22/08/2026
店長又大一歲。今年生日願望之一：希望透過 The Incense Shop 將草藥淨化發揚光大，幫助更多香港人嘅生活過得更順心開心，為自己創造不一樣嘅人生。同時，我想為社會貢獻更多，用自身影響力令香港變得更美好。
好老實講，上年嘅挑戰真係接踵而來，有段時間生意好差，做到好沮喪，甚至諗過執咗間鋪。好彩每當迷茫焦慮時，草藥淨化幫到我調整情緒、重拾內心嘅平靜同清晰，亦係呢份來自草藥嘅力量，支撐住我冷靜平穩、迎難而上。船到橋頭自然直，柳暗花明又一村，加上親朋好友嘅支持，最終都捱過咗呢個艱難時期。
上年搞咗十場以上嘅淨化工作坊，教咗過百位朋友點樣做草藥淨化，對於我呢個摺摺地嘅人嚟講，要同咁多人相處其實係一個好大嘅挑戰。不過對我嚟講，挑戰/恐懼就係用嚟超越同突破。眼見好多人因為參加完工作坊而開始認識、接觸同了解草藥淨化，甚至將草藥淨化變成日常嘅一部分，喺情緒同生活上都有所改善，呢樣真係令我好開心感動 🥺 我覺得自己做嘅一切都係值得，亦令我更有勇氣去面對我自己生活大大小小嘅挑戰。
好感恩每一次難關都訓練到個心越來越穩同順，越來越無堅不摧，亦都對自身越來越多覺察。新一歲，我依然會堅持以幫助大家為前題，將草藥淨化繼續發揚光大，陪伴更多香港人走過高山低谷😉
如果大家對草藥淨化有任何問題，歡迎你DM查詢，店長會盡快覆你。
