14/12/2025
🏡 ကြိုတင်စုဆောင်းထားသော ဘိလပ်မြေကို ရေရှည်ထိန်းသိမ်းနည်းလမ်းညွှန်
အိမ်ဆောက်လုပ်မယ့်ပစ္စည်းတွေဖြစ်တဲ့ အုတ်၊ သဲ၊ ကျောက်၊ သံချောင်း၊ ဘိလပ်မြေ စတာတွေကို ဈေးနှုန်းအပြောင်းအလဲမဖြစ်ခင် ကြိုတင်ဝယ်ယူစုဆောင်းထားလိုသူများအတွက် ဘိလပ်မြေကို စနစ်တကျ ရေရှည်ထိန်းသိမ်းနိုင်မယ့် နည်းလမ်းတွေကို အောက်ပါအတိုင်း ဖော်ပြလိုက်ပါတယ်။
သိုလှောင်ထိန်းသိမ်းမှု နည်းလမ်းများ
ဘိလပ်မြေကို အကောင်းဆုံး ထိန်းသိမ်းနိုင်ဖို့အတွက် အောက်ပါအချက်တွေကို ဂရုပြုသင့်ပါတယ်-
ဘိလပ်မြေအိတ်တွေကို အစိုဓာတ် လုံးဝကင်းပြီး၊ နေရောင်ခြည်နဲ့ မိုးရေတိုက်ရိုက်မထိတွေ့စေမယ့် အမိုးအကာ/အရိပ် အောက်မှာသာ ထားရှိရပါမယ်။
ဘိလပ်မြေအိတ်တွေကို မြေပြင်နဲ့တိုက်ရိုက်မထိတွေ့ဘဲ သစ်သားပြား ပေါ်မှာ အနည်းဆုံး မြေပြင်အထက် ၁ ပေ အမြင့် ခြားပြီးထားပါ။ ဒီလိုထားခြင်းဖြင့် မြေကြီးမှတက်လာနိုင်သော အစိုဓာတ်ကို ကာကွယ်နိုင်ပြီး လေဝင်လေထွက်ကောင်းအောင်လည်း လုပ်ဆောင်ပေးနိုင်ပါတယ်။
ဘိလပ်မြေအိတ်ကို ဖွင့်ဖောက်ပြီးသည်နှင့် တစ်ရက်အတွင်း ကုန်အောင် သုံးစွဲ ရန် အကောင်းဆုံးဖြစ်ပါတယ်။
အကယ်၍ သုံးစွဲလို့ ပိုလျှံခဲ့ပါက လေလုံအောင် သေချာစွာ ပြန်လည်ပိတ်သိမ်း ပြီး စနစ်တကျ ပြန်လည်ထားသိုဖို့ လိုအပ်ပါတယ်။
ဘိလပ်မြေအိတ်များကို မ,ယူသည့်အခါ ခါးကုန်းပြီး မ,ခြင်းမှ ရှောင်ကြဉ်ပြီး၊ ဒူးကိုညွှတ်၍ မ,ယူခြင်းဖြင့် ခါးဒဏ်ရာရခြင်းမှ ကာကွယ်နိုင်ပါတယ်။
ဘိလပ်မြေအိတ်ပေါ်ရှိ ထုတ်လုပ်သည့် ရက်စွဲ (Date of Manufacture) ကို သေချာစွာ စစ်ဆေးပြီး မိမိ၏ ဆောက်လုပ်မည့်အချိန်ကာလအပေါ် မူတည်ကာ မည်မျှကြာအောင် သိုလှောင်ထားသင့်သည်ကို ချိန်ဆနိုင်ပါတယ်။
⏳ ထုတ်လုပ်သည့်ရက်စွဲအလိုက် ခံနိုင်အား ကျဆင်းမှု ခန့်မှန်းချက်
ထုတ်လုပ်သည့်ကာလ ကြာမြင့်လာသည်နှင့်အမျှ ဘိလပ်မြေ၏ ခံနိုင်အား (Strength) သည် အောက်ပါအတိုင်း ကျဆင်းလာနိုင်သည်ဟု ခန့်မှန်းနိုင်ပါသည်-
၃ လ အတွင်း ၂၀% အထိ ကျဆင်းနိုင်ပါတယ်။
၆ လ အတွင်း ၃၀%
၁ နှစ် အတွင်း ၄၀% အထိ ကျဆင်းနိုင်ပြီး
၅ နှစ် အတွင်း ၅၀% အထိ ကျဆင်းနိုင်ပါတယ်။
- ထို့ကြောင့် ပစ္စည်းများကို ကြိုတင်သိုလှောင်မည်ဆိုပါက ထုတ်လုပ်သည့်ရက်စွဲကို ကြည့်ရှုပြီး စနစ်တကျ သိုလှောင်အသုံးပြုနိုင်ရန် အကြံပြုအပ်ပါသည်။
နောက်videoမှာဘိလပ်မြေ ကောင်းမကောင်း စစ်ဆေးနည်းကိုပါဆက်လက်ဖော်ပြပေးသွားပါမယ်။ https://t.me/VwcnmQRuOGxhOTZl
