15/01/2026
📢 Axudas para rehabilitar vivendas no rural – Ano 2026
A Xunta de Galicia vén de convocar axudas para a rehabilitación, ampliación, remate de obras e cambio de uso de locais a vivenda en concellos de menos de 5.000 habitantes.
🔧 Que actuacións se subvencionan?
– Rehabilitación de vivendas (conservación, accesibilidade, habitabilidade, eficiencia enerxética, radón…)
– Ampliación ou remate de vivendas
– Cambio de uso de locais ou entreplantas para convertelos en vivenda
👥 Quen pode solicitalas?
Persoas propietarias ou usufrutuarias de vivendas no rural que:
– As destinen a vivenda habitual e permanente, ou
– As destinen a alugueiro (incorporándose ao programa Fogar Vivo)
💶 Importe da axuda
– Ata o 75 % do custo da obra
– Máximo 30.000 € por vivenda
📅 Prazo de solicitude
– Comeza aos 5 días hábiles da publicación no DOG
– Remata o 1 de setembro de 2026 ou antes se se esgota o orzamento
⚠️ As axudas concédense por orde de entrada, polo que se recomenda presentar canto antes.
🏠 Requisitos importantes
– A vivenda debe estar nun concello de menos de 5.000 habitantes
– Debe destinarse a residencia habitual ou alugueiro durante mínimo 5 anos
– As obras non poden estar iniciadas no momento de solicitar a axuda
📝 Licenza e trámites municipais (moi importante)
– Se a obra require licenza → hai que achegar a licenza municipal ou, se aínda non está concedida, a solicitude de licenza presentada.
– Se a obra non require licenza → hai que presentar comunicación previa ao Concello e, se pasan 15 días, unha declaración responsable de non ter sido requirido para emenda.
📝 Onde se presenta a solicitude?
Preferentemente de forma electrónica na sede da Xunta: https://sede.xunta.gal
Tamén se pode presentar presencialmente.
Axudas economicas as familias para a conciliación en situacións puntuais e periodos de vacacións escolares a traves do Bono Concilia Familia
