https://www.facebook.com/101620592543729/

Stanikzai Engineering Information/ستانکزی انجنيريګ معلومات, Kabul (2026)

30/04/2025

👷 د زلزلې درز
(Seismic joint)

په لاندی حالاتو کې تعمیر ته د زلزلې درز (Seismic Joint) ورکول کیږي:

کله چې د ودانۍ اوږدوالی له (30÷40) مترو زیاتیږی، نو په هرو (15÷20) مترو پوری باید یو درز ورکړل شي.
کله چې د ودانۍ د پوړونو شمیر فرق ولري، لکه د ودانۍ یوه برخه 10 منزله او بله برخه یې 15 منزله وی.

کله چې د ودانۍ مواد فرق ولري، لکه د ودانۍ یوه برخه له کانکریټو جوړه وی بله برخه له Steel څخه.

کله چې د ودانۍ بڼه (شکل) تغیر ولري، لکه د ودانۍ یوه برخه مربع وی او بله يی دایره وی وي.”امین زی لیکدود“

کله چې په تهداب کې د ځمکې مواد سره فرق ولري، لکه تر تهداب لاندې ځمکې یوه برخه خاوره وی او بله برخه یې ریګ وي.

په پورته حالتونو کې دا درزونه عمودي په نظر کې نیول کیږی، که چیرته د ځمکې خاوره فرق ولری یعنی غیری منظم نشت کوی او یا هم د حرارت لپاره درز ورکوی نو دا درز باید د تهداب تر آخره پوری ورکړل شی او دا درز له سره تر پایه پوری باید یو رکم عرض ولری.

د زلزلې د درز عرض په لاندې ډول محاسبه کیږی:

ته 5m ارتفاع پوری نومړی درز 3cm نیول کیږی او بیا د هر 5m ارتفاع په لوړولو سره 2cm زیاتیږی.

په عمومي ډول سره په 6m ارتفاع کې 2.54cm درز پریښودل کیږی او بیا د هر 3m په لوړیدو سره 1.27cm په اندازه د درز عرض زیاتیږی.

په پورته حالتونو کې چې کوم درز ورکول کیږی دی درز ته Expansion Joint هم ویل کیږی.

بیلګه: غواړو چې د 15 منزله تعمیر لپاره د زلزلې درز پریښودل شي که چیرته اول منزل 4m او نور 3m لوړوالی ولری نو په کوم عرض سره باید د زلزې درز پریښودل شي.
حل : 15=14x3m+4m=42m+4m=46m=6m+40mمنزله
1.27(40/3)+2.54cm=19.47 cm
نو موړی درز باید له سره تر پایه پوری 19.47cm ونیول شي.
نوټ: د زلزلی درز باید په هیڅ صورت سره له 3cm څخه کم ونه نیول شي.
په عمومی صورت سره په یوه تعمیر کې څلور ډوله درزونه (Joints) ورکول کیږی.
: Expansion join-1
دا درز یا Joint ددی لپاره ودانۍ ته ورکول کیږی ترڅو په آسانه توګه سره ودانۍ حرکت وکړی د زلزی یا باد په مقابل کې.
:Control Joint-2
دا درز د انقباظ د مخنوی لپاره په لویو همواوره اوږدو کانکریټی سطحو کې ورکول کیږی ترڅو په سطحه کې منظم درزونه رامنځته شی. ددی درز نسبت د کانکریټو ډبلوالی ته تعین کیږی.
په پیاده رو اویا دی ته وردته ځایونو کې (150 ÷ 180) سانتی متر اوږد والی پوری یو درز ورکول کیږی
سړک، حولی او یا هغه سلب چې پر ځمکه پروت وی (450 ÷ 600) سانتی متر اوږدوالی پوری یو درز ور کول کیږی.
خو په سیخ لرونکو کانکریټو(RCC) کې بیا دغه درزونه په زیاته فاصله کې په نظر کې نیول کیږې.

:Isolation Joint-3
دا درز سلبونه د نورو ساختمانی برخو څخه جلا کوی لکه دیوال، پایه،Footing او داسی نور.
دا درزونه سلب ته د حرکت اجازه ورکوی تر څو د حرکت په وخت کې په سلب کې کریکونه (Cracks) رامنځ ته نه شی.
:Construction Joint-4
دا ساختمانی درزونه دی او د ودانۍ د جوړیدو په وخت کې په نظر نیول کیږی.
دا درزونه هغه وخت په نظر کې نیول کیږی چې په ساحه کې د ودانۍ د کوم عنصر یا غړی کانکریټ د کار په جریان کې خلاص شي، او یا هم د کومې ستونزی له کبله کانکریټو اچول ودریږی. نو دا درز ورکول کیږي.

27/04/2025

👷 بټومن او د فاونډېشن په دېوال کې د هغه کارونه

بټومن رنګ څه شی دی او د فاونډېشن په دېوال کې د هغه کارونه څرنګه کیږي.

بټومن رنګ عموماً د ودانیزو چارو کې د اوبو ضد او محافظتي کوټ کولو لپاره کارېږي.

کله چې دا رنګ د فاونډېشن په دېوال (چې ورته plinth wall یا footing wall هم ویل کېږي) وکارول شي، نو لاندې مهمې دندې ترسره کوي:

بټومن رنګ څه شی دی؟

بټومن رنګ یو تور، قیر ته ورته مواد دی چې له بټومن (یو د تېلو څخه جوړ محصول) او محلولونو سره ګډ شوی وي تر څو د استعمال لپاره چمتو شي.

کله چې وچ شي، نو یو اوبو ضد او زنګ وهلو ضد پوښ جوړوي.

د فاونډېشن دېوال کې د کارونې موخې

1. اوبو ضدتوب
(Waterproofing):

د خاورې نه د اوبو ننوتو مخه نیسي، چې له نمجنۍ او capillary عمله څخه فاونډېشن ساتي.

2. د کیمیاوي موادو نه ساتنه:

د خاورې کیمیاوي مواد، لکه مالګې او اسیدونه، له دېوال یا کانکریټ څخه ساتي.

3. د زنګ وهلو ضد
(Anti-corrosion):

که په دېوال کې فلزي برخې شاملې وي، نو له زنګ او تخریب څخه یې ساتي.

4. دوامداري:

د ودانۍ عمر زیاتوي، ځکه چې یوې اضافي محافظتي پوښ سره اساس پیاوړی کېږي.

د تطبیق طریقه

1. د سطحې چمتو کول:
د دېوال سطحه له دوړو، چټلتیا، غوړ او نورو زړو ذرو پاکه کړئ.

سطحه باید وچه او له درزونو پاکه وي.

2. ابتدایي کوټ

(اختیاري خو وړاندیز شوی):

یو نرم شوی بټومن محلول د ابتدایي پوښ (Primer) په توګه وکارول شي.

3. لومړی کوټ:
4.
د برش یا رولر په وسیله بټومن رنګ واچوئ.

پرېږدئ چې بشپړ وچ شي (معمولاً ۶-۸ ساعته، د هوا له حالاتو سره سم).

4. دوهم کوټ:

د ښه اوبو ضد کولو او ضخامت لپاره یو بل کوټ هم ووهئ.

5. د وچېدو وخت:

د خاورې بېرته اچولو نه مخکې ۲۴–۴۸ ساعته وچېدو ته پرېږدئ.

مهم ټکي

بټومن رنګ باید د ځمکې د سطحې نه ښکته برخه کې وکارول شي، تر plinth یا د ډیزاین له مخې ټاکلې کچې پورې.

د استعمال پر مهال باید ښه هوا تهداب (ventilation) موجود وي، ځکه محلول بخارات لري.

دا رنګ د هغه ځایونو لپاره مناسب نه دی چې مستقیم لمر ته دوامداره ښکاره وي، ځکه ممکن ژر مات شي.

26/04/2025

👷 د یو RCC سلب د Dead Load محاسبه

فرضاً یو سلب راکړل شوی، چې طول یې 5m او عرض یې 4m وي، که د همدغې سلب ضخامت 15cm په نظر کې ونیول شي نو Dead Load یې عبارت دی له:

لومړی د سلب حجم محاسبه کوو، چې قیمت یې د طول، عرض او ضخامت د ضربولو څخه په لاس راځي.

Volume of Slab = 5m×4m×0.15m
Volume of Slab = 3m3

اوس که وغواړو د سلب مړ وزن (Dead Load) محاسبه کړو، نو د سلب حجم د RCC کانکریټو په حجمي وزن کې ضربوو، په لاس راغلی قیمت د سلب د Dead Load څخه عبارت دی، البته دا باید په یاد ولرو، چې د RCC سلبونو حجي وزن 2500kg/m3 په نظر کې نیول کیږي.

Dead Load = Volume of Salb × Density of RCC
Dead Load = 3m3 × 2500kg/m3
Dead Load = 7500kg

د سیخانو لپاره د TMT اصطلاح د کوم مفهوم په منظور لیکل شوې ده او د کوم څه مخفف دی؟”امین زی لیکدود“

دغه اصطلاح د Thermo Mechanically Treated څخه مخفف اخیستل شوې ده، او دا ښایي چې نوموړي سیخان نسبت عادي سیخانو ته د لوړ کششي مقاومت او کروشن درلودونکی دی.

د M20 اصطلاح کوم مفهوم افاده کوي؟

کانکريټ د مختلفو فشاري مقاومتونو په درلودلو سره مختلفې کټګورۍ لري، چې د غه کټګورۍ یې د مارک په نوم سره یادیږي، دغه د مارک اصطلاح په خپل جوړښت کې دوه توري پکار وړي چې لومړنی توری (M) یې د Mix لنډیز دی، چې د کانکريټو اجزاءوو څخه نمائندګي کوي او دوهمه برخه یې اعداد وي، مثلاً ۲۰ چې دغه فشاري مقاومت راښایي یعنې ښایي چې نوموړي کانکريټ 20kN/mm2 فشاري مقاومت لري.

د کانکريټو کاري وړتیا د کومو ټسټونو په ذریعه لاسته راوړل کیږي؟

درې ټسټونه په دغه برخه کې ډیر مهم دي، لمړي یې سلمپ ټسټ دوهم یې Flow Test او دریم یې Vee – Bee ټسټ

د Foundation او Footing ترمنځ عمده توپیر کوم دی؟

په ودانیزو چارو کې د foundation اصطلاح د ودانۍ تر ټولو هغې ښکتنې برخې ته وایي کوم چې د یوې ودانۍ ټول بارونه طبیعي خاورې ته منتقل کړي، دا بیا دوه اقسام لري چې یوه یې ژور تهدابونه (Deep Foundation) او بل یې سطحي تهدابونه (Shallow Foundation) خو په سیول انجینرۍ کې Footing د foundation یوه ډول (برخه) ده چې کوم چې د پایو (column) تر لاندې واقع وي او بارونه په یوې پراخې ساحې ویشي او د خاورې د برداشت قابلیت (Bearing Capacity of Soil) لوړوي.

20/04/2025

د یخ‌بندان عمق (Frost Depth) څه شی دی؟
د یخ‌بندان عمق یا فریست لاین (Frost Line) هغه ژوروالی ته ویل کېږي چېرته چې د ځمکې لاندې تودوخه د ژمي په سړه هوا کې دومره راټیټه شي چې اوبه یخ شي. دا عمق د هوا، اقلیم، او د خاورې ځانګړتیاوو پورې اړه لري.
ولې د یخ‌بندان عمق مهم دی؟
✔ د تهدابونو ساتنه: که تهدابونه د یخ‌بندان له عمق څخه پورته جوړ شي، د اوبو یخ کېدل او بیا وېلې کېدل کولی شي د خاورې حجمي کتله لویه او بیا کوچنې کړي(انقباض او انبساط کوي)، چې دا به ودانۍ ته زیان ورسوي.
✔ د اوبو رسولو پایپونه: د اوبو پایپونه باید د یخ‌بندان له کرښې لاندې تیر کړل شي، ترڅو یخ(کنګل) نه شي او د چاودېدو له خطر سره مخامخ نشي.
د یخ‌بندان عمق څنګه معلومېږي؟
✅ د مختلفو سیمو لپاره توپیر لري؛ د سړو سیمو لپاره زیات وي او د تودو سیمو لپاره کم.
✅ معمولا ۳۰ cm څخه تر ۱۵۰ cm پورې وي، خو د سختو سړو سیمو لپاره لا زیات هم کېدای شي.
✅ د انجینري محاسبو لپاره د محلي اقلیم معلومات باید وکتل شي.
د یخ‌بندان د ستونزو مخنیوی:
✔ تهدابونه باید د یخ‌بندان له کرښې(لاین) څخه ښکته جوړ شي.
✔ د ښه کیفیت خاوره او مناسب د اوبو د رد سیستم (Drainage) باید وکارول شي، ترڅو اوبه تهداب ته زیان ونه رسوي.
✔ که اړتیا وي، حرارتي عایقونه (Insulation) هم استعمالېدای شي.
په کابل کې د یخ‌بندان عمق (Frost Depth) معمولا ۸۰cm څخه تر ۱۲۰cm پورې اټکل کېږي، چې دا د کابل د سړې هوا او ژمي د یخ کیدو شرایطو ته په کتو ټاکل کیږي.
په ننګرهار کې د یخ‌بندان عمق (Frost Depth) د کابل په پرتله کم دی، ځکه چې ننګرهار نسبتا توده هوا لري. د اټکل له مخې، د یخ‌بندان ژوروالی په ننګرهار کې ۳۰cm څخه تر ۶۰cm پورې دی.

19/04/2025

د کانکریټو مارکونه (Grades of Concrete) د MPa او kg/cm² په اساس تشریح:

⬅️د کانکریټو مارک د هغې د فشاریز قوت
‏(compressive strength) پر بنسټ ټاکل کېږي، چې د 28 ورځو وروسته د 1 cm² سطحې باندې څومره فشار زغملی شي. دا قوت معمولاً په MPa (میګاپاسکال) او kg/cm² (کیلوګرام فی سانتي‌متر مربع) اندازه کېږي.

⬅️د MPa او kg/cm² ترمنځ اړیکه:
یو 1 MPa تقریباً 10.2 kg/cm² ته برابر دی. دا پدې معنا ده چې که یو کانکریټ 20 MPa قوت ولري، نو دا به نږدې 200 kg/cm² فشاریز قوت ولري.

⬅️د کانکریټو مختلف مارکونه او د هغوی قوت:
‏ 1. M5 کانکریټ: دا د کم‌قوت لرونکی کانکریټ دی، چې فشاریز قوت یې 5 MPa (50 kg/cm²) دی. عموماً د موقتي جوړښتونو او ډکولو کارونو لپاره کارېږي.
‏ 2. M10 کانکریټ: دا د 10 MPa (100 kg/cm²) فشاریز قوت لري، او معمولا د غیر باربردار سطحو لکه فرشونو لپاره مناسب دی.
‏ 3. M15 کانکریټ: د 15 MPa (150 kg/cm²) قوت لري، او د استوګنیزو ودانیو د بنسټونو او فرشونو لپاره کارېږي.
‏ 4. M20 کانکریټ: د 20 MPa (200 kg/cm²) قوت لري، چې د استوګنیزو ودانیو، بیمونو، او زینو لپاره کارول کېږي.
‏ 5. M25 کانکریټ: د 25 MPa (250 kg/cm²) قوت لري، چې د باربردار بیمونو، ستنو، او متوسطو تجارتي ودانیو لپاره کارېږي.
‏ 6. M30 کانکریټ: د 30 MPa (300 kg/cm²) قوت لري، او د پلونو، لویو بیمونو، او صنعتي ودانیو لپاره کارول کېږي.
‏ 7. M40 کانکریټ: د 40 MPa (400 kg/cm²) قوت لري، او د لوړپوړیزو ودانیو، پلونو، او خاصو جوړښتونو لپاره کارېږي.
‏ 8. M50 او پورته: د 50 MPa (500 kg/cm²) او تر دې پورته قوت لري، چې د بندونو، هوایي ډګرونو، او خاصو صنعتي پروژو لپاره کارول کېږي.

⬅️د کانکریټو مارکونه او د دوی د مخلوط نسبت (Mix Ratio) :

د کانکریټو د مخلوط نسبت د هغې د مارک له مخې ټاکل کېږي. M5 تر M20 پورې مارکونه عموماً د
‏(Nominal Mix) له مخې جوړېږي، چې د سیمنټ، شګې، او جغل ثابت تناسب لري. M25 او تر دې پورته مارکونه د (Design Mix) له مخې جوړېږي، چې د انجینري محاسبو پراساس ټاکل کېږي.

⬅️د کانکریټو مارک او د نومينال مېکس نسبتونه:
‏ 1. M5 کانکریټ → د 1:5:10 نسبت لري، یعنې
• 1 برخه سیمنټ
• 5 برخې شګه
• 10 برخې جغل
‏ 2. M7.5 کانکریټ → د 1:4:8 نسبت لري، یعنې
• 1 برخه سیمنټ
• 4 برخې شګه
• 8 برخې جغل
‏ 3. M10 کانکریټ → د 1:3:6 نسب

13/03/2025

د شیر وال ( Shear walls ) او پایو ( Columns ) ترمنځ څه فرق دی؟

شیر وال (Shear wall )یو عمودي جوړښت دی چې په ودانۍ باندې د افقي قواوو لکه د زلزلې، باد مخنوي لپاره په نظر کې نېول کیږي او د ودانۍ ثبات لوړوي

پایه ( Column ) یو عمودي عناصر دی چې د ودانۍ عمودي بارونو لکه د سلب، بیم بارونه اخلي او تهداب ته یې انتقالوي

لکه چې پورته یادونه وشوه شیروالونه د افقي قواوو د مخنوي لپاره په نظر کې نېول کیږي برعکس پایې یا ستونونه د عمودي بارونو د زغملو لپاره په نظر کې نېول کیږي

شیروالونه معمولا په لوړ پوړیزه ودانیو کې په نظر کې نېول کیږي په داسې حال کې چې پایې په هر ډول ودانیو لوړپوړیزه او کوچنیو ودانیو کې په نظر کې نېول کیږي

شیروالونه معمولا د ودانۍ په دېوالونو او همدا ډول مرکزي برخه کې د زینې او لېفټ سره شاوخوا په نظر کې نېول کیږي په داسې حال کې چې پایې د ودانۍ په هره برخه کې چېرته چې عمودي بار انتقال ته اړتیا وي په نظر کې نېول کېدای شي

شیروالونه معمولا اوږده او د دېوال په شکل وي چې له RCC موادو څخه باید جوړ شي، پایې معمولا د مربعي، دایروي او په مستطلي بڼه وي

شیروالونه چې کومې قواوې زغمي هغه کولی شي چې په لویه ساحه تقسیم کړي ځکه چې د شیروال د ( cross section ) مساحت زیات دی برعکس د پایې د ( cross section ) ابعاد کوچني وي نو هغه بارونه چې زغمي په کمه ساحه یې تقسیمولی شي

د لګښت په حساب هم شیروالونه ډېرو مصارفو ته اړتیا لري نسبت پایو ته ځکه چې ابعاد یې لوی دي

11/03/2025

د لاندې دریو اصطلاحاتو ترمنځ کوم فرق موجود دی؟
1. Lap Length
2. Development length
3. Hook Length

* Lap length
د یوې خادې د سیخ ګول اوږدوالی تر 12m پورې وي نو د دې لپاره چې د یو سیخ ګول څخه بل سیخ ګول ته بارونه په ښه شکل سره انتقال شي مجبوریږو چې دوه سیخونه د Overlap په بڼه یو له بل سره تېر را تېر کړو

د Lap Length اوږدوالی په کششي او فشاري عناصرو کې هم فرق لري په کششي عناصرو کې له ( 45D - 60D ) پورې او په فشاري عناصرو کې له ( 24D - 30D ) پورې په نظر کې نېول کیږي،
دا چې له 45D څخه تر 60D پورې فرق کوي په هغه سیمو کې چې د زلزلې د لوړ خطر سره مخ وي دا اوږدوالی باید اغظمي په نظر کې ونېول شي

ځینې وختونه د کششي او فشاري عناصرو دواړو لپاره 50D په نظر کې نیسي
دلته D دسیخ ګول قطر دی

د بېلګې په ډول: که چېرته 16mm سیخ ګول په کار وړل شوی وي نو lap length به یې څومره وي؟
Lap length = 50D = 50 x 16 = 800 mm
————————————————————————
Development length
دا د سیخ ګول هغه اصغري اوږدوالی دی چې یو سیخ ګول یې باید د کانکرېټ د ننه ولري، تر څو د بارونو انتقال په ښه شکل تر سره شي او سیخ ګول د کانکرېټو څخه را ونه ځي یا و نه ښویږي
کله چې سیخ ګول د کانکرېټو د ننه ځای پر ځای کیږي نو د سیخ ګول او کانکرېټو ترمنځ قوي bond رامنځته کیږي که چېرته دا اوږدوالی په کافي اندازه نه وي نو سیخ ګول د کانکرېټو څخه د راکش کېدو امکان ډېریږي
اوس پوښتنه دا ده چې په څومره اوږدوالي باید ونېول شي؟
د لاندې فارمول څخه په استفادې کولی شو چې د development length اوږدوالی مالوم کړو

Ld = ( ϕ x σs ) / ( 4 x τbd )

ℓd = Development length
φ = Diameter of the reinforcing bar
σs = Stress in steel reinforcement (N/mm²)
τbd = Design bond stress between steel and concrete (N/mm²)

د بېلګې په ډول:
که چېرته 16mm سیخ ګول په کاروړل شوی وي په داسې حال کې چې σs = 415N/mm^2 او τbd= 1.2 N/mm^2 نو development length مالوم کړی؟

Ld = 16 x 415 / 4 x 1.2 = 6640 / 4.8 = 1383 mm or 1.38 m
——————————————————————-
Hook length
هوکس(Hooks) د سیخ ګول په وروستۍ برخه کې تاو شوي یا کږې برخې ته ویل کیږي

سیخ ګول ته د دې لپاره ورکول کیږي تر څو د سیخ ګول او کانکریټو تر منځ (Develop Anchorage) رامنځ ته کړي تر څو د کششي قواوو پر وخت له خپل ځای څخه بې ځایه نشي
هوکس د هغه بارونو پر وړاندې ښه مقاومت کوي کوم چې سیخ ګول د کانکریټو څخه د ایستلو کوښښ کوي
هوکس کولی شي چې بارونه په ښه ډول سره په کانکریټو وویشي په ځانګړې ډول په هغو ځایونو کې چېرته چې لوړ کششي فشار موجود وي لکه د بېمونو او پایو جاینټونو په برخه کې
په (stirrups) کې د دې لپاره ورکول کیږي تر څو د سازمیکي حرکتونو په وړاندې مقاومت وکړي

اوس پوښتنه دا ده چې د دې اوږدوالی یا Cutting Length باید څومره وي؟

دا اوږدوالی نظر کوډونو ته فرق کوي د بېلګې په ډول IS کوډ یې Cutting Length په لاندې ډول نیسي

Cutting Hook Length = L + 9D +9D

همدارنګه ACI یې په لاندې شکل ارایه کوي

Cutting Hook Length = L + 12D +12D
څخه نېولي تر 16D پورې یې نیسي

دلته D د سیخ ګول قطر او همدارنګه L د سیخ ګول اوږدوالی دی
په دغه بېلګه کې یې اوږدوالي نظر Indian Standard (IS) او همدارنګه American Concrete Institute (ACI) پیدا کوو

D = 16 mm
L = 1000 mm
Cutting Length = L + 9D + 9D = 1000 + 9 X 16 + 9 X 16 =1288 mm

Cutting Hook Length = L + 12D +12D = 1000 + 16 x16 + 16 x 16 = 1512 mm

25/01/2025

👷 په يوه متر مربع دېوال کې د خښتو اندازه

په يوه متر مربع دېوال کې د خښتو اندازه پيدا کوو، چې د ديوال پلنوالی ٢٥ سانتي متره وي.

د دېوال په یوه متر مربع کې د خښتو اړتیا معلومولو لپاره لاندې محاسبه ترسره کوو:

- راکړل شوي لومړني معلومات

١. د دېوال اوږدوالی = یو متر
٢. د دېوال لوړوالی = یو متر
٣. د دېوال پلنوالی = ٢٥ سانتي متره (٠.٢٥ متر).
٤. د یوې خښتې ابعاد = ٢٠ سانتي متره × ١٠ سانتي متره × ٧.٥ سانتي متره (معمولي خښته).

- ګامونه
١. د یوې خښتې حجم
د یوې خښتې حجم = اوږدوالی × سور × لوړوالی.

٠.٢m×٠.١m×٠.٠٧٥=٠.٠٠١٥m3

٢. د یو متر مربع دېوال حجم

د دېوال حجم = اوږدوالی × لوړوالی × پلنوالی

١m×١m×٠.٢٥m=٠.٢٥m3

٣. په دېوال کې د خښتو شمېر

٠.٢٥÷٠.٠٠١٥=١٦٦.٦٧

- پایله
په یوه متر مربع کې د ٢٥ سانتي متره پلنوالي دېوال لپاره ١٦٧ خښتې پکار دي.

یادونه:
که خښتو تر مینځ جغل او سیمنت استعمالېږي، نو د خښتو شمېر به لږ کم شي (شاوخوا ١٥٠-١٥٥ خښتې).

25/01/2025

په ډېرې خواشینی سره مې خبر ترلاسه کړ چې د افغانستان د ورزش یو اتل علي رضا اساهي د اجل داعي ته لبیک ویلی. رب دې ورته جنتونه ورکړي. زه له یې کورنۍ سره په دغه غم کې خپل ځان شریک بولم او تسلیت ورته وایم.
هڅه مې دا ده چې تر خپلې وسې پورې په دغې سختې او غمځپلې ورځ کې د خدای بخښلي اساهي د کورنۍ لاسنیوی وکړو او په ټولو هېوادوالو غږ کوم چې د هغه د کورنۍ لاسنیوی وکړي.

با اندوه فراوان خبر دریافت نمودم که یک تن از قهرمانان ورزشی افغانستان علی رضا آساهی وفات نموده. خداوند بهشت را نصیبش کند. به فامیل و عزیزان اش تسلیت می گویم.
سعی می کنم که در این روز سخت با فامیل خدابخشیده رسیدګی کنیم.

انا الله وانا الیه راجعون.

11/01/2025

د سلمپ ټيسټ Slump test
دغه ټيسټ د کانکرېټو د کاري وړتيا د معلومولو لپاره په کار وړل کيږي چې د دغې ټيسټ لپاره د يو نيم مخروطي لوښي څخه چې د قاعدې قطر يې 20cm د سر قطر يې 10cm او ارتفاع يې 30cm وي کار اخيستل کيږي . نوموړي نمونه په يو داسې ځای باندې کيږدو چې د اوبو د جذب قابليت و نه لري او نمونې ته تازه کانکرېټ په دريو طبقو کې اچوو چې هره طبقه د 16mm ښوی سيخ په واسطه چې ارتفاع يې 60cm وي په 25 ځله وهلو سره کمپک کوو بيا نمونه د کانکرېټو څخه ورو ورو د پنځو ثانيو په موده کې پورته کوو چې په نتيجه کې کانکرېټ ناسته کوي او ارتفاع يې کميږي چې دغه کمې شوي ارتفاع ته د سلمپ اندازه وايي . د سلمپ اندازې معلومولو لپاره نمونه په سرچپه ډول د کانکرېټو تر څنګ ږدو او د خط کش په مرسته کمه شوي ارتفاع يعنې د سلمپ اندازه معلوموو .
د سلمپ ډولونه
سلمپ په درې ډوله دی
۱) واقعي يا حقيقي سلمپ (True Slump )
۲) قيچي داره سلمپ (Shear Slump)
۳) بهيدونکی سلمپ (collapse Slump)

۱) واقعي يا حقيقي سلمپ (True Slump ): - په دا ډول سلمپ کې کانکرېټ يو شان او په سريښناکه توګه ناسته کوي . دا ډول سلمپ په ھغه مخلوطونو کې چې زیات مقدار میده دانه ولري رامنځته کيږي.

۲) قيچي داره سلمپ (Shear Slump): - په دا ډول مخلوط کې مخروطي جوړ شوی شکل ميلان لرونکي سطحې سره نيمايي قيچي او بله نمایي برخه یي حقیقي سلمپ په شان وي. داسې معاملو کې د سلمپ اندازه د سلمپ الې د پورتني سطحې څخه تر قيچي شوي سطحې تر منځ پورې اندازه کوو .

۳) بھیدونکي سلمپ(collapse Slump) : - په دا ډول سلمپ کې کانکرېټ په لويه سطحه خپور شي چې دا ډول پيښه ډير اوبجن مخلوط کې رامنځته کيږي .
د سلمپ ټسټ قیمتونه د مختلف ډوله ساختمانونو لپاره
مخکې له دی، چې د مختلف ډوله ساختمانونو لپاره د سلمپ ټسټ قیمتونه وپیژنو، په لنډ ډول د سلمپ ټسټ په اړه دا معلومات باید له ځانه سره ولرو.
په کانکريټو دا کیدونکی ساحوي ټسټ د کانکریټو د کاري وړتیا او په کانکریټو کې د موجوده اوبو د مقدار په اړه معلومات راکوي،
د ACI 211.1-91 کوډ په اساس د مختلف ډوله ساختمانونو لپاره د سلمپ ټسټ قیمتونه
1. د سرکونو د کانکریټ ریزۍ لپاره یې قیمت (2cm—4cm) پورې.
2. د سلب، بیم او پایو لپاره یې قیمت (4cm—5cm) پورې دی، چې همدغه قیمت بیا د سرکونو د Curb، کانکریټي دیوالونو او د Prophet Walls لپاره هم پکار وړل کیږي.
3. د کانالونو د Bed PCC لپاره یې قیمت (7cm—8cm) پورې ده.
4. په تونلونو کې د کمان ډوله سلبونو او د غاړې دیوالونه لپاره، دغه قیمت (9cm—10cm) پورې ده.
5. د Mass Concrete لپاره یې قیمت (2.5cm—5cm) پوری.
کاپي

27/03/2023

۱۰ هغه ځانګړتیاوې چې په درلودلو یې تاسو یو ښه انجینر ګڼل کیدای شئ.

۱- د ساختماني موادو ټیستونه Tests of Building Materials:
يو ښه انجینر باید د ساختماني موادو د مهمو ټیسټونو په اړه پوهه او د تر سره کولو قابلیت یې ولري. چې ځینې د دغو ټیسټونو په لاندې ډول دي.

د کانکرېټو ټیسټونه Concrete Tests:
Slump test, compression test, split tensile test, soundness etc.

د خاورو ټیسټونه Soil Tests:
Core cutter test, compaction test, sand replacement test, triaxial test, consolidation test etc.

د قیر ټیسونه Bitumen Tests:
Ductility test, softening point test, gravity test, pe*******on test etc.

۲- د ساختماني ساحې آزمایښت Investigation of Soil: مخکې لدې چې ساختمانې چارې شروع او یوه ساحه د ساختمان جوړونې لپاره مساعده وګڼل شي نو د خاورو په ظرفیت او مقاومت باندې یو تعداد آزمایښتونه ترسره کېږي. نو یو سیول انجینر باید د هغو ټیسټونو په اړه چې په خاورو سرته رسېږي لازمه پوهه ولري.

۳- د سروې د تجهیزاتو استعمال Uses of Surveying Instruments:
د سروې په تجهیزاتو او وسایلو لکه Level Machine, Total Station, GPS او نورو باندې د یو سیول انجینر لپاره پوهیدل او استفاده یو ضروري امر دی.

۴- هغه ستندرد کوډونه چې په ساختماني صنعت کې استعمالېږي Standard Codes Using in Construction:
ټول هیوادونه د ساختماني چارو د با کیفیته پرمخ اوړلو لپاره کوډ او قواعد لري لکه ACI, IS, ABC. چې ټول نوي ساختمانونه باید د دغو قواعدو او پروسو په رڼا کې کوم چې په مربوطه کوډونو کې ځای پر ځای شوېدي ورغول شي، او که د کوډ د قواعدو او پروسو څخه سرغړونه وشي نو د پروژې د ناکامېدو چانسونه ډېر زیات وي.

۵- بار بینډینګ شیډیول(سکیجول) Bar Bending Schedule:
بار بینډینګ شیډیول د سیول انجینرانو لپاره یو له اساسي چارټونو څخه دی. چې پدې کې د RC بیمونو اړوند ټول د سیخانو محاسبات لکه Cutting Length, Type of Bending, the length of Bending او نور شتون لري.

۶- ډروانیګ او ډیزاین Drawing and Design:
ډراوینګ او ډیزاین د روانو یا جاري پروژو لپاره یو له مهمو منابعو څخه دي. چې پدې کې د پروژې اړوند ټول موارد په پوره تفصیل سره مشاهده کیدای شي. هر ساحوي انجینر باید ددغو ډراونیګونو او ډیزاینونو د لوستلو او تحلیل صلاحیت ولري.

۷- براورد او بیلونه Estimation and Bills:
بروارد او بیلونه هم معمولاً د ساختماني پروژو لپاره د سیول انجینرانو لخوا جوړېږي.

۸- د کیفیت کنټرول Quality Control:
د کیفیت د کنټرول په تطبیق سره د پروژې د اضافي مصارفو مخنیوی کیدای شي چې په نتیجه کې د پروژې ګټه ډېرېږي.

۹- د ساحې مدیریت On Field Management:
سیول انجینر باید د قالبونو، کانکرېټ اچونې، Safety او بعضې نورو ساحوي مواردو او پروسو په اړوند کافي پوهه او تجربه ولري.

۱۰- د کاریګرو سره هماهنګي Coordination With Labors:
د سیول انجینر په حیث باید موږ پوه شو چې څنګه په ساحو کې د کاریګرو سره رویه وکړو تر څو پخپلو کارې ساحو کې د ډسپلین او کاري نظم په ساتلو د پروژو کیفیت لوړ کړو.

د دغو پورته ذکر شویو مواردو او نقاطو په نظر کې نیولو سره کیدای شي چې تاسو یو ښه انجینر حساب شئ.
عصمت ظاهر

22/02/2023

په بیم او پایو کې د سیخانو Lapping:

ټولې د سیخ جوړولو کمپنۍ د ACI کوډ مطابق په طولي ډول د سیخانو طول له 12m څخه نه اضافه کوي، چې معیاري اوږدوالی یې 11.75 متره دی،
کله کله داسې ضرورت پیداکیږي چې دوه سیخان یو له بله سره پیوند (Over Lap) کړو، نو ددغې چارې د ترسره کولو لپاره اکثراً خلک په غیر معیاري ډول دوه سیخان سره یوځای کوي، یعنې د Over Lap لپاره غیر معیاري اوږدوالی په نظر کې نیسي
د ACI 318-14 کوډ ددې سپارښتنه کوي، چې:-
1. ټول هغه سیخان چې په فشاري ساختماني عناصرو کې استعمالیږي، لکه پایې نو د Over Lap اندازه یې باید 48D وي، دلته D د سیخ قطر دی، مثلاً که په یوه پایه کې وغواړو 16mm سیخ یو له بله سره پیوند کړو نو تاسې به دارنګه عملیه کوئ،
Lapping length = 48D
Lapping length = 48×16mm= 768mm
یعنې په پایه کې د دوو 16mm سیخانو د Over lap لپاره باید معیاري اندازه 76.8cm وي
2. ټول هغه سیخان چې په کششي ساختماني عناصرو کې استعمالیږي لکه بیم، ګاډر او وغیره نو ددوې د Over lap اندازه باید 60D وي، دلته هم D دسیخ قطر دی
مثلاً په یوه بیم کې د 14mm سیخ استفاده شوې، د ضرورت په بناء غواړو دوه سیخان یو له بله سره Over lap کړو تاسې یې معیاري اندازه معلومه کړئ؟
Lapping length = 60D
Lapping length = 60 × 14mm
Lapping length = 840mm
یعنې په بیم کې د دوو 14mm سیخانو د Over lap لپاره معیاري اندازه 84cm ده.
#کاپي

Stanikzai Engineering Information/ستانکزی انجنيريګ معلومات

30/04/2025

27/04/2025

26/04/2025

20/04/2025

19/04/2025

13/03/2025

11/03/2025

25/01/2025

25/01/2025

11/01/2025

27/03/2023

22/02/2023

Address

Telephone

Website

Alerts

Contact The Business

Shortcuts

Share

Category