10/01/2023
#ਮੀਂਹਅਪਡੇਟ #ਬੱਦਲਵਾਹੀ #ਕਿਣਮਿਣ #ਬਫ਼ਵਾਰੀ
ਲੰਮੇ ਵਕਫ਼ੇ ਬਾਅਦ ਪੰਜਾਬ ਮੀਂਹ ਲਈ ਤਿਆਰ
ਪਰਸੋਂ 11ਜਨਵਰੀ ਨੂੰ ਤਕਰੀਬਨ ਸਾਰੇ ਪੰਜਾਬ ਚ ਗੁਜ਼ਰਦੀ ਬੱਦਲਵਾਹੀ ਨਾਲ ਕਿਣਮਿਣ ਤੇ ਮੀਂਹ ਦੀਆਂ ਹਲਕੀਆਂ ਫੁਹਾਰਾਂ ਪੈਣਗੀਆਂ ਕਿਤੇ-ਕਿਤੇ ਦਰਮਿਆਨੀ ਫੁਹਾਰ ਵੀ ਪਵੇਗੀ।
12-13 ਜਨਵਰੀ ਵਗਦੇ ਤੇਜ ਪੁਰੇ ਤੇ ਗਰਜ-ਲਿਸ਼ਕ ਨਾਲ ਮੀਂਹ ਦੇ ਹਲਕੇ/ਦਰਮਿਆਨੇ ਛਰਾਟੇੰ ਪੰਜਾਬ ਦੇ 50-60% ਇਲਾਕਿਆਂ ਚ ਪੈਣਗੇ।ਇਹ ਗਰਜ਼ ਆਲੇ ਬੱਦਲ ਮੁੱਖ ਤੌਰ ਤੇ ਮਾਝੇ-ਦੁਆਬੇ ਤੇ ਪੁਆਧ ਚ ਬਣਨਗੇ।
ਜਿਲ੍ਹੇਵਾਰ ਗੱਲ ਕਰੀਅੇ ਤਾ ਪਠਾਨਕੋਟ,ਗੁਰਦਾਸਪੁਰ,ਹੁਸ਼ਿਆਰਪੁਰ,ਜਲੰਧਰ,ਨਵਾਂਸ਼ਹਿਰ,ਕਪੂਰਥਲਾ,ਲੁਧਿਆਣਾ,ਰੋਪੜ,ਮੋਹਾਲੀ-ਚੰਡੀਗੜ੍ਹ ,ਫ਼ਤਹਿਗੜ੍ਹ ਸਾਹਿਬ ਦੇ ਜਿਆਦਾਤਰ ਖੇਤਰਾ ਚ ਦਰਮਿਆਨੀ ਬਾਰਿਸ਼ ਦੀ ਓੁਮੀਦ ਹੈ ਨਾਲ ਹੀ ਕਿਤੇ-ਕਿਤੇ ਬਰੀਕ ਗੜ੍ਹੇਮਾਰੀ ਹੋਵੇਗੀ।੧/੨ ਥਾਂ ਗੜ੍ਹੇਮਾਰੀ ਜਿਆਦਾ ਸਮਾਂ ਹੋਣ ਕਰਨ ਕੁਝ ਸੈੰਟੀਮੀਟਰ ਵਾਲੀ ਬਰਫ਼ ਦੀ ਪਰਤ ਬਣਾ ਸਕਦੀ ਹੈ।
ਅੰਮ੍ਰਿਤਸਰ,ਤਰਨਤਾਰਨ ਸਾਹਿਬ,ਮੋਗਾ,ਮਲੇਰਕੋਟਲਾ,ਪਟਿਆਲਾ,ਅੰਬਾਲਾ ਜਿਲ੍ਹਿਆਂ ਦੇ ਅੱਧੇ ਕੁ ਖੇਤਰਾ ਚ ਗਰਜ ਨਾਲ ਵੀ ਹਲਕੇ/ਦਰਮਿਆਨੇ ਛਰਾਟੇ ਪੈ ਸਕਦੇ ਹਨ।
ਬਾਕੀ ਮਾਲਵੇ ਚ 12/13 ਧੁੰਦ ਵਾਲੇ ਵਾਲੇ ਬੱਦਲ ਜਾ ਧੁੱਪ ਚ ਥੋੜ੍ਹੀ ਥਾਂ ਫੁਹਾਰ ਪੈ ਸਕਦੀ ਹੈ।
14 ਸਵੇਰ ਤਾਈ ਧਾਰ ਕਲਾਂ, ਪਠਾਨਕੋਟ,ਗੁਰਦਾਸਪੁਰ,ਦਸੂਹਾ-ਮੁਕੇਰਿਆਂ ਖੇਤਰ ਇਸ ਸਿਸਟਮ ਕਾਰਨ ਬਰਸਾਤੀ ਹਲਚਲ ਬਣੀ ਰਹਿ ਸਕਦੀ ਹੈ।
#ਬਰਫ਼ਵਾਰੀ
11,12,13,14 ਜਨਵਰੀ ਜੰਮੂ-ਕਸ਼ਮੀਰ ਤੇ ਹਿਮਾਚਲ ਚ ਲੰਬੀ ਓੁਡੀਕ ਦੇ ਬਾਅਦ ਭਾਰੀ ਬਰਫ਼ਵਾਰੀ ਹੋਵੇਗੀ। ਸ੍ਰੀਨਗਰ,ਡਲਹੌਜੀ,ਮਨਾਲੀ,ਸ਼ਿਮਲਾ ਇਸ ਸਿਆਲ ਦੀ ਪਹਿਲੀ ਬਰਫ਼ਵਾਰੀ ਹੋਵੇਗੀ।
ਸੋਲਨ,ਮੈਕਲੋਡਗੰਜ ਤੇ ਕਸੌਲੀ ਵਰਗੇ ਨੀਵ ਪਹਾੜੀ ਖੇਤਰਾ ਚ ਵੀ ਬਰਫ਼ ਡਿੱਗ ਸਕਦੀ ਹੈ ਖਾਸਕਰ 13-14 ਨੂੰ ਇਨ੍ਹਾ ਹੀ ਨਹੀਂ ਚਿੰਤਪੁਰਨੀ ਜਾ ਧਾਰ ਕਲਾਂ ਤਹਿਸੀਲ ਚ ਵੀ ਮਾੜੇ-ਮੋਟੇ ਆਸਾਰ ਬਰਫ਼ਵਾਰੀ ਦੇ ਰਹਿਣਗੇ।
ਮੀਂਹ ਤੇ ਬਰਫ਼ਵਾਰੀ ਮਗਰੋ ਪ੍ਰਦੂਸ਼ਣ ਘਟੇਗਾ ਤੇ ਕੋਲਡ ਫਰੰਟ ਨਾਲ ਮਿਲ 15,16,17 ਪੰਜਾਬ ਚ ਕੜਾਕੇ ਦੀ ਠੰਡ ਦੇ ਦਿਨ ਲੱਗਦੇ ਜਾਪ ਰਹੇ ਜਨ ਓੁਝ ਬਹੁਤੇ ਆਸਾਰ ਹਨ ਕਿ ਧੁੰਦ ਨਾਲ severe ਕੋਲਡ ਡੇਅ ਲੱਗਣਗੇ ਪਰ ਜੇਕਰ ਧੁੱਪ ਲੱਗੀ ਤਾ ਰਾਤ ਤੇ ਸਵੇਰ ਦਾ ਪਾਰਾ ਮਾਇਨਸ ਚ ਖਿਸ਼ਕੇਗਾ।
