Energy Geeks student section

Energy Geeks student section we are dedicated in energy solutions especially green, renewable energy to build a sustainable future

مهتم بمجال الطاقه وتفاصيله؟ ⚙️يبقي لازم تعدي علي اهم الآلات المستخدمه في انتاج الطاقه الميكانيكية. ​انضم لينا في ويبينار...
25/02/2026

مهتم بمجال الطاقه وتفاصيله؟ ⚙️
يبقي لازم تعدي علي اهم الآلات المستخدمه في انتاج الطاقه الميكانيكية.
​انضم لينا في ويبينار جديد ومميز عن الـ Gas Turbines مع المهندس محمود إبراهيم، مهندس التوربينات الغازية في شركة PETROPEL، واللي هيشاركنا خبرة أكتر من 6 سنين في المجال.
​هنتناقش في أهم المواضيع العملية:
✅ التشغيل (Operation)
✅ الصيانة (Maintenance)
✅ اكتشاف الأعطال وحلها (Troubleshooting)
​🗓️ الميعاد: السبت، 28 فبراير 2026
⏰ الساعة: 10:00 مساءً
💻 اونلاين : zoom meeting

​ماتفوتش الفرصة لتطوير نفسك في مجال الطاقة!
👇 سجل حضورك و انضم لجروب الواتساب دلوقتي من اللينك ده:
https://forms.gle/QyKLTZRLyPycNfSz8

برز هلال رمضان وأهلّ علينا الشهر الكريم ✨🌙ولا نجد تهنئةً أغلى ولا أعز من تهنئة رسول الله ﷺ: قال رسول الله ﷺ:"أتاكم رمضان...
18/02/2026

برز هلال رمضان وأهلّ علينا الشهر الكريم ✨🌙
ولا نجد تهنئةً أغلى ولا أعز من تهنئة رسول الله ﷺ:
قال رسول الله ﷺ:
"أتاكم رمضان شهر مبارك، فرض الله عز وجل عليكم صيامه، تفتح فيه أبواب السماء، وتغلق فيه أبواب الجحيم، وتغلّ فيه مردة الشياطين، لله فيه ليلةٌ خيرٌ من ألف شهر، من حُرم خيرها فقد حُرم."
🎉 تتقدّم عائلة Energy Geeks بأطيب التهاني بمناسبة حلول شهر رمضان المبارك،
أعاده الله علينا وعليكم بالخير واليُمن والبركات، وتقبّل منا ومنكم صالح الأعمال. 💚🌙
كل عام وأنتم بخير! 💫

🎉✨ سنة عدّت… وسنة من الإنجازات اتكتبت في تاريخنا! ✨🎉النهاردة بنحتفل بـ الذكرى السنوية الأولى لعيلة Energy Geeks، سنة ملي...
05/10/2025

🎉✨ سنة عدّت… وسنة من الإنجازات اتكتبت في تاريخنا! ✨🎉
النهاردة بنحتفل بـ الذكرى السنوية الأولى لعيلة Energy Geeks، سنة مليانة شغل، تعب، تحديات… والأجمل إنها كانت مليانة انتصارات كمان 💪⚡

خلينا نديكم لمحة سريعة عن أهم اللي حققناه:
🏆 المركز الأول على مستوى أسيوط ووسط الصعيد في المسابقة العلمية بالجامعة التكنولوجية بمشروع الهيدروجين الأخضر.
🥈 المركز الثاني في اللقاء القمي الأول للجامعات المصرية بمجال التوعية البيئية.
🚀 التأهّل للمشاركة في مؤتمر ITC-Egypt 2025 ضمن أفضل الفرق العلمية.
🌍 مشاركة مميزة في الملتقى القمي للابتكار المستدام بجامعة طنطا وسط حضور من جامعات مختلفة.

💡 السنة دي كانت البداية… بداية لرحلة مليانة شغف وطموح وإنجازات أكبر لسه جاية!
شكر كبير لكل فرد في الفريق، لكل داعم، ولكل حد صدّق فينا. 🙏

بعد ما عرفنا الطاقة الشمسية بنستخدمها ازاي في بيوتنا سواء توليد كهرباء أو تشغيل سخانات حرارية ، هنتكلم عن نوع محطات الطا...
27/09/2025

بعد ما عرفنا الطاقة الشمسية بنستخدمها ازاي في بيوتنا سواء توليد كهرباء أو تشغيل سخانات حرارية ، هنتكلم عن نوع محطات الطاقة الشمسية المستخدمة في المصانع

فكرة توليد الكهربا من الطاقة الشمسية هنا بتختلف تماما عن البيوت
ببساطة شديدة بدل الاعتماد على الألواح الشمسية (PV) الي بتحول الضوء لكهربا مباشرة ، هنستخدم حرارة الشمس

فكده محتاجين نجمع أشعة الشمس ونركزها على نقطة محددة أو أنبوب علشان توصل لأقصى حرارة ممكنة

فبدل ما بنستخدم الألواح الشمسية ، هنستخدم مرايات أو عدسات (heliostats / parabolic mirrors) علشان نقدر نجمع أشعة الشمس في نقطة

وعند النقطة دي بيبدأ الشغل كلو ، بيكون في سائل ناقل للحرارة عند النقطة دي (زيت حراري او ملح منصهر )

السائل ده بيتم تسخينه لدرجة حرارة عالية جدا علشان نقدر نستخدمه في غلي ماء لإنتاج بخار

ولو وصلت للبخار تبقى خلصت ، لانك بمنتهى البساطة بتعدي البخار ده على توربين بخاري زي الي في محطات الكهربا العادية وتشغل المولد الي يديك كهربا تشغل المصنع

الطريقة دي اسمها "CSP" أو "Concentrated solar power " ولو ركزت هتلاقي أن اسمها شرح كل حاجه

طب ليه تقنية CSP هي المستخدمة في المصانع ؟

لان كمية الكهربا المنتجة بتكون كبيرة بما يناسب استهلاك المصنع

غير أن عندي قدرة على تخزين الطاقة الكهربية في خزانات الملح المنصهر

وكمان الحرارة نفسها نقدر نستخدمها في الصناعة زي صهر المعادن وتسخين المواد

كفاءة نظام CSP بتوصل من 15% ل 25% وفي بعض الأنظمة ممكن توصل ل 30% و 40%

نقدر نشغل النظام بشكل مستمر غير متقطع زي الألواح الشمسية

وأهم نقطة ... أنه صديق للبيئة

بس للاسف مفيش حاجة تخلو من العيوب
نظام CSP تكلفة عالية جدا وبيحتاج مساحات ضخمة

ولو لقيت المساحة فهو بيحتاج وقت طويل جدا للبناء والتجهيز

غير أنه محتاج مكان الطقس فيه عبارة عن شمس قوية ، مينفعش مكان غائم أو ممطر

التكنولوجيا لسا بتتطور وتتقدم ، اكيد شوية مشاكل مش هتوقف العلماء والا مكناش وصلنا للي وصلنا ليه دلوقتي
كالعادة يا جيكس لو في اي سؤال اكيد مش هنبخل عليكم بإجابته في أي وقت 💚

ومتنساش تبص في الكومنتات لو حابب تكون معانا في التيم 👀

لو أنت شخصية كاريزما،أو من الناس اللي واثقه من نفسها وعندها مهارة التواصل ويعرف يتعامل في كل المواقف، وبتحلل المواقف بذ...
26/09/2025

لو أنت شخصية كاريزما،
أو من الناس اللي واثقه من نفسها وعندها مهارة التواصل ويعرف يتعامل في كل المواقف، وبتحلل المواقف بذكاء 🤝🏽

لو عندك رؤيه وبتركز في كل التفاصيل ،
وبتعرف تعمل شبكة علاقات قوية،
وبتحب العمل الجماعي، الـPR يعني عمل جماعي،
وعندك أفكار مش تقليدية،

فأنت مكانك معانا هنا في جيكس.
فتحنا باب الانضمام للجنة الـPR.

لسه هتفكر؟ انضم معانا من خلال الفورم ⤵️
https://forms.gle/LFGpFyZmHTbx9wVC6
ومتنساش أن فورم التيكنيكال لسا مفتوحة لو حابب تنضم معانا ⤵️
https://forms.gle/7e3vebt5bF7HyhSr9

جُمعة مُباركة 💚باركَ اللهُ جُمعتكم، وأصلحَ حالكم، وأرَاحَ بالكم وأحسن خِتامكم.✨لا تنسوا سورة الكهف والصلاةُ على النبي💚
26/09/2025

جُمعة مُباركة 💚

باركَ اللهُ جُمعتكم، وأصلحَ حالكم، وأرَاحَ بالكم وأحسن خِتامكم.✨
لا تنسوا سورة الكهف والصلاةُ على النبي💚

هنا الشغل، القوة، الطاقة.هنا هتفك وتربط، تفكر وتحلل.وفوق كل ده، هتفرقع هيدروجين 😂.لو إنت مهتم بمجال الطاقة المتجددة، وطر...
17/09/2025

هنا الشغل، القوة، الطاقة.
هنا هتفك وتربط، تفكر وتحلل.
وفوق كل ده، هتفرقع هيدروجين 😂.

لو إنت مهتم بمجال الطاقة المتجددة، وطرق توليدها وتخزينها،
يبقى البوست ده ليك 🔥.

فريق Energy Geeks فتحوا باب الانضمام للجنة الـ Technical.
هنا هتتعلم معانا الشغل العملي بجد وتشتغل بإيدك،
وهنا هتقدر تطلّع المهندس اللي جواك 🤩.

لو حابب تنضم لينا وتكون فرد من أسرة Energy Geeks،
سجّل معانا من خلال اللينك: https://forms.gle/7e3vebt5bF7HyhSr9

فيه فكرة عبقرية حوالينا ممكن تغيّر شكل استهلاكنا للطاقة، وهي إنك تسخن المية في بيتك من غير كهرباء ولا غاز. الفكرة دي اسم...
14/09/2025

فيه فكرة عبقرية حوالينا ممكن تغيّر شكل استهلاكنا للطاقة، وهي إنك تسخن المية في بيتك من غير كهرباء ولا غاز. الفكرة دي اسمها: السخان الشمسي.☀️

السخان الشمسي ببساطة بيشتغل عن طريق سطح أو أنابيب بتمتص حرارة الشمس. الحرارة دي بتسخن المية اللي بتمر جواها، وبعد كده المية السخنة بتتخزن في خزان علشان تلاقيها جاهزة للاستخدام طول اليوم.

المميز في السخان الشمسي إنه بيوفر لحد 80% من استهلاك الكهرباء أو الغاز، وكمان صديق للبيئة لأنه ما بيسببش تلوث. والأهم إنه مناسب جدًا لبلد مشمسة زي مصر.

لكن زيه زي أي تقنية، ليه تحديات. لازم يكون فيه سطح متعرض للشمس بشكل مباشر، وكفاءته بتقل في الأيام اللي بيغطيها السحاب أو في فترات البرد الشديد. تكلفته الأولية كمان أعلى من السخانات العادية، وبتتراوح ما بين 6000 و12000 جنيه حسب السعة والجودة.

ورغم التحديات دي، السخان الشمسي يعتبر استثمار ذكي، لأنه بيوفر في فواتير الكهرباء والغاز على المدى الطويل، وكمان بيساعدنا نتحرك ناحية مستقبل أنضف وأذكى.🍀✨


"من شعاع ضوء... لكهرباء في بيتنا" ⚡كلنا سمعنا عن الطاقة الشمسية والألواح الشمسية وتحويل ضوء الشمس لكهرباء،بس محدش يعرف إ...
30/08/2025

"من شعاع ضوء... لكهرباء في بيتنا" ⚡

كلنا سمعنا عن الطاقة الشمسية والألواح الشمسية وتحويل ضوء الشمس لكهرباء،
بس محدش يعرف إن حاجة زي دي ممكن تقلل من فاتورة الكهرباء آخر الشهر 😉

أنا هنا جاي أكلمك عن طاقة ضوء الشمس، وازاي بنحولها لكهرباء تُستخدم في البيوت والمصانع والمحطات.

فكرة الألواح الشمسية ببساطة معتمدة على الخلايا الضوئية.
الألواح دي مصنوعة من مادة شبه موصلة للكهرباء، فبمجرد ما فوتونات الضوء تنزل عليها تبدأ إلكترونات السيليكون تتحرر.
وبما إن في إلكترونات اتحررت، ودي شحنات سالبة، يبقى في تيار كهربي.

التيار ده بيكون تيار مستمر (تيار ثابت في شدته واتجاهه)، وبنجمعه في أسلاك.

طب كده الكهرباء دي جاهزة نوصلها للبيوت؟
الحقيقة لا، لسه فاضل خطوة واحدة.

لازم تكون فاهم إن التيار اللي بيدخل البيوت بيكون تيار متردد (متغير الاتجاه وشدة التيار).
وعشان كده، التيار اللي طالع من الألواح الشمسية لازم يعدي على جهاز اسمه المحوّل أو الـ Inverter، والجهاز ده بيحوّل التيار من مستمر لمتردد. وبكده يكون جاهز إنه يتوصل للبيت.

بديهيًا، مفيش ضوء شمس بالليل... هجيب كهرباء منين؟ 🌚
المشكلة دي اتحلت فعلاً، لأن الفائض من الكهرباء طول فترة النهار بيتخزن في بطاريات، تقدر تستخدمها بالليل (اتكلمنا عن طرق تخزين الطاقة في سلسلة قبل كده).

كفاءة الألواح الشمسية بقت عالية جدًا مع التطور التكنولوجي، وغير كده هي صديقة جدًا للبيئة.

بس للاسف مش كل حلو بيفضل حلو الاخر

تكلفة التركيب الأولية للخلايا عالية.
بتحتاج مساحة كبيرة.
البطاريات المستخدمة في التخزين غالية وعُمرها محدود.

لو عندك أي سؤال حابب تسأله في الموضوع ده، قوله في التعليقات، وأكيد هنرد عليك 💚

لقطات من مشاركة فريقنا في "المُلتقىٰ القمِّي الأول للابتكار المُستدام" الذي أُقيم في رحاب جامعة طنطا في الفترة من 23 إل...
26/08/2025

لقطات من مشاركة فريقنا في "المُلتقىٰ القمِّي الأول للابتكار المُستدام" الذي أُقيم في رحاب جامعة طنطا في الفترة من 23 إلى 25 أغسطس الجاري، وخلال هذا المُلتقى تم عرض ابتكاراتنا في مجال إنتاج واستخدام الهيدروجين الأخضر وقد أثارت إعجاب العديد من المُشاركين والزوّار من الجامعات المختلفة.
نتشرّف بكوننا مثَّلنا جامعتنا، جامعة أسيوط ، كما نوّد أن نشكر جامعة طنطا و اتحاد طلاب جامعة طنطا الكِرام على التنظيم وحفاوة الاستقبال.

وفي انتظار المزيد الفعاليات والمُشاركات المُثمرة

🎯 لو قلتلك إن الشمس مش بس بتنور حياتنا… دي كمان عندها طريقتين مختلفتين تولّد بيهم كهربا، واحدة مشهورة وكلنا عارفينها… وا...
23/08/2025

🎯 لو قلتلك إن الشمس مش بس بتنور حياتنا… دي كمان عندها طريقتين مختلفتين تولّد بيهم كهربا، واحدة مشهورة وكلنا عارفينها… والتانية سرية ومش كتير سامعين عنها!
👀 هتصدق؟

☀️ الطاقة الضوئية
دي اللي بتشوفها في كل حتة، الألواح الشمسية اللي فوق البيوت والمباني… بتاخد ضوء الشمس وتحوّله بشكل مباشر لكهربا.
ببساطة: ضوء = كهربا.

🔥 الطاقة الحرارية
وهنا اللعبة مختلفة!
بنجمّع حرارة الشمس ونركّزها في نقطة واحدة (بتقنية اسمها CSP)، نسخّن بيها محلول يخزن الحرارة، ومنه نولّد بخار يحرك التوربينة… وبرضه في الآخر نولد كهربا، يعني الموضوع فيلم هندسي كامل، مش مجرد ألواح وخلاص.
💡 والجميل؟
الاتنين في الآخر بيقدّمولنا نفس النتيجة: كهربا نظيفة… لكن كل واحد له قصته وأسراره.

استنونا في السلسلة الجاية… هتفهموا أكتر إزاي الشمس بتتحوّل من مجرد نور فوق راسنا… لمصنع طاقة بيغذي العالم!

Address

Asyut
2063045

Website

Alerts

Be the first to know and let us send you an email when Energy Geeks student section posts news and promotions. Your email address will not be used for any other purpose, and you can unsubscribe at any time.

Shortcuts

Share

Category