تشطيبات مدينة نصر والمعادى

24/01/2023

12/02/2021

فديو قبل وبعد التنفيذ

28/11/2020

كلامنا النهاردة بخصوص ( فانيلا باشا لاتيه ) ⁦😂
Vanilla Latte 1519
ليه اللون دا تحديدا انتشر بالطريقه دي؟
هل عشان اللون حلو فعلا وفي إجماع على كدا
ولا عشان احنا شعب قلوود وبنحب نكرر نفسنا 🤔
طيب ما نيجي نفهم وتعالي افهمي عشان لما حد يتناقش معاك ويعترض على اللون دا تعلمه قصف الجبهات بيبقى ازاي
_____
اولا. الون دا درجته في جوتن. 1519
ولو حضرتك على قد حالك وعايز توصل للدرجه دي فتركيبته (١٠وحدات اصفر جملي +٣ وحدات احمر +١٢ وحده اسود)
دي طبعا اجتهاد .. ممكن تعمله و يطلع أخضر مليش فيه 🙆😂

ايه الوحده دي؟
الوحده بتقدر ب ٣ نقط من المركز.
وخلينا متفقين انك عرفت من الأرقام دي الكميه الي هتحطها قد ايه.. بمعنى لو مش عارف تعمل موضوع الوحدات دا يبقى هتحط شويه اسود اكتر من الأصفر.. والاصفر اكتر من الأحمر وتقلب.. وصلت
والأفضل من كل العك دا انك حتى لو هتجيب منتج من بره ممكن تروح لاقرب فرع جوتن وتقوله نزلي صبغه 1519. سعر الصبغه مش هيكلفك اكتر من ٢٠ جنيه. و بكدا تبقي وفرت شويه و تقدر تطلع درجة اللون بدل دهانات جوتن الغالية جدا
__________
تعالو نتكلم على اللون بقى...
اللون دا مميز جدا لانه اخر درجات الاوف وايت واول درجات الكافيه حاجه كدا ميزاان 👌

ايه انسب طريقة لتلوينه ؟
انسب حاجه ليه أن لو الفرش اقرب للفاتح تعمله نص صبغه.. ولو الفرش أقرب الغامق هتعمله زي ماهوه

ملحوظه؛ اللون دا في حاجه حقيقيه انو بيفتح بالنهار بيديك درجه كافيه فاتح وبيغمق بليل.
دا سحر يعني ولا ايه؟
لا ببساطه اللون دا بيتاثر جدااا بلاضاءه وكل ما تزود اضاءه هيفتح. 😍

مساءكم فانيلا لاتيه بالسمسم ها 😂😂

للتواصل فون او واتس اب علي رقم 01112698024

20/11/2020

ترتيب البنود في التشطيب 👌👌
________________________________________________________

#التأسيس

1- لوحات توضح توزيع فرش الشقة .
2- تعديل مباني لو مطلوب
3- تأسيس سباكه " تغذيه + صرف + عزل + صرف تكييفات.
4- ضبط منسوب التشطيب النهائي .
5- تأسيس كهرباء " فرد خراطيم + سلك + لوحه + إضاءه الشقه "
6- تأسيس التكيف .
7- محارة " لو شقتك لسه علي الطوب الاحمر .
مشكلة المرحله دي الأساسيه إن مصاريفها كتير و مابيظهرش حاجه لان معظم الشغل مدفون
_____________________________________________________________

" #العجين "
1- أسقف مصيص أو كيما كزيت
2- أسقف معلقه جبسيوم بورد ماعدا الحمامات و المطبخ عشان احسن يركبوا بعد السيراميك
3- تأسيس نقاشه ( وش سيلر + سكينتين + بطانه )
4- كرانيش فيوتيك
5- نظافة الشقه تماما
6- تشوين السيراميك + الرمل + الأسمنت
7- تركيب درج السلم لو في سلم او مستويين عشان تزبط منسوب المستويين او الدورين
8- تركيب السيراميك و الرخام
9- تركيب جبسيوم بورد الحمامات + المطبخ اللي سبناهم فوق

#الفنش
_____________________________________________________________
----------------------------------------------------------
1- تركيب ألالوميتال
2- تركيب الابواب + باب الشقه
3- تظبيط وزر السيراميك بعد الابواب و الالوميتال
4- تشطيب الكهرباء ( تركيب الاسبوتات و المفاتيح و الزراير إلخ ،،، )
5- تركيب العتب و أي اكسسوار رخام + جلي الرخام
6- تركيب كبائن الشاور
7- تشطيب النقاشه ( الالوان النهائيه + ورق الحائط )
8- تركيب الأدوات الصحيه + الخلاطات + الاكسسوارات .
م محمد الخولى
01112698024فون واتس

05/10/2020

pink and green
اللون الوردي مع درجات اللون الاخضر في التصميم الداخلي ✨

01/10/2020

الناس تتجمع 😌😍😇
نصائح شاملة لغرفة الجلوس والاستقبال ...
شاركوه مع اصحابكم واعملوا تاغ للي عم يجهزوا جديد

01/10/2020

تناسق اللون الازرق بدرجاته مع الالوان المختلفة في التصميم الداخلي✨

08/09/2020

بياض المحارة

يعد المرحلة الخامسة في اعمال التشطيب (المبانى - السباكة - الكهرباء الداخلية -الحلوق الخاصة ب الابواب والشبابيك - المحارة..... )..
مهم نعرف ازاي بياض المحارة بيتنفذ والمراحل اللي يمر بيها وازاي نستلمه وايه الحاجات اللي نخلي بالنا منها مع الصنايعى.
دايما أرقى شغل المحارة هو الأصعب وعشان كدا لازم تبقى عارفة كويس ومهم ليك عشان تعرف ازاى تتعامل معاه

شغل دراع
شغل قده وميزان
شغل بؤج واوتاار
شغل تأكيس وتربيع وزوايا ( زوى)

بياض المحارة دي المرحلة اللي بتغطى اي عيوب عندنا في الخرسانات او الحوائط
البياض لو عملته على الحوائط يسمى (محارة)
ولو عملته على الارضيات الافقية والاسطح المائلة يسمى ( لياسة) و يمر بياض المحارة بشوية مراحل هي :
مرحلة الطرطشة.
مرحلة وضع سلك شبك من الصلب او الفايبر.
مرحلة عمل اللياسة.
مرحلة التلبيش او التلييس.
مرحلة المس او التخشين.

مرحلة الطرطشة

اول مرحلة من المراحل اللي بيمر بها بياض المحارة وهي مرحلة الطرطشة.
قبل مرحلة الطرطشة لابد من تجهيز السطح وتنظيفه
لو فيه اي خوابير خشب تتكسر.
لو فيه اي زراجين خارجه من عمود تتقطع.
لو فيه اي شنابر تتشال.
ولو فيه اي اتربه انضفها بالمقشة.
المهم في الاخر السطح اللي هعمل عليه الطرطشة يكون نضيف تماماً.
- الطرطشه دي عباره عن مونة.. الرمل المستخدم فيها رمل حرش (خشن) ومحتوى اسمنت عالى
طيب يعني ايه محتوي اسمنتي عالي؟؟
المونه العادية اللي بيتم البناء بيها او المحارة بيها، فيها محتوي اسمنتي حوالي 300 كجم/م المكعب مونه ، يعني 6 شكاير اسمنت ، في مونة الطرطشة بقي يوجد 9 شكاير اسمنت علي المتر المكعب ، وذلك عشان المونة وانا بعمل الطرطشة تلزق في الطوب ، وكمان مونة الطرطشة لازم تكون خشنة عشان مونه اللياسة تمسك فيها ، وزي ما قولنا عشان اعمل طرطشة خشنة لازم يبقي الرمل المستخدم رمل حرش.
- طيب هتقولي فيه ناس مبتعملش طرطشه اصلا ، وفيه ناس بتعمل بس بتعملها بمونه اي كلام ، هل ليها ضرر؟
مؤكد انت بعد ما تعمل المحارة اللي بالمواصفات دي وتدهن الشقه وتفرش وتسكن هتلاقي كل شوية حتة في الحيطه بتطبل ( يعني لو جيت خبطت عليها هتحس ان وراها فاضي) وطالما اتوجد التطبيل يبقى بعد فتره مش قليله هتلاقي ظهرلك شروخ.
يبقي عشان كل ده ميحصلش لازم اعمل طرطشة شحمة (مونه من علي الطالوش) والطالوش ده هو حتت الخشبة اللي بيمسكها الصنايعي وبيحط عليها المونه ويمسك المسطرين بالايد التانيه ويبدأ يطرطش.
- بعد ما الصنايعي يخلص طرطشة اطلع استلمها ، ولازم الطرطشه تكون زي اللي في الصوره كدا ، تمشي ايدك عليها تلاقيها خشنة
للتواصل 01112698024

02/08/2020

المهمه المستحيله!!!🙅
ازاى تختارو الوان ️🎨شقتكم ؟؟؟
✅ اصعب مشكله بتقابل اى حد مهما كان عمره 👴👱اختيار الالوان فى التشطيب وخصوصا لانه بيبقى اخر مرحله الموضوع بيبقي محير 😭لانك لازم تجمع بين اكتر من حاجه الوانك المفضله 🤔ودرجات تناسق الالوان مع بعضها و تاثير الاضائه 💡عليها وملائمتها للمساحات وطبيعة استخدامك للمكان والفرش اللى هيبقى فيه
عشان كده
كل اللى عليك هتجيب ورقه وقلم📝
وتبدء تقسم الشقه اماكن
✅ زى غرفة نوم 🛏 وصاله 🛋 غرفه اطفال ..الخ
بعدها تحدد ايه نوع الفرش هتفرش مودرن ولا كلاسيك والوان الفرش ايه 🛋🛏
✅ بعدها تشوف الاضاءه الكهربائيه 💡هل هي بيضاء لانها بتظهر الالوان ع طبيعتها ولا صفرة لانها بتاثر على درجه اللون وكمان الاضاءه الطبيعيه ودى اللى جايه من الشباك اوالبلكون
✅ بعد كده استخدامك للمكان يعنى لو غرفة 🛏 نوم هتحتاج لالوان تحسسك بالهدوء والاسترخاء وممكن كمان تدخل لون بسيط يحفز على النشاط💪
او الصاله 🛋 دى ممكن تحتاج الوان تحسسك بالدفء والجو الاسرى 👨‍👩‍👧‍👧عشان دى اكتر مكان بتقعدوا فيه
غرفة الاطفال مش دايما الفوشيا للبنات🚺 واللبنى للولاد او الاصفر اختار الوان تساعدهم الاسترخاء والنمو والابداع اعمل كوكتيل خاص بشخصيتهم وبلاش سبيدر مان وسندريلا 💃
✅ بعد كده مساحه المكان لان الاماكن الضيقه بتحتاج الوان تديك احساس بالاتساع ولو السقف واطي هيحتاج الوان تديله ارتفاع✅
وبعد متجمع كل الحاجات دى ابتدى رتب الوانك واقرأ 📚حاجات عن الالوان
ولو احترت اوى هات مهندس ديكور هيوفرلك💰💰 لانه دارس يعنى ايه الوان وتاثيرها وفاهم ازاى يقدر يربط كل حاجه مع بعضها👍
موضوع الالوان موضوع مهم اوى لانه يا اما هيدي طاقه ايجابيه فى البيت وهيخليك حابب القعده فيه🤗
او هينشر طاقه سلبيه تخليك قاعد مش مرتاح 😤 ومش شرط عشان الالوان ماشيه مع بعضها يبقي انت كده عملت اللى محتاج ليه حسب طبيعتك!!!
شوفو الصور وتابعونا البوست الجاى هنتكلم عن الالوان وتاثيرها على نفسيتنا ؟
______________________________
لو الموضوع عجبك .. ادعمنا بلايك 👍 وكومنت 💬 وشيير علشان غيرك يستفيد

05/07/2020

تم التنفيذ

26/06/2020

تصميم نيو كلاسيك

22/06/2020

تصميم جديد وبسيط