25/12/2022
معلومه ونصيحه لله 🌸
لما يجيلك شغل *اتفق علي سعر بمواصفات يعني كل مواصفات وليها سعر كهرباء، غير الاسمارت تأسيس لوحده وتفتيح جبس لوحده وتشطيب لوحده .
*حافظ علي مواعيدك في الشغل مع العميل والتزم بيها
ولو لقدر الله حصل ظرف ليك خليك صريح معاه.
*طور من نفسك وعدتك مهم جدا 💡
*متخفش من الشغل الجديد، أسأل متتكسفش من السؤال
واقبل شغل واشتغل ،وشغل غيرك ومتبخلش علي اي حد بمعلومه طالما ربنا كرمك بيها.
🌸دي تجارة مع الله وان شاء الله تجارة رابحه🌸
*تابع مع العميل خطوات الشغل اول باول وخد رأيه في كل جديد العميل بيعمل شقه او عمارة أو فيلا مرة واحده إنما انته كل يوم في موقع جديد .
*كشف البضاعه العميل هو الي يجيبه ولو حب يخدك معاه
مفيش مشكله طبعا .
*حسس العميل أن معندكش شغل تاني الا هو واهتمامك بيه
في كل صغيرة وكبيرة في الشغل صدقني انته الكسبان
*عرف العميل أن كشف البضاعه تحت العجز والزياده
*يوميات الصنايعي اهم من مصاريف بيتك 👍
*حب شغلتك تحبك🌸
*اعمل لسمعتك علشان هتعيش اكتر منك🌹
*محدش يقدرك شغلك انته اكتر واحد عارف هتعمل في ايه.
*مترخصش نفسك علشان شغل ربك كريم ومبينساش حد وبرضو لازم تراعي ظروف الناس وتعمل معاهم الواجب في حدود المعقول 👍
*ادخل بيوت الناس اعمي واخرج ابكم
🌹ربنا يوسع ارزاقكم جميعا🌹
