05/06/2020
ထိရောက်တဲ့ ဆောက်လုပ်ရေးစာချုပ်ဖြစ်ဖို့
ဘာတွေပါရမလဲ… ဘယ်လို ချုပ်ဆိုကြမလဲ…
+++++++++++++++++++++++++++++
ခေတ်မီ တိုးတက်လာသလို ဆောက်လုပ်ရေးနဲ့ဆိုင်တဲ့ ပညာရပ်တွေကလည်း အရှိန်အဟုန်ပြင်းပြင်းနဲ့ လိုက်ပါ ပြောင်းလဲနေပါတယ်။ တိုးတက်မှုနဲ့အတူ ယှဉ်ပြိုင်မှုတွေလည်း ပြင်းထန်ထာတတ်ပါတယ်။ ဒီအခါ မှာ တရားဝင် ခိုင်မာမှုရှိတဲ့ လုပ်ငန်းတွေမှသာ ဆက်လက် ရပ်တည်နိုင်ဖို့ အလားအလာ ကောင်းမှာ ဖြစ်ပါ တယ်။
တကယ်ဆို ဆောက်လုပ်ရေးလုပ်ငန်းဆိုတာ အလွဲအချော်၊ အမှားအယွင်းမများတာ အကောင်းဆုံးပါ။ အဆောက်ဦကြီးတစ်ခု အကောင်အထည် ပေါ်လာအောင် အပိုအလိုမရှိ စနစ်တကျ လုပ်ဆောင်နေပေမယ် လို့ နည်းနည်းလေး လွဲချော်သွားတာနဲ့ မလိုလားအပ်တဲ့ အလျော်အစား ကိစ္စတွေ ဖြစ်လာတော့ တာပါပဲ။
ဒီလိုဖြစ်လာလျှင် ရာနှုန်းပြည့် ကာကွယ်ဖို့ဆိုတာ မဖြစ်နိုင်ပေမယ့် ဆုံးရှုံးမှု အနည်းဆုံးဖြစ်အောင် ကြိုတင် ပြင်ဆင်တာတွေ လုပ်ထားဖို့တော့ ဖြစ်နိုင်ပါတယ်။ ဆောက်လုပ်ရေး လုပ်ငန်းကိစ္စတွေ လုပ်ဆောင် ဖို့ဆိုရင် လုပ်ထုံးလုပ်နည်းအရ အငြင်းပွားမှု၊ ပိုင်ဆိုင်မှု၊ လုပ်ပိုင်ခွင့် စတာတွေကို သတ်မှတ်ဖို့၊ ထိန်းချုပ်ဖို့ သက်ဆိုင်ရာ နယ်ပယ်အတွက် အထူးပြုလုပ်ထားတဲ့ စာချုပ်တွေကို ချုပ်ဆိုရပါတယ်။
ဆောက်လုပ်ရေး လုပ်ငန်းနဲ့ဆိုင်တဲ့စာချုပ် အမျိုးမျိုး ရှိတဲ့အထဲက အဓိကကျတဲ့ စာချုပ်အမျိုးအစား တစ်ချို့ကို ဖော်ပြပေးသွားမှာ ဖြစ်ပါတယ်။
အဲဒါတွေကတော့
- ဆောက်လုပ်မယ့် လုပ်ငန်းရှင်နဲ့ မြေရှင်တို့အကြား ချုပ်ဆိုတဲ့ စာချုပ်၊
- ဆောက်လုပ်ပြီး ဒါမှမဟုတ် မဆောက်လုပ်ခင်က ရောင်းထားတဲ့ အခန်းတွေအတွက် ဝယ်သူနဲ့ ကန်ထရိုက် တာအကြား ချုပ်ဆိုတဲ့စာချုပ်
- သက်ဆိုင်ရာ နယ်မြေ စည်ပင်ခွင့်ပြုချက်ဆိုင်ရာ စာချုပ်
- ပင်မဆောက်လုပ်သူ(Constructor) နဲ့ တဆင့်ခံဆောက်လုပ်သူ(Subconstructor) တို့ကြားချုပ်ဆိုတဲ့ စာချုပ် (ပန်းရံ၊ လက်သမား၊ ဆေးသုပ်၊ လျှပ်စစ်သွယ်၊ အလှဆင် စတဲ့ အလုပ်တစ်ခုချင်းအတွက် subconstructor တွေနဲ့ ဆောက်လုပ်ရေး လုပ်ငန်းရှင်အကြားချုပ်ဆိုတဲ့ စာချုပ်)
- ပစ္စည်းပေးသွင်းသူနဲ့ ဆောက်လုပ်ရေး လုပ်ငန်းရှင်အကြားချုပ်ဆိုတဲ့ စာချုပ်
စသဖြင့် ရှိကြပါတယ်။ ဒီလိုစာချုပ်တွေမှာ ဘယ်လိုအရာတွေပါမလဲ၊ ဘာတွေ သိထားသင့်လဲဆိုတာကိုတော့ အောက်မှာ ဖော်ပြသွားပါမယ်။
1. Scope of Work (လုပ်ကိုင်ရမယ့် လုပ်ငန်းအတိုင်းအတာ)
*****************************************
ဆောက်လုပ်ရေး လုပ်ငန်းဆိုင်ရာစာချုပ်ရဲ့ အဓိက လိုအပ်ချက် [element] လို့တောင် ဆိုရပါလိမ့်မယ်။ ဒီစာချုပ်မှာချုပ်ဆိုတဲ့ လုပ်ငန်းနဲ့သက်ဆိုင်တဲ့ ဝန်ဆောင်မှုတွေအပြင် အသုံးပြုတဲ့ပစ္စည်း၊ အရည်အသွေး၊ အဆင့်အတန်း၊ အလုပ်အချိန်ဇယား စတာတွေကို အသေးစိတ် ပါဝင်ရပါတယ်။
2. Full Name, Address, License and Signatures of Both Parties (အမည်အပြည့်အစုံ၊ လိပ်စာ၊ လိုင်စင်နံပါတ်နဲ့ နှစ်ဦးနှစ်ဖက်ရဲ့ လက်မှတ်များ)
*****************************************
ဒီအချက်က တချိန်ချိန်မှာ လိုအပ်လာနိုင်ပါတယ်။ ကိုယ်နဲ့စာချုပ်ချုပ်ပြီး တွဲဖက်လုပ်ကိုင်သူဟာ တရားဝင် ဖြစ်တယ်ဆိုရင် ကိစ္စမရှိပေမယ့် တရားမဝင်ဘူးဆိုရင်တော့ နင်ဘယ်သူလဲ ငါဘယ်သူလဲနဲ့ အမြတ်ထုတ် ခံသွားရပါလိမ့်မယ်။ ဒီတော့ စတည်းက လိုအပ်တဲ့ အချက်အလက်တွေ ယူထားတာ မမှားတော့ဘူးပေါ့။ ခင်မင်မှုနဲ့ ယုံကြည်မှုကို စီးပွားလုပ်ငန်းမှာ သွားရောထွေးလိုက်တာမျိုး လုပ်လို့ မရပါဘူး။
3. Project Cost and Payments Terms
(ပရောဂျက် ကုန်ကျစရိတ်နဲ့ ပေးချေမှုပုံစံ)
*****************************************
ဆောက်လုပ်ရေး လုပ်ငန်းမှာ ငွေကြေးဟာ ထိပ်ဆုံးက နေရာယူထားတဲ့ အရေးပါဆုံးအရာ ဖြစ်ပါတယ်။ ဆောက်လုပ်မယ့် ပရောဂျက်က ဘယ်လောက်ကုန်ကျမယ်၊ ဘယ်ချိန်တွေမှာ ငွေပေးချေမယ် စတဲ့ ငွေပေးချေမှုနဲ့ ဆိုင်တဲ့ ကိစ္စရပ်တွေကို တိတိကျကျ သတ်မှတ်ထားရပါမယ်။ ပရောဂျက် တဝက်တပြတ်မှာ ငွေပေးချေမှု ရပ်တန့်သွား တဲ့အဖြစ်ကို ဘယ်သူမှ မကြုံချင်ကြပါဘူး
4. Schedule of Work (အလုပ်အချိန်ဇယား)
*****************************************
ပရောဂျက်စတင်မယ့်ရက်၊ လုံလောက်တဲ့ အချိန်အပိုင်းအခြားတို့ကို တိတိကျကျသတ်မှတ်ပြီး ပြီးဆုံးမယ့်ရက် ဒါမှမဟုတ် အချိန်ကာလကို ရှင်းရှင်းလင်းလင်း ဖော်ပြထားဖို့ လိုပါတယ်။ ပြီးမှ တကယ်နောက်ကျတာမဟုတ်ဘဲ စာချုပ်စာတမ်းပါ အကြောင်းအရာတွေကို မစိစစ်မိတဲ့ အမှားအယွင်းကြောင့် နောက်ကျသလို ဖြစ်သွားရင် လျော်ရမယ့်ကိစ္စက မိအေး နှစ်ခါနာဆိုတာမျိုး ဖြစ်သွားပါလိမ့်မယ်။
5. Authority (လုပ်ပိုင်ခွင့် အခွင့်အာဏာ)
*****************************************
ပရောဂျက် ကြီးလာတာနဲ့အမျှ လုပ်ဆောင်ရမယ့် အလုပ်တွေကလည်း ပိုပြီး ရှုပ်ထွေး များပြားလာတတ်ပါတယ်။ ဒီလို အရှုပ်အထွေးကြားကနေ ဆုံးဖြတ်ချက် မှန်မှန်နဲ့ လုပ်ငန်း တာဝန်တွေကို ဘယ်သူက လုပ်ဆောင်မယ် ဆိုတာပါ ထည့်သွင်း ဖော်ပြထားရမှာ ဖြစ်ပါတယ်။
6. Penalties (ပြစ်ဒဏ်)
*****************************************
ငွေပေးချေဖို့ နောက်ကျတာတို့ စည်းကမ်းချက်ချိုးဖောက်တာတို့ ရှိခဲ့လျှင် လျော်ကြေး၊ ဒဏ်ငွေဘယ်လို ပေးဆောင်ရမယ်ဆိုတာကိုလည်း ဖော်ပြထားဖို့လိုပါတယ်။
5. Recovery Fund Disclosure
*****************************************
ကန်ထရိုက်တာရဲ့ ဥပဒေမဲ့ ပြုမူတာတွေကြောင့် ပရောဂျက် ပြီးဆုံးသွားတဲ့တိုင်အောင် ရလာဒ်မှာ ဆုံးရှုံးမှုတွေ ရှိနေခဲ့ရင် ရပိုင်ခွင့်တွေကို ဘယ်လို စီမံမယ်ဆိုတာကို အကြမ်းဖျဉ်း ဖော်ပြထားရမှာ ဖြစ်ပါတယ်။ ဒါကတော့ ဆောက်လုပ်ရေး လုပ်ငန်း စာချုပ်အများစုမှာ ပါကိုပါရမယ့် အချက်ဖြစ်ပါတယ်။
6. Disputes & Termination
(အငြင်းပွားခြင်းနှင့် လုပ်ငန်းပြီးဆုံးခြင်း)
*****************************************
ဒီလုပ်ငန်းမှာ မိမိနဲ့ပါဝင်ပတ်သက်သူတွေကြား အငြင်းပွားစရာ ပြဿနာတွေ ဖြစ်လာခဲ့လျှင် ဘယ်လို ဖြေရှင်းမှုမျိုးကို ခံယူပါ့မယ်ဆိုတဲ့အကြောင်းလည်း ဖော်ပြထားရပါမယ်။ အဲ့ဒီအတွက်လည်း အထက်မှာ ဖော်ပြခဲ့တဲ့ အချက်အလက်တွေကို ပြည့်ပြည့်စုံစုံ လုပ်ရထားမှာပါ။ law firm အဖွဲ့ တစ်ခုခုရဲ့ ဥပဒေအကြံပြုချက်နဲ့ ကြားဝင် ဖြန်ဖြေတာကို စတင် ရယူတာမျိုး။ အဲလိုမှ အဆင်မပြေသေးရင် ခုံသမာဓိ အဖွဲ့ တစ်ခုခုရဲ့ ဆုံးဖြတ်ချက်ကို ကြားနာပါ့မယ် ဆိုတာမျိုး စတာတွေလည်း ဖြစ်နိုင်ပါတယ်။
7. Insurance (အာမခံကြေး)
*****************************************
ဆောက်လုပ်ရေး လုပ်ငန်းတိုင်းမှာ ကန်ထရိုက်တာဘက်က ကိုယ့်အလုပ်သမားတွေအတွက် လုပ်ငန်းဆိုင်ရာ လျော်ကြေး၊ နစ်နာကြေး စတာတွေကို သေချာ အာမခံထားသင့်ပါတယ်။ ဒီလို ရှိထားမှလည်း ထိခိုက် ဒဏ်ရာရတဲ့အခါမျိုးမှာ Owner အနေနဲ့ သေချာ ဖြေရှင်းလို့ရမှာပဲ ဖြစ်ပါတယ်။
8. Warranties & Statute of Limitations
*****************************************
ဘယ်လို အာမခံနဲ့ဆိုင်တဲ့ ကိစ္စရပ်တွေကို အသုံးပြုရမယ်ဆိုတာ သေသေချာချာ စီစဉ်ထားသင့်ပါတယ်။ အချုပ်အားဖြင့် Warranty သုံးနှစ်တာ ကာလအတွင်းမှာ ကန်ထရိုက်တာတွေအနေနဲ့ စာချုပ်ပါ ကတိကဝတ်ကို ဖောက်ဖျက်လျှင် ရသင့်ရထိုက်တာတွေကို ကန့်သတ်ထားလား၊ ကန့်သတ်ချက်တွေရှိလား ဆိုတာကိုလည်း ဝေခွဲထားရပါမယ်။
ဒီလောက်ဆိုလျှင် construction contract တစ်ခုမှာ မဖြစ်မနေ ပါဝင်သင့်တဲ့ အခြေခံတွေကို လေ့လာမိ လောက်ပြီ ထင်ပါတယ်။ ဒါ့ထက် ပိုကျယ်ပြန့်တဲ့ အကြောင်းအရာတွေလည်း ရှိနိုင်ပါသေးတယ်။ ဆက်လေ့လာ ကြတာပေါ့။
++ How to Write a Construction Contract ++
ဆောက်လုပ်ရေး စာချုပ်တွေကို ဘယ်လိုချုပ်ဆိုကြမလဲ….
*****************************************
ခုဆက်ဖေါ်ပြမယ့် နောက်ခေါင်းစဉ်က Consrtuction Contract တစ်ခုကို ဘယ်လို ရေးဆွဲရမလဲ ဆိုတာ ကို ဆက်လက် ဆွေးနွေးပါ့မယ်။ မိတ်ဆွေတို့လည်း ပါဝင်ဆွေးနွေး ဝေဖန်ပေးဖို့၊ သတိပြုစရာ တွေကို Comment Box မှာ မျှဝေပေးဖို့ မေတ္တာရပ်ခံပါတယ်။
ဖော်ပြခဲ့တဲ့ အချက်တွေက ဆောက်လုပ်ရေး လုပ်ငန်းလုပ်ငန်းရှင်တွေမှသာ သိထားရမယ်ဆိုပြီး တွက်ထားလို့ မရပါဘူး။ ဆောက်လုပ်ရေးလုပ်ငန်းနဲ့ ပတ်သက်ဖို့ လိုတာပဲဖြစ်ဖြစ်၊ စာချုပ်ချုပ်ဆိုဖို့ လိုတာပဲဖြစ်ဖြစ် မှန်ကန်တဲ့ လုပ်ထုံးလုပ်ငန်းနည်းတွေ နားမလည်ထားရင် အင်မတန် ခက်ခဲပါလိမ့်မယ်။
အခုလို ဆောက်လုပ်ရေးလောက၊ အိမ်ခြံမြေလောက မတည်မငြိမ် ဖြစ်နေတဲ့အချိန်မျိုးမှာ ဥပဒေဆိုင်ရာ လုပ်ထုံးလုပ်နည်းတွေကို သိကို သိထားသင့်ပါတယ်။ လေ့လာဖို့ အချိန်မပေးနိုင်ရင်တောင်မှ နားလည်းတတ်ကျွမ်း သူတွေနဲ့ တိုင်ပင်လုပ်ဆောင်ရမှာက ကိုယ့်တာဝန်ပါ။ ဆောက်လုပ်ရေး လုပ်ငန်းကြီးတစ်ခု လုပ်တော့မယ်ဆိုလျှင် ဆိုင်ရာပိုင်ရာသူတွေနဲ့ စာချုပ်စာတမ်းတွေ ချုပ်ဖို့လိုလာပြီဆိုတော့ ကိုယ်က ဦးအောင် ချုပ်မှာလား၊ ကိုယ့်ကို ပြန်ချုပ်တာ ခံမှာလား။ ဘယ်သူမှတော့ ကိုယ့်ကို လာချုပ်တာ မခံချင်ကြပါဘူး။ နှစ်ဦးနှစ်ဖက် အပြန်အလှန် တာဝန်ယူကြတာမျိုးပဲ ဖြစ်ချင်ကြမှာပါ။
စာချုပ်တစ်ခု ချုပ်တော့မယ်ဆိုလျှင် အဲ့ဒီစာချုပ်ထဲမှာ ဘာတွေထည့်ရမယ် ဘာတွေပါရမယ် ဆိုတာကိုတော့ ဗဟုသုတအနေနဲ့ သိကို သိထားရမှာပါ။ ကိုယ့်ရှေ့နေက ချုပ်ပေးသည့်တိုင်အောင် ကိုယ်တိုင်ကပါ သိနေတော့ ပိုကောင်းတာပေါ့။
ဒါဆိုရင် ဆောက်လုပ်ရေးဆိုင်ရာ စာချုပ်တစ်ခု ဘယ်လိုရေးသားမလဲ?
နားလည်လွယ်အောင် အပိုင်း နှစ်ပိုင်းခွဲပြီး ဖော်ပြပေးလိုက်ပါတယ်။
ပထမအနေနဲ့
++ Writing Your Construction Contract ++
ဆောက်လုပ်ရေး စာချုပ်ရေးသားပုံ
*****************************************
(၁) Write the title and a little preamble
ပထမဦးစွာ စာချုပ်ရဲ့ ရည်ရွယ်ချက်ကို ဖော်ပြတဲ့ Title ရေးပါ။ ပြီးရင် စာချုပ်ကို စတင်တဲ့အနေနဲ့ နိဒါန်းရေးရ ပါမယ်။ ဒါကလည်း သိပ်ခက်ခက်ခဲခဲကြီး စဉ်းစားနေစရာ မဟုတ်ပါဘူး။ ဒီစာချုပ်မှာ လက်မှတ် ရေးထိုးမယ့်သူ ဟာ ဘယ်သူတွေဖြစ်တယ်၊ ဘယ်လုပ်ငန်း၊ ဘယ်ရာထူး၊ လုပ်မယ့် ပရောဂျက်၊ တည်နေရာ၊ ပရောဂျက် စတင် မယ့်ရက်၊ အဆုံးသတ်မယ့်ရက် စသဖြင့် စတင်ရပါမယ်။
(၂) Describe the work that will be done
(လုပ်ဆောင်ရမယ့်အရပ်ရှင်းလင်းချက်)
*****************************************
ပြီးတာနဲ့ မိတ်ဆွေတို့ လုပ်ဆောင်မယ့်၊ ဖော်ဆောင်မယ့် ကိစ္စအတွက် စက်ပစ္စည်းတွေကို ဘယ်လိုနေရာမှာ ဘာအတွက်သုံးမယ်၊ အရည်အတွက်၊ အရည်အသွေးတွေနဲ့ ပတ်သက်တဲ့ အကြောင်းအရာ အပြည့်အစုံကို တိတိကျကျ ချရေးထားဖို့ လိုပါတယ်။
(၃) Include financial information
(ဘဏ္ဍာရေးနဲ့ ပတ်သက်တဲ့အချက်အလက်)
*****************************************
ဒီလုပ်ငန်းအတွက် အသုံးပြုမယ့် ဘတ်ဂျက်ကို ခရေစေ့တွင်းကျ တွက်ချက်ဖို့ လိုပါပြီ။ လုပ်ငန်း ပြီးမြောက်အောင် လုပ်ဆောင်ရာမှာ လိုအပ် တဲ့ ငွေကြေးပမာဏ ဘယ်လောက်ကို Owner နဲ့Client တို့အနက် ဘယ်သူက ကျခံမယ်ဆိုတဲ့ သဘောတူညီချက်ကိုလည်း တပါတည်း ထည့်ရေးရမှာပါ။ ဒါ့အပြင် စာချုပ်စာတမ်းဖိုး၊ လုပ်ငန်းကာလအတွင်း ငွေပေးချေရမယ့် စံနှုန်း သတ်မှတ်ချက်၊ နောက်ဆုံးအနေနဲ့ ပေးချေရမယ့်ပမာဏ စတဲ့ ကုန်ကျငွေတွေကို သေသေချာ ရေးဖို့လိုပါတယ်။
(၄) Include payment due dates and fees
(ငွေပေးချေမှုနဲ့ ပတ်သက်တာ)
*****************************************
ဘတ်ဂျက် ပမာဏကို တွက်ချက်ပြီးတဲ့နောက် အဲ့ဒီဘတ်ဂျက်ကို ဘယ်နေ့၊ ဘယ်ရက်မှာ စတင်ပေးအပ်မယ်၊ ဘယ်နှလ တစ်ကြိမ်ပေးချေရမယ် စတဲ့ အချိန်ကာလတွေနဲ့ ဘယ်လိုပုံစံမျိုးနဲ့ ငွေပေးချေရမယ် စတာတွေကို မှန်မှန်ကန်ကန် ဖြည့်စွက်ရပါမယ်။
(၅) Provide a project description
(ပရောဂျက်နဲ့ပတ်သက်တဲ့ ရှင်းလင်းချက်)
*****************************************
ဒီအပိုင်းမှာတော့ ပရောဂျက်ရဲ့ ရည်ရွယ်ချက်၊ တာဝန်တွေကို ဖော်ပြပေးရမှာပါ။ အကျယ်တဝင့် အသေးစိတ် ရေးစရာမလိုပါဘူး။ ပရောဂျက်ရဲ့ တာဝန်ကို အကျဉ်းချုပ်တော့ ဖော်ပြပေးရပါတယ်။
(၆) Describe how any changes to the work order will be handled
*****************************************
Owner ကြောင့်ပဲဖြစ်ဖြစ် Client ကြောင့်ပဲဖြစ်ဖြစ် မမျှော်လင့်ထားတဲ့ အလုပ်နဲ့ အပိုကုန်ကျစရိတ်တွေ ရှိလာခဲ့လျှင် ကိုယ့်ကိုယ်ကိုယ် ကာကွယ်တဲ့အနေနဲ့ စည်းကမ်း သတ်မှတ်ချက်တချို့ကိုလည်း ထည့်သွင်းဖော်ရပါမယ်။
(၇) Create a Signature Line
*****************************************
ဒါကတော့ စာချုပ်ပါ အကြောင်းအရာတွေကို သဘောတူညီကြောင်း ဖော်ပြဖို့အတွက် လက်မှတ် ထိုးဖို့နေရာ ချန်ပေးရမှာပါ။ လက်မှတ်အောက်မှာ လက်မှတ်ပိုင်ရှင်ရဲ့ လိပ်စာ၊ ဖုန်းနံပါတ်တို့ကိုလည်း ထည့်သွင်းနိုင်ပါ သေးတယ်။
ဒုတိယအနေနဲ့
++ Meeting State Requirements ++
နိုင်ငံတော် လိုအပ်ချက်နဲ့ကိုက်ညီအောင်လုပ်တာ
*****************************************
(၁) Check your state law for required inclusions
*****************************************
နိုင်ငံတစ်နိုင်ငံထဲမှာကိုပဲ နေရာဒေသကိုလိုက်ပြီး စာချုပ်စာတမ်း ဥပဒေသတွေက တစ်ခုနဲ့ တစ်ခု မတူညီကြပါဘူး။ ဒီတော့ စာချုပ်စာတမ်းတွေမှာပါတဲ့ ဥပဒေဆိုင်ရာ အချက်အလက်တွေကလည်း အဲ့နယ်မြေဒေသမှာ ကျင့် သုံးနေတဲ့ ဥပဒေနဲ့ ကိုက်ညီမှု ရှိ မရှိ စစ်ဆေးကြည့်ဖို့လည်း လိုပါတယ်။
(၂) Provide a projected construction schedule
*****************************************
ချုပ်ဆိုမယ့် စာချုပ်ထဲမှာ ဘယ်နရက်အတွင်း အလုပ် ဘယ်လောက်ပြီးရမယ်ဆိုတာကို ထည့်သွင်းရပါဦးမယ်။ တစ်ရက်ကို ဘယ်အလုပ်တွေ ပြီးတယ်၊ ဘယ်လောက် အလုပ်ဖြစ်တယ်ဆိုတဲ့ အချိန်ဇယား တစ်ခုကတော့ လိုအပ်ပါတယ်။
သာမာန် လူတစ်ယောက်အတွက်တော့ ဥပဒေဆိုင်ရာ ကိစ္စတွေဟာ တော်တော် ရှုပ်ထွေးသလို စာချုပ် ပြင်ဆင် ရေးဆွဲတယ်ဆိုတာလည်း အတော်ခေါင်းခဲစရာပါ။ စာဖတ်သူ မိတ်ဆွေတို့လဲ ဒီလောက်ထိ ဖတ်လာပြီးပြီဆို တော့ သိလောက်ပါပြီ။ ဒီအထိ ဖတ်လာပေးတဲ့အတွက်လည်း ကျေးဇူးအထူး တင်မိသလို၊ မိတ်ဆွေတို့အတွက် အကျိုးရှိမယ်လို့ မျှော်လင့်ပါတယ်။
နောက်တစ်ခေါက်မှာတော့ အခုဖော်ပြထားတဲ့ ဘယ်လိုအကြောင်းအရာ ပြဿနာတွေကနေ ကာကွယ်ဖို့အတွက် ဘာကြောင့် စာချုပ်သင့်တယ်၊ ဘာတွေ သင်ခန်းစာယူပြီး တရားဝင်ခိုင်မာအောင် လုပ်သင့်လဲဆိုတဲ့အကြောင်းနဲ့ ပတ်သတ်ပြီး ဖော်ပြပေးမှာ ဖြစ်လို့ ဆက်လက် ဖတ်ရှု အားပေးကြပါဦး။
အားလုံးပဲ ကျန်းမာပျော်ရွှင် အောင်မြင်ကြပါစေ…
လေးစားစွာဖြင့်
U Phoe Phyu
LL.M in International Trade
and Commercial Law
University of Essex, UK (Candidate)
Founder & CEO
Phoe Phyu & Associates Law Firm
☎ Hotline : 09 960 278 100
🏦 Office : 09 73000 441
🌏 website : www.uphoephyu.com
#ဖိုးဖြူနှင့်ရောင်းရင်းများဥပဒေအတိုင်ပင်ခံလုပ်ငန်း
#ရှေ့နေဖိုးဖြူ
#ကန်ထရိုက်စာချုပ်
