Types of paint and decorations

12/03/2022

12/03/2022

https://www.facebook.com/Types-of-paint-and-decorations-354936937956384/
يعني وش راح تخسر كي تبرطاجي ليان تع الصحة عندك هههه😁😁 اتهلاو في خوكم

ترميم منازل قديمة وجديدة وكل انواع الدهانات وطلاء وديكور

12/03/2022

رمضان راه قريب
بواش راح تسبغ كوزينتك؟
روليكس راهي هنا باش تعطيك الحل الأمثل والنهائي اللي يرضيك و يرضي عائلتك
#الإجابة في أول تعليق👇👇👇👇

12/03/2022

السلام عليكم وصح عيدكم أصدقاء الصفحة
بعض الاسئلة الشائعة فيما يخص الطلاء

السؤال 😊. كي يكون لحيط مسبوغ بالفينيل احاب نبنتر فوقوا بلالاك او ساتيني لازم نقشروا
الجواب 😉. لالا ماراحش تقشرو تسبغ مباشرة فوقوا بأي نوع طلاء تحبوا .

السؤال 😊. كي يكون الحيط مسبوغ بلالاك احبيت ندير فوقوا ساتيني واش ندير ..؟
الجواب 😉. تدير للحيط كوش فيكساتار لي هو سائل كيما الطلاء نزيدولوا شوي ماء ونسبغوا بيه لحيط كي تنشف نديروا فوقها اي طلاء .

السؤال 😊. كي يكونوا لبيبان تاع ليزيليمو ولا تاع دار مارون بالفارني كيفاش نردهم بيوظة
الجواب 😉. تبونصيهم شويا امبعد تمسحيهم من الغبرة وترقديهم فلرض وتسبغي كوش لولة طلاء ابيض كي تنشف زيدوا الثانية .

السؤال.😊 كي يكونوا الابواب جدد وحاب نسبغهم بيوظة ماهي المراحل لي نديرها
الجواب 😉. اول حاجة نحيولهم البيصان ونرقدوهم فلأرض انحكوهم بالبابيفار باش يرطابوا ونمسحوهم من الغبرة انبنتروا الكوش لولة جيهتين كي تنشف نبونصيوهم غير شوي انزيدا الثانية ونتهينا

سؤال🤔. كي يكونوا البيبان مسبوغين بلبيض ونحب نردهم مارون بالفارني واش ندير
الجواب .😉 مايصلحوش غير إذا قشرتهم امام ايشد الفارني فوقهم ماتكونش نتيجة مليحة

سؤال.🤔. كي يكون الجبس ميت في ديار عدل ويولي يتفتت واش هو الحل الامثل
الجواب 😉. من الاحسن تنحيوه وتعاودوا تلبسوه بالسيمة احسن نتيجة دائمة وحل امثل

سؤال 🤔. واش هي احسن طريقة لطلاء الابواب والنوافذ الفرشات ام الرشاش بيسطولي .الجواب 😉. اكيد البيسطولي للمعان اكثر وملمس رطب ومن المستحسن مختص للطالطلاء السؤال 🤔. ماهي احسن الالوان المريحة للصالة والهول او الكوروار والمظيئة
الجواب 😉 . باج فاتح .. او بلون كاسي او كابوتشينوا فاتح الابيض او ڨري فاتح كرام فاتح

سؤال🤔. ماهو الطلاء او نوع الطلاء المناسب للمطابخ
الجواب😉. طلاء ساتيني نصف لماعة لكن منتوج اوروبي او طلاء لاكاوا.. او طلاء ساتيلاك
او طلاء ميتيور 10 او طلاء لالاك

سؤال 🤔. إذا مادرتش الفايونص فالهول ولا الكوروار واش الطلاء المتين لي يصلح فدالتوا
جواب😉. طلاء ميتيور 10.. ولا طلاء ستيكوا 1000 ... ولا طلاء ميتيور 12 ولا انطاكيا

سؤال 🤔 واش هوما احسن انواع لالاك للابواب الخشبية لإعطاء مظهر جميل
جواب 😉. طلاء جانس GENC طلاء ديفا
طلاء C3 طلاء فالبا طلاء ماديكال

سؤال 😉. ماهو سعر الساتيني بالعبوة وبالكيلوا وكم تحتاج غرفة 4×4 من كيلوا
جواب 😉 سعر العبوة الكبيرة 12 او 15 كلغ من 600 الف للبيدون حتا 900 الف حسب النوعية اما الكيلوا من 35 الف حتا 60 الف والغرفة الواحدة تأخذ من 5 حتا 7 كلغ حسب العامل واللون المختار .

سؤال 🤔. هل يوجد طلاء خاص بالفايونص عندما يكون قديم او غير مرغوب فيه
جواب😉. نعم يوجد بكل تأكيد في عدة ماركات مثل جانس وفالبا وغيرها ذو متانة جيدة يدوم لمدة طويلة كما يمكنكم تلوينه في اي لون تشاؤون

سؤال.🤔 ماهي بعض اسامي انواع الطلاء الجيدة المستعملة في وقتنا الحالي للديكور .
جواب 😉 طلاء ستيكوا 1000... طلاء صابلي
طلاء كلوندايك ..طلاء مافيريكس .طلاء ستيلا
طلاء ياقوت .. طلاء ديامونت. طلاء ميتيور10
طلاء ميتيور8 .. طلاء ميتيور12 .. طلاء كراكلي .. طلاء ارتيكوا سات .. طلاء خيال

سؤال 🤔. ماهي احسن انواع الطلاء في الساتيني الماعة ام النصف لماعة ولماذا
جواب 😉.. اكيد سأقول النصف لماعة لأنها لا تضهر عيوب الجدار مثل اللماعة وايضا لا تتأثر وتنتفخ من الرطوبة بسرعة مثل اللماعة وكذالك جمالية المنضر والالوان احسن في النصف لماعة وهاذا إن كان المنتوج اوروبي بكل تأكيد

سؤال 🤔. كي تلسقلي السبيغة تاع لالاك فوق الفايونص ولا الكارلاج واش الحل باش نحيها
جواب 😉. اشري برودوي وسموا ديكابوا يتباع في محلات الطلاء وكذالك عند لكانكيري ايدير من 30 الف حتا 50 الف تديريه فوق الطلاء بعد زوج دقايق غير توشيها تطير وحدها

سؤال 😉... علابالي عييت بصح زيد هاذا برك اكي تفظل ... اعطيلنا الخطوات تاع الطلاء من الاول للأخير كي يكون البيت جديد ..........ً..............😫😫😫
جواب 🙄 عييت بصح نجاوبكم ... اول خطوة مسح الاسقف من الغبار وطلائها بطبقتين من الطلاء المائي المخصص للأسقف وديما نبداو فالطلاء على السقف هو الاول باش مبعد ماتقطرش السبيغة على لحيوط ... ثاني حاجة نڨراطيو لحيوط يعني انحيو منهم الشوائب واي حاجة حرشة فيه ونمسحوهم من الغبرة ونفرشوا لبلاستيك للارضية كاملة ونركبوا الشريط الاصق فوق ليبلانت باش مايتوسخوش امبعد نسبغوا الجدار بكوش فيكساتار مخلطة مع شوي طلاء فينيل ابيض كي تنشف .. نديروا الكوش لولة اوندوي اومبعد الثانية وبلاك الثالثة اذا لازم ... امبعد كي ينشف نبونصي لوندوي بالبابيفار اومبعد نمسحوهم من الغبرة ونديروا كوش فيكساتار للحيوط كامل امبعد نسيقوا الدار قبل مانبنتروا ونعاودوا نفرشوا بلاستيك للأرضية باش ماتتوسخش ونديروا الشريط لاسق ليبلانت ونبداو على بركة الله بطلاء الجدران بأي نوع نحبوه اوووه عييت

شكرا جزيلا على مروركم الطيب اتمنى ان اكون قد افدتكم ولو بالقليل.

11/03/2022

اصبر علي كيد الحسود فإن صبرك قاتله فـ النار تاكل من نفسها ان لم تجد شيء تأكله درت ضهري لجميع ليس غرورا بل خشية كي لا أتعارك مع صغار العقول لن اشكو فـ الشكوي انحناء وانا أعيش بنبضات كبرياء قل ماشئت في حقي فـ السكوت عن اللئيم ليس بجواب ولكني لستٌ بـ عديم الجواب ولكن الأسد لا يرد علي الكلاب

27/02/2022

دعاء ليلة الاسراء والمعراج
اللَّهُمَّ إِلَيْكَ أَشْكُو ضَعْفَ قُوَّتِي، وَقِلَّةَ حِيلَتِي، وَهَوَانِي عَلَى النَّاسِ، يَا أَرْحَمَ الرَّاحِمِينَ، أَنْتَ رَبُّ الْمُسْتَضْعَفِينَ، وَأَنْتَ رَبِّي إِلَى مَنْ تَكِلْنِي إِلَى بَعِيدٍ يَتَجَهَّمُنِي أَوْ إِلَى عَدُوٍّ مَلَّكْتَهُ أَمْرِي إِنْ لَمْ يَكُنْ بِكَ عَلَيَّ غَضَبٌ فَلَا أُبَالِي، وَلَكِنَّ عَافِيَتَكَ هِيَ أَوْسَعُ لِي، أَعُوذُ بِنُورِ وَجْهِكَ الَّذِي أَشْرَقَتْ لَهُ الظُّلُمَاتِ، وَصَلَحَ عَلَيْهِ أَمْرُ الدُّنْيَا وَالآخِرَةِ، مِنْ أَنْ يَنْزِلَ بِي غَضَبُكَ، أَوْ يَحِلَّ عَلَيَّ سَخَطِكَ، لَكَ الْعُتْبَى حَتَّى تَرْضَى، ولا حَوْلَ وَلا قُوَّةَ إِلا بِكَ
اللهم لا تشمت أعدائي بدائي، واجعل القرآن العظيم دوائي وشفائي، أنت ثقتي ورجائي ، واجعل حسن ظني بك شفائي، اللهم ثبت علي عقلي وديني، وبك يا رب ثبت لي يقيني وارزقني رزقًا حلالًا يكفيني وأبعد عني شر من يؤذيني

25/02/2022

واللّهِ لو رأى الله منك صدقك بالليل وتعبّدك له لأظهر الله منك نورا يراه الناس في وجهك إذا أصبحت في الصباح

20/02/2022

عندما يمدح النّاس شخصاً فإنّ قليلاً منهم يصدّقون ذلك، وعندما يذمّونه فالجميع يصدّقون. اختر كلامك قبل أن تتحدّث، وأعط للاختيار وقتاً كافياً لينضج الكلام، فالكلمات كالثمار تحتاج لوقت كافٍ حتى تنضج. كن على حذر من الكريم إذا أهنته، ومن اللئيم إذا أكرمته، ومن العاقل إذا أحرجته، ومن الأحمق إذا رحمته. إذا استشارك عدوّك فقدم له النّصيحة، لأنّه بالاستشارة قد خرج من معاداتك إلى موالاتك. لا تجادل بليغاً ولا سفيهاً، فالبليغ يغلبك والسفيه يؤذيك. من آداب الحوار أن تفكّر كثيراً، وتستنتج طويلاً، وتتحدّث قليلاً، ولا تهمل كلّ ما تسمعه، فمن المؤكد أنّك ستحتاجه في المستقبل

19/02/2022

مرحبا بجميع زبائننا الكرام نقدم لكم كل خبرتنا في الديكور الداخلي والخارجى:
الاتقان والجودة عنوان أعمالنا كما أن أسعارنا تواصلوا معنا

0797745552
0541139520

16/02/2022

ان لم يكن في فيسبوك إحياء السنة
او إصلاح الامة
اوتذكير التوبة
فلا خير من وقتنا فيه