12/06/2026
مش أي كشك وخلاص 😍
ده الكشك الصعيدي البلدي الأصلي...
اللي كان بيتعمل من القمح واللبن ويتكور بإيد الستات ويتساب ينشف بالشهور
وبعدين وقت الطبخ يذوب في الشوربة وتتنزل عليه تقلية البصل بالسمنة البلدي ❤️
مين لسه بيعمله بالطريقة القديمة؟
ومين أول مرة يعرف إن الكشك كان بيتعمل كور أصلًا؟ 👇
كوب كشك صعيدي ناشف
ماء دافئ للنقع
1 لتر شوربة فراخ دسمة و يا سلام بقى لو شوربة بط 😋
ملح حسب الحاجة
للتقلية
2 بصلة كبيرة شرائح
3 ملاعق سمنة بلدي
4 فصوص ثوم مفروم (اختياري لكن بيدي طعم تحفة)
الطريقة
انقعي الكشك في ماء دافئ من ساعتين لـ 4 ساعات أو لحد ما يفك ويبقى شبه العجين السائل.
اضربيه بالمضرب اليدوي أو الخلاط لو فيه تكتلات.
ارفعي الشوربة على النار.
انزلي بالكشك المنقوع تدريجيا مع التقليب المستمر.
سيبيه على نار هادئة 15-20 دقيقة مع التقليب كل شوية لحد ما يبقى قوامه كريمي.
اعملي التقلية بتحمير البصل في السمنة لحد اللون الذهبي الغامق.
ضيفي الثوم آخر دقيقة لو بتحبيه.
انزلي بنص التقلية على الكشك وقلبي والباقي حطيه على الوش عند التقديم
أسرار الجدات 😍
🌾 كل ما الكشك البلدي يكون معتق أكتر طعمه يبقى أقوى
🥄 لو القوام تقيل زيادة زودي شوية شوربة ساخنة مش مية
🧅 سر الريحة اللي بتفكر الناس بزمان هو البصل المتحمر لحد ما يبقى لونه بني دهبي مش أصفر بس
🔥 وقت التقديم حطي ملعقة سمنة بلدي سخنة فوق البصل المحمر مباشرة المنظر هيبقى خطير في التصوير
#طبخ
