16/06/2026
No marco do ProxectoTERRA, o alumnado do CEIP de Cervo (Cervo) e do CEIP Rosalía de Castro (Lugo) participou nunha visita guiada a Ferrol para descubrir a cidade a través da súa arquitectura, da súa historia e da súa relación co mar.
Ao longo da xornada visitaron o barrio da Magdalena e o Ferrol Vello, coñecendo a evolución urbana da cidade e a importancia da construción naval en Ferrol coa visita á Exposición Nacional da Construción Naval. A actividade continuou en Mugardos, onde visitaron o Centro de Interpretación de Caldoval, un xacemento que permite coñecer a pegada da antiga ocupación romana na ría e achegarse á vida cotiá da época. Posteriormente realizaron unha travesía en barco pola ría ata o porto exterior e o castelo de San Felipe, descubrindo o patrimonio militar e á paisaxe marítima da contorna.
Unha experiencia para aprender a interpretar o territorio, comprender a evolución das cidades e descubrir a relación entre patrimonio, arquitectura e paisaxe.
ProxectoTerra é unha iniciativa do Colexio Oficial de Arquitectos de Galicia que conta co apoio da Xunta de Galicia a través da Consellería de Vivenda e Planificación de Infraestruturas e dá Consellería de Educación, Ciencia, Universidade e Formación Profesional, alén da Axencia de Protección dá Legalidade Urbanística.
