدي والجبس بورد..👇
✅ في بداية المقارنه كلنا عارفين ان الجبسون بورد هو التطور للجبس البلدي بس رداً علي السؤال الأكثر تكراراً حبيت اقولكم شوية تفاصيل بين الاتنين ٠٠
بالتاكيد في اختلاف كبير في المقارنه ما بين الجبسون بورد و مابين الجبس البلدي ٠٠ بس لابد من التوظيف الصحيح ٠٠
ملخص حكاية الجبسون بورد في كام سؤال و أجابه يارب تعجبكوا و تستفيدوا ٠٠
الجبسون بورد و السقف الساقط طالع موضة ٠٠
لا ملوش علاقة بالموضة خالص ٠٠
⭐️ امال ايه الفرق ؟ ٠٠
⭐️ و بالنسبة للجودة الجبسون بورد أفضل و لا الجبس البلدي ؟ ٠٠
الجبسون بورد هو وسيلة لتشطيب السقف زيها زي المصيص و الجبس البلدي ٠٠
طيب ايه الجديد فيه ٠٠
بص يا سيدي الجبسون بورد كان موجود من زمان و لكن تكلفته مقارنة بالجبس البلدي كانت كبيرة لكن دلوقتي اصبحت قريبة جدا ٠٠
إزاي ؟ ٠٠
الجبس البلدي عشان تعمله بياخد وقت كتير جداً يعني يوميات اكتر و يوميات العمال زادت عن زمان و في نفس الوقت الجبسون بورد مش بياخد الوقت ده خالص ٠٠
يعني لو هاتعمل الشقة بتاعتك جبس بلدي في شهر تقدر تخلصها بالجبسون بورد في اسبوع واحد ٠٠
ده طبعاً غير ان وزن الجبس البلدي 3 او 4 اضعاف وزن الجبسون بورد علي السقف وده اللي بيخليه مع مرور الوقت يشرخ ويظهر فيه مشاكل ٠٠
طبعا الجبسون بورد الجودة بتاعته اعلي بكتير لانه مش معتمد علي حرفة الصنايعي الألواح بتيجي مكبوسة جاهزة من المصنع فلا هاتلاقي لوح مموج و لا معرج و لا فيه رايش زي اللي بيحصل في صب الجبس البلدي ✨ده غير ان فيه انواع مقاومه للرطوبه للحمامات زي الجبس الاخضر و انواع مقاومه للحراره للمطابخ زي الجبس الاحمر✨ و دي ميزه كبيره مش موجوده في الجبس البلدي ٠٠
الجبسون بورد بيتركب ازاي ؟ ٠٠
بيتاسس ليه تسليح علي ركب او اتياش و نظام شاسيه صاج في السقف الأساسي مسافة الاوميجا كل 60سم و الـ C كل 80سم وده التقسيط الهندسي و السليم اللي شركات الجبس بتوصي بيه و بعد كده بيركب فيه الجبس بمسامير و بعد كده يتشطب بمعجون الفواصل ٠٠
أنا سمعت إن الجبسون بورد بيتشرخ و يشقق مع الوقت ٠٠
ده نادرً يحصل ولو حصل بيكون لسببين.. عدم الخبره ٠٠ وقلة الضمير ان الصنايعي يقلل في الصاج بتاع التسليح في السقف او في اتياش او جنشات الحموله وبعدين السقف يريح و يشقق ٠٠ او ان الصنايعي مايستخدمش فايبر الفواصل او ميتال تيب في الزوايا ٠٠
في مميزات تاني تخليني أشتغل جبسون بورد غير الوقت و التكلفة ؟ ٠٠
أه طبعا ٠٠
انت بتعمل فراغ بين السقف العادي و السقف الجبسون بورد و ده بيديك الفرصة انك تركب ديكور اضاءة حديث زي الماجناتيك تراك او اسبوتات بالاشكال الحديثه او سماعات sound system تكيفات كونسيلد ventlation system و الفراغ ده بيخلي عندك ميزة انك ممكن في اي وقت بعد التشطيب تمد سلك في السقف تليفون او نت او فايبر او كهرباء ودة بيكون سهل التعامل معاه لو في الجبسون بورد لكن من الصعب تتفيذ دة في الجبس البلدي انك تفتح وترمم فيه فيما بعد٠٠
بالنسبة لو عايز أفصل غرفة أو أقسم ريسبشن ٠٠
بالجبسون بورد تقدر تفصل بين الغرف بقطوع جبس بيبقى زي الحيطة بالظبط و يتشطب دهانات او ورق حائط او اي تشطيب من الناحيتين ٠٠
طب إستخدمات الجبسون بورد في الديكور ٠٠
الميزة دايما في أني اقدر اعمل كذا نظام اضاءة سبوتات او ليد لايت و طبعا indirect light بتكون افضل في شكل ديكور السقف٠٠
طيب الجبسون بورد بيتحسب إزاي ٠٠
بيتحسب بالمتر المسطح للمساحات الفلات أما بيت النور او اي ديكور فيه زاويه بيتحسب بالمتر الطولي ٠٠ والاهم من السعر كام.. الخامات المستخدمة هتكون ايه؟ كثافة الصاج هتكون قد ايه ونوع ألواح الجبس ايه وتقسيم ابعاد مقاسات الشاسيه هتكون كام × كام وتيش او جنش للحموله كل كام سنتي.. كل دة من حقك تعرفه قبل الاتفاق علي سعر مع فني جبسون بورد وتتأكد من الخامات قبل مايبدأ شغل وتتابع سيستم الشغل اثناء التنفيذ.
وبكده تكون عرفت الفرق بين الاتنين ☺️👍
للتواصل لمعرفة التفاصيل و الاسعار كلمنا علي رسايل الماسينجر او علي رقم الواتساب او بالأتصال علي ٠٠
01111315369
01096641952
