Hábitat Social Cooperativa

26/01/2026

Este sábado celebramos un novo obradoiro coas cooperativistas de que habitarán o edificio das Lavandeiras, que cada vez son máis.

Traballamos sobre as tipoloxías de vivenda, contrastando as propostas do proxecto coas necesidades recollidas nunha enquisa previa. Un espazo para escoitar, debater e consensuar cambios que permitan adaptar o edificio ás persoas que o van habitar.

Houbo presentación técnica, traballo en pequenos grupos e posta en común, nun encontro facilitado por e acompañado por nós como equipo técnico.

O proceso avanza con paso firme.
Próxima estación: solicitude de licenza de obras.

04/12/2025

Nesta rehabilitación integral dunha vivenda tradicional, recuperouse unha antiga casa familiar para adaptala a un uso contemporáneo. Unificouse a planta baixa como espazo de día, reorganizáronse os dormitorios na planta alta e recuperouse unha construción anexa como acceso e espazo para convidados ou traballo.
O xardín estrutúrase arredor da antiga corte (agora comedor exterior) e dun novo volume de madeira destinado a instalacións.

Información completa e máis fotografías na nosa web.
https://www.habitatsocial.coop/experiencias/arquitectura/rehabilitacion-e-ampliacion-de-vivenda-en-oroso/

03/12/2025

Aproveitamos unha tregua meteorolóxica para avanzar na montaxe dos paneis prefabricados de palla na vivenda unifamiliar da Pobra do Caramiñal.

Traballamos cun sistema industrializado de entramado lixeiro de madeira e palla compactada, unha solución natural que ofrece un alto nivel de illamento, gran confort interior, prazos de execución reducidos e optimización de recursos. A fabricación en taller achega maior precisión e control, facendo que a montaxe en obra sexa máis rápida, limpa e segura. Nesta ocasión, os paneis e a montaxe son de

O máis estimulante é comprobar como industrialización e construción ecolóxica, que habitualmente se pensan como camiños separados, poden complementarse unindo eficiencia e sustentabilidade.

14/11/2025

Mañá participaremos nas xornadas sobre a Crise Habitacional, organizadas por Eido Arquitectura a iniciativa da Deputación da Coruña.

A crise da vivenda que sufrimos é unha crise de modelo, marcada pola especulación, a multipropiedade e unha resposta pública insuficiente.

Defenderemos a cesión de uso como unha alternativa real, que proporciona estabilidade, accesibilidade, comunidade e saca a vivenda fóra do mercado especulativo.
Un modelo que xa está en marcha en Galicia, pero que precisa apoio público para avanzar.

📅 Sábado 15/11 · Santiago de Compostela
https://crisehabitacionalcoruna.wordpress.com/


bitacional

04/11/2025

O embarbillado é unha das unións tradicionais da carpintería de armar, empregada para transmitir o esforzo de compresión do par ao tirante nunha cercha.

Na rehabilitación desta vivenda tradicional en Vilarmaior, traballamos con castaño macizo, recuperando, co asesoramento de .e3, unha técnica que une coñecemento construtivo e beleza estrutural.

16/10/2025

Levábamos un tempo querendo presentar a revisión da nosa identidade corporativa, deseñada polos amigos de

Este traballo nace coa intención de ordenar e definir con claridade como nos presentamos, con simplicidade e proximidade.

A proposta tamén deixa espazo para a creatividade e a evolución, porque unha marca viva ten que poder adaptarse, mellorar e seguir mudando co tempo.

Grazas a Guillotina pola revisión e polo acompañamento no proceso 🙂

15/10/2025

Hoxe participamos na xornada sobre a vivenda organizada polo para falar do modelo de cesión de uso e do proxecto de para Xuxán.
Xunto ás compañeiras de e a que falará do secuestro da vivenda.
Unha xornada ben pertinente, para tratar solucións a un dos problemas máis graves que temos hoxe en día.

10/10/2025

Visitamos , onde se produce madeira contralaminada (CLT), un material que combina as excelentes propiedades da madeira como material construtivo coa vantaxe da prefabricación. E o máis importante: neste caso, trátase de madeira de proximidade, o que lle dá valor engadido ao noso monte e á produción forestal galega.
Tivemos tamén ocasión de escoitar aos expertos Manuel Touza () e María Sánchez de .

02/10/2025

30/07/2025

Hai uns días contámosvos que a proposta dun edificio de vivenda colaborativa que elaboramos para a cooperativa foi escollida no concurso para a parcela Z-26a en Xuxán, convocado polo Concello da Coruña.

Hoxe subimos na nosa web os catro paneis que presentamos, por se queredes afondar no proxecto con máis detalle.

📄 Aquí tedes as ligazóns á información presentada ao concurso:

Panel 1👇🏽
http://habitatsocial.coop/arquivo/2025_xuxan/OFdV_Xuxan_panel_1.pdf

Panel 2👇🏽
http://habitatsocial.coop/arquivo/2025_xuxan/OFdV_Xuxan_panel_2.pdf

Panel 3👇🏽
http://habitatsocial.coop/arquivo/2025_xuxan/OFdV_Xuxan_panel_3.pdf

Panel 4👇🏽
http://habitatsocial.coop/arquivo/2025_xuxan/OFdV_Xuxan_panel_4.pdf