ECAR St Joseph Antsahamalaza

ECAR St Joseph Antsahamalaza Contact information, map and directions, contact form, opening hours, services, ratings, photos, videos and announcements from ECAR St Joseph Antsahamalaza, Home improvement, Andraikiba, Antsirabe.

ALAHADY FAHA-7mandavantaona — D«SOAVY IREO TSY TIA ANTSIKA»Evanjely Masina nosoratan’i Md. LiokaLk. 6, 27-38Tamin’izany ...
08/03/2025

ALAHADY FAHA-7
mandavantaona — D

«SOAVY IREO TSY TIA ANTSIKA»

Evanjely Masina nosoratan’i Md. Lioka

Lk. 6, 27-38

Tamin’izany andro izany, dia niteny tamin’ny mpianany i Jesoa nanao hoe: «Izao no lazaiko aminareo izay mihaino Ahy: Tiavo ny fahavalonareo, manaova soa amin’izay mankahala anareo, misaora an’izay manozona anareo ary mivavaha ho an’izay manisy ratsy anareo. Raha misy mamely ny takolakao anankiray, dia atolory azy koa ny ilany; ary raha misy maka ny lambanao, aza sakanana na halainy mbamin’ny akanjonao aza. Omeo izay rehetra mangataka aminao, ary raha misy mifaoka ny anananao, dia aza mitaky izany aminy intsony. Izay tianareo hataon’ny olona aminareo, no mba ataovy amin’ny olona koa. Raha izay tia anareo ihany no tianareo, fankasitrahana inona no tokony ho anareo? Fa na dia ny mpanota aza tia izay tia azy koa. Raha izay manisy soa anareo ihany no asianareo soa, fankasitrahana inona moa no tokony ho anareo? Ary raha izay antenainareo hanonitra ihany no ampisamborinareo, fankasitrahana inona moa no tokony ho anareo? Fa na dia ny mpanota koa aza, mampisambotra ny mpanota ihany, mba handraisany toraka izany. Fa ianareo kosa, tiavo ny fahavalonareo, manaova soa ary mampisambora tsy manantena valiny: dia ho lehibe ny valisoanareo, ary ianareo ho zanaky ny Avo indrindra, dia Ilay tsara fo amin’ny tsy mpankasitraka sy ny ratsy fanahy. Aoka ho mpamindra fo tahaka ny Rainareo mpamindra fo ianareo. Ary aza mitsara, dia tsy hotsaraina ianareo; aza manameloka, dia tsy hohelohina ianareo; mamelà, dia havela ianareo. Manomeza, dia homena ianareo; fatra tsara, mifatratra, sady mihintsana no avo loha no homena ho ao ampofoanareo: fa izay famarana namaranareo ihany no hamarana ho anareo koa».
_Izany ary ny tenin'i Tompo
_Dera anie ho anao ry Kristy

ALAHADY FAHA-8mandavantaona — DNY TENY LAZAINA NO AMANTARANA NY FOEvanjely Masina nosoratan’i Md. Lioka Lk. 6, 39-45Ny b...
01/03/2025

ALAHADY FAHA-8
mandavantaona — D

NY TENY LAZAINA NO AMANTARANA NY FO

Evanjely Masina nosoratan’i Md. Lioka Lk. 6, 39-45

Ny be ao am-pony no itenenan’ny vavany.

Tamin’izany andro izany i Jesoa nanao fanoharana tamin’ny mpianany hoe: “Moa ny jamba mahatari-dalana ny jamba va? Moa tsy hiara-mianjera any an-kady va izy roa? Ny mpianatra tsy mihoatra noho ny mpampianatra, fa izay mpianatra tapi-pianarana no hoatra ny mpampianatra azy ihany. Nahoana no ny sombim-bozaka amin’ny mason’ny rahalahinao jerenao, nefa ny sakamandimby ao amin’ny masonao tsy hitanao? Ary hataonao ahoana no filaza amin’ny rahalahinao hoe: ‘Ry rahalahy, aoka hoesoriko ny sombim-bozaka amin’ny masonao’, nefa ny sakamandimby ao amin’ny masonao aza tsy hitanao? Ry mpihatsaravelatsihy, esory aloha ny sakamandimby amin’ny masonao, izay vao ho hitanao ny hanesoranao ny sombim-bozaka amin’ny mason’ny rahalahinao. Fa tsy misy hazo tsara mamoa voa ratsy, na hazo ratsy mamoa voa tsara. Fa samy fantatra amin’ny voany avy ny hazo rehetra; fa tsy misy mioty aviavy amin’ny tsilo, na voaloboka amin’ny voaroitsilo. Ny olona tsara fanahy dia mamoaka ny tsara avy amin’ny rakitra tsaran’ny fony; ary ny olona ratsy fanahy kosa mamoaka ny ratsy avy amin’ny rakitra ratsin’ny fony; fa ny be ao am-pony no itenenan’ny vavany.”

— Izany àry ny tenin’ny Tompo.
— Dera anie ho Anao, ry Kristy!

🟢⛪𝗡𝗬 𝗠𝗜𝗔𝗡𝗗𝗥𝗬 𝗔𝗡𝗧𝗦𝗜𝗞𝗔 𝗜𝗡𝗗𝗥𝗔𝗬 𝗔𝗠𝗜𝗡'𝗜𝗧𝗬 𝗩𝗢𝗟𝗔𝗡𝗔 𝗠𝗔𝗥𝗧𝗦𝗔 𝗜𝗧𝗬.🟣⛪🟣Afaka andro vitsivitsy dia hiditra amin'ny vanim-potoan-dehibe...
01/03/2025

🟢⛪𝗡𝗬 𝗠𝗜𝗔𝗡𝗗𝗥𝗬 𝗔𝗡𝗧𝗦𝗜𝗞𝗔 𝗜𝗡𝗗𝗥𝗔𝗬 𝗔𝗠𝗜𝗡'𝗜𝗧𝗬 𝗩𝗢𝗟𝗔𝗡𝗔 𝗠𝗔𝗥𝗧𝗦𝗔 𝗜𝗧𝗬.🟣⛪

🟣Afaka andro vitsivitsy dia hiditra amin'ny vanim-potoan-dehiben'ny Eglizy isika izay antsoina hoe 𝗞𝗔𝗥𝗘𝗠𝗬. 40 Andro fiomanana amin'ny fankalazana ny fety ny Paka. 𝐍𝐲 𝐀𝐋𝐀𝐑𝐎𝐁𝐈𝐀 𝐍𝐘 𝐋𝐀𝐕𝐄𝐍𝐎𝐍𝐀 (5𝐌𝐀𝐑𝐒) izao no hidirantsika amin'ny Karemy. Mbola hitondrantsika fampianarana maro izany. Fa ny atao eto dia mampahatsiahy fa misy fotoan-dehibe ho diavintsika amin'ity volana ity.

🟣Mandritra izany anefa dia misy fety fankalazana roa lehibe tafiditra amin'ity vanim-potoana ity, (amin'ity volana Mars ity) ihany, dia ny 𝐅𝐞𝐭𝐢𝐧'𝐢 𝐌𝐝 𝐉𝐎𝐙𝐄𝐅𝐀 (Ray mpitaiza an'i Jesoa: 19 𝐌𝐀𝐑𝐒 ) sy ny 𝐅𝐞𝐭𝐢𝐧'𝐧𝐲 𝐅𝐈𝐋𝐀𝐙𝐀𝐍𝐀 (Nilazan'ny Anjely Gabriely an'i Masina Maria, hitondra an'i Jesoa am-bohoka: 25 𝐌𝐀𝐑𝐒). Voahaja hatrany ireo fety ireo na dia tafiditra ao amin'ny vanim-potoan'ny Karemy. Indraindray ny fetin'ny Filazana no ahemotra aorian'ny Paka raha toa ka tafiditra ao anatin'ny herinandro Masina izany. Fa ny Volana Mars eo ambany fiarovan'i Md JOZEFA dia mijanona mandrakariva. (𝐕𝐨𝐥𝐚na 𝐌𝐚𝐫𝐬: 𝐕𝐨𝐥𝐚𝐧'𝐢 𝐌𝐝 𝐉𝐨𝐳𝐞𝐟𝐚).

🟩Rahapitso Alahady 2 Mars 2025, mbola ao anatin'ny vaninandro tsotra mandavataona, (herinandro faha-8) hatramin'ny 𝐓𝐚𝐥𝐚𝐭𝐚 04 𝐌𝐚𝐫𝐬 𝐢𝐳𝐚𝐨. 𝐈𝐳𝐚𝐲 𝐭𝐚𝐩𝐚𝐧𝐲 𝐯𝐨𝐚𝐥𝐨𝐡𝐚𝐧𝐲 𝐚𝐦𝐢𝐧'𝐧𝐲 𝐯𝐚𝐧𝐢𝐦-𝐩𝐨𝐭𝐨𝐚𝐧𝐚 𝐭𝐬𝐨𝐭𝐫𝐚 𝐦𝐚𝐧𝐝𝐚𝐯𝐚𝐭𝐚𝐨𝐧𝐚. 𝐍𝐲 𝐓𝐚𝐩𝐚𝐧𝐲 𝐟𝐚𝐡𝐚𝐫𝐨𝐚 𝐤𝐨𝐬𝐚, 𝐫𝐚𝐢𝐬𝐢𝐧𝐚 𝐚𝐧𝐲 𝐚𝐦𝐢𝐧'𝐧𝐲 𝐏𝐚𝐧𝐭𝐞𝐤𝐨𝐭𝐲 𝐢𝐧𝐝𝐫𝐚𝐲. Izany hoe manomboka ny herinandro aorian'ny fety Pantekoty isika, no manohy indray ny vanim-potoana tsotra Mandavantaona. 𝑰𝒛𝒂𝒏𝒚 𝒊𝒏𝒅𝒓𝒊𝒏𝒅𝒓𝒂 𝒏𝒐 𝒎𝒂𝒉𝒂𝒕𝒐𝒏𝒈𝒂 𝒊𝒐 𝒗𝒂𝒏𝒊𝒎-𝒑𝒐𝒕𝒐𝒂𝒏𝒂 𝒊𝒐 𝒎𝒊𝒛𝒂𝒓𝒂 𝒓𝒐𝒂.(𝙴𝚏𝚊 𝚗𝚒𝚝𝚘𝚗𝚍𝚛𝚊 𝚏𝚊𝚖𝚙𝚒𝚊𝚗𝚊𝚛𝚊𝚗𝚊 𝚒𝚣𝚊𝚗𝚢) .

➖Mirary soa antsika, hiomana sahady hiditra amin'ity vanim-potoan-dehibe ity. Enga anie ho vonona mandrakariva isika handray ny fampianarana sy hanatanteraka azy ihany koa ary hizara izany.

Address

Andraikiba
Antsirabe

Website

Alerts

Be the first to know and let us send you an email when ECAR St Joseph Antsahamalaza posts news and promotions. Your email address will not be used for any other purpose, and you can unsubscribe at any time.

Shortcuts

Share

Category