20/06/2025
Gjatë procesit të dizenjimit të një dhome prive për një lokal prestigjoz peshku në Tiranë, po kërkoja një gjuhë tjetër përtej asaj që ofrojnë trendet e zakonshme. Një ndjesi që nuk e sheh shpesh – por e ndjen.
Dhe më erdhi ndër mend një kujtim i paharruar nga para 3 vitesh: vizita në Casa Batlló, kryevepra e Gaudit në zemër të Barcelonës.
Interieri i saj është shumë më tepër sesa i bukur. Është si një përjetim nën det – një atmosferë e thellë, fluide, e mbështjellë me tone blu, forma të lakuara dhe dritë të thyer që të çon drejt një bote mistike. Thuhet se gjithçka aty evokon jetën nënujore. Dhe në fakt, e ndjen.
Ky kujtim më shërben sot si një nga pikëtakimet më të rëndësishme mes arkitekturës, emocioneve dhe identitetit të një hapësire.
📍Sepse një arkitekt – përtej çdo plani, matjeje dhe materiali – inspirimin më të madh duhet ta kërkojë në udhëtime, përjetime dhe ndjenja. Vetëm kështu, çdo projekt fiton shpirtin që meriton.
(Në foto: detaje nga brenda Casa Batlló. Viti 2022)
