أفضل طريقة عشان تظبطي سوا الرز البسمتي ويطلع مفلفل وجميل ومستوي في نفس الوقت
أولا اختاروا الرز الهندي الحبة الطويلة ده أحسن نوع .. ثانيا عشان تظبطو المية بتاعة الرز قدامكم حلين اولا نغسل الرز عشان نتخلص من النشا بس بدون نقع نغسله ونصفيه وكده يبقى معيار المية كوباية رز قصادها كوباية ونص مياة
ثانيا ننقع الرز نص ساعة وساعاتها هيبقى معيار المية كوباية رز قصاد كوباية مية زي الرز المصري بتاعنا .. أول مالمياة تغلى والرز يبدأ يتشربها نوطي النار لحد مالرز يستوي وبألف هنا وشفا..
03/07/2025
طريقة عمل بهارات السمك في البيت احسن وانظف بكتير من الجاهزة وريحتها جميلة ومميزة من ساعة ماعملتها وانا مقدرش استغنى عنها
حبهان صحيح
قرنفل
كمون طبعا أساسي
كزبرة ناشفة
بابريكا
شطة
كركم
زنجبيل
ملح
وتضربيهم كلهم في المطحنة وتعبيهم في برطمان زجاجي عشان تحافظي عليهم وتستخدميهم في خلطة السمك وممكن تضيفي معلقة صغيرة على رز السمك بيطلع تحفة وريحتة شهية ..
03/07/2025
بلاش تستخدموا الخل في غسيل الفراخ لأنه بيخليها زفرة وبيثبت ريحة الزفارة فيها حتى بعد الطبخ.. استبدلوه بالملح والليمون ودقيق الدرة لو حبيتو أفضل بكتير..
Be the first to know and let us send you an email when Dina recipe posts news and promotions. Your email address will not be used for any other purpose, and you can unsubscribe at any time.
