26/11/2025
Discurso de recollida do premio Galego de Rehabilitacion 2025
Bos días,
E unha ledicia inmensa estar hoxe aquí recollendo este premio.
Como pontevedreses e veciños do casco histórico, é para nós unha honra profunda participar na
recuperación dun edificio que forma parte da nosa memoria colectiva.
En primeiro lugar,
queremos expresar o noso agradecemento á Xunta de Galicia, á Conselleira María Martinez Allegue e ao Instituto Galego da Vivenda e Solo, por impulsar e organizar estes premios, que salientan a arquitectura ao servizo da cidadanía.
Grazas ao promotor, o Excelentísimo Concello de Pontevedra,ao seu alcalde Miguel Anxo Fernández Lores, por apostar pola rehabilitación como ferramenta
de futuro, á concelleira Anabel Gulías, por promover o concurso de ideas do que resultou seleccionada
esta proposta , aos equipos técnicos, de protocolo, enxeñaría, arqueoloxía, audiovisuais e arquivo, cos que
colaboramos durante todo o proceso e moi especialmente á Oficina Técnica de Arquitectura e Planeamento, dirixida polo Arquitecto Angel Velando
Rodríguez polo seu apoio e implicación, (este premio e de todos vos)
Á Construcciones Ramírez, que compartiu connosco a responsabilidade e o privilexio de sacar adiante esta rehabilitación coa mestría construtiva e trato exquisito do que sempre fai gala esta empresa pontevedresa.
Grazas, porque foi de verdade un pracer traballar con vós e por entender que, cando rehabilitamos un edificio histórico, non traballamos só con materiais.
Traballamos coa memoria, coa emoción e cos soños da xente. E esa é, quizais, a materia máis
delicada, pero tamén a máis valiosa coa que pode traballar un arquitecto.
Hoxe a Casa Consistorial volve estar viva, aberta, luminosa.
Volve ser o escenario onde a cidade se representa a si mesma, onde volve latexar a vida de Pontevedra.
Por iso este premio nos emociona tanto.
Porque nos lembra que a rehabilitación non é só unha cuestión técnica: é, ante todo, un acto de
amor cos lugares que nos definen.
Moitas grazas a todos os que fixeron posible que esta casa —que é de todos— volva ter voz, luz Uña+Amandi arquitectos
