26/04/2023
التوقيت الصيفي
بداية من يوم الخميس بالليل الساعة ١٢ صباح
12am 28/4/2023
ليلة الجمعة
يعنى إيه التوقيت الصيفى..!!🤔
يعني هتيجى يوم الجمعة الجاية بالليل أول ما الساعة⏲️ تيجى 12 بالظبط هتلف على كل الساعات اللي عندك تعدلها تخليها 1
وده معناه إنك لو متعود تصحى للشغل الساعة 7 الصبح فكده انت كأنك هتصحى 6
أول أسبوع الناس كلها تقريباً مواعيدها بتضرب وبتتأخر على شغلها والبصمة مش بترحم
بدل ما شروق الشمس الساعة 5.30 هيبقى 6.30
بدل ما الضهر بيأذن الساعة 12 هيأذن 1
الساعة 6 الصبح هتبقى الدنيا لسه ضلمة والساعة 8 بالليل هتبقى الدنيا لسه نور وفي الصيف العشا هتأذن الساعة 9 ونص بالليل
الساعة البيولوجية لجسمك هتبقى في ذمة الله أول أسبوع وهتبقى صاحى الصبح لشغلك أو دراستك
شبه الزومبى.
ولو متعود تنام بدري مش هتعرف وغصب عنك هتسهر لأن الليل بيليل متأخر
الخبر الحلو إنك على آخر الصيف هتكون اتعودت
والخبر الوحش إنك بمجرد ما تتعود هيرجعوا التوقيت الشتوى تانى
ودوخينى يا ليمونة🤣
