28/04/2024
ADV TEMPORÁ 2023/24
Esti anu, a ADV ha contau con a presencia de 8 equipus en competición.
Hemus contau con as categorías prebenjamín, benjamín, alevín, infantil, cadeti, senior y 2 equipus femeninus. Con a presencia de casi 100 xugadoris y xugadoras vistindu us nosus coloris.
E un verdadeiru orgullu pa ADV poder contar con tantus equipus y tantus participantis, algu muy difícil en a nosa zona.
Adiel tuvimus un pequenu actu final de temporá, (nun será u últimu), presentandu a cada un de us integrantis de cada equipu.
A temporá ya finalizó pa casi tos us equipus y dicemus casi, porque au equipu senior inda le quedan duas jornás de liga, u femeninu ten un partiu importanti dondi a victoria le daría a opción de xugar u campeonatu de España y u equipu alevín se ha metiu entre us 8 milloris equipus de Extremadura.
Queremus agradecer a cada entrenador u traballu realizau con cada equipu de forma voluntaria, nun temus palabras pa agradecer esi desempeñu.
Agradecer tamen a cada madri y padri por confiar en nos algu tan importanti comu seis fillus.
Y a toa a genti que de una forma u otra colabora con nos.
¡Vus esperamus en a temporá 2024/25!
