10/12/2025
ف البوست دا هنحاول نقول اكتر الحاجات علشان نعمل شقة بلا عيوب وغير مكلفة 💪💪
نقول بسم الله..
_ أول حاجة الشقة تتاخد وزنة واحدة ثابتة بميزان ليزر او ميزان الخرطوم " الشرب " كل الصنايعية يشتغلوا عليها 👌👌 وبيكون من علي بسطه السلم
_ مبيض المحارة يشد الوتر والكهربائي يظبط العلب عليه ✔✔
_ نركب حلوق 2 بوصة للأبواب والشبابيك كمان لو هتتعمل خشب
ونبدأ بالترتيب
#الأول الكهرباء 💡💡
_ هنحدد أماكن العفش بالمقاسات سواء اللي عندك او الاستاندر اللي ممكن تجيبها بعد كده لو مفيش تصميم للشقة جاهز مسبقا 🏰 علشان الفيش متكونش ورا العفش أو بعيدة
_ كل غرفة م اللوحة 3 خطوط ( إنارة _ برايز - مكيف ) 🆗
_ كل غرفة لها خط دش 📡 مستقل مكان الجهاز 📺 وحتى المخرج سليم بدون قطع ف السلك أو لحام
_ أول نقطة التليفون ☎ تكون مناسبة لمكان خدمة الروتر للشقة كلها وتيفضل تكون علي ارتفاع ٢.٢٠ من التشطيب
_ الخامات " بيتشينو - الحجاز - السويدي - علاء الدين - مصطفى محمود - ABB - فينوس "
_ تجهز خطوط🔌🔌 مستقله للسخان والغسالة والميكرويف وغسالة الأطباق والفلتر والجاكوزي وشفاط الحمام والمطبخ
_ نخلي ف كل غرفة فيشة ثلاثية
_ فيش ال USB كمان
_كشافات الطواريء🔦🔦 - الشحن - يكون لها خط واحد ف اللوحة علشان تفريغ الشحن
_ ظبط ارتفاعات الفيش مع العفش وتكون بعيدة ع الأطفال
_ متخليش الكهربائي يعمل لحامات ووصلات ف الأسلاك
_ المفاتيح جوا الحمام تكون ووتربرووف
🎺نصيحة بلاش تجيب صنايعي علشان قريبك أو صاحبك ميكونش عنده خبرة
تاني حاجة #السباكة🚿🚿
_ متنساش صرف المكيفات
_ المواسير الأخضر بروببلين أو أكواثيرم والصرف نبرو
_ بلاش بلاعة جوا المطبخ❌❌ الا لو فيه فرق منسوب في الشقه
_ خلي السباك يعمل صرف الحمام خط والمطبخ خط✅
_ الكابينة حلو بس البانيو🛀 حلو للبطاطين
_ جهز مكان الغسالة ف الحمام والمطبخ كمان
الستات👰 بتغير رأيها كل لحظة ومتنساش صرف غساله الاطباق
_ أعزل الحمام والمطبخ قبل السيراميك
_ واوعي تنسي مكان الفلتر مكان الفلتر مكان الفلتر 📣📣
📯اوعى صنايعي يعمل لك شغل علشان قريبك أو صاحب ومعندوش خبرة📯 تاني بنبه
_ خلى معاك مخطط الكهربا والسباكة 📕
_ اهتم باختيار مبيض محارة نضيف يريحك بعدين
_ متبالغش ف شغل الجبس رغم اني مبحبش البلدي
_ خلص الجبس قبل السيراميك👌👌
_ السيراميك 60 ف 60 جميل
_ متصرفش كتير علي نوع السيراميك كدا كدا هيتغطى 👊
_ قبل السيراميك رش الرمل بمبيد علشان النمل🐜🐜 اسمه ملاثيون
_ الشقة كلها خليها مستوى واحد بلاش 2 مستوى اللا لو كانت كده انشائيا . يبقي قدرك
_ غطي السيراميك بطبقة جبس علشان الدهانات هتبهدله 👀
_ بلاط سقف المطبخ أهم م سقف الحمام 🙃 بهزر طبعا اوعي تعمل اي سقف سيراميك .🤕🤕
_ سيراميك الشقة كلها ميزان والحمامات والمطبخ ميول
_ بلاش وزرة ف الشقة وهتدعيلنا 😊لو حابب اعملها مخفيه
_ ف الغالب الدهانات اللون الواحد والسادة جميلة ومريحة ومش مكلفة😀
_ الدهانات ماركة جوتن او الجزيره وألوان كمبيوتر
_ الألوميتال عندك PVC أو PS او الوميل غير كدا بلاش
_ الألوميتال مفصلي مش جرار افضل
_ الألوميتال يتملا فوم م برا او سيلكون
_ الشباك الخشب بيشرب الماية ويزيد ف الشتاء فبلاش
_ هات باب شقة يستحمل الهبد والخبط
النيش ملوش لازمة
_ لو الشقة واسعة غرفة تبديل ملابس أحسن كتير م الدولاب 👖👕👔
_ اهتم بالمساحات دي تكبر ع قد ما تقدر بالترتيب ده
غرفة النوم _ المطبخ _ الحمام 🛁🚿
_ متنساش شفاط الحمام
_ المطبخ الأمريكي شكله حلو بس بيملا البيت بريحة الأكل
_ متستعجلش صنايعي ولا تشغل صنايعي علشان القرابة والمعرفة بنبه تالت 🤫🤫
_ اوعى تستغلا أجرة صنايعي شغله حلو وفنان
_ متخليش 2 صنايعيه يشتغلوا ف وقت واحد علشان تركز مع اللي شغال وميعطل ش بعض
_ اتفرج ع شغل الصنايعية قبل ما تتفق معاهم
_ اعمل مكان ف البيت تصلي فيه ☝☝
ومتنساش
إياك تشغل حد 🔨🔧مبيعرفش يعمل شغل حلو لأنه قريبك أو صاحبك 😊😊 انا عارف اني زهقتوكو بس عشان اتلسعت
قبل كده . ويسثني اذا كان فعلا صنايعي جامد .
لو استفدت شير البوستو ❤️ . وساعد غيرك وان شاء الله تعملو شغل كويس ❤️❤️
