29/05/2026
عید والے دن میرا دل یونہی اداس نہیں تھا۔ دل کے کسی کونے میں ایک انجانا سا غم تھا، جیسے احساس ہو کہ شاید کوئی بہت اپنا ہم سے جدا ہونے والا ہے۔
اور پھر کل ہمیں وہ خبر ملی جس نے دل کو غم سے بھر دیا۔ ہماری پیاری پھوپھو جان ہمیں ہمیشہ کے لیے چھوڑ کر اپنے رب کے حضور چلی گئیں۔
جو لوگ میری باتوں میں پھوپھو جان کے لیے میری محبت محسوس کرتے رہے ہیں، وہ شاید ہمارے اس دکھ کا کچھ اندازہ کر سکتے ہیں۔ پپو جان بے حد شفقت کرنے والی، محبت بانٹنے والی اور نہایت دانا خاتون تھیں۔ زندگی کے بہت سے خوبصورت سبق، اعلیٰ اقدار اور اچھے رویے ہم نے انہی سے سیکھے۔
اپنی والدہ کی آنکھوں میں اپنی پھوپھو کے لیے جو بے مثال محبت اور احترام دیکھا، اس نے ہمارے دلوں میں بھی پھوپھو جان کی محبت کو اور گہرا کر دیا۔ ہمیں ہمیشہ محسوس ہوتا تھا کہ ان جیسا خلوص، اپنائیت اور محبت کرنے والا رشتہ شاید دنیا میں کہیں اور نہیں مل سکتا۔
وہ ایک بہترین بہن، ایک محبت بھری ماں، ایک شفیق پپو، خالہ اور نانی تھیں۔ ان کی کمی کبھی پوری نہیں ہو سکے گی، لیکن ان کی محبت، دعائیں اور خوبصورت یادیں ہمیشہ ہمارے دلوں میں زندہ رہیں گی۔
آپ سب سے گزارش ہے کہ ان کے ایصالِ ثواب کے لیے دعا فرمائیں۔ اللہ تعالیٰ ان کی مغفرت فرمائے، ان کی قبر کو نور سے بھر دے، انہیں جنت الفردوس میں اعلیٰ مقام عطا فرمائے اور ان کے درجات بلند فرمائے
