Smiling heart group

16/08/2017

🙏🏻💐🙏🏻💐🙏🏻💐🙏🏻💐
नमस्कार ,
आज १५ ऑगस्ट २०१७ भारताच्या स्वातंत्र्याचा ७१ वा स्वांतत्र्य दिन सोहळा. खरोखरच या दिवसाचे महत्त्व वर्णावे तेवढे थोडेच कारण याच दिवशी आपल्या भारत देशाला इंग्रजांच्या गुलामगिरीतुन स्वातंत्र्य लाभले. त्यामुळे आपण या दिवशी दर वर्षी ध्वजारोहण करुन आपल्या देशाचा सन्मान करतो. तसेच देशाबद्दल असलेल्या प्रेमाचे व अभिमानाचे प्रतिक देतो. आज स्वातंत्र्य दिनाच्या निमित्ताने "स्मायलींग हार्ट सोशल गृप " ने "नवीन समर्थ विद्यालय" या शाळेस भेटी दिली. शालेय विद्यार्थी , शिक्षक, पालकवर्ग , तसेच माजी विद्यार्थी व उपस्थित पाहुणे यांच्यासमवेत ध्वजारोहण साजरे केले. सकाळी ७.३० वाजता ध्वज फडकवण्यात आला. यावेळी वातावरण अत्यंत प्रफुल्लित व आनंददायी असे होते. ध्वजाला सलामी देताना प्रत्येकाच्या मनात देशाभिमानाची ज्योत तेवत होती. त्यानंतर राष्ट्रगीत व प्रतिज्ञा म्हणण्यात आली. याबरोबरच देशभक्तिपर गीतांच्या सुराने चारी दिशा मोहरुन गेल्या. उपस्थित पाहुणे मंडळीनी मग स्वातंत्र्य दिनावर अत्यंत उत्तम व बोधपर असे भाषण केले. त्यानंतर पाहुणे मंडळीचे शाळेच्या वतीने स्वागत करण्यात आले. स्मायलींग हार्ट सोशल ग्रूपच्या वतीने शाळेतील काही निवडक गरजु विद्यार्थ्यांना वह्या व पेन वाटप करण्यात आले. तसेच गृपतर्फे शाळेचे माननीय मुख्याध्यापक यांचे पुष्पगुच्छ देउन स्वागत करण्यात आले. धन्यवाद.
🙏🏻💐🙏🏻💐🙏🏻💐🙏🏻💐

07/07/2017

नमस्कार , 🙏🏻💐🙏🏻💐 😇

आज दि. ०७/०७/२०१७ रोजी स्मायलींग हार्ट सोशल गृप ने मेटल वस्ती या गावाला भेट दिली. त्याच प्रमाणे मागील भेटीच्या योगदानामुळे तसेच तिथे मिळवलेल्या माहीतिच्या आधाराने गृप ने "भुक " हा विडीओ बनवला , तो यु ट्युब व इतर सोशल माध्यमे यांवर शेयर केला गेला. आज याचा परिणाम म्हणुन मेटल वस्ती मध्ये राहत असलेल्या शालेय विद्यार्थ्यांना स्मायलींग हार्ट च्या सोबत हातात हात घेउुन इतर काही गृप ने मदत केली तसेच " जैन संभव गृप ' या गृप चे तर या उपक्रमात खुप मोलाचे योगदान ठरले. मदतीच्या स्वरूपात या विद्यार्थ्यांना विविध ग्रूप्स मार्फत शालेय वस्तु , खाउ , पावसा साठी रेनकोट असे वर इतर बरेच साहित्य वाटप केले गेले. आम्ही सर्व गृप चे मनापासून आभार मानतो की त्यांनी या कार्यात मोलाचा सहभाग दिला व आम्ही हाती घेतलेले कार्य पुर्णत्वास आणले. तुमची साथ अशीच सदोदित राहुद्या ही इश्वरचरणी मागणी. धन्यवाद 🙏🏻 💐🙏🏻💐😇

27/01/2017

आज दि. २६ जानेवारी २०१७ रोजी प्रजासत्ताक दिनाच्या निमित्ताने स्मायलींग हार्ट सोशल गृप ने संत ज्ञानेश्वर प्राथमिक शाळा , तळेगाव स्टेशन येथे ध्वजारोहणाचा कार्यक्रम साजरा केला. या वेळेस शाळेचे प्रमुख शिक्षक यांनी या कार्यक्रमाचे सुत्रसंचालक केले. या वेळेस प्रमुख पाहुणे म्हणून सुलोचनाताइ आवारे या उपस्थित होत्या. विद्यार्थीे तसेच उपस्थित पालक , शिक्षक वर्ग , स्मायलींग हार्ट सोशल गृपचे कार्यकर्ते, प्रमुख पाहुणे यांनी शिस्तबद्ध पध्दतीने उभे राहून राष्ट्रगाण म्हटले त्याचप्रमाणे देशभक्ती पर गीते गाउन आपले देशप्रेम व्यक्त केलें. त्यानंतर सर्वांनी भारत मातेला अर्पणस्वरुप प्रतिज्ञा म्हटली व देशाविषयी अखंड निष्टेचे व्रत उचलले. त्यानंतर प्रमुख पाहुण्या सुलोचनाताइ आवारे यांच्या हातून ध्वजारोहणाची सांगता करण्यात आली. उंच गेलेल्या ध्वजाला मग सर्वांनी सलामी देउन मानवंदना दिली. या प्रसंगी देशभक्ती ने उपस्थितीतांचा उर भरुन आला. त्यानंतर आवारे ताइ यांच्या वतीने विद्यार्थ्यांना खाउवाटप करण्यात आले. मग स्मायलींग हार्ट सोशल गृपच्या कार्यकर्त्यांनी सर्व विद्यार्थ्यांना वह्या , पेन , पेंसिल्स इ. शालेय साहित्य वाटले व शिक्षणाची ज्योत विद्यार्थ्यांचा मनात अशाचप्रकारे तेवत रहावी यासाठी मनापासून शुभेच्छा दिल्या.
या प्रसंगी विद्यार्थ्यांसोबत प्रजासत्ताक दिन साजरा करताना सर्वांचे हरवले बालपण परत आले असाच आभास झाला.

31/10/2016

तळेगाव दाभाडे:- दि. २७/१०/२०१६ ऱोजी स्मायलिंग हार्ट सोशल ग्रुपचा वाढदिवस तळेगाव दाभाडे येथील वानप्रस्थाश्रम वृद्धाश्रमात साजरा करून आज्जी आजोबांबरोबर दिवाळी साजरी केली. आता हे वृद्धाश्रम नसून आमचे हक्काचे घर झाले आहे आम्ही आमच्या आज्जी आजोबांना आता हक्काने भेटू शकतो बोलू शकतो, असे सांगितले. आम्हीही तुमच्या भेटीसाठी सदैव तयार आहोत अगदी घर समजून येत रहा असे वृद्धाश्रमातील आज्जी आजोबांनी सांगितले. तसेच ग्रुपच्या सर्व कार्यकर्त्यांनी आपली मनोगते व्यक्त केली ग्रुपच्या या सामाजिक कार्यामुळे आज्जी आजोबांच्या चेहऱ्यावर दिवळीतल्या दिव्या प्रमाणे चकाकी दिसत होती. अगदी स्वतःच्या मुलांबरोबर साजरी करावी अशी दिवाळी आज्जी आजोबांनी साजरी करून मुलांना आशीर्वाद दिले. तसेच पुढील कार्यास शुभेछ्या देऊन वाढदिवसाच्या शुभेछ्या दिल्या. ग्रुपतर्फे दिवाळीचे फराळ देऊन कार्यक्रमाची सांगता करण्यात आली. यावेळी ग्रुपचे सर्व कार्यकर्ते उपस्थित होते.

30/08/2016

🌹💐🙏🏻 नमस्कार 🙏🏻💐🌹

स्मायलींग हार्ट सोशल ग्रूप यंदा गणेशोत्सवाच्या निमित्ताने व श्री गणेशाच्या चरणी प्रसादनुरुप म्हणून एक कल्पना राबवत आहे. आशा आहे की सर्वांनी याचे स्वागत करावे तसेच आम्ही करत असलेल्या समाजकार्यास श्रींचा प्रसाद समजुन प्रोत्साहीत करावे.

ज्या प्रकारे आपण श्री गणेशाच्या चरणी फळे - फुले , नैवेद्य ,मीठाइ अर्पण करतो त्याचप्रकारे यंदा आपण श्री गणेशाच्या चरणी अर्पण करूयात १ वही आणि १ पेन.🖊📔

ही कल्पना आम्हाला व्हाट्स अप वरुन आलेल्या एका मेसेज द्वारे मिळाली व आम्हीही ती राबविण्याचे ठरवले.

आम्ही ही कल्पना तळेगाव व वडगाव येथील गणेश मंडळाना बोलून दाखवली आणि त्यांना ती आवडलीही. आम्हाला आनंद वाटला की आम्ही करत असलेल्या उपक्रमाचे सर्वांनी स्वागतच केले. आशा करतो की तळेगांवातील नागरिकांनाही ही कल्पना आवडावी व याचे स्वागत करावे. 💐💐

तर आता आपल्याला करायचे असे आहे की ,
प्रत्येक कमावत्या व्यकितीने श्री गणेशाच्या चरणी १ वही आणि १ पेन अर्पण करावे. ज्याची किंमत फक्त १५-२० रुपये असेल. या साठी जवळच्याच मित्रमंडळात एक बॉक्स ठेवला जाईल त्या बॉक्स मध्ये तुम्हाला हे अर्पण करावायाचे आहे. जमा झालेल्या पेन व वह्या आपण एखाद्या गावातील गरीब शाळेमध्ये , गरजु शाळकरी मुलांना अथवा अनाथाश्रमातील मुलांना मदत म्हणून देणार आहोत. 😇😇

फक्त १५-२० रुपयांमध्ये आपणा सर्वांकडून खूप चांगले काम होऊ शकते.👏🏻👏🏻

आपण जितक्या भक्ती भावाने श्री च्या चरणी हार, पेढे , फुले - फलाहार ,मोदक , मीठाई इ.अर्पण करतो त्याच श्रद्धेने १ वही आणि १ पेन अर्पण करूया. 📔🖊

श्री गणेश जयंतीच्या निमित्ताने आपणा सर्वांकडून भक्ती, श्रद्धा याचबरोबर समाज कार्याचे देखील काम होईल व या सर्वांतुन आपणांस मानसिक समाधानही लाभेल. 😇

तर काय म्हणता मग आहात ना तयार सर्वजन एका नवीन गणेशोत्सासाठी ?? 😉 📗📘📙🖋🖊✒📗📘📙👏🏻👏🏻💐💐🎉🎊🎉🎊

😊 स्मायलींग हार्ट सोशल गृप , 😊
🙏🏻🙏🏻तळेगाव दाभाडे 🙏🏻🙏🏻

19/07/2016

Guru Brahma Gurur Vishnu,
Guru Devo Maheshwaraha.
Guru Saakshat Para Brahma,
Tasmai Sree Gurave Namaha.

08/07/2016

काल दि. ७ जुलै रोजी स्मायलींग हार्ट सोशल गृपचा छोटा मेंबर सार्थक (आमच्या सुप्रिया ताई चा मुलगा) याचा मराठी महिन्यानुसार येणारा वाढदिवस लोकमान्य शाळेत साजरा केला. यावेळी ई. १ ली च्या मुलांना चॉकलेट , खाऊवाटप व वह्या , पेंसिल वाटप केले. त्याचप्रमाणे गाणी व कविता म्हणून या लहान मुलांसोबत वेळ घालवला. या उपक्रमाद्वारे या लहान व निरागस मुलांच्या तसेच ग्रूप मेंबर्सच्या चेहऱ्यावर फुललेला आनंद हा अवर्णनीयच .... :-)

03/07/2016

🙏🏻💐🙏🏻💐🙏🏻💐🙏🏻

" स्मायलींग हार्ट सोशल गृप "ने आज दि. ३ जुलै २०१६ रोजी "वृक्षारोपण " हा उपक्रम राबवला. गृप चे सर्व मेंबर्स यावेळी भर पावसाचे मोठ्या संख्येने उपस्थित होते. माननीय श्री. किशोर भाऊ भेगडे सुद्धा या उपक्रमास उपस्थित होते. त्यांनी स्वतः खड्डे खणून वृक्षाचे रोपण केले हे खरच कौतुकास्पद आहे. त्यांनी आम्हास योग्यरीत्या झाडे कशी लावावीत यासाठीही सल्ले दिले तसेच स्वतः त्याचे प्रात्यक्षिक सुध्दा करून दाखवले. याबद्दल भाऊंचे खूप -खूप आभार !!!

मागच्या वर्षी पावसाचे प्रमाण खुप कमी होते त्यामुळे विविध ठिकाणी पाणीसाठा कमी झाला. यावर्षी पावसाची सरासरी अधीक असावी अशी आशा आहे आणि खऱ्या अर्थाने सर्वांना असे वाटत असेल की पर्यावरणाचे संतुलन राखावे व पावसाच्या कमतरतेमुळे पाणीसाठा कमी पडू नये तर प्रत्येक व्यक्तिने किमान एक तरी झाड लावणे गरजेचे आहे.

🌳🌲🌿🌴🌳 झाडे लावा ...झाडे जगवा .. !!!! व पर्यावरणाचे योग्य ते संतुलन राखा !!!!! 🌲🌳🌴🌿🌲🌳

सौजन्य : स्मायलींग हार्ट सोशल गृप
🙏🏻💐🙏🏻💐🙏🏻💐🙏🏻

20/06/2016

प्रा. जयंत जोर्वेकर सर( माजी उपप्राचार्य , मॉर्डन कॉलेज, शिवाजीनगर , पुणे ) यानी आजच्या अंबर साप्ताहिकात " स्मायलींग हार्ट सोशल गृप " विषयी फार सुंदर लेख लिहिला आहे. सर्वांनी आवर्जून वाचावा. 😊😊🙏🏻🙏🏻🙏🏻🙏🏻

17/06/2016

05/06/2016

राजगुरव कॉलनी येथे आज " स्मायलींग हार्ट सोशल गृप " तर्फे आयोजीत करण्यात आलेल्या करिअर मार्गदर्शन शिबिरात पालकांनी तसेच विद्यार्थ्यांनी उपस्थिती दाखवून खुप चांगला प्रतिसाद दिला. यामध्ये आमंत्रित करण्यात आलेले अतिथी मान्यवर प्रा. जयंत जोर्वेकर (माजी उपप्राचार्य ,मॉर्डन कॉलेज ,शिवाजीनगर पुणे ) तसेच कु. सीमा तरस हे संचालक वक्ते म्हणून उपस्थित होते. यानी विद्यार्थ्यांचे योग्य ते मार्गदर्शन केले तसेच विद्यार्थ्यांना पडणाऱ्या प्रश्नाचे सुध्दा योग्य ते निरसन केले.

03/06/2016

📚 " करिअर मार्गदर्शन शिबीर "📚

👉� स्मायलींग हार्ट सोशल गृप तर्फे इयत्ता ८ वी ते १२ वी च्या विद्यार्थ्यांसाठी करिअर मार्गदर्शन शिबीर आयोजित करण्यात आले आहे. यामध्ये करिअर विषयक विविध पर्यायांची माहीती विद्यार्थ्यांना करुन देण्यात येईल.
👉� शालेय विद्यार्थ्यांना १० वी व १२ वी नंतर मुख्यत्वे माहीती नसते कि त्यांनी आपल्या भवितव्यासाठी कोणता योग्य पर्याय निवडावा किंवा आपल्या आवडीनुसार कोणता पर्याय निवडणे त्यांच्यासाठी योग्य राहील.
👉� स्मायलींग हार्ट सोशल गृपने आमंत्रित केलेले ज्ञानसंपन्न वक्ते व अतिथी स्वतः विद्यार्थ्यांशी याविषयक संवाद साधतील. यामध्ये ते विद्यार्थ्यांना पडणारे प्रश्न ,त्यांच्या अडचणी , त्यांच्या आवडी - निवडी यांवर चर्चा करतील व योग्य ते निवारण केले जाईल. आजकालच्या स्पर्धात्मक युगाकडे पाहाता विद्यार्थ्यांना स्वतःला सिध्द करून दाखवणे गरजेचे झाले आहे, परंतु किशोरावस्थेतून तरुणअवस्थेकडे प्रस्थान करत असताना या गोष्टींचे महत्व समजावणे सुद्धा आवश्यक आहे त्यामुळे त्यांना या विषयांशी निगडित बुद्धिवर्धक माहिती देणे खुप गरजेचे आहे. यामुळे एवढेच नाही तर त्यांचा बौद्धिक विकास होइल तर त्यांना त्यांच्या सुप्त गुणकौशल्याची तसेच आवडी- निवडीची ओळख व्हावी व मुलांनी त्या त्या दृष्टीकोणातून विचार करावा.
👉� सध्या तंत्रज्ञान हे प्रगतीकडे वाटचाल करत असताना नव भारताच्या विकासाच्या दृष्टीकोनातुन पुढील पिढीचे मार्गदर्शन करणे व त्यांना योग्य ती दिशा देणे खुप गरजेचे आहे कारण त्यांच्यामधूनाच आपला नवीन भारत घडणार आहे....!

👉�मुख्य संचालक व वक्ते

मा.प्रा. श्री. जयंत जोर्वेकर सर
(उप प्राचार्य , मॉर्ड्न कॉलेज , शिवाजीनगर , पुणे )

आणि

कु. सीमा बबनराव तरस (संचालिका , लक्ष गुरुकुल , बाणेर पुणे)

👉�वार व वेळ
रविवार दिनांक ५ जुन २०१६ संध्याकाळी ४.३० वाजता

👉�कार्यक्रम स्थळ
" श्री गणेश मंदिर , राजगुरव कॉलनी , तळेगाव स्टेशन, ता. मावळ, पुणे

आयोजक
😊 " स्मायलिंग हार्ट सोशल ग्रुप" 😊
तळेगाव दाभाडे

माहितीसाठी संपर्क:
गणेश तोडकर
9960647890

👉� सर्व मुलांनी व पालकांनी मोठया संख्येने उपस्तिथ रहावे ही विनंती......!🙏�

😊 🙏�धन्यवाद 🙏�😊