Cairo Urban Studio

  • Home
  • Cairo Urban Studio
Website

Cairo Urban Studio Contact information, map and directions, contact form, opening hours, services, ratings, photos, videos and announcements from Cairo Urban Studio, Architectural Designer, El Gabalaya St, .

محتوى CAIRO URBAN STUDIO مش هيكون منصة و لا مركز و لا محاضرة و لا جولة بس .. هو مساحة فيها كل ده و اكتر , مساحه فيها أفكار و مواعيد و مفاجآت كتيرة عشان يكون مكان يطلع منه مفكرين مبدعين و مصممين محترفين هيبقوا نواة للارتقاء بمهنة المخطط العمراني في مصر

قبل الجلسة سألنا سؤال بسيط، كام مرة خرجنا من ندوة عن التراث بكام معلومة جديدة، وبعدها بيومين ما عرفناش نقول يعني إيه ترا...
27/10/2026

قبل الجلسة سألنا سؤال بسيط، كام مرة خرجنا من ندوة عن التراث بكام معلومة جديدة، وبعدها بيومين ما عرفناش نقول يعني إيه تراث، وبنستفيد منه إزاي
في ندوة بنحضرها نسمعها ونخرج منها زي ما دخلنا، وندوات بنطلع منها بوعي وإدراك مختلف.

في تكية أبو الدهب ما حاولناش نجاوب عليه من فوق منصة، قعدنا نجاوب عليه سوا، مع د. منى زكريا، وم. سالم حسين، وم. فيروز محمد حسن، ومع كل حد جه وقعد وسأل

اتكلمنا عن التراث مش كمباني وأبواب منقوشة بنتصور جنبها ونمشي، لكن كقرارات أخدها ناس قبلنا، شباك اتفتح ناحية البحري، حوش اتساب في النص، صنعة اتورثت من أب لابن، ومشينا ورا الإجابة من الشكل للفكرة، ومن الفكرة للقرار، لحد ما التراث بقى إطار نفكر بيه مش كلمة بنقولها في المناسبات

وأخدتنا د. منى زكريا في رحلة مع تاريخ النيل، وإزاي النهر ده ما كانش مجرد مية بتعدي جنب المدينة، كان هو اللي بيرسم شكلها وشغل ناسها وإيقاع حياتهم، وإن جزء كبير من اللي بنسميه النهارده تراث اتولد من علاقتنا بيه

ونص القعدة كان أصواتكم، أسئلة وحكايات وتجارب مع المدينة، فكرتنا إن فهم التراث مش بيكتمل بالمعلومة، بيكمل لما كل واحد يلاقي حتة منه في بيته وشارعه ويومه

ما خرجناش بإجابة واحدة نهائية، لكن خرجنا بالسؤال الصح، إن الموضوع عمره ما كان نحافظ على التراث ولا لأ، الموضوع إننا نفهم ورثنا إيه، ونعرف هنعمل بيه إيه

والمرة دي، بعد يومين، لو حد سألنا يعني إيه تراث، بقى عندنا حاجة نقولها

شكرًا لكل اللي جه وشاركنا الحوار، ولكل صوت وسؤال خلى القعدة دي بتاعتنا كلنا، ولصندوق التنمية الثقافية ومتحف نجيب محفوظ على الاستضافة ❤️

#التراث

⏳ قبل آخر أكتوبر الباب هيقفل، يعني فاضل أيام قليلة على آخر فرصة للتقديمبنفتح فرصة للإنضمام لينا ، فات سنة كاملة عدّت على...
26/10/2026

⏳ قبل آخر أكتوبر الباب هيقفل، يعني فاضل أيام قليلة على آخر فرصة للتقديم

بنفتح فرصة للإنضمام لينا ، فات سنة كاملة عدّت على أول مرة فتحنا فيها باب ستوديو القاهرة للعمران، ووقتها وعدناكم إن الباب ده مش هيتقفل، والنهارده بنفتحه تاني، بس المرة دي أوسع بكتير

الاستوديو ما بقاش مجرد فكرة ولا مساحة نقاش، بقى تجربة مشاركة حقيقية، ومع كل مشروع وندوة وورشة وجولة ميدانية كنا بنتأكد إن المدينة نفسها هي المرجع الأكبر، كتاب مفتوح محدش خلّص قرايته، وكل شارع فيه طبقات من الذاكرة والحياة مستنية حد يسأل عنها، عشان كده بنقولها من غير تجميل ان الاستوديو هو المدينة

السنة اللي فاتت دخل من الباب ناس من تخصصات كتير، ومع بعض عملنا ندوات وورش ميدانية وجولات ومشروعات، وفهمنا إن أهم حاجة بنعملها مش الفعاليات نفسها، لكن المعرفة اللي بتطلع منها وبتفضل بعدها

والسنة دي بنفتح الباب بروح مختلفة، مش بندوّر على متطوعين يساعدوا وبس، بندوّر على شركاء في إنتاج المعرفة، ناس تنزل الميدان وتوثّق وترصد، تسجّل التاريخ الشفهي من أصحابه، ترسم الخرايط وتقرا الأرشيف، تحلل وتكتب، وتحوّل البحث لصورة وفيلم ومحتوى يوصل للناس العادية مش للمتخصصين بس

الاستوديو بيشتغل كمعمل مفتوح للبحث العمراني والمعماري، وإيده ممدودة لجامعات ومراكز بحثية وجهات أكاديمية بتشاركنا نفس السؤال، فاللي هيدخل معانا هيلاقي نفسه جوه منظومة أكبر بكتير من الاستوديو نفسه

منظومة البحث في الاستوديو محتاجة كل العيون، معماري ومخطط ومهندس لاندسكيب، باحث اجتماع وتاريخ وجغرافيا، مصور وصانع أفلام وكاتب ومترجم ومصمم، ومش شرط تكون باحث محترف، الشرط إن يكون عندك عين بتسأل وفضول ما بيهداش، والمنهج هنتعلمه ونطوّره مع بعض

المعرفة دي مش رفاهية ولا حنين للماضي، الوعي الجمعي هو آخر رصيد حقيقي فاضل لينا، وهو اللي بيخلّي المدينة تفضل شبه أهلها، ولو ما اتكتبش ما اتحفظش، ولو ما اتحفظش هيتنسي

و دلوقتي بنفتح الباب للإنضمام من كافة التخصصات : عمارة و ميديا و محتوى و إخراج و تصوير و بحث علمي

التقديم مفتوح لحد آخر أكتوبر ٢٠٢٦، و اول خطوة املى الاستمارة هنا
https://forms.gle/1JHKzYnd7iMB1NrX7

وبعد التقديم هنتواصل مع المرشحين من كل التخصصات عشان نبدأ سوا

ولو تعرف حد شايف المدينة بالطريقة دي، اعمله منشن، يمكن هو اللي هيكمّل معانا الحكاية

المدينة مليانة حكايات لسه محدش كتبها، مستنيينكم تكتبوها معانا 💚





المدينة عندها صوت، بس الصوت ده مش دايمًا عالي ومش دايمًا حد بيسمعه، من أيام الحملة الفرنسية لحد النهاردة القرار كان بييج...
26/10/2026

المدينة عندها صوت، بس الصوت ده مش دايمًا عالي ومش دايمًا حد بيسمعه، من أيام الحملة الفرنسية لحد النهاردة القرار كان بييجي من فوق، والناس اللي عايشين في المكان كانوا آخر من يعرف، ومع ذلك فضلوا هما اللي شايلين المدينة بالسكن والحرفة والوقف والحارة

مع د. رضوى زكي، كبير الباحثين بمركز دراسات الحضارة الإسلامية بمكتبة الإسكندرية،وم/ سالم حسين، المخطط الحضري والمصمم العمراني مشينا ورا الصوت ده من يوم ما خفت لحد ما بدأ يرجع، والخلاصة إن القاهرة التاريخية مش محتاجة حد يحرسها من بعيد، محتاجة ناس شركاء في قرارها

النقاش كان امتع جزء الناس سألت فيه فرق بين التحديث والتغريب ولا الاتنين وش لعملة واحدة ؟

وأكتر سؤال فضل يتكرر بأشكال مختلفة كان مين اللي من حقه يقرر شكل المدينة، الساكن ولا المتخصص ولا القرار الحكومي، ومحدش خرج بإجابة واحدة، بس الكل خرج متفق إن الإجابة مينفعش تتكتب من غير ما الناس اللي عايشة في المكان تبقى قاعدة على الترابيزة

شكرًا لكل اللي جه وسأل واختلف معانا، الحوار ده لسه مكمل

من ندوة صوت المدينة | دور المشاركة المجتمعية في استدامة القاهرة التاريخية بين الماضي والحاضر

23/10/2026

ايه الفرق بين التحديث و التغريب ؟!
و ازاي القاهرة عانت من التغريب اللي غير ملامحها لحد النهارده ؟

د/ رضوى زكي - كبير الباحثين بمكتبة الإسكندرية هتحكيلنا اللي عملوه الفرنساويين في مصر !

من ندوة صوت المدينة - اكتوبر ٢٠٢٦

وسط كمية المعلومات الكتير اللي حوالينا، أي حد عايز يتعلم أو يكبر في مجاله مش محتاج بس معلومة زيادة، محتاج إيد تدله على ا...
23/10/2026

وسط كمية المعلومات الكتير اللي حوالينا، أي حد عايز يتعلم أو يكبر في مجاله مش محتاج بس معلومة زيادة، محتاج إيد تدله على الطريق من غير تشتيت، وتتابعه، وتراجع شغله المراجعة الصح، وتعلمه إزاي ياخد قراره بنفسه، وده بالظبط الدور اللي قام بيه الـ Mentors بتوعنا في Urban Design School 💜

تلات مشاريع وصلت للمراكز الأولى، وكل الفرق قدمت شغل نفتخر بيه، بس الحقيقة إن الرحلة دي ماكانتش هتكمل بالشكل ده من غير الـ Mentors اللي كانوا مع الطلاب خطوة بخطوة

Mariam Gamal El-Dein - Nihal El-Sayed - Asmaa Sakr - Salem Hussien - Nada Yehia - Haya Tarik - Farah Tamer

كانوا معاهم من أول ورقة بيضا، بيناقشوا كل فكرة، ويسألوا السؤال الصعب في الوقت الصح، ويراجعوا البدائل مرة واتنين وتلاتة، ويفضلوا معاهم بعد اللقاء على الجروب لحد آخر الليل، وفي النقد الجماعي ويوم التحكيم كانوا موجودين، مش عشان يدوا إجابات جاهزة، لكن عشان يعلموا الطلاب يوصلوا لإجابتهم بنفسهم

في المحتوى اللي علموه للطلاب و القرارات التصميمية

لأن ده بالظبط اللي بنآمن بيه في الكورس، إن التعليم الحقيقي مش بيتنقل في محاضرة، بيتبني في حوار، وفي ثقة، وفي حد يكون جنبك وانت بتتعلم تقرا التصميم

شكرًا لكل واحد فيهم على وقته وصبره وإيمانه بالفكرة، وشكرًا لكل حد كان ليه دور، كبير أو صغير، في إن الرحلة دي تطلع بالشكل ده

ولسه الرحلة مكملة، والدفعات الجاية هنعلن عنها أول بأول 🏙️

—

Behind every project from the first cohort of Urban Design School, there were people working quietly 💜

Three projects reached the top places, and every team delivered work we're proud of. But this journey wouldn't have turned out the way it did without the mentors who walked with the students every step of the way.

Mariam Gamal El-Dein, Nihal El-Sayed, Asmaa Sakr, Salem Hussien, Nada Yehia, Haya Tarik and Farah Tamer

They were there from the first blank sheet: discussing every idea, asking the hard question at the right moment, reviewing alternatives again and again, and staying with the students on the group chat late into the night. They were there for every pin-up and on jury day, not to hand out ready answers, but to help the students find their own.

That's exactly what we believe in: real learning isn't delivered in a lecture. It's built through dialogue, through trust, and through having someone beside you while you learn to read the city.

Thank you to each of them for their time, patience and belief in the idea, and to everyone who played a part, big or small, in making this journey what it was.

The journey continues, and we'll announce the next cohorts soon 🏙️

مش كل مشروع يستحق نحكي عنه لازم يكون من المراكز الأولى، وفي كورس Urban Unlocked 2026 كان فيه مشروعات كتير تستاهل نقف عند...
20/10/2026

مش كل مشروع يستحق نحكي عنه لازم يكون من المراكز الأولى، وفي كورس Urban Unlocked 2026 كان فيه مشروعات كتير تستاهل نقف عندها

المراكز الشرفية Honorable Mentions في أول كورس من Urban Design School كانت من نصيب مشروعات كل فرد فيها حاول يقرأ المكان بطريقته، ويلاقي الإجابة الخاصة بيه على أسئلة التصميم، من أول قراءة الموقع لحد الفكرة والاسكتشات وتطوير الحل

مشروع: Riwaq من تصميم : Youstina Malak-Ahmed Amer-Rabab Ali.

مشروع : ATHAR من تصميم : Taiseer Baddar- Shahd Yahya

مشروع : ELAPA NILE من تصميم : Asmaa Ali-Aya Yehia

الجميل في المشروعات دي مش بس النتيجة النهائية، لكن الرحلة اللي وصلتهم ليها , من أول لحظة وقف فيها كل مصمم قدام موقع جديد، وحاول يفهمه قبل ما يقرر هيعمل فيه ايه، لحد ما بدأ يختبر أفكاره، ويرسم بدائل، ويكتشف إن أول حل مش شرط يكون أحسن حل، وإن كل قرار تصميمي لازم يكون وراه سبب

وده كان جزء أساسي من تجربة Urban Unlocked 2026..إن التصميم مش مجرد شكل حلو أو رندر قوي، لكنه سلسلة من القرارات المترابطة
بنقرأ الموقع، نفهم احتياجاته، نحدد المشكلة، ونبني فكرة تقود الحركة والفراغات والكتل، وبعدها نختبرها ونطورها بالنقد والنقاش

وطول الرحلة، كنا معاهم كـ Mentors و Instructors، بنناقش الأفكار من أول اسكتش ونساعد كل فريق يكتشف نقاط القوة في مشروعه ويشتغل على تطويرها. لكن كل مشروع كان له أصحابه، وقراراته، والطريقة الخاصة اللي اختار بيها يعبر عن رؤيته

ودي يمكن من أكتر الحاجات اللي ميزت التجربة دي و هي إننا مش بنعلّم الطلاب يرسموا مشروع بشكل معين، لكن بنساعدهم يطوروا طريقة تفكيرهم كمصممين، ويبنوا ثقتهم في قراراتهم، ويتعلموا من بعض ومن النقد ومن التجربة نفسها

كل التقدير للفرق الحاصلة على المراكز الشرفية، ولكل طلاب الدفعة الأولى اللي بذلوا وقت ومجهود حقيقي خلال فترة الكورس. النتيجة مهمة، لكن اللي اتبنى خلال الرحلة أهم، ودي مجرد بداية لحاجات كتير لسه هنتعلمها ونبنيها مع بعض 💜

Urban Unlocked 2026 | From Studio to Reality

الرحلة مكملة، وهنعلن عن الدفعات الجاية أول بأول 🏙️



—

Not every project worth talking about has to stand on the winners’ places. At Urban Unlocked 2026, there were other projects worth celebrating too 💜

The Honourable Mentions in the first course of Urban Design School recognize projects by our first cohort, each team bringing its own reading of the site and its own approach to the design process, from the first site analysis to the concept, sketches and development of the final proposal.

project : Riwaq by: Youstina Malak-Ahmed Amer-Rabab Ali.

project : ATHAR by: Taiseer Baddar- Shahd Yahya

project : ELAPA NILE by: Asmaa Ali-Aya Yehia

What matters to us is not only the final outcome, but the journey that led to it. The moment a designer stands for a new site and tries to understand it before deciding what to create; the process of testing ideas, exploring alternatives, and discovering that the first solution is not always the strongest one. Every design decision needs a justification behind it.

That was a core part of Urban Unlocked 2026: design is not just about an attractive form or a strong render. It is a sequence of connected decisions. We read the site, understand its needs, define the obstacles, and develop a concept that guides movement, spaces and massing. Then we test it, challenge it and refine it through discussion and critique.

Throughout the journey, we worked alongside the students as mentors and instructors, discussing their ideas from the first sketch, challenging their assumptions and helping each team discover the strengths of its proposal and improve them. But every project owned by team, has their own decisions and its own way of expressing a vision.

Perhaps that's what we value most about this experience: we are not teaching students to design in one particular way. We are helping them develop their thinking as designers, build confidence in their decisions, and learn from one another, from critique and from the process itself.

Our appreciation goes to the teams receiving Honourable Mentions, and to every student who invested genuine time and effort throughout these weeks. The result matters, but what was built through the journey matters even more. And this is only the beginning of much more to learn and build together 💜

Urban Unlocked 2026 | From Studio to Reality

The journey continues. Follow us for updates on upcoming cohorts 🏙️

القناطر الخيرية مش فسحة… دي واحدة من أجرأ التجارب الهندسية في تاريخ مصر، متخبية ورا صورة الفسحة اللي كلنا نعرفها !كلنا ل...
19/10/2026

القناطر الخيرية مش فسحة… دي واحدة من أجرأ التجارب الهندسية في تاريخ مصر، متخبية ورا صورة الفسحة اللي كلنا نعرفها !

كلنا لينا ذكرى هناك… عجلة متأجرة، ومركب على النيل، وقعدة عيلة تحت الشجر. المرة دي هنرجع نشوفها بعين تانية

منشأ اتبنى في عصر محمد علي عشان يمسك النيل في النقطة اللي بيتفرع فيها، ويروي الدلتا كلها. وحوالين الحجر والطوب، اتشكل مشهد كامل من المية والشجر والعمارة، فضل لأكتر من قرن شاهد على علاقة الإنسان بالأرض

الجمعة دي، في جولتنا "قناطر الأرض والماء – Arches of Land & Water"، هنمشي على حافة المية نرسم ونصور ونسأل ونكتشف:

- إزاي إيقاع الأقواس الممتد على النيل اتحول من بنية هندسية لمشهد معماري كامل
- المباني القديمة هناك وطرازها اللي بيمزج القلاع الأوروبية بروح العمارة المصرية
- رأس الدلتا… النقطة اللي النيل بيتفرع فيها، وإزاي التحكم في المية غيّر الأرض والنظام البيئي للدلتا كلها
- الأشجار المعمّرة كأرشيف حي… والظل والمناخ المحلي والتنوع الحيوي اللي اتشكلوا على حافة المية
- اللاندسكيب كطبقة فوق الهندسة… وإزاي مكان اتعمل للمية بقى فضاء أخضر بيتنفس فيه الناس

هات اسكتشك وكاميرتك… وتعالى نشوف المكان بعين تانية ✏️📸

📅 الجمعة 23 أكتوبر
📍 القناطر الخيرية

الحجز لسه مفتوح… بس الأماكن اللي فاضلة قليلة
سجّل من هنا:
https://forms.gle/BsGwCnGCSRh28qa77




موضوعنا الجديد "قناطر الأرض والماء – Arches of Land & Water"يوم في القناطر الخيرية… بس مش زي أي يوم روحته قبل كده !بعد و...
16/10/2026

موضوعنا الجديد "قناطر الأرض والماء – Arches of Land & Water"
يوم في القناطر الخيرية… بس مش زي أي يوم روحته قبل كده !
بعد وقفة الصيف الطويلة، رجعنا نمشي في المدن تاني ونحكي حكاياتها وقررنا نبدأ الموسم من مكان النيل نفسه

عارفين إن في نقطة على بعد ساعة من القاهرة، النيل بيتقسم فيها لفرعين، رشيد ودمياط؟ والنقطة دي مش بس جغرافيا… دي واحد من أجرأ المشاريع الهندسية في تاريخ مصر الحديث

ناس كتير راحت القناطر… فسحة، وقعدة على النيل، ومركب، ورجوع. بس قليلين اللي وقفوا وسألوا: الأقواس دي اتبنت ليه؟ والشجر ده جه منين؟ وإزاي مكان اتعمل عشان يحكم المية، بقى من أكبر المساحات الخضراء المفتوحة للناس في مصر؟

القناطر مش مجرد منشأ هندسي على النيل… دي حكاية أرض ومية اتقابلوا، وفي النص بينهم اتولد لاندسكيب كامل

اتبنت في عصر محمد علي عشان تتحكم في مية النيل وتروي الدلتا كلها. وحوالين الحجر والطوب اللي بيمسك النهر، اتزرعت حدائق من أكتر من قرن، وشجر معمّر جذوره ضاربة في الأرض كأنه شاهد على كل اللي عدّى على المكان.

وزي ما مشينا قبل كده في "ظلال القاهرة" ندوّر على الإرث الأخضر في الزمالك، المرة دي هنقرا الغطاء النباتي للقناطر كأنه أرشيف حي

الشجرة دي اتزرعت ليه هنا؟ إيه اللي جاي من بلاد بعيدة واتأقلم على أرض الدلتا؟ وإزاي الشجر والمية والمباني عملوا مع بعض المشهد اللي بنشوفه النهارده؟

إيه اللي هنشوفه سوا؟

- قناطر فرعي رشيد ودمياط… هنمشي على إيقاع الأقواس الممتدة على النيل، ونكتشف إزاي منشأ اتعمل عشان يحكم المية بقى تكوين معماري بيتقري كمشهد كامل

- أبراج البوابات… هنقف قدامها ونفك شفرة طرازها: إيه اللي جاي من القلاع الأوروبية، وإيه اللي فضل مصري، وليه البوابة اتعاملت كأنها علامة ومدخل رمزي للمكان؟

- رأس الدلتا… هنروح للنقطة اللي النيل بيتفرع فيها، ونتتبع الخيط من القناطر للرياحات وشبكة الري، وإزاي التحكم في المية غيّر مش بس شكل الأرض الزراعية، لكن كمان النظام البيئي للنهر والدلتا كلها

- الغطاء النباتي… هنقرا الأشجار المعمّرة كأنها أرشيف حي: مين جه من بلاد بعيدة واتأقلم؟ وإزاي الشجر عمل مناخ محلي أبرد وظل ومسارات، وبقى ملجأ للطيور والتنوع الحيوي على حافة المية؟

- اللاندسكيب الطبيعي… هندوّر في الحدائق اللي اتشكلت حوالين المباني القديمة، ونشوف إزاي مكان اتعمل للمية بقى فضاء عام أخضر بيتنفس فيه الناس والمدينة

- وقت حر للرسم والتصوير وتوثيق التفاصيل الصغيرة اللي بتعدّي عليها كل مرة من غير ما تاخد بالك… لكنها في الحقيقة جزء أصيل من حكاية المكان

وما تنسوش اسكتشاتكم وكاميراتكم… المكان ده معمول عشان يتشاف ويترسم 📸✏️

📅 الجمعة 23 أكتوبر
📍 القناطر الخيرية

الجولة مفتوحة لكل المهتمين بالعمارة والعمران واللاندسكيب، ولكل اللي حابب يشوف مكان يعرفه بعين مختلفة

العدد محدود… سجّل في الفورم للحجز وكل التفاصيل:
https://forms.gle/BsGwCnGCSRh28qa77

مستنيينكم ✨



السبت ده، ٧ مساءً، في تكية أبو الدهبالتراث مش اللي بنشوفه وبس، التراث هو اللي بندركههنسمع د/ منى زكريا، وم/ سالم حسين، و...
15/10/2026

السبت ده، ٧ مساءً، في تكية أبو الدهب

التراث مش اللي بنشوفه وبس، التراث هو اللي بندركه

هنسمع د/ منى زكريا، وم/ سالم حسين، وم/ فيروز محمد حسن، وبعدها حوار مفتوح معاكم، إيه اللي ورثناه من غير ما ناخد بالنا؟ وهنعمل بيه إيه؟

التراث | بين ما نراه وما نرثه
المكان: تكية أبو الدهب — متحف نجيب محفوظ، خلف الجامع الأزهر
الموعد: السبت ١٧ أكتوبر ٢٠٢٦ — الساعة ٧ مساءً
اللقاء حضوري فقط وغير مسجل، والحضور مفتوح للجميع من غير تسجيل ... مستنييكم

#التراث #العمران

Address

El Gabalaya St

11593

Alerts

Be the first to know and let us send you an email when Cairo Urban Studio posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed home improvement business?

Share