أشعــار شتاوات ليبيه (ليبيا الحره)

03/11/2022

انريد نطلع للعرب في العيد .. وانشوفهم بالك ايحيد اريافي
لكن أريافي كل يوم ايزيد .. امرايف علي شوفت اوجوه اولافي
الوقت خلاهم اليوم بعيد .. وهم في منامي كل يوم اصدافي
لفراق واعر للخواطر قيد .. يا رب ندعيلك اتفك اكتافي
لا نوم طيب لا هناك رغيد .. والفرح ما لايم عليا جافي
لو اتشوف وجهي من بعيد اتحيد .. باين عليه الحزن ماهو صافي
مطعون ماني للزمان نديد .. كابي ونشكي للغريق الدافي
عدوا اللي زادوا غياضي كيد ... ما اسمعت منهم ماشيين عوافي
صلاح بالة ..

03/11/2022

رائعه للشاعر الشاب خالد سالم

وينما نويت الـشعـــر جا مـدّاعي
امغير تجربه وقتي رفضت انقوله
ماعـد عرفـت انحط ويـن اكراعي
هـي كلـهـا تـشـعـر وهـي لفحوله.

01/11/2022

تعال اصدار تاخذ قدر تام
عالحبلين مانعرفش نلعب

وكان اتريد تلعب بالكلام
راك اوصلت نا صاحب الملعب .

01/11/2022

🥺

01/11/2022

24/03/2020

لو اتحد المسلمين مثل ما اتحد العالم بالقضاء علي فايروس القاتل بمي يسمي كورونا لأصبحت هذه الامه هيا القياده العظمي للعالم ويقضو عل الفيروسات (الدعاره -الرزيله -الخمور-الحشيش-الثقافه القذره- السرقه-الرشوه-الربه-والعادات السيئه- وعلي اوسخ مله اليهود )

15/01/2020

وشينك كسر يامصعب إجباره وشينك جرح مافاده حكيم
ليش الخير مقطوعه أخباره وليش الهم تما هو الخصيم
وليش الحق مش لاقي أنصاره وليش المكر تما هو السقيم
وليش الجار مايفزع لجاره إللي مفروض له جار وحميم
مالي غير ربي بالبشاره نرجى فيه يجلي كل غيم
👍🔥

05/01/2019

تستسلم المشاعر في بدايه ضروفها المعجبه وتنكسر حينما تغدر بما اصبحت عليه

10/10/2018

قالك... مرات نحكيلك علي ماساير
ومرات حتي حرف مانطريه
ومرات يبقي الفكر شارد حاير
ومرات حتي الشوق نكمي فيه
ومرات كل الخير نبقي داير
ومرات نبعد وانتحاشي فيه
صابر علي هم الزمان الجاير
عندي قلب ديما وده فيه...🕳

10/10/2018

فلو تلتقي ارواحنا بعد موتنا ..
ومن دون قبرينا الى الموت منكبُ ..
لظل صدى صوتي وإن كنتِ رمّةً ..
لصوتِ صدى ليلى يهشُّ ويطربُ !