HandyDoll - Your HandyMan Concept

10/05/2026

Central London 地舖裝修進行中 🔨

商舖裝修｜招牌安裝｜室內翻新

如果你都準備開舖、翻新店面，
或者正計劃做商舖工程，

歡迎隨時聯絡我哋。 🤝

由設計、施工到安裝，
我哋都可以一站式處理。


#商舖裝修
#招牌安裝



#倫敦裝修

04/05/2026

【Central London × Space Invader 🎮🎨】

今日喺 Central London 地舖裝招牌。
裝裝下嘅時候，
突然有個法國人行過嚟問我借條梯想清潔對面個幅墻。🤔

佢仲直接講：「如果唔得，
我俾 £50 租都得。」 💷

五十鎊借條梯？🤣

唔使啦，
借俾你咋嘛。
之後我再問佢：「有咩幫到你？
你要抹咩？我幫你啦。」

佢就神神秘秘咁，
好似好驚俾人知佢做緊咩，
淨係話：「我要清潔對面幅牆。」
跟住又同我講，佢係法國嚟，
今晚就走。✈️

我心諗: 專登由法國飛嚟 London，借條梯抹幅牆？

之後見佢，爬上梯，一路好興奮咁抹牆、清潔位置。🧽
仲一定要自己抹，
完全唔俾我幫手。😳

我一路做工程，
一路望住佢搞乜。

之後就見到佢，
開始一塊、一塊咁清潔。。🟥⬜

後尾先知道……
原來佢唔係普通路人。
佢係專程嚟搵 Space Invader 系列作品。🎨

而牆上面嗰個 Pixel 圖案，
原來係知名街頭藝術家 Invader 嘅作品之一。

世界各地真係有人會專登飛去「尋寶」、打卡、記錄。📸

我後尾再睇返佢 IG，
原來佢真係周圍飛，
專門搵呢啲作品。

突然間覺得幾浪漫。✨
專登飛去另一個國家，
只為咗牆角上一個小小嘅 Pixel 圖案。🎮

最後大家仲交換埋 IG、影埋相。🍻

有時真係幾得意，
做工程最估你唔到嘅，

永遠係你下一秒會遇到咩人。 🌍







#倫敦街頭藝術
#倫敦工程日常
#藝術與工程

25/04/2026

【香港非物質文化遺產裝修系列？？？】

話說我哋個判頭，
每日 3點3，
都會準備下午茶俾我哋師傅。☕

琴日佢突然思鄉病發，
好感觸咁問：

「你哋知唔知，
香港裝修界有兩大非物質文化遺產？？？」

第一樣
👉 搭棚

但嚟到英國呢樣，
就真係冇能力傳承。

第二樣
👉 三點三下午茶 😅

佢話：
我哋依家離鄉別井，
有啲嘢，一定要繼續傳承落去。😂😂

笑完之後，
問題嚟啦：

三點三下午茶，
其實係香港本土文化？
定係英國人帶去香港？

我哋有人話：
「應該係英國帶過嚟啦。」

即刻俾人 KO：

「你肯定未幫過英國人做嘢啦。」

「英國 3點3 邊有人同你飲茶？」

「喺 Wetherspoon 飲緊酒就有。」🍺

「3點3 收咗工啦，人哋。」

所以問題嚟啦：

三點三下午茶，
你覺得係香港文化？
定英國文化？👇


#香港非物質文化遺產
#倫敦工程日常
#三點三下午茶
#地盤文化
#香港精神

24/04/2026

46年前嘅你，最近，還好嗎？

當每日一個人做工程，
只係同冷漠嘅水泥、發呆嘅木頭、沒有記憶嘅電線打交道…………

但有時，
會撞到啲唔屬於我哋但卻帶有回憶嘅故事。

今日拆地台，
喺暗位入面，
搵到一份有回憶，但卻陌生嘅報紙。

一九八零年，九月十一日。
四十六年前。正正係我出生嘅年份。

紙已經舊，
邊位開始爛，
但上面嘅生活，仲喺度。

廣告、價錢、文字，
全部停留喺嗰一日。

唔知當年放低佢嘅你，
係趕住收工，
定係只係隨手一擺！！！

但係當時你有冇諗過——
四十六年之後，
會有人重新打開佢？

呢一刻，
好似一場好曖昧而又耿耿於懷嘅巧合。

你留低咗一日，
我哋喺另一個年代，
偶遇返。
總系帶出有種，
講唔出口嘅感覺。
有啲嘢會舊，
有啲人會走，
但有啲痕跡，
會靜靜咁留喺度。

等下一個人，
再發現。

——
工程繼續做，
地台照樣起。

但今日，
多咗一份
唔屬於我哋年代嘅溫度。

你最近還好嗎？
尚愛看少女漫畫嗎？
最近近乎沒露 面你有新對象嗎………………


#倫敦工程日常
#時間的痕跡
#你最近還好嗎
#1980
#城市記憶

21/04/2026

［Interior Design］+［Hair Design • Tea • Space］

從來都冇諗過——
室內設計、髮型設計同茶，
可以融合成一個空間？

從事室內設計超過二十年，
亦親自操刀過唔少商業項目。

但今次呢個 project，
的確幾特別。

髮型設計與茶飲，
可以形成一種咁輕鬆、咁自在嘅體驗。

設計上以暖色調配合木系元素，
令整體空間更柔和，
同時保留一種可以停一停、
慢慢享受嘅節奏。

由概念發想、空間規劃到施工落地，
每一個細節，
均由我哋團隊與 Qin Chapter Hair & Tea 嘅Brand Director 共同構築完成。

當設計真正落地，
空間開始有溫度，
亦逐漸形成屬於佢嘅節奏。

呢一刻，
先真正感受到——
城市之中嘅一片綠洲。

有時間不妨去感受下😘😘：

Qin Chapter Hair & Tea

新張期內落去搵佢哋嘅Brand Director - Sam Yung
仲有八折優惠🥰🥰

---


#倫敦工程日常

#商舖設計

#室內設計

19/04/2026

又到咗每一單工程，
最有成功感、最滿足嘅時候🫰🫰🫰

由最初：
📦 滿地泥頭垃圾
成個地盤，除咗污糟，就係亂。

到而家：
🌿 空間開始有層次
💡 燈光慢慢出嚟
🪞 氣氛逐步成型

感覺出晒嚟，
設計開始有張力。

扭盡心思，
揮盡心機。

見證一個空間，
由混亂走向秩序，
由粗糙走向精緻。

每一條線、
每一塊板、
每一盞燈，

一步一步，
將想像變成現實…………………….....…….……..........

。
。
。
。
。
。
。
。
作為一個裝修佬，
最有滿足感嘅——

唔係個過程，
亦都唔係佢點樣由混亂走向秩序, 由粗糙走向精緻！！

因為唔使多講都知，
梗係完工起貨嗰一刻啦🤝🤝🤝🤝🤝🤝🤝🤝🤝🤝🤝

完工起貨收尾數🙈🙈🙈
再接下一單 job😁😁😁😁😁😁

呢一下——
真係得到前所未有嘅成功感。 💪💪💪💪💪💪

---


#倫敦工程日常
#商舖裝修
#由零開始
#裝修過程
#師傅精神

14/04/2026

居家旅行，必備良藥…………

今日想同大家分享，
一粒好好用嘅，補胎神器。 🔧

作為一個專業嘅裝修佬，
除咗工程要識，基本補胎知識——
都一定有少少。。

我哋啲工程車，
日日出入地盤，
踩釘、吉螺絲，根本係日常。 😅

所以呢個補胎神器，再加3件套，
真係必備。

呢次已經係我第 N 次用佢補胎，
經驗話你聽：真係 work。

無論係：
• 大型 SUV 🚙
• 貨 VAN 🚐
• 電車 ⚡
• 私家車 🚗

全部過關，冇問題。 👍

只要你個窿係：
✔️ 螺絲窿
✔️ 釘窿

基本上都穩陣搞掂。

當然啦——
如果個窿太大…
就唔好諗咁多，
直接上「牛筋」啦。 💪

補充返：
始終我唔係專業嘅汽車維修師傅，
以上純粹分享。

如果真係遇到問題，
都建議搵返專業嘅汽車維修師傅處理。 👍

#居家旅行必備
#1日冚包散
#含笑本步釘

#倫敦工程日常
#補胎神器
#工程人日常

13/04/2026

維修師傅同裝修師傅最大分別！！

話說呢，
我哋公司除咗裝修之外，
維修其實都係我哋強項之一 🔧

我哋有位師傅，
真係幾優秀。

做維修出身，
水、電、冷暖、木工、油漆，
基本上都識，
屬於維修全科師傅 💪

佢仲有一個特點：
特別鍾意將壞咗嘅嘢救返生。

琴日我哋叫咗佢過去地盤幫手，
本身諗住
只係叫佢燒幾條水喉、行幾套位，就搞掂。

點知佢去到冇幾耐，
見到地盤有一個唔要嘅暖爐，
即刻有靈感。

原本係一個坐地式暖爐，
佢竟然自己改造，
整成一個「便攜版」出嚟 😅

見到我仲好開心咁講：
「呢個正喎，冬天可以拎返出嚟用。」

我問佢：
「你整咗幾耐？」

佢答：
「半日左右啦，
順便整埋支斷咗嘅掃把棍，同埋加返盞 LED 燈。」

到呢一刻，
我終於明白——
維修師傅同裝修師傅最大分別，
唔係手門，係個心境。

#買個新嘅其實£20左右就有
#循環再用嘅精神 ♻️
#終於知道點解地盤進度咁慢


#倫敦工程日常
#維修高手
#循環再用
#環保
#用得唔好嘥

11/04/2026

11/04/2026

今朝喺IG 見到呢段嘢！！

講中晒,覺得幾勉勵。
同大家分享下。