Nordic Office of Architecture á Íslandi

Home
Iceland
Reykjavík
Nordic Office of Architecture á Íslandi

Nordic Office of Architecture er leiðandi arkitektastofa á Norðurlöndunum með aðsetur í Reykjavík

20/03/2026

Við hjá Nordic Office of Architecture, í samstarfi við Eflu og SLA, erum stolt af því að vera með vinningstillögu í hugmyndaleit að rammaskipulagi fyrir Halla í Úlfarsárdal.

Tillagan Hallar – samfélag við hlíðarrætur leggur grunn að öflugu og eftirsóknarverðu hverfi þar sem samspil byggðar og náttúru er í forgrunni. Markmiðið er að styrkja nærumhverfið og bæta lífsgæði þeirra sem búa, starfa og sækja svæðið, með áherslu á virkan lífsstíl og sterka samfélagsheild.

Gert er ráð fyrir nýrri hverfismiðju með fjölbreyttri starfsemi, þjónustu og stofnunum. Almenningsrými í náttúrulegu umhverfi eru lykilþættir í uppbyggingu svæðisins, með það að markmiði að skapa aðlaðandi umhverfi allt árið um kring.

Í tillögunni er einnig gert ráð fyrir tveimur skólahverfum sem staðsett eru í svokölluðum grænum geira sem liggur í gegnum byggðina og tengir hana við útivistar- og náttúrusvæði í kring.

Við hlökkum til áframhaldandi samstarfs og næstu skrefa í þróun verkefnisins.

16/01/2026

Við höfum undanfarin tvö ár í samstarfi við SLA og EFLU unnið að deiliskipulagi fyrsta áfanga uppbyggingar í Blikastaðalandi og er tillagan nú til auglýsingar í Skipulagsgátt. Nýtt íbúðahverfi rís sunnan núverandi byggðar í Mosfellsbæ, á samgöngu- og þróunarás höfuðborgarsvæðisins, með sterku samspili byggðar, náttúru og sjálfbærri þróun. Borgarlínustöð verður við Blikastaðabæinn þar sem byggð verður þéttustu en byggðin lækkar í átt að náttúru og tekur mið af landslagi, sólarstöðu og vindáttum.

Endurgerður Blikastaðabær verður hjarta hverfisins innan um blandaða starfsemi, þjónustu og almenningsrými í tengslum við Borgarlínu, skóla og útivist. Byggðin styður virkt samfélag með öflugu stígakerfi og fjölbreyttum dvalar-, leik- og hreyfisvæðum innan um rík náttúrugæði.

Á svæðinu verða 1.260 íbúðir, skólar, verslun og þjónusta þar sem byggð og landslag mynda vistleg og fjölbreytt rými. Byggðamynstrið skiptist í fjögur söguleg hverfi — Flatir, Blikastaðir, Flóa og Hólstún/Ásatún — hvert með sínum staðaranda. Grænir geirar, lækir, votlendi og almenningsgarðar tengja svæðið og tryggja að stutt sé í náttúru frá öllum íbúðum.

Skilvirkt net samgangna, gróður og lifandi jarðhæðir skapa aðlaðandi götumynd. Skipulag Blikastaðalands er í samræmi við áherslur í aðalskipulagi Mosfellsbæjar, svæðisskipulagi höfuðborgarsvæðisins og vistvottun BREEAM.

19/12/2025

Endurhönnun skrifstofurýma Seðlabanka Íslands breytti byggingunni í nútímalegt vinnuumhverfi þar sem opið skipulag og flæði rýma styrkja samvinnu og sveigjanleika.

Náttúruleg efni – eik og gabbró – ásamt mjúkum litum skapa hlýlegt og rólegt andrúmsloft í setusvæðum, matsölum og fundarherbergjum. Jafnvægi milli einkarýma og sameiginlegra svæða tryggir vellíðan og fjölbreytta vinnuaðstöðu.

Samstarfsaðilar:
📷

02/12/2025

Við hönnun Seðlabankans var lögð sérstök áhersla á fundarrýmin. Þau eru fjölbreytt í stærð og notkun, allt frá næðisrýmum til hins þekkta Sölvhóls, sem flestir tengja við fréttatilkynningar bankans. Sölvhóll var endurgerður í anda upprunalegu hönnunarinnar, en með bættri hljóðvist og stighækkandi sætum sem tryggja betri upplifun.

Eitt fundarherbergi sker sig úr með einkennandi klæðningu úr hvíttuðum eikarvið, líkt og í Sölvhöll, en í allt annarri formgerð. Þar voru yfirliggjandi spjöld hönnuð til að sameina lýsingu, hljóðvist, loftræstingu og hljóðkerfi í einni heildstæðri lausn.

Samstarfsaðilar: ,
📷: Studio CAPN

27/11/2025

Seðlabanki Íslands var hannaður á árunum 1985–86 af stofnendum Arkþings sem síðar varð Nordic Office of Architecture. Fjórum áratugum síðar varð nauðsynlegt að framkvæma breytingar svo að bankinn gæti þróast í nútímalegt vinnuumhverfi.

Byggingin sem var innblásin af gömlu virki á staðnum hafði upphaflega garðsvæði í miðjunni. Ein af lykilaðgerðum við endurnýjunina var að breyta inngarðinum í nýtt innra miðrými sem tengir saman hluta byggingarinnar. Gabbrósteinninn úr útlitinu var endurnýttur inni, ásamt mýkri efniviði – eik – sem gefur rýminu hlýju. Dagsbirtan síast í gegnum tréloft sem endurómar einkennandi steináferð bankans.

Nýtt listaverk „Landvættir“ eftir Matthías Rúnar Sigurðsson, myndhöggvara, prýðir nú rýmið.

Samstarfsaðilar: , Art by & Kristinn E. Hrafnsson.
📷: Studio CAPN

14/10/2025

Nordic Office of Architecture vann að deiliskipulagi fyrir Vatnsendahvarf og mótaði þar heildarsýn fyrir uppbyggingu nýs hverfis. Í dag er unnið að hönnun bygginga og lóða og gert ráð fyrir að fyrstu byggingar taki að rísa snemma árs 2026. Á svæðinu er gert ráð fyrir um 500 íbúðum, allt frá einbýlishúsum yfir í minni fjölbýlishús, ásamt samþættum leik- og grunnskóla.

Með uppbyggingu í Vatnsendahvarfi er lögð áhersla á vistvæna byggð sem styrkir nærumhverfið og skapar gott samspil milli byggðar og náttúru. Grænn geiri liggur gegnum svæðið og tengist útivistar- og útsýnisreit á háholtinu.

Við hjá Nordic Office of Architecture erum stolt af því að fá að fylgja verkefnum eftir frá skipulagsstigi að uppbyggingu og taka þátt í að móta heildarsýn – frá hugmynd að veruleika. Fyrstu húsin sem rísa eru 2–3 hæða klasahús við Roðahvarf 17–21 og Roðahvarf 34–36 sem telur samtals 40 íbúðir ásamt bílgeymslum fyrir MótX ehf.

10/09/2025

Við erum afar stolt af því að vera meðal framúrskarandi fyrirtækja hjá Creditinfo fimmta árið í röð. Aðeins 2% íslenskra fyrirtækja komust á listann í ár. Nordic Office of Architecture er einnig á lista Viðskiptablaðsins og Keldunnar yfir fyrirmyndarfyrirtæki í rekstri annað árið í röð, en einungis 2,6% fyrirtækja á Íslandi náðu inn á þann lista að þessu sinni.

Til að hljóta þessar viðurkenningar þarf að uppfylla ströng skilyrði sem tengjast rekstri og afkomu síðustu ára. Það er því sérstaklega ánægjulegt að vera hluti af þessum úrvalshópi enn eitt árið. Þessum árangri eigum við að þakka frábæru starfsfólki og traustum viðskiptavinum okkar.

Við lítum á þessar viðurkenningar sem hvatningu til að halda áfram á sömu braut – með stöðugum umbótum sem tryggja enn meiri gæði og fagmennsku í allri okkar starfsemi.

08/09/2025

Nýlega héldum við upp á Nordic daginn – dag sem snýst um faglega þróun, samvinnu og innblástur.

Við fengum innblástur frá Sigurði Hallgrímssyni um hönnunarferlið og tókum þátt í vinnustofum um verkefnastjórnun og framkomu. Við enduðum svo daginn með skemmtilegri og einlægri sýningu Kristínar Haraldsdóttur„Á rauðu ljósi“ sem fjallar um stress.

05/08/2025

Skóli getur verið hjarta öflugs samfélags. Þess vegna leggjum við áherslu á að hanna skóla sem eru sveigjanlegir til framtíðar og halda í við þróun menntakerfisins – þar sem bæði inni- og útirými eru örvandi og heilnæm.

Nordic vann samkeppni um hönnun á nýjum stúdentagörðum fyrir Félagsstofnun stúdenta Akureyri (FÉSTA) með tillögu sem endurskoðar stúdentalíf út frá samfélagi og vellíðan. Verkefnið, sem er vandlega hannað með þarfir ungs fólks í huga, býður upp á hlýlegt heimili fyrir námsmenn á Íslandi. Nordic vinnur nú að ítarhönnun verkefnisins og er áætlað að framkvæmdir hefjist árið 2026.

Á tímum aukinnar einangrunar og breyttra búsetumynstra setur FÉSTA samfélagið í forgrunn. Byggingarnar hámarka náttúrulega birtu, útsýni og tengsl – og skapa róleg, notendavæn rými sem finna jafnvægið á milli einkalífs og tækifæri til samskipta. Rúmgóð sameiginleg svæði og aðstaða til samveru styðja við daglegt líf og stuðla að samheldni og tengingu milli fólks.

Með skýra hönnunarímynd og áherslu á samfélag og vellíðan setur FÉSTA ný viðmið fyrir stúdentaíbúðir á Íslandi.

29/07/2025

Hönnun sem tengir fólk, bygging sem eflir samfélag.

Við trúum því að arkitektúr hafi máttinn til að styðja við mótun blómstrandi samfélaga. Með því að sameina fólk – óháð bakgrunni, þörfum og kynslóðum – sköpum við rými sem efla vellíðan, draga úr einangrun og bæta daglegt líf.
Frá skólum og hjúkrunarheimilum til borgarskipulags og almenningsrýma er markmið okkar einfalt: að hanna með tilgangi og fyrir fólkið.

Meira en bara banki, Landsbankinn er hugsaður sem félagslegt og menningarlegt kennileiti – opið boð til almennings. Lífleg jarðhæðin dregur fólk að sér frá Reykjastræti, þurrkar út mörkin milli banka og borgar og skapar náttúruleg rými fyrir samskipti.

Sveigjanleg samkomurými og gönguleið sem tengir hverfið mynda menningarlegan samastað í hjarta Reykjavíkur.

📸 Ljósmyndir: Kristín Ásta Kristinsdóttir + Eygló Gísladóttir
Arkitektar: Nordic Office of Architecture / C.F. Møller Architects

Þú getur lesið meira um verkefnið á heimasíðu Nordic Office of Architecture:
https://nordicarch.com/project/landsbankinn

22/07/2025

Byggjum minna og endurnýtum meira.

Að endurhanna og nýta eldri mannvirki gerir okkur kleift að draga úr umhverfisáhrifum og skapa nýtt gildi. Oft er það áhrifaríkasta leiðin til að vernda jörðina og byggingararfinn - að virða það sem var, á sama tíma og við mótum sjálfbærari framtíð.

Við endurhönnuðum sjö byggingar við Sandholt á Laugaveginum, bæði gamlar og nýjar, sem sameinast í nútímalegu hóteli með handverksbakaríi og kaffihúsi. Húsin frá 1930, sem áður hýstu áberandi fyrirtæki, fengu hlý og vönduð innri rými sem endurspegla anda hverfisins.

Byggingarnar eru tengdar á efri hæðum án þess að rjúfa gönguleiðir á jarðhæð. Veglegir glerfletir á báðum hliðum leggja áherslu á gegnsæi og skýra sjónræna tengingu milli hótelsins og líflegrar götumyndar Laugavegs. Verkefnið einkenndist af því að varðveita sérkenni húsanna og skapa nútímaleg þægindi. Í gestaherbergjunum fá gestir útsýni yfir Esjuna og litrík þök Reykjavíkur. Hvítreynir, eitt elsta tréð í hverfinu, var varðveitt við framkvæmdirnar.

Sandholt sýnir hvernig vönduð umbreyting getur fært sögulegu mannvirki nýtt líf - og breytt því í varanlegt gildi fyrir gesti og borgina sjálfa.

Þú getur lesið meira um verkefnið á heimasíðu Nordic Office of Architecture:
https://nordicarch.com/project/sandholt-reykjavik

Address

Hallarmúli 4
Reykjavík
108

Telephone

+3545705700

Website

http://www.nordicarch.com/

Alerts

Be the first to know and let us send you an email when Nordic Office of Architecture á Íslandi posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Nordic Office of Architecture á Íslandi:

Shortcuts

Want your business to be the top-listed Home Improvement Business in Reykjavík?