Alaa Elsayed for Finishes & Decoration

Alaa Elsayed for Finishes & Decoration لدينا خبرة اكثر من 20 عام في مجال التشطيبات والديكور وعم

معلومه علي الماشي #الدهاناتالفانيليا لاتيه ♥️Vanilla Latteليه اللون دا تحديدا ...
01/08/2024

معلومه علي الماشي
#الدهانات
الفانيليا لاتيه

♥️Vanilla Latte
ليه اللون دا تحديدا انتشر بالطريقه دي؟
اولا. الون دا درجته في جوتن. 1519
ولو حضرتك على قد حالك وعايز توصل للدرجه دي فتركيبته (١٠وحدات اصفر جملي +٣ وحدات احمر +١٢ وحده اسود)
ايه الوحده دي؟
الوحده بتقدر ب ٣ نقط من المركز.
وخلينا متفقين انك عرفت من الأرقام دي الكميه الي هتحطها قد ايه.. بمعنى لو مش عارف تعمل موضوع الوحدات دا يبقى هتحط شويه اسود اكتر من الأصفر.. والاصفر اكتر من الأحمر وتقلب.. وصلت 👌
والأفضل من كل العك دا انك حتى لو هتجيب منتج من بره ممكن تروح لاقرب فرع جوتن وتقوله نزلي صبغه 1519. سعر الصبغه مش هيكلفك اكتر من ٢٠ جنيه.
__________
تعالو نتكلم على اللون بقى...
اللون دا مميز جدا لانه اخر درجات الاوف وايت واول درجات الكافيه حاجه كدا ميزاان 👌

ايه انسب تلوينه ليه؟
انسب حاجه ليه أن لو الفرش اقرب للفاتح تعمله نص صبغه.. ولو الفرش أقرب الغامق هتعمله زي ماهوه

ملحوظه؛ اللون دا في حاجه حقيقيه انو بيفتح بالنهار بيديك درجه كافيه فاتح وبيغمق بليل.
دا سحر يعني ولا ايه؟
لا ببساطه اللون دا بيتاثر جدااا بلاضاءه وكل ما تزود اضاءه هيفتح.

15/07/2024

معلومة_عالماشي
من اهم بنود التشطيب وهو:-

-((بند تأسيس الكهرباء))
مبدائيا خلينا متفقين ان فالتأسيس عموما لازم نستخدم اجود الخامات عشان تعيش معانا.
واحسن الخامات في تأسيس الكهرباء
1-سلك السويدي(ومهم يكون من حد مضمون عشان مضروب كتير).
2-خراطيم مصطفي محمود.
3-مفاتيح اشنايدر
💥(اهم الحاجات اللي ناخد بالنا منها اثناءالتأسيس)
1-نحدد اماكن الاجهزة والفرش بتاعنا ونحاول نوصل لانسب حاجه بحيث الاماكن تكون مظبوطه ومتحتجش تزود حاجه.
2-يتم التكسير مكان العلب وعدم التكسير في اي نوع من الخرسات حتة لو حاجه بسيطة ممنوع
من حلولها انك ممكن تبني حيطة نص طوبة عالجزء الخرساني وتفتح للعلب براحتك.
3-مراعاة وزنة وافقية علب الكهرباء وبعدين نثبت بمونة اسمنتية ونسيبها تنشف برحتها.
4-بنثبت الخراطيم فالعلب.
5-بنحط تلبيش بالمونة علي الخراطيم الممتدة للحوائط والارضيات وتغطيتها بمونة للحماية ونثبت اللوحات..
6- نتاكد ان كل ماسورة لا يوجد بها اسلاك اكتر من نص مساحة مقطعها
7-نتأكد ان كل غرفة وجهاز تكيف علي قاطع منفصل فاللوحة.
8-نتاكد من اقطار الخراطيم 20او25مللي للصواعد والارضيات 16مللي وسلك الصواعد 16مللي
9-نتاكد ان سلك التكيف والسخان ميقلش عن6مللي والبرايز3مللي والمفاتيح 4مللي..

💥(بعد كدا عندنا شوية مناسيب ناخد بالنا منها)....

1-علب الانارة والمفاتيح توضع على ارتفاع 100 – 120 سم
2-البرايز علي ارتفاع من30-40سم
3-في المطبخ و الحمام توضع على ارتفاع لا يقل عن 120 سم.
4-مخارج الاباليج من160-180سم.
5-اللوح الكهربائية 180سم.
6-مخارج السخان الكهربائي مخارج شفاط البوتجاز المعلق180سم.
جميع المقاسات دي ممكن تختلف شوية حسب التصميمات.

اعمال بياض المحارة بالتفصيل :-------------------------------------1- بياض المحاره بيكون متابعه من الاول خالص ف اول حاجه ...
02/01/2024

اعمال بياض المحارة بالتفصيل :
-------------------------------------

1- بياض المحاره بيكون متابعه من الاول خالص ف اول حاجه بستلمها هي تجهيزات البياض اللي هي ( ازالة الخوابير الخشبية وتقطيع الشنابر وترميم الخرسانه - وكمان اتاكد من تمديدات الكهرباء - ونسد الشنايش وتمليية عراميس الطوب ) .
2- بعد كدا بنستلم الطرطشة ونتاكد من جودتها وخشونتها وتكون زي ما قولنا مونه من علي الطالوش ونتاكد كمان انها مغطيه كل الحوائط والاسقف.
3- استلم بعد مرحلة الطرشة تثبيت سلك الشبك او السلك الفايبر بشكل صحيح عند اماكن التقاء خرسانه الكمرات والاعمدة بالمباني .
4- اراجع بؤج الاسقف باستخدام ميزان القامة.
5- هنراجع بؤج الحوائط السفيلة عن طريق شد خيوط الاكسات وقياس المسافات بين خطوط البؤج والتأكد من الزوي والتربيع.
6- مراجعة وزنات البؤج العلوية مع البؤج السفلية باستخدام ميزان الخيط او القده الالومنيوم وميزان المياه.
7- بعد كدا استلم الملو بالاده الالومنيوم ، واجيب الاده الالومنيوم واطبعها علي كل الاسقف والحوائط ، وابص واتاكد بعيني ان الاده مش منوره ، ولما نحط الاده نحطها علي سيفها مش علي بطنها ، وانا بستلم بالاده احطها في كل مكان واهم مكان تحت عند الوزرة لان دي كل المهندسين بيغلطوا في استلامها وينسوا يستلموها ، عشان محدش بيقعد في الارض ويمسك الاده ، وكمان المنطقة اللي تحت دي هي اكتر منطقة الصنايعي مبيعرفش يأدها كويس لانها بعيد عن ايده ، ودي هتعمل مشكله لما المبلط يجي يركب الوزرة هتلاقي الوزرة عامله زي التعبان.
8- أتاكد بعيني ان بياض المحاره مفهوش تنميل او تجزيل يعني (شروخ رفيعه).
9- لو لقيت اي شرخ صغير امسك ظلطه اوخبط علي بياض المحاره لو فيه صوت يبقي معني كدا ان بياض المحاره ده مطبل .
10- استلام فتحات الابواب والشبابيك ، والتأكد من عرضها وارتفاعها بعد اتمام عملية البياض.
11- اجيب الزاويه المعدن واستلم بيها كل ماهو زاوية قائمة.
12- لازم استلم تعريض كل الكمرات وكل الفتحات ، وكلمة تعريض يعني لو عندي مثلا عمود فلازم اتاكد من عرض العمود ده من فوق وعرضه من تحت فبستلم التعريض ده بالمتر وابص كدا بالنظر أتأكد ان العمود مظبوط وكمان احط علي العمود ده اده ، وكمان احطها عند السوك.

📌الزاوية الفريسبيكو
ودي زاوية معدنية مجلفنه بنستخدمها في سوك المباني و سوك الأعمدة الخرسانيه عشان نحافظ عليها من الكسر .. وعشان نقدر نتحكم في سوك المباني وسوك العمود عشان نقدر نتحكم في وزنة السوكة للعمود أو سوكة المباني ونطلعها بشكل مستقيم مستوي مظبوط .. دي برضو بتغنينا عن استخدام الزوايا الخشب ..
5 سم * 5 سم * 3 متر طول
فيه زوايا فرسبيكو تانيه بيكون 7سم *7 سم .. ونفس الارتفاع 3 متر ...
طبعا العود لازم يكون مظبوط على بؤج تحت وبؤج فوق .. ولازم يكون موزون بالكامل تماما ..
بنثبت العود على الطرطشة باستخدام المسامير وورد في الشبك
طبعا الفريسبيكو ال7سم *7 سم افضل من ال5سم *5 سم

إيه الفرق بين الجبس البلدي والجبس بورد، ومين الافضل، وإيه مزايا وعيوب كل منهم؟ هنتكلم في الأول عن الجبس البلدي:ودا بنعمل...
02/01/2024

إيه الفرق بين الجبس البلدي والجبس بورد، ومين الافضل، وإيه مزايا وعيوب كل منهم؟

هنتكلم في الأول عن الجبس البلدي:
ودا بنعمله بعد بند بياض المحارة، وبنستخدمه في عمل التشكيلات الجبسية زي ( الكرانيش - الحليات - العراميس).

والكرانيش بتطلق علي تشكيلات الجبس اللي بتكون بين السقف والحيطة، والحلية دي زي الكورنيشة كدا بس بتتعمل في الحيطه بس او السقف بس، بالنسبة للعراميس دي بتكون غاطسه لجوه في المحارة.

ليه أنا بعمل التشكيلات دي من الجبس ومبعملهاش من الأسمنت ؟ لسببين :
1- لأن الجبس عجينه سهلة التشكيل .
2- لأن الجبس عجينة سريعة الشك.

استلام الجبس البلدي:
1- بنستلم الأعمال الجبسية بالنظر كدا وأهم حاجه ميكونش فيها شردمة (عضعضة)، يعني الكورنيشه في مكان معين تلاقيها مسننه .
2- إعمل حسابك إنك ترمي خرطوم في مرحله الجبس عشان لما يخلص ماتكتشفش انك نسيته والصنايعي كمان نسيه ف هتضطر تكسر عشان تعرف ترمي تمديدات الكهربا.
----------------------------------------------

بالنسبه للجيبسوم بورد

الجيبسوم بورد انتشر في مصر بصوره كبيره جدا في السنوات القليلة الماضية، في البدايه تعالوا نعرف يعني ايه جيبسوم بورد ؟

الجيبسوم بورد عباره عن ألواح جبسية سمكها 1سم، والالواح دي واخده طبقة كرتون من الجانبين، وعشان الجبس ميتكسرش بسهولة بيعجنوا معاه فايبر بحيث يكون جبس مقوي، ألواح الجبس دي بناخدها ونشكلها زي ماحنا عايزين عشان نعمل بيها الاسقف المعلقة وكمان بنستخدمها في الحوائط.

الالواح الجبسية بيكون منها 3 ألوان، واللون ده ماهو الا لون قشرة الكرتون.
1- الابيض : العادي ودا بنركبه في غرف النوم والرسبشن.
2- أخضر: بيكون مقاوم للرطوبة وبنركبه في الحمامات.
3- أحمر: مقاوم للحرارة ودا بنركبه في المطابخ.

الالواح الجبسية بتتميز بخفة وزنها، ومتوفره بكذا مقاس علي حسب المكان اللي هتشتري منه، واشهر ماركه تشتري منها هي KNAUF.
لما تيجي تشتري الجيبسوم بورد بيكون معاه شوية اكسسوارات ( زوايا - قطعه اسمها #أوميجا - قطاع حرف C - شوية مسامير - Crack tape لزق الشروخ).

◀ طيب ايه اللي يخلي الناس تعمل اسقف معلقة:
1- بيدي شكل جميل للسقف.
2- عشان لو هنمشي اسلاك أو كابلات فوق السقف المعلق زي في (المحلات - المولات).
3- عشان يخفي عيوب معينه في سقف الخرسانه.
4- عشان نركب فيها اللمبات الاسبوت.

◀ ازاي بقي بنركبه ؟
1- بيكون عندي قطعة الاوميجا ودي بركبها في السقف بمسمار، وبيكون متعلق جواها كدا زي مسمار مقلووظ اسمه #تيش وده بنعلق فيه النظام اللي هيتركب فيه الالواح الجبسية.
2- ممكن نعمل السقف بكامل مسطحه جيبسوم بورد، وممكن نعمله في الداير فقط عشان نحط حاجه اسمها اللي بيتحط فيه اضاءه ليد أو اسبوتات، ومهم اني أكون منظم بين صنايعي الجبس والكهربائي.
3- الفواصل بين الالواح الجبسية بلزق عليها Crack tape أو لزق الشروخ وبعدين نمعجنه بمعجون خاص وفي الاخر نديله وش الدهان.
4- لو هعمل حيطه من الجيبسوم بورد هيكون عندي طبقتين من الجيبسوم بورد، والسمك بتاع الحيطه هو عرض الـ C اللي مركبينها جوه الحيطه.
5- في الجيبسوم بورد مينفعش نعلق عليه حاجه تقيله بمسامير.

◀ استلام الجيبسوم بورد
1- إستلام افقية ورأسية الشكل.
2- اماكن الوصلات ميكونش باين.
3- يكون مطابق للشكل اللي مديه للصنايعي.
4- لو عندي حاجه مستقيمة أشد عليها خيط واتأكد من الاستقامة.
5- لو عندي دوران أتأكد إنه معمول صح.

◀ وحدة قياسه
- لو هو مسطح بيتقاس بالمتر المربع.
- لو عندي بيت نور بيتقاس بالمتر الطولي ولكن بيكون نفس تكلفة المتر المربع لأن المصنعيات بتاعته بتكون صعبة.
لو عندي حاجه فيها أشكال كتير غالبا بتتقاس بالمتر المربع فقط، بس سعرها بيكون غالي وده علي حسب الاتفقاق مع الصنايعي او بالمقطعية زي خلفية الشاشة مثلا.
-----------------------------------------------------------
📌 طيب دلوقتي إيه الأفضل الجبس البلدي ولا الجيبسوم بورد؟
- الجيبسوم بودر طبعا أفضل لأنه الحل الحديث للمشاكل اللي كانت موجوده في الجبس البلدي، المسألة دي بالظبط عاملة زي المقارنة بين التليفون الأرضي والموبايل.

⬅ أولاً من ناحية الشكل:
تقريبا تقدر توصل لنفس النتائج بإستخدام الجيبسوم بورد والبلدي لكن البلدي صعب يوصل لدقة الجيبسوم بورد، وخصوصا في ميزان الأسطح، يعني تقدر تلاحظ جدا ميول في الجبس البلدي.

⬅ ثانيا من ناحية الأمان:
الجيبسوم بورد آمن بمراحل عن البلدي بسبب خفة وزنه علي عكس الجبس البلدي اللي وزنه تقيل، وممكن لو تعرض لمياه عن طريق رشح بسبب (مشكله في السباكة)، هيحصل مشكله كبيره لاقدر الله.

⬅ ثالثا السعر و التركيب :
تقريبا نفس السعر، والجيبسوم بورد بيتميز بسرعة تركبيه عن البلدي اللي بياخد وقت ومجهود.

01/01/2024

📌إختصار بعض المستندات لمهندسين الموقع ⁉️
NCR=Non conformance report
تقرير عدم مطابقة .
RFI= Request for inspection
طلب استلام أعمال.
RFI = REQUEST FOR INFORMATION
طلب معلومات غير واضحة من الاستشاري
RFA=request for approval
ﻷعتماد مواد أو موردين.
PR = pouring request
طلب صب الخرسانه يرفع بعد التاكد من استلام الاعمال من قبل الاستشاري.
CDR : Contractor Daily Report
التقرير اليومي من المقاول إلى الاستشاري بحركة الموقع .
SWI= Site Work Instructions
توجيها عمل بالموقع من الاستشاري الى المقاول
CVR = Confirmation verbal report
لتأكيد اى قرار شفوى تم الاتفاق عليه بالموقع بين الاستشارى و المقاول.
MS = material submittal
طلب تقديم خامة او عينة .
IR = INSPECTION REQUESTE
طلب فحص اعمال يقدم للاستشاري
PO= PURSHASE ORDER
طلب الشراء.
PQP = project Quality Plan
خطه الجوده للمشروع
IFB = invitation for bid
دعوة لدخول مناقصة تقدم من المالك او الاستشاري للمقاول
Rfq = REQUEST FOR quotation
طلب عرض سعر يقدم من المالك او المقاول للمورد
T.Q =Technical quiry
تقدم المقاول للاستشاري لحل تناقض موجود بمستندات التعاقد .
WIR work inspection request
طلب استلام أعمال يقدمه المقاول للاستشارى لتسليم الاعمال.
M.S = Method statement
يقدم من المقاول للاستشاري لتوضيح طريقه تنفيذ بند أو إختبار معين.
SIN= Site inspection notice
ملاحظات مقدمه من الاستشاري للمقاول على الاخطاء الموجوده في الموقع.
IFC drawings= issued for construction drawing
عبارة عن لوحات تفاصيل المشروع ترفق مع التصميم الانشائي النهائي وتوضح المعلومات الفنية وكمان يستخدمها المقاول في عمل الشوب دروينج وحساب الكميات.
SIR = Soil Investigation Report
تقرير فحص التربة أو تقرير الجسات اللي بيطلع منه bearing capacity
FFL= Finishing floor level
منسوب التشطيبات في المبني وغالبا يكون اعلي من منسوب SSL بعشرة سنتيمتر في حالة تشطيب سيراميك أو رخام.
MOS= method of statement شرح من المقاول عن ألية تنفيذ بند معين
ومهمه جدا جدا ال method of statement
SI= Site Instruction
تعليمات موقعية للمقاول بالتنبيه لعمل معين أو طلب عمل معين
LOA=Letter of awarding
خطاب بيعمل للمقاول بعد ترسيه العطاء عليه.
BOQ = Bill of quantity
جداول الكميات والاسعار.
stitch joint
فاصل انشائي في اللبشة لتقليل الاجهادات وبيكون ليه تجهيزات خاصة في حديد التسليح ونظام العزل وفاصل التمدد.
BBS = Bent Bar Schedule
جدول تفريد الحديد.
M&O= Manuals& Operations
الكتالوجات وتعليمات التشغيل لاى اجهزه او معدات تم توريدها للمشروع وبيتم تسليمها فى مرحلة التسليم للمشروع من قبل المقاول والموردين للرجوع ليها فى حالة وجود اى مشكله وبيكون معاها شهادات الضمان للاجهزه والمعدات.
T&C = Testing and Commissioning
فتره الاختبار والتشغيل وقت تسليم المشروع.
EHS= Environmental Health Safety
الأمن والبيئة والسلامة.
MAS= Material Aprroval Sheet
النموذج اللى بيقدم المقاول فيه طلب اعتماد عينه او اى ماده.
TOC= Time Of Completion
تحديد زمن نهاية المشروع.
Notice for work start
اخطار بدء اعمال
يقدم من المقاول الى الاستشارى لاستأذانه قبل البدء فى تنفيذ اى بند جديد
Log book
دفتر ملاحظات الموفع او دفتر زيارة الموقع
وفيع يقوم الاستشاري بوضع ملاحظاته السريعه واليوميه فيه.
SR=submittal Review or
Submittal Review Comments Log Form
مستند بيقوم الاستشاري بكتابه ملاحظاته علي المرفقات او الكتالوجات المقدمه من قبل المقاول للاعتماد.
RCP= Reflected ceiling plan
المسقط الافقي للسقف المستعار وبيكون موضح فيه وحدات الاضاءه ومخارج التكييف وكاشف الحريق والرشاشات.
MRF= materiel requesting form
طلب شراء مواد.
PMO= project management office
مكتب ادارة المشاريع.
بعض الأنواع من العقود المتعارف عليها:
*LSTK: lump sum turnkey
عقد تسليم المفتاح بيتحمل فيها المقاول مخاطر تغيير اﻷسعار بسعر عقد ثابت للتنفيذ
*EPCI: Engineering procurement construction and installation
بيتحمل فيها المقاول مسئولية التصميم والتنفيذ والتركيب وبيعتبر من أشهر أنواع العقود في محطات التحلية أو محطات الضخ المركزية أو محطات توليد الكهرباء أو مقاولات التبريد والتكييف بيتحمل فيها المقاول مخاطر التصميم والتنفيذ والتشغيل
*FEED: Front End Engineering Design
بتأتي مرحلة التصميم ودراسة الجدوى وبتركز على المتطلبات الفنية وكذلك التكلفة اﻹستثمارية التقريبية للمشروع وبتستخدم كأساس لتقديم عطاء ال EPCI
*O&M: operation and maintenance
هو عقد بيتعهد فيها المقاول بالتشغيل والصيانة طوال فترة العقد
*Frame work contract:
العقد هذا متخصص أكتر للموردين بيتعهد فيها المورد طوال فترة العقد بتوريد المواد بنفس السعر المقدم في العطاء وبيتحمل فيها المورد مخاطر تغير الأسعار
*BOO: Build own operate
نوع من العقود بتتحمل فيه شركة او مجموعة من الشركات بتمويل وبناء وتشغيل وصيانة منشأة مملوكة للحكومة ويتميز العقد بملكية الحكومة للمنشأة وحق التصرف.
*BOOT: Build Own Operate Transfer
نوع من العقود بتدخل فيها شركة شريك للمؤسسة الحكومية بتتحمل كافة التكاليف للتصميم واﻹنشاء وبتنعدم فيها التكاليف على المؤسسة الحكومية مقابل استفادة الشركة بتشغيل المشروع أو المنشأة لمدة زمنية تتراوح من 10 الى 30 سنة
بتعتبر من أشهر انواع العقود في الطرق ومجال النفط والغاز والطاقة.
TCR: test & certification regulation
بتكون خاصة بالطرف الثالث اللي بيعمل فحص للمواد في المصنع عادة بيطلب اﻹستشاري أو المالك حاجة اسمها TPI third party inspection
يعني طرف تالت يفحص المواد ويشوف تطابقها للمواصفات.
BG - bank Guarantees - كفالات بنكية
W I R : Work Inspection Request
طلب فحص
SRN = service received note
مذكرة تسليم خدمات (مستخلصات)
FEED=Front End Engineering Design
بتأتي مرحلة التصميم ودراسة الجدوى وبتركز على المتطلبات الفنية وكذلك التكلفة اﻹستثمارية التقريبية للمشروع وبتستخدم كأساس لتقديم عطاء ال EPCI
TQ : Technical Query
استعلام فني
منقول

📌ترتيب مراحل تشطيب الشقة لو بتشطب مع نفسك البوست دا مهم ليك جدااا______________________________ #التأسيس (المرحلة الأولي...
26/12/2023

📌ترتيب مراحل تشطيب الشقة
لو بتشطب مع نفسك البوست دا مهم ليك جدااا
______________________________
#التأسيس (المرحلة الأولي)
( ركز فيها علشان مرحله مهمه جدا )
1- رسومات توزيع الفرش عشان نشتغل صح سواء 2D او 3D لزوم تأسيس الكهربا والسباكة
2- عمل تعديل مباني لو مطلوب
3- تأسيس سباكه " تغذيه + صرف + عزل + صرف تكييفات
4- ضبط شرب الشقه اللي هو منسوب التشطيب النهائي و ده مهم عشان لسه مكمل معانا والغلطة فيه بتعمل مشكلة بتبقي ظاهرة ومش بتختفي خالص
5- تأسيس كهرباء " فرد خراطيم + سلك + لوحه + إضاءه الشقه "
6- تأسيس التكيف " لو عندك تكيف هيركب بعيد عن وحدته هندفن النحاس بتاعه " ونعمله صرف عشان المية متنزلش عالجيران.
7- محارة " لو شقتك طوب احمر أو هتقفل علي التكسير اللي حصل في البنود اللي فوق "
مشكلة المرحله دي الأساسيه إن مصاريفها كتير و مابيظهرش حاجه لان معظم الشغل مدفون


1- أسقف مصيص أو كيما كزيت او جبس بلدي
2- أسقف معلقه جبسيوم بورد ماعدا الحمامات و المطبخ عشان احسن يركبوا بعد السيراميك عشان تقفل عليهم صح ✅
3- تأسيس نقاشه ( مراشمة الحوائك +وش سيلر + سكينتين او تلاته+ بطانه )
4- كرانيش فيوتيك
5- نظافة الشقه تماما
6- تشوين السيراميك + الرمل + الأسمنت وهنا في سؤل مهم هو السراميك بعد تأسيس الدهانات ولا قبل يفضل السراميك بعد عشان تحمي الحوائط من الرطوبة او ممكن تخلي الصنايعي يخمر مونه في منتصف الغرف ويبعد عن الحوائط علي قد مايقدر
7- تركيب درج السلم لو في سلم او مستويين عشان يظبط منسوب المستويين او الدورين
8- تركيب السيراميك و الرخام
9- تركيب جبسيوم بورد الحمامات + المطبخ اللي سبناهم فوق
مشكله المرحله دي إنها بنودها كبيره و انت بتفتكر انها المرحله الاخيره و نصيحتي ليك إقتصد فيها علي قد ما تقدر عشان لسه بدري

______________________________
1- تركيب ألالوميتال
2- تركيب الابواب + باب الشقه
3- تظبيط وزر السيراميك بعد الابواب و الالوميتال
4- تشطيب الكهرباء ( تركيب الاسبوتات و المفاتيح و الزراير إلخ ،،، )
5- تركيب القرص الرخام + العتب و أي اكسسوار رخام + جلي الرخام
6- تركيب كبائن الشاور
7- تشطيب النقاشه ( الالوان النهائيه + ورق الحائط )
8- تركيب الأدوات الصحيه الفنش
9-فنش الكهربا
10-فنش الديكورات زي بديل رخام او خشب

معلومه في دقيقه طريقه حساب كميات السيراميك للشقه 1- بداية يتم حساب المساحة المطلوب اكسائها بالسيراميك من خلال جمع مساحات...
23/12/2023

معلومه في دقيقه
طريقه حساب كميات السيراميك للشقه
1- بداية يتم حساب المساحة المطلوب اكسائها بالسيراميك من خلال جمع مساحات الغرف والممرات A1
2- يتم حساب عدد حبات السيراميك في المتر المربع الواحد من خلال العلاقة :
n = 100 ×100 / A × B
حيث : A,B أبعاد السيراميك المطلوب استخدامها بالسم
3 - يتم حساب مساحة النعلات " الوزرات "
مساحة النعلات = محيط الغرفة × ارتفاع النعلة
• النعلة : عبارة عن شريط من السيراميك على كامل محيط الغرفة وفوق السيراميك مباشرة ويترواح ارتفاعه من ( 8 - 12 ) سم وتتحكم في مدى التجانس بين الأرضيات والحوائط وتبرز جمالية الوانها
4 - يتم حساب المساحة الكلية المطلوب اكسائها :
المساحة الكلية = مساحة الأرضيات + مساحة النعلات
A=A1 + A2
5- في أعمال السيراميك تؤخذ نسبة هالك مقداره 5% أو أكثر من المساحة الكلية المطلوب اكسائها
A,Total = A + ( A ×5/100)
6 - فيكون العدد الكلي لحبات السيراميك للازمة للإكساء :
العدد الكلي = المساحة الكلية بعد أخذ الهالك بعين الاعتبار × عدد حبات السيراميك في المتر المربع
_________
مثال حسابي بسيط لغرفة بأبعاد 4 × 4 م
أبعاد السيراميك المستخدم 40 × 40 سم
ارتفاع النعلة 10 سم وهي من نفس خامة سيراميك الأرضيات .
• الحل :
1 - مساحة الغرفة = الطول × العرض
A1= 4 × 4 =16 m2
2 - عدد حبات السيراميك بالمتر المربع :
N= 100 × 100 /40 × 40 = 6.25 بلاطة
3 - مساحة النعلات = محيط الغرفة × ارتفاع النعلة
A2 = ( 4 + 4 + 4 +4 )× 0.1 = 1.6 m2
4 - المساحة الكلية = مساحة الغرف + مساحة النعلات
A = A1 + A2 = 16 +1.6 = 17.6 m2
5 - المساحة المطلوب اكسائها مع حساب الهالك
A ,T= A + ( A× 5/100) = 17.6 +( 17.6 ×5/100) =18.48 m2
6 - عدد حبات السيراميك الازم للإكساء :
N = A × n = 18.48 × 6.25 = 115.5 بلاطة
نطلب 120 بلاطة ومن المفضل أن يزيد عدد البلاطات بكمية قليلة في حال حدوث تلف غير متوقع
من الممكن حساب عدد الكراتين اللازم للاكساء من خلال تقسيم المساحة الكلية على المساحة التي تفردها الكرتونة الواحدة حسب أبعاد السيراميك والتي تكون مدونة على الكرتونة .

من أهم الحاجات إلا لازم نهتم بيها في بند المحاره هو تركيب الشبك المعدني.👈ما هو الشبك المعدني؟ هو شبك على شكل شرائح من ال...
30/09/2023

من أهم الحاجات إلا لازم نهتم بيها في بند المحاره هو تركيب الشبك المعدني.

👈ما هو الشبك المعدني؟

هو شبك على شكل شرائح من الحديد المجلفن (معالج ضد الصدأ)، ويتم تثبيته في الحائط بمسامير صلب مجلفنة ووردات (وشرات) مجلفنة ايضاً، ثم يتم وضع الطرطشة عليها لتجهيزها للياسة.

👈 #فوائد الشبك المعدني ( شبك البقلاوة )
تتلخص فائدة الشبك المعدني في دمج أعمال الخرسانة المسلحة مع أعمال المباني وذلك لمنع ظهور التشققات والتصدعات في الحوائط بعد اللياسة.

بمعنى اوضح بسبب اختلاف معامل التمدد بين الخرسانة والبلك (الطوب) تظهر التشققات فى الحوائط بعد اللياسة ولذلك نستخدم الشبك المعدنى.
👈 #طرق تركيب الشبك المعدني ( شبك البقلاوة ) :
– يتم تركيب الشبك المعدني عند التقاء اى جدار بلك (طوب) مع خرسانة سواء كانت الخرسانة عتبة باب او عمود ويتم تركيبه ايضا فى اركان الأعمدة.
1– يتم تركيب الشبك المعدني عند زوايا الغرف وخصوصاُ لو زاوية الغرفة تنتهى بعمود (عمود مع جدار).
2– يتم تركيب الشبك المعدني عند اماكن تركيب التمديدات الكهربائية والصحية
3– يجب ان يتم تركيب المسامير التى يتم تثبيت الشبك المعدنى بها بالتخالف، بمعنى يجب ان لا يكون هناك مسمارين امام بعض.
4– يجب ان لا يتم تركيب المسامير التى يتم تثبيت الشبك المعدنى بها على الشق او الفاصل ولكن يجب تثبيتها على الأطراف.
5– يجب تركيب زوايا اللياسة فى الزوايا الركنية للعمود وللكمر والأكتاف حتي يكون من السهل تشطيبها و دهانها ولانها تكون اكتر من غيرها عرضة للكسر وللخبطات، ويجب ان يتم اتصال زاويا اللياسة مع الحائط بشبك البقلاوة ويجب ان تكون زوايا اللياسة بعد تركيبها علي نفس مستوى البؤج.
👈 #أنواع شبك اللياسة (شبك البقلاوة):
1. شباك لياسة ممدد مقاس 10 سم × 15 متر
2. شباك لياسة ممدد مقاس 15 سم × 15 متر
3 .شباك لياسة ممدد مقاس 20 سم × 15 متر
4. شباك لياسة ممدد مقاس 120 سم × 10 متر
5. شباك لياسة ممدد مقاس 100 سم × 10 متر
6. زاوية لياسة 7 × 7 × 3 م
7 .شباك ألوح 60 سم × 240

🌟 مميزات الواح بديل الخشب .🌟1*قطاعات بملمس ناعم ضد بصمة اليد وسهلة التنظيف2*تمنحك نفس شكل الخشب الحقيقي و ملمسه و لكن بس...
08/01/2023

🌟 مميزات الواح بديل الخشب .🌟

1*قطاعات بملمس ناعم ضد بصمة اليد وسهلة التنظيف
2*تمنحك نفس شكل الخشب الحقيقي و ملمسه و لكن بسعر أقل من الخشب.
3* جاهزه علي التركيب فهي لا تحتاج لدهان
4*يمكن تركيب الليد بروفايل او اعواد الاستانلس بها لإعطائها جانب من الفخامه و الرقي.
5* غير قابله للتسوس و التشققات.
6*عازله تماماً للكهرباء
7*مقاومه للماء و قابله للغسيل و التنظيف ولا تتأثر بالمواد الكيميائية الموجوده في المنظفات.
8* مقاومه للرطوبه لذا فهو الحل الامثل لعلاج الشكل الخارجي للحوائط الرطبه.
7*مقاومه للخدوش
8* عازله للحراره.
9* عازله للصوت بنسبه ٣٠٪
10*قابله للتركيب علي جميع الاسطح المستويه...
(جبس - خشب - محاره - بطانه - سيراميك)
11* سهله التركيب بالسيليكون عضم
12* تغطية المساحه كاملة بدون فواصل 👌
13* نظيفه جدا وبيئه غير جيده للحشرات
ويمكن استخدامه بشكل مميز مع بديل الرخام فى حوائط مميزة مثال حائط شاشة التلفزيون ومدخل المنزل وغرف النوم ❤️

ديكورات غرف الاطفال لازم تكون راقية والوانها هادية ومريحة للعين وفى نفس الوقت شيك ❤️❤️❤️❤️
06/01/2023

ديكورات غرف الاطفال لازم تكون راقية والوانها هادية ومريحة للعين وفى نفس الوقت شيك ❤️❤️❤️❤️

Address

القاهرة حدائق حلوان
Helwan

Opening Hours

Monday 9am - 10pm
Tuesday 9am - 10pm
Wednesday 9am - 10pm
Thursday 9am - 10pm
Saturday 9am - 10pm
Sunday 9am - 10pm

Telephone

+201119407210

Website

Alerts

Be the first to know and let us send you an email when Alaa Elsayed for Finishes & Decoration posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Alaa Elsayed for Finishes & Decoration:

Shortcuts

Share

Category