28/04/2022
Sigurður Þórir sýnir í Listhúsi Ófeigs
Sigurður Þórir listmálari opnar sýningu sína í Listhúsi Ófeigs á Skólavörðustíg 5 þann 30. apríl n.k. kl. 16:00.
Á sýningunni mun Sigurður Þórir sýna málverk sem hann hefur unnið sl. ár og hafa engin þeirra komið fyrir augu almennings fyrr. Þekktust eru fígúratíf málverk Sigurðar, oft erótísk og goðsagnakennd, en hann hefur nú snúið sér alfarið af geómetrískum verkum sem sýna nýja hlið á listamanninum þó svo að litir og ýmis form minni á fyrri verk hans.
Hægt er að óska eftir leiðsögn um sýninguna hjá Sigurði Þóri í síma 8612568.
Sýningin er opin alla virka daga frá 11:00 til 18:00 og laugardaga frá 11:00 til 16:00 og stendur til 25. maí.
