Legacy Gallery

أماكن فى القلب .. وهى الأماكن اللى الواحد مننا يحب يقعد فيها .. كافيه رايق .. مطعم جميل .. ركنة حلوه فى البيت كل مكان منهم فيه الديكور اللى يميزه وبيدله طعمه فى ناس بتسمى احب مكان ليها بالقوقعة أو الغواصة أو الكهف لدرجة ان اصحابهم بينطوا لهم كل شوية .. كل اللى بيعملوه انهم بيحطوا شخصيتهم وجزء من روحهم فى المكان بيختاروا الالوان اللى بتعبر عنهم والتابلوهات اللى بتناسب الحالة والاضائة اللى بتلعب وا

لكرسى المريح بتاع القراية رف الكتب المليان وكل تفصيلة صغيرة ... ولان كل واحد وله زوقه ومزاجه (ده اللى درسناه فى الكتب) وحتى المزاجات بتختلف (وده اللى شفناه فى الحياة) قررنا نقدم كل واحد اللى يناسبه عشان يعيش فى العالم بتاعه ولاننا بنقضى اطول فترات حياتنا بين اربع حيطان فهنديك الفرصة انك تزوقهم على راحتك ... أحنا فى Legacy Gallery قررنا نعمل ده ... مش هنخترع العجلة بالعكس احنا كل اللى هنعمله هنوريك ممكن تستفيد من العجلة بشكل جديد ومختلف.
لما كنا قاعدين على القهوة وجتلنا الفكرة محمد (الفنان بتاعتنا) وخالد (مدير المشروعات) وأنا سيد (كبير المصممين :) ) قررنا نحط كل علامنا اللى خدناه فى كليه الفنون التطبيقية مع خبرتنا اللى شفنها فى ال 15 سنة اللى فاتوا ونغير الكون ... الكون بتاعك بتابلوه حلو ... فازه جميلة ... تصميم لطيف ومش هننسى ولادك او ولاد اختك لو انت لسه تحت السن :) .
هتشوفوا ان شاء الله هنقدم لكم ايه هنجمع ما بين اصالة الماضى وعراقته وحلاة النصر واماله لاء مش ديه :) هنجمع ما بين كل حاجة جميلة ارتبطنا بها وكل حاجة حلوة نفسنا نعملها.