Hadeer Abbasi - Deroz Kitchen

Hadeer Abbasi - Deroz Kitchen Contact information, map and directions, contact form, opening hours, services, ratings, photos, videos and announcements from Hadeer Abbasi - Deroz Kitchen, Kitchen/Cooking, Alexandria.

11/04/2026

⁨ لو محتارين تهادو إيه في الربيع… استنوا شوف ده ⁣
⁣
باسكت شوكولاتة يفرّح من أول نظرة ⁣
والطعم… هيخلّي أي يوم حلو ⁣
⁣
فيه كل اللي بنحبه
شوكولاتة دو ديزيرت + جيلي كولا + M&M’s + مارشميلو
⁣
تهدوه لمين؟ ولا تخلوه لنفسكم؟ ⁣
ابعتوا DM واحجزوا دلوقتي ⁣
⁣
⁣
⁩

07/04/2026

لو كل حد فيكم بيحب حاجة مختلفة في الفطار… شوفوا الريل ده ⁣
⁣
جربت TBS⁣
وحقيقي عندهم اختيارات تناسب كل الأذواق⁣
⁣
أنا جربت الكرواسون بالبيض وكان حلو جدًا⁣
والمرة الجاية متحمسة أجرب السلاطات والأكل الصحي⁣
والحلويات شكلها مغري جدًا بصراحة ⁣
⁣
المكان كمان واسع ومناسب لو حابين تشتغلوا أو تذاكروا في هدوء ⁣
⁣
تحبوا ترشيحات أكتر لأماكن فيها أكل صحي؟⁣
ولا أجربلكم حاجة تانية؟⁣
⁣
⁣

22/03/2026

مين قال إن حلويات العيد بتخلص مع العيد؟ ⁣
⁣
جربت منتجات مارڤليس بعد نجاح ريفيو التمر في رمضان⁣
⁣
معمول وبسكوت بالتمر ومنتجات تانية تنفع للعيد ⁣
والأحلى إنها متاحة طول السنة ⁣
⁣
متنسوش تعملوا منشن لاصحابكم للي بيحبوا الحلويات ⁣
⁣
⁣
#معمول

21/03/2026

⁣⁣
⁣⁣
Behind the scenes⁣⁣
من برنامج سفرة رشاقة ⁣⁣
من أول الفكرة… للتصوير… لتعب وإعادة لقطات⁣⁣
ومطبخ متبهدل شوية ⁣⁣
لحد ما شفتم الحلقات قدامكم ⁣⁣
⁣⁣
حابة أشكر تطبيق رشاقة على الفرصة الجميلة دي وثقتهم فيا واختياري أكون معاهم رمضان السنة دي⁣⁣
⁣⁣
شكراً لكل حد تابع، دعم، أو حتى شاف فيديو واحد بس ⁣⁣
⁣⁣
لو الحلقات عجبتكم قولوا لي رأيكم في الكومنتات ⁣⁣
وقولوا لي تحبوا موسم تاني؟⁣⁣
⁣⁣
# ⁣⁣

20/03/2026

سادس حلقة من برنامج سفرة رشاقة ⁣
⁣
المنيو ⁣
فاهيتا فراخ ⁣
بطاطس ويدچيز ⁣
شربة فراخ خفيفة ومغذية⁣
سلطة فريش ⁣
⁣
كل ده تاكلوا وتشبعوا وتخسوا في نفس الوقت⁣
⁣
احفظوا الفيديو عشان ترجعوا له وقت ما تعملوا الأكل⁣
⁣
⁣
#سفرة

16/03/2026

الحلقة الخامسة من برنامج سفرة رشاقة ⁣
حلويات خفيفة تناسب بعد الفطار
⁣
سمبوسك بالتمر والمكسرات⁣
كنافة بالمهلبية والفراولة⁣
سلطة فواكه منعشة⁣
⁣
حلويات طعمها حلو وسعراتها أخف… عشان نستمتع برمضان من غير ما نحس إننا عاملين دايت قاسي⁣
⁣
ومتنسوش تحفظوا الفيديو وتجربوا الوصفات… ولو عجبكم اعملوا لايك وشير عشان يوصل لناس أكتر⁣
⁣
#سفرة

13/03/2026

⁨ الحلقة الرابعة من برنامج سفرة رشاقة ⁣
لو بتدوروا على سحور صحي ومش تقيل ويخليكم شبعانين طول اليوم… جربوا السحور ده ⁣
⁣
بيض بالخضار ⁣
جبنة قريش بالفلفل الألوان المشوي⁣
زبادي يوناني لايت بالفواكه⁣
⁣
طريقة الجبنة القريش⁣
قالب جبنة قريش + فلفل ألوان مشوي مهروس + رشة كمون + فلفل أسود + زعتر + شطة + زيت زيتون⁣
نقلبهم مع بعض… وطعمها حلو جدا في السحور ⁣
⁣
سحور خفيف – صحي – ومش هيخليك عطشان في الصيام ⁣
⁣
قولوا اي جربتوا وصفات الحلقات اللي فاتت ؟⁣
متنسوش تعملوا لايك وشير وتحفظوا الريل عشان تجربوه في السحور ⁣
⁣
⁣
#سحور #رمضان⁩

07/03/2026

لو بتحبوا المشروبات الرمضانية بس عاوزينها صحية وخفيفة… لازم تجربوا الوصفات دي 🍓🥤⁣
⁣
في حلقة برنامج سفرة رشاقة عملت
زبادو صحي بالفراولة⁣
تمر هندي منعش⁣
وتمر بالحليب ⁣
⁣
مكونات الزبادو الصحي
زبادي يوناني لايت⁣
فراولة طازة⁣
كوب حليب خالي الدسم⁣
عسل نحل (اختياري)⁣
⁣
الطريقة:⁣
نخلط كل المكونات معا في الخلاط
⁣
جربوه وقولولي رأيكم
ولو عجبكم الفيديو اعملوا لايك وشير عشان يوصل لكل اللي بيدور على وصفات رمضانية الصحية⁣
⁣
#سفرة

04/03/2026

⁨ ⁨ الحلقة التانية من برنامج سفرة رشاقة⁣ ‪‪‬‬
وجبة متكاملة تشبعك من غير حرمان ⁣
⁣
🥩 لحمة بالمشروم (صوص صحي)⁣
⁣
المكونات:⁣
لحم فخدة شرايح⁣
معلقة صغيرة زبدة⁣
ملح⁣
فلفل أسود⁣
روزماري + زعتر⁣
بصل وثوم بودر
⁣
مكونات الصوص الصحي:⁣
فص ثوم مهروس⁣ ،مشروم طازة متقطع⁣
كوب مرقة لحمة أو فراخ لايت⁣
(اختياري) حليب خالي الدسم⁣
⁣
👩‍🍳 الطريقة:⁣
تبّلي اللحمة بالملح والفلفل والثوم والروزماري والزعتر
سخني طاسة كويس جدًا وحطي الزبدة
شوّحي اللحمة 3–4 دقايق لكل جنب (حسب السُمك)
ضيفي المرقة وسيبيها تاخد طراوة
ارفعي اللحمة وسيبيها ⁣
⁣
الصوص:⁣
في نفس الطاسة⁣
شوّحي المشروم لحد ما لونه يغمق
ضيفي الحليب وسيبيه يغلي دقيقتين لحد ما يتقل خفيف
رجّعي اللحمة على الصوص دقيقة واحدة بس
⁣
يتقدم مع خضار سوتيه + سلطة خضرا + شوربة مشروم⁣
⁣
لو الوصفة عجبتك اعملي لها سيڤ عشان ترجعي لها تاني
مستنية تطبيقاتكم للوصفة ⁣
⁣
#سفرة⁩⁩

21/02/2026

تبعوني في سفرة رشاقة مع وصفات بنحبها ولكن بسعرات حرارية قليلة 🥣

Address

Alexandria

Website

Alerts

Be the first to know and let us send you an email when Hadeer Abbasi - Deroz Kitchen posts news and promotions. Your email address will not be used for any other purpose, and you can unsubscribe at any time.

Shortcuts

Share

Category