05/09/2026
قبل ما نصمم مطبخ، مهم نفهم شو الجو الجديد اللي بدنا ندخله لحياتنا.
لأنه مرات الرغبة إننا نغيّر،
ما بتيجي بس لأنه المطبخ صار قديم أو بطل عملي…
بكتير مراحل، إحنا اللي منتغيّر.
ومعنا بتتغيّر أولوياتنا ومشاعرنا.
الأولاد كبروا،
طريقة تجمعنا تغيّرت،
أو ببساطة…
صار عنا احتياج نحس بشي جديد.
ويمكن هون التصميم بياخد معنى أكبر من اختيار لون وخامة.
بصير وسيلة نعبّر فيها عن المرحلة اللي إحنا فيها…
وعن الإشي اللي ناقصنا فيها.
يمكن بدنا هدوء أكتر.
يمكن دفا أكتر.
يمكن خفة اكتر...
ويمكن بعد سنين من بيت مليان أشياء…
بدنا مساحة تتنفس.
عشان هيك، قبل ما أصمم مطبخ،
ما بسأل بس: شو بتحبوا؟
بحاول أفهم:
شو بدكم تحسّوا بالمكان الجديد؟
وشو بدكم يتغيّر بحياتكم معه؟
لأنه إحنا ما منغيّر المكان بس…
احنا منستخدم التصميم كلغة…
لنعبّر عن تغيير ما منعرف كيف نوصفه بالكلمات.✨
