Sonia Kitchen

  • Home
  • Sonia Kitchen

Sonia Kitchen طبخ منزلي ، حلويات ، مقلي فخار
للتواصل: 0966724146

02/11/2026

لما الشغل يكون طالع من القلب الطعمة بتكون روعة..كل طلبية بتطلع من مطبخي بعتني فيا كأنا لبيتي وولادي وهالشي عم يوصل لزبايني والحمدلله ..كل شخص داق طبخي بيقول فيه نكهة أكل البيت النضيف الطيب مع فخامة وترتيب المطاعم ..ولما تكون الطلبية لمناسبة حلوة بفرح مع زبايني وبعملن شي يبيض وجهن متل زبونتي القمر اللي عم تفرح ببنتا فحبت أكلاتي تزين سفرتا..مذوقة كتير وبتعرف طعمة تما ..اختارت أطيب الأكلات من اليالنجي للكبة والسمبوسك بحشواتو المختلفة وتشكيلة فطاير وأكيد الكبة المقلية مع التبولة والسلطة وحتى البطاطا المقلية حبت تكون من إيدي..صحتين وهنا وانشالله عقبال الفرحة الكبيرة 😘

30/10/2026

بعرف تأخرت عليكن ..بس لإنو في شي كتير مميز عم يتحضر بمطبخي 😉 بس مارح قلكن عنو اليوم 🫣
أما هلق شوفولي هالمنسف الملوكي ..فريكة ورز ..طبختن كتيرمن قبل بس كل مرة بحسا أول مرة ..وما بمل من الانتباه للتفاصيل لأنو عن جد بتعمل فرق ..مو بس بالزينة ..وبكل خطوة من الطبخة..وجماعة الخلاف الأزلي عالمجدرة إذا هيي برغل أو رز ..فرطولنا ياها حبية ..بتنعمل بالتنين وطيبة بالتنين خصوصي مع السلطة ..أما الصفيحة بتنعطى بدرس الهندسة من كتر مو منتظمة 😂
وصحتين وعافية يارب🙏🏻❤️

26/10/2026

بيقولو العز للرز..👸🍚 عن جد هيك..لأنو طبخات الرز كلا عليا القيمة ..و كبسة اليوم والمندي المدلل والمجلل بمكسرات رح ياخدوكن عالخليج ..ما بعرف من أي بلد أصلن بس بعرف من الخليج ..وشلة الفطاير مو بس عز ..عز وجاه وجمال وطيابة كمان وبعد كل هالدسم مشان ما يزعلو جماعة الدايت اللي أنا وحدة منن عملتلكن أطيب سلطة 🥗🥗 والتحلاية اللي ما بيختلف تنين على حبا ..معمولاتي بجوز وتمر بيستاهلو دعمكن ومحبتكن..صحتين وهنا على قلبكن

24/10/2026

صح بطبخ أكلات من كل المطابخ👨‍🍳👩‍🍳🧑‍🍳..بس بيضل مطبخنا الساحلي🏝🏖 التقليدي هوي الأساس..ومن تراثنا الجميل أكلة البرغل بحمص..ما في حدا عنا ما بيحبا..أكلة محترمة 😋تاغي لرفيقك الساحلي يعزمك عليا..وإذا ما عندك لا تاكل هم..مطبخ سونيا بيلبيك..ومن أجواء الساحل كمان سمك القجاج🐟🐟..وهاد أصولو مشوي..وأنا ما بعملو غير متقن وعالأصول 👌وجاط هالتبولة بتقدم لملوك 😉🤫 واليالنجي بتتبيلتي المميزة..حتى لفتن وصفتن أنيقة ..والشيش المشوي عالفحم بينضربلو سلام تعظيم 🫡🫡
صحتين وهنا من مطبخي 👍لسفرتكن 🫵

21/10/2026

بيقولو كول على ذوقك🍗🍲🫓🥚ولبوس على ذوق الناس👚👗👔 ..يعني الأكل أذواق..بس أكلة اليوم اجتمع على حُبا الكبار والصغار ..كفتة بالصينة🍢🥘 ورز والفتوش🥗🥗 بدبس الرمان البلدي ما فيك ما تاكل صحن وتلحقو بالتاني و مابنسى كبستي الملوكية 😉 وإذا ضل مكان بالمعدة بعد هالأكل الطيب خدلك شعيبيتين✌️ لأنو أكيد وحدة ما رح تكفي .🤏 .مارح تتمنو يخلصو من كتر مو طيبين ..لكل حدا بيعرف طعمة تمو ..صحتين وعوافي 🫶🤗

21/10/2026

ياصباح الخير والبركة وراحة البال وانشالله ايامكم كلها خير بخير أحلا وأرقى متابعين 😘
بكبر فيكم وبمحبتكم وشكرا من القلب لكل كلمة عم تنقال بحقي وبحق شغلي وانشالله راح ابقى متل ماعودتكم وكلني طاقة حلوة لقدملكم أطيب الاكلات من مطبخي المتواضع ولقمة هنية من القلب ❤️

19/10/2026

أهضم تعليقين سمعتن عن تبولتي إنو بتشردق من كتر مو ناعمة ..ووحدة تانية قالتلي بتكتيا بالشفرة ؟😂
وشو طيب جنب التبولة؟ أكيد بطاطا قلي 🍟🍟وصينية فخاد محمرة مقمرة بتتبيلتي الخاصة 🍗🍗🍗🍗 ومبارح استغليت المطرة اللي نزلت لأعلن رسمياً بدء موسم الفاصوليا اليابسة بالمرقة الحمرا🥰.ما علينا..قراص الكبة قرشتن واصلة ع قبرص 😂والرز رفيق الكل من الأحمر للابيض أطيب شاكرية والتحلاية مربى التين مع الجوز والسمسم 😉والكبيبات بسلق عطول الها حصة بمطبخي 🤗
صحتين وهنا من مطبخ سونيا 🙏🏻❤️

16/10/2026

طبخاتي اليوم منوعة ..من كل بستان زهرة..شي مقلي وشي مشوي شي تراث وشي موديرن ..وكلن معمولين من القلب ❤️ وهاد اللي بيميز طبخ البيت ..كبة السلق أو الكبيبات بلهجتنا الساحلية ..كل حبة وأختا وطالما عم نحكي عن الساحل،🌅 ما فينا ما نذكر السمك🐟🐟 وضيفي المكرر صينية البطاطا 🍲 وشوفو الباقي بالصور ..صحتين وهنا مع أطيب لقمة 👌 من القلب ❤️لإلكن 🫵🙏🏻❤️😘

14/10/2026

يسعدلي أوقاتكم أحلا متابعين 😘
متل نص أمهات العالم بس شوف غيمة ☁️☁️ بريئة بالسما لازم الغدا يكون فيه شوربة 🥣 😁 و مو أي شوربة..كشك مفتخرة ..بس لا تزعلو مو بس هيك..منسف فريكة ما بدو شرح ..زينتو منو وفيه بتحكي عنو 🍗🍗🫘 ..بس أطيب شي عندي قطناتي ☺️🌫️ ..قصدي فطايري 🌮🫔🫓 بتشكيلة حشوات بتنزل 👇 عالقلب❤️ مو عالمعدة ..من مطبخي المتواضع صحتين وهنا 🫶🙏🏻❤️😘

12/10/2026

طقس اليوم هربان من خريف أفلام ديزني 🍂🍁🍃☂️☔ وشعيبياتي و مربى القرع هربانين من حكايات ألف ليلة وليلة لأنو عن جد طعمتن خياااال 🥧🎃🫠
أما صينية البطاطا لحالا حكاية 🍲🍲 مدللة دلال لا قبلو ولا بعدو ..رح أترك باقي الحكي للصور👇👇 ..والحكم لإلكن 🫵🫵
من مطبخ سونيا لقمة هنية من القلب وصحتين وهنا عقلبكم غوالي 😘🙏🏻❤️

Address


Website

Alerts

Be the first to know and let us send you an email when Sonia Kitchen posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed home improvement business?

Share