Reham’s kitchen

21/07/2025

منشور من القلب…

أعلم أني غبت طويلاً عن نشر أي شيء يخص صفحتي أو مشروعي، ولم أشارككم صورًا أو كلمات كما اعتدت سابقًا.

والسبب ببساطة… أنني لم أستطع.
خجلت أن أكتب أو أنشر شيئًا عن الطبخ أو الحياة اليومية، وأهلنا في غزة يمرّون بما تعجز الكلمات عن وصفه.

احترامًا لألمهم، ولوجعنا معهم، اخترت الصمت.
لكن قلبي معهم في كل لحظة، ودعائي لا ينقطع.

أطلب منكم فقط الدعاء لهم بزوال الشدة، بالفرج القريب، وبالنصر الذي يليق بعزّتهم.

يا أهل غزة… أنتم فخرنا، أنتم عزّنا،
نخجل منكم، ونحبكم، وندعو لكم ليلًا ونهارًا.

25/05/2025

من ريهام كيتشن… نعتذر منكم عن الغياب

أحبابنا ومتابعينا الكرام،
نعتذر عن غيابنا في الفترة الماضية عن النشر والتفاعل، لكن حابين نطمنكم إننا لسه شغالين وبنستقبل طلباتكم كالمعتاد.

الغياب كان بسبب ظروف خاصة، وكمان مراعاة لوضع أهلنا في غزة، وحرصًا منا على عدم نشر صور الأطباق احترامًا لمشاعر الجميع.
لكن تواصلنا معكم مستمر، وقلوبنا ودعواتنا مع أهلنا دومًا.

بالنسبة للمعمول، إن شاء الله رح نوفر لكم معمولنا الشهي والمميز قريبًا.
لكن الكميات محدودة، فالحجز المسبق ضروري.

للحجز والاستفسار:
0597-886299

شكرًا من القلب لمحبتكم وثقتكم، ولا تنسوا أهلنا من دعائكم.

12/05/2025

العيد قرّب، ومعمول ريهام كيتشن ما إلو مثيل!
وفرنا لكم المعمول بالسميد وبالطحين، وبدهون حسب رغبتكم:
نباتي أو حيواني (والحيواني أفيد وأطيب، وقيمته الغذائية ممتازة).
وكمان ما نسينا الناس الغاليين اللي بعانوا من السكري،
في معمول خاص بالشوفان أو الطحين الأسمر!

الكمية محدودة، والطلبات بتجهز حسب الحجز المسبق
احجزوا قبل العيد بوقت كافي عشان توصلكم طلبيتكم طازة وعلى الوقت.

للحجز والتواصل:
0597886299

23/04/2025

ريهان كيتشن | الأكل البيتي على أصوله

من زمان ما نزلنا منشورات، واليوم حابين نعرضلكم جزء من شغلنا اللي بيميزه الطعم الأصيل، والنكهة الفريش، والمكونات الطازجة!

من المندي للمسخّن، للدوالي، للمعجّنات… تنوع، شكل، وطعم بيحكي لحاله!

شوفوا الصور وتذكروا ريحة الأكل البيتي اللي بيشهي من أول نظرة.

مين اشتاق لأكلات ريهام كيتشن؟
اكتبولنا شو أكتر أكلة بتحبوها من مطبخنا!

16/04/2025

16/04/2025

من مطبخ رهام كيتشن
حبّينا نشاركم صورة طبقنا المميز، الصحي، والزاكي!
دجاجة محشية بالفريكة، مقدّمة مع فريكة مفلفلة وسلطة خيار باللبن المنعشة.
النكهة؟ بتحكي عن حالها!
الصور رح تتركها تحكي عن الطعم اللّي بشهي... خليكم معانا دائماً لأطيب الأكلات البيتيّة!

#فريكة #زاكي

15/04/2025

بدايةً، يا رب، يا الله، انصر أهلنا في غزة العزة واحمِهم واحفظهم بحفظك يا كريم.

اليوم كان عنا طبق مميز: جاجة محشية بالفريكة مع الخضار، وفريكة مفلفلة.
للأسف ما قدرت أصور الطبق، لأن تركيزي الأول كان على تسليم الطلب بالوقت، وإعطاء كل اهتمامي للطبق ولزبونتي العزيزة.

وهون بحب أحكي عن أول زبونة وثقت فيّ من بداية مشروعي البسيط...
مشروعي اللي ما بشوفه "شغل" قد ما هو شغف، حب، وذكرى غالية أخدتها من أمي الله يرحمها.
اليوم فاجأتني بصوتها، فويس نابع من القلب، سمعته أكتر من ٣٠ مرة، وبعته لعيلتي عشان يشاركوني الفرحة.

كلماتها كانت دعم حقيقي، فرّحتني من قلبي، وعطتني دفعة كبيرة أكمل، وأكبر، وأوصل حلمي بإذن الله.
ما في أجمل من إنك تحصد تعبك بكلمة من القلب... بكلمة "زاكي"، بكلمة "تسلم إيدك"، بصوت فيه محبة صادقة.

شكراً من القلب إلك ولكل شخص دعم وشجع ووقف معي.
بنكبر فيكم، ومنكم بنتعلم، وبكم نكمل الطريق.

رهام كيتشن – من القلب للمعدة!

10/04/2025

يسعد صباحكم متابعيني الحلوين، وربنا يفرّجها على أهلنا في غزة يا رب.

حابة أخبركم إنه قريبًا رح نوفر معمول خاص لأصحاب الدايت ومرضى السكري
رح يكون معمول صحي ومميز، وحنستخدم فيه:

الشوفان والطحين الأسمر

نكهات مميزة منها النكهة الفلسطينية الأصيلة

وبدون زبدة أو سمنة! بس زيت زيتون وزيت جوز الهند

وكمان حشوات متنوعة ولذيذة

يعني مش عشانك عامل دايت أو مريض سكري تحرم حالك من طعم المعمول
إن شاء الله رح تحبوه، طري وشهي، وحتى اللي متعودين على المعمول بالطحين والسميد ممكن يعجبهم!

تابعونا، صحتكم أمانة وبتهمنا.

07/04/2025

اليوم كمان، وبناءً على طلبكم، كان معمولنا الفلسطيني حاضر وبقوة!
معمول بيدوب بالتم، بنكهة فاخرة وأصيلة، بطريقتنا الفلسطينية اللي بتشهي، ومش بس للعيد!
لأنه معمولنا معمول فلسطيني أصيل… يعني نكهة، وفايدة، وحنين!

لطلب معمول رهام كيتشن:
٠٥٩٧٨٨٦٢٩٩
الكمية محدودة… وسرعة الطلب بتضمنلك الطعم الأطيب!