Youssef Badran - Innovations

11/05/2025

🧡

13/04/2025

🔥🔥

30/01/2025

05/02/2023

✅تالت بوست في السلسلة بند المباني تابع ياصديقي ✅
ازاي نحصر بند المباني او ازاي اقدر اعرف هجيب قد ايه مون وخامات عشان صنايعي ميضحكش عليا واكون عارف هحاسب الصنايعي ازاي
✅• حصر الطوب :
قبل ماحصر بند المباني لازم أكون عارف اني في المباني في حاجة اسمها حوائط نص طوبة وحوائط طوبة هناخد مثال لو هستخدم طوب طفلي ابعاده 25*12*6
📌• في الحوائط النص طوبة بحصرها بالمتر المسطح وبتجاهل سمك الحيطة عشان بتكون صغيرة .
مثال لو عايز احصر الحائط النص طوبة في كام طوبة بروح اقسم مساحة الحائط علي مساحة وجه الطوبة يعني لو هنفترض اني مساحة الحائط الي حسبتها 20 متر مسطح / مساحة وجه الطوبة (0.26*0.07) زودنا 1 سم قيمة العرموس .
📌طريقة اخري للحصر برضو
ممكن بعد ماحسب مساحة الحوائط النص طوبة اروح اجيب المتر المسطح أصلا فيه كام طوبة وبعد ماجيب المتر المسطح فيه كام طوبة اروح اضرب
=مساحة الحوائط النص طوبة * المترالمسطح هيطلعلي في كام طوبة عندي في الحائط النص طوبة .
📌• في الحوائط الطوبة بحصرها بالمتر المكعب يعني بعمل حسابي اني هاخد سمك الحيطة معايا في الاعتبار .
طريقة حسابها نفس طريقة الحصر في المتر المسطح في الحائط النص طوبة بس بزود في الحساب سمك الطوبة الي هيكون علي المثال هنا 12سم
مثال لو عايز احصر الحائط طوبة في كام طوبة بروح اقسم حجم الحائط علي حجم الطوبة يعني لو هنفترض اني حجم الحائط الي حسبتها 20 متر مكعب *0.12 / حجم الطوبة (0.26*0.07*.0.13) زودنا 1 سم قيمة العرموس .
📌طريقة اخري للحصر برضو
ممكن بعد ماحسب حجم الحوائط الطوبة اروح اجيب المتر االمكعب أصلا فيه كام طوبة وبعد ماجيب المتر المكعب فيه كام طوبة اروح اضرب
=حجم الحوائط الطوبة * المتراالمكعب هيطلعلي في كام طوبة عندي في الحائط الطوبة .
بعد مابنحصر الطوب الي عندي في الشقة كلها بزود عليها قيمة هاللك بيكون تقريبا 5%.
والمفروض في الحصر الصح بنخصم قيمة فتحات الأبواب والشبابيك من الطوب فانت لو عاوز تحصر حصر سريع ومتضفش في الحصر قيمة خصم فتحات الأبواب والشبابيك متضفش قيمة الهالك وسعتها قيمة الفتحات الي انت مخصمتهاش من الحصر هتكون بمثابة 5% بتاع الهاللك .
✅• حصر المون:
حصر المون بيكون معتمد علي حصر الطوب الي حصرناه فوق فا لوحصر الطوب غلط هتزعل صدقني 😂
في اعتبار بناخد مونة المباني 1م3 رمل + 6-7 شكاير اسمنت +40-50 % مياه من وزن الاسمنت.
• 1000 طوبة من الطوب الأحمر الطفلي بيحتاج 0.5م3 رمل + 3 شكاير اسمنت.
• 1000طوبة من الطوب الاسمنتي المفرع بيحتاج 1 م 3 رمل + 6 – 7 شكاير اسمنت.
وفي الاخر هتيجي تحاسب الصنايعي هيقوللك انسي ياباشا الحصر الي انت عملته ده وحاسبني ب 1000طوبة😂
يعني هيتفق معاك علي ال1000 طوبة مصنيعة بكام وهتشوفه في الاخر عمل كام الف طوبة وتحاسبه .
لكن لو شغال في شركة او لو مقاول الي واخد منك الشغل لازم تحاسبه بالحصر الهندسي .
تابع معايا ياصديقي باقي السلسلة ❤️

31/01/2023

✅تاني بوست في سلسلة بند المباني✅ تابع معايا ياصديقي
بند المباني هو اول بند من بنود التشطيبات بعد مرحلة العظم (الخرسانات)
طب لو انت في مشروع وعايز تدخل مقاول مباني يدخل يشتغل امتي يخش بحيث انه ميعطلش وميخسرش برضو
⏪• لو مقاول مباني دخل يشتغل وانا لسة صابب دور الأول كده هيخلص مباني الدور وهيقعد جنبي وكده المقاول هيمشي وهيخسر.
⏪• الحل الأفضل اني اخلي مقاول مباني يدخل يتشغل مثلا وانا بصب الدور الخامس بحيث تكون إنتاجية مباني متساوية مع إنتاجية الخرسانات ومقاول ميعطلش واعرف اخد منه سعر كويس للشغل .
قبل ماشتغل في بند المباني لازم أكون عارف نوع الطوب اللي هستخدمه في تنفيذ البند عندنا في نوعين من الطوب فيه
⏪طوب البناء وطوب التكسيات اللي بتخص الواجهات .
✅• طوب البناء✅
⏪- الطوب الطفلي وده قولنا ابعاده في بوست الي فات في السلسة .
⏪- الطوب الاسمنتي فيه نوعين .
▪️طوب اسمنتي مفرغ
▪️طوب اسمنتي مصمت وبيتكون من اسمنت + رمل + سن .
⏪- بلوك ابيض وده بيكون متقطع من الجبل بس مش منتشر اوووي .
⏪- طوب رملي بيكون لونه وردي وده هتلاقيه اكتر في اسوار المدارس .
⏪- طوب خفاف بيكون خفيف الوزن وبيتكسر بسهولة عشان بيكون متصنع بتنفية الخرسانة الرغوية .
⏪- طوب فخاري بيكون متصنع من مادة الطفلة دي بتكون زي المادة الي بتكون في ضهر بلاطة السيراميك.
⏪- طوب مبصوق به بولي استرين وده بيعزل الواجاهات الي بتكون معرضة للشمس .

✅• طوب التكسيات ✅
⏪• طوب حراري سمكه بيكون حوالي 2 سم .
⏪• طوب سورناجا.
⏪• حجر هاشمي سمكه بيكون حوالي 2 سم برضو وفيه منه الناعم والخشن .
⏪• طوب فرعوني .
⏪• طوب زجاجي شكله بيكون شكل المكعب وشفاف فيه منه الوان كتيرة جدا ولونه كل ماكان غامق كل ماكان اغلي .

تابع باقي السلسلة معايا ياصديقي ولو مبصتش علي اول بوست في السلسلة ارجع شوفه عشان تكون متابع معاانا باقي السلسلة