https://www.facebook.com/840472765811493/

Tononkalo Ho Anao

Home
Madagascar
Antananarivo
Tononkalo Ho Anao

💗 Fizarana tononkalo ho anao💗

👋🤗Bienvenu dans mon monde 🤗👋

🙏Araho hatrany page 🙏

13/01/2026

💔😊Ny tsikitsiky ao anaty fahoriana😊💔

Rehefa mandalo alina mangina,
Ny saina mitodika, mavesatra sy feno tsy fahatokiana.
Ny fahatsiarovana ratsy miverina hatrany,
Mitondra adin-tsaina sy loza mitombina,
Fa ahoana no ho hitanao ny fialan-tsasatra?

Ny fo misasatra, mitady fitsaharana,
Fangirifiry sy hadisoana mitazona ny fanahy.
Kanefa, ao ambadika ny haizina,
Misy kintana mitarika, manazava ny lalana.

Tsy hahavita, raha miezaka amin'ny herim-po
Horatsy ireo hadisoana, mbola manam-pahavononana,
Ny fahatsapana ny tsy fahombiazana dia mitarika fahakiviana
Fa aza manadino, fa misy toerana feno fahatoniana.

Fahafahana, tsy ho latsa-danja amin'ny fahadisoana,
Aza avela hitondra anao ho lavitra ny fonao,
Mitadiava fitiavana amin'ny maha-olona anao,
Ary ho hitanao ny fiadanana ao anaty fahoriana.

✍️ Lovasoa ✍️

06/01/2026

☘️❤️Faharetana Mangina❤️☘️

Aza misalasala,
fa ho vitanao tokoa.
Raha voninkazo mahavaky vato,
dia fo maharitra no herinao.

Na mafy aza ny lalana,
tsy very ny dianao.
Ny faharetana no lakile,
ny fanantenana no hazavana.

Mitsangana, mandrosoa,
fa ny andro vaovao
efa miandry anao. 🌅

✍️ Lovasoa ✍️

02/01/2026

💔 EFA NAVALONAKO HO TANTARA 💔

Efa vita ny tantara,
Efa navalonako, tsy azo averina intsony,
Efa tsy manantena, efa tsy miandry intsony
Fa efa nisy olona hafa nandray ny toerako

Aza miantso, aza mandefa hafatra,
Fa tsy misy valiny intsony,
Mifona aho, aza manao izany,
Fa efa vita, efa lasa ny tantara.

Mandehana, mifalia,
Tiavo ny fitiavanao vaovao,
Aza mijanona, aza mijery ahy mahantra
Fa efa vita, efa lasa ny tantara. 💔😔

✍️ Lovasoa ✍️

31/12/2025

😔💔 Eny e!!! Mbola eto aho, miandry...
Mbola eto aho, manantena...
Mbola eto aho, manam-pitiavana...
Mbola eto aho, ho anao...

Mety ho ela, mety ho fohy...
Mety ho very, mety ho hita...
Mety ho alahelo, mety ho fifaliana...
Mety ho fiafarana, mety ho fiandohana...

Eny e!!! Mbola eto aho, miandry...
Mbola eto aho, ho anao... 💔😢

✍️ Lovasoa ✍️

30/12/2025

😔 Eny e...
Hiezaka aho hiaina fiainako
Hiezaka aho hanalavitra anao
Hiezaka aho hamafa misinao
Hiezaka aho tsy hanadala anao
Eny e!!! Maharary aho, saingy hajaiko safidinao

Afa-tsy
Tsy afaka manadino tantara
Tsy afaka manova tantara
Tsy afaka mamono alahelo
Tsy afaka tsy mifona anao
Eny e!!! Mbola eto aho, na dia lavitra aza... 💔😢

Raisinao toy vazivazy mantsy ilay fitiavako iny
Saingy...
Mety tsy fantatrao ny foko...
Mety tsy fantatrao ny alaheloko...
Mety tsy fantatrao ny fitiavako...
Saingy ianao no mahalala ny antony...
Eny e!!! Mbola eto aho, miandry... 😔💔

✍️ Lovasoa ✍️

26/12/2025

Ilay fijery
Mifono hafatra lalina ilay fijerinao malefaka
Ao ambadikiny tsiky sy fijerinao miavaka
Hafatra iray mitondra fasambarana ho ahy
Fijery mifono fitiavana ho mandrakizay

Ilay fijery hafa tao anatiny maro
Tsy niserana fa tamana ilay mpandalo
babo enao ka tsy sahy nilaza sy niteny
Aleonao nafeninao tao anatiny ilay fijery

Maso tiko hibanjina ahy maharitra
Miampy ilay tsikinao mafinaritra
Tompimaso feno fitia mamy kely
Fiarahana mamy toy ny tantely

Izy ilay mijery miafina kely ahy
Iny zah variana lasa saina any indray
Ay samy tia fa nafenina ny marina
Totofana @ ilay fijery nangalarina

✍️ Fitiavana Rakotoarivelo✍️

24/12/2025

NOELY, HAFATRY NY FO

Noely tonga indray, mangina ny alina,
Mamiratra kintana, saingy maro no mijaly.
Misy faripiainana, vesatra tsy zaka,
Mahantra sy kamboty, mitomany anaty maizina.

Tsy manan-kialofana, mangatsiaka eny an-dalana,
Mitady fitiavana, fa tsy nahita fanantenana.
Mijaly tsy misy ohatra, tsy misy mpihaino,
Ny fony torotoro, ny ranomasony mangina.

Ireo any am-ponja, mibebaka an-tsaina,
Manonofy fahafahana, sy famelan-keloka marina.
Ireo tsy salama, miady amin’ny fanaintainana,
Mivavaka mangina, mitady fitsaharana.

Ary eo koa ny mpanankarena, feno fananana,
Saingy adino indraindray ny tena hasambarana.
Fa Noely tsy harena, tsy haingo mamirapiratra,
Fa fitiavana zaraina, sy fo mifankafantatra.

Noely ho an’ny rehetra, na iza na iza,
Fahazavana ho an’ny maizina, fanantenana ho an’ny osa.
Fa rehefa mifankatia, dia teraka indray
Ao am-pontsika rehetra ilay Zazakely masina.

✍️ Lovasoa ✍️

18/12/2025

Fanantenana

Velona ao am-po, tsy mety maty,
Na dibo-drano aza ny làlana diavina.
Toy ny hazavana kely anaty haizina,
Manoro lalana, mampahery fo.

Rehefa reraka ny saina sy ny vatana,
Izy no mitsangana, milaza hoe: “Mandrosoa.”
Fa izay manana fanantenana ao anatiny,
Tsy very lalana, tsy very finoana.

✍️ Lovasoa ✍️

16/12/2025

LEO AHO 😔

Leo aho, ry fiainana, leo tanteraka 😞
Mavesatra ny fo, tsy zakako intsony 💔
Te hiantso mafy, te hitaraina 😣
Fa mangina ihany no valin’ny ranomaso mianjera 😢

Leo aho ny mitsiky nefa marary 🙂💔
Leo aho ny mijoro nefa sasatra 😩
Kanefa ao anaty haizina mangina 🌑
Mbola misy fanilo kely tsy maty 🕯️✨

Fa na leo aho, na kivy aza 😞
Mbola misy aina miaina ato am-po ❤️
Mbola misy Andriamanitra mahalala 🙏
Izay mangina ao anatiko rehetra 🤍

✍️ Lovasoa ✍️

14/12/2025

TANTARA MANGINA AO AM-PO 🤍

Nitia aho, tsy mba nitahiry 💔
Nanome fo, tsy nanao fefy 🤲
Fitiavana no teny nentiko ❤️
Fa ratra no navalin’izy ireo 😔

Namana ela, taona enina 🤝
Nantsoiko ho fianakaviana 🏠
Nampianatra aho, nanoro lalana 🛤️
Fa izaho no notondroin-keloka 😢

Olona iray, telo taona niarahana ⏳
Noheveriko ho fiafarana 🌅
Indray andro anefa, nandao izy 🚶‍♂️
Nahita tiany, ka izaho sisa 🌫️

Tezitra aho, fa tsy amin’izy ireo 🔥
Fa amin’ny tenako mbola nifikitra 🫂
Alahelo no niara-natory tamiko 🌙
Fa mbola nanantena ny fo 💭

Fahabangana no tao am-poko 🕳️
Izany no nanosika ahy hitia 🌱
Tia aho mba ho tiavina 💖
Nanome aho mba ho raisina 🙏

Fa androany, mahatsiaro aho ✨
Tsy fahadisoana ny fitiavako 🌸
Ny fo maratra no niteny 🗣️
Fa mbola velona aho, mbola afaka mitia 🌈💫

✍️ Lovasoa ✍️

11/12/2025

FEON’NY FANANTENANA 🌅

Ao anaty aloky ny alin-tany 🌙,
Misy feo malefaka miantsa 🎶,
Toy ny rivotra manafosafo 🍃,
Mitondra hafanana mangina ❤️.

Ao am-pon’ny fahanginana 🤍,
Mifoha indray ny fanantenana ✨,
Fa na dia avy orana aza anio 🌧️,
Misokatra ny varavaran’ny hazavana ☀️.

Ry tsiky, aza maty anaty haizina 💫,
Ry fanahy, aza kivy amin’ny aloka 🌑,
Fa ny andro tsara tsy lavitra 🌈,
Miandry any ambadiky ny sento sy tomany 🌤️.

✍️ Lovasoa ✍️

30/11/2025

✨🌧️Ranomasom-paherezana 🌧️✨

Rahampitso aho ho matanjaka,
fa anio avelako hitete ny ranomasoko 😔.
Ao ambadiky ny tomany no mifoha ny heriko 💫,
ao anatin’ny fahalemena no miboiboika ny hazavana 🌟,
ka rehefa mahazo aina ny fo dia hiarina indray aho 💛.

✍️ Lovasoa ✍️

Address

Antananarivo

Website

facebook.com

Alerts

Be the first to know and let us send you an email when Tononkalo Ho Anao posts news and promotions. Your email address will not be used for any other purpose, and you can unsubscribe at any time.

Shortcuts

Want your business to be the top-listed Home Improvement Business in Antananarivo?