Marsta Designs

14/08/2022

ننعي كل الاخوة المسيحيين و أسر ضحايا حادث حريق كنيسة المنيرة حي امبابه ، مقدمين خالص التعازي لأسر الضحايا داعين المولي عز وجل أن يلهم أهلهم الصبر والسلوان وأن يمن علي المصابين بالشفاء العاجا وأن يحفظ مصر وشعبها من أي مكروه .

13/08/2022

من اعمالنا بكمباوند اربيانو بحدائق اكتوبر

05/08/2022

لما تبقى قاعد مش طايق نفسك وبتشطب شقتك معانا وبتحسب مصاريف التشطيب و الفرح و تلاقي خطيبتك جاية تقولك على فكرة انا زعلانه منك.

03/08/2022

متابعة اعمال التشطيب وتأسيس السباكه باحدي شقق كمباوند كالما بحدائق اكتوبر
-------
شايل هم تشطيب شقتك بسبب الصنايعه ومواعيدهم ..!

ولا عشان اسعار الخامات وفالأخر مش ضامن شقتك هتطلع زي ما كنت متصور ولا لاء !!

متشيلش هم التوضيب عشان أحنا بنوفرلك كل اللي يناسبك

كل دا بأفضل خامات في السوق واجود فنيين
ومواعيد بدون تأخير دقيقه واحدة ⏰

من الأخر معانا جهز كاشاتك واستلم في معادك 👌🏻

📍جميع انواع الخامات والتشطيبات بضمان

كلمونا علي الرسايل لو عايزين تعرفوا اكتر او علي

☎️ 01225453382

📌 العنوان :
مول دجله جاردنز الداخلي بجوار اولاد رزق

22/07/2022

متابعة اعمالنا بشقة كمباوند كالما

اعمال تكسير وهدم وتعديل الريسبشن والمطبخ وتشوين خامات البناء ..

اسال عن نظام التشطيب معانا
٠١٢٢٥٤٥٣٣٨٢

21/07/2022

معاينة واستلام شقة كمباوند كالما بمدينة حدائق اكتوبر

17/07/2022

لو حضرتك مهندس حتستفاد جدا من الموضوع ده

او حضرتك عميل وبتشطب شقتك
او سباك لسه تحت التمرين حيبقا مرجع ليك..

مناسيب هامة في أعمال السباكة :

1- ارتفاع حوض الحمام عن منسوب التشطيب 80 سم

2- ارتفاع حوض المطبخ عن منسوب التشطيب 90 سم

3- ارتفاع البانيو عن منسوب التشطيب 45 سم

4- خلاط البانيو اعلى من البانيو ب 20 سم

5- ارتفاع تغذية البانيو عن منسوب التشطيب 65 سم

6- ارتفاع تغذية وصرف الحوض عن منسوب التشطيب 50 سم

7- ارتفاع تغذية وصرف غسالة الملابس عن منسوب التشطيب 50 سم

8- ارتفاع ماسورة صرف المرحاض الإفرنجي من أسفل عن منسوب التشطيب من 8ل10

9- ارتفاع تغذية المرحاض الإفرنجي عن منسوب التشطيب من 25 إلى 30 سم

10- ارتفاع تغذية المبولة عن منسوب التشطيب 110 سم

11- ارتفاع صرف المبولة عن منسوب التشطيب 50 سم

12- ارتفاع تغذية سخان الغاز عن منسوب التشطيب 110 سم

13- ارتفاع تغذية سخان الكهرباء عن منسوب التشطيب 140 سم

14- المسافة بين ماسورتي السخن والبارد للخلاطات 16 سم.

15_ارتفاع الخلاط الدفن في الشاور رووم 110سم

وارتفاع الهد 210سم من مستوي التشطيب

16_ ارتفاع مسامير القاعده المعلقه 32سم

ملحوظه هامه كل المقاسات اللي فاتت من
مستوي التشطيب

مواسير التغذيه ببتتكبس علي 15بار
او ممكن تجيب الشركه المنتجه تكبس

بالنسبه للصرف تتاءكد من ميول المواسير في الاتجاه الي البيبه
او المخارج الرئيسيه

وخلي بالك صرف الغساله ميرميش في البيه.

12/07/2022

احواض الزاويه لاستغلال المساحة

09/07/2022

15/06/2022

لما تقرر تدهن الشقه انت وخطيبتك

31/03/2022

10 نصائح مهمة لغرف نوم الأطفال

1- واحنا بنختار غرفة الأطفال من بين غرف الشقة ياريت نختار اللي مساحتها كبيرة علشان يقدروا يلعبوا فيها براحتهم، وبلاش اللي بتطل ع المَنوَر.

2- لازم يكون في شباك بحجم متوسط أو بلكونة في الغرفة، لأن التهوية والاضاءة الطبيعية مهمين، ووصول الشمس لأغلب الغرفة ضروري لصحة الطفل خصوصا في سنين عمره الأولى.

3- نراعي اثناء امداد الكهرباء ان تكون المفاتيح والأفياش في غرفة الأطفال مرتفعة بقدر كافي ومتدارية بين الأثاث ويكون ليها غطاء أمان.

4- يستحسن يكون في أباچورة بضوء أصفر نستخدمها لو الطفل صحي في نص الليل بدل ما ننور الغرفة كلها والنوم يروح من عينه خصوصا لو كان طفل رضيع ساعتها هنندم ندم عمرنا.

5- يستحسن تكون الأرضيات من غير فواصل كبيرة لأن الفواصل بتتراكم فيها الجراثيم، واحسن إختيار هو الباركيه لأنه كمان دافي في الشتاء عكس السيراميك.

6- بالنسبة لألوان الحوائط يستحسن تكون هادية ومريحة للعين وكفايا بقا أزرق و وردي، وبلاش نرسم شخصيات كرتونية على الحوائط لأن ذوق الطفل بيتغير مع تقدم العمر، فا الأحسن تكون نقوشات خفيفة، ونستخدم دهانات قابلة للغسل علشان ابنك هيطلّع ڤان جوخ اللي جواه ع الحوائط كلها.

7- واحنا بنشتري اثاث الغرفة ناخد بالنا انه ميكونش بزوايا حادة، ويكون مناسب لكل المراحل العمرية اللي هيمر بيها الطفل او ع الأقل أول 10 سنين من عمره علشان منضطرش نغير السرير مثلا لانه صغير ع الطفل، وبمناسبة السرير فا بلاش يكون عالي أوي عن الأرض.

8- بلاش سجاد بوَبر ولا سجاد بشعر طويل علشان بيستخبا جواهم حجات مش هناخد بالنا منها غير وهي في بوء الطفل، وبلاش كمان سجاد بيتزحلق.

9- اغراض وألعاب الطفل لازم تكون في متناول ايده مش في مكان عالي،وتكون ومُرتبه بشكل أفقي مش فوق بعض علشان متقعش عليه.

10- لازم نوفر مساحة فاضية يلعبوا فيها، ولو مساحة الغرفة صغيرة ممكن نلجأ للأثاث الاقتصادي والمُعلق ونستغل الحوائط.

29/03/2022

الفانيليا لاتيه مع الإضاءة👇🤎