Hornsteinar arkitektar

19/01/2024

Nýlega var lokið við að endurgera útveggi Vesturhúss Orkuveitu Reykjavíkur. Gerðar voru róttækar breytingar á útliti byggingarinnar og það klætt að utan með verksmiðjuframleiddum útveggjaeiningum. Nýtt Vesturhús hefur litið dagsins ljós.

19/01/2024

Nýr útveggur Vesturhúss Orkuveitu Reykjavíkur séð innanfrá. Flettið fyrir eftir fyrir breytingar.

19/01/2024

Hornsteinar hafa í samstarfi við hollensku arkitektastofuna HofmanDujardin endurhannað hvolfrými Orkuveita Reykjavíkur, sem mun nú tengja saman Vestur- og Austurhús í enn ríkari mæli en áður. Það mun því taka talsverðum breytingum í náinni framtíð en markmiðið er að skapa lifandi rými sem býður uppá aðstöðu til óformlegra funda og frekari samskipta starfsfólks milli svæða. Nýr stigi tengir nýja millipalla sem gæddir verða gróðurkerjum, fjölbreyttum setsvæðum og kaffiaðstöðu.

10/11/2023

HORNSTEINAR þakka , dómnefnd og öllum þeim sem komu að þessum glæsilega viðburði.

Einnig ber að þakka fyrir þær einstöku viðtökur sem Edda - Hús íslenskunnar hefur fengið frá því að það var vígt þann 19.apríl síðastliðinn.

TAKK.

10/11/2023

10/11/2023

Edda, hús íslenskunnar er Staður ársins á Hönnunarverðlaunum Íslands 2023

Edda, hús íslenskunnar eftir Hornsteina arkitekta er sigurvegari í flokknum Staður á Hönnunarverðlaunum Íslands 2023 fyrir einkennandi og áhrifamikil bygging sem sameinar varðveislu og aðgengi almennings að íslenskum menningarverðmætum til framtíðar.

Rökstuðningur dómnefndar:
Edda, nýtt hús íslenskunnar, er einkennandi og áhrifamikil bygging. Vandað er til verka af fagmennsku, listfengi og hugað að hverju smáatriði að innan sem utan. Sporöskjulaga formið og einstök áferð hið ytra gefur til kynna dýrmætt innihald. Byggingin stendur í grunnri spegiltjörn og að utan er hún klædd koparhjúp með stílfærðum afritum texta úr handritum, sem í senn skreytir veggina og vekur forvitni um það sem býr innan þeirra. Edda er bjart og opið hús þar sem fallegir inngarðar gefa innri rýmum andrúm og birtu.

Edda skapar alveg nýja umgjörð um íslenskan þjóðararf, byggingin myndar sterkt kennileiti sem fellur vel að umhverfi. Vinnuumhverfi innanhúss er vel útfært, bjart, vistvænt og þjónar fjölþættri starfsemi. Hornsteinum arkitektum hefur tekist að skapa einkennandi og áhrifamikla byggingu sem hæfir viðfangsefninu í formi og haganleik.

Edda er lykilbygging sem geymir handrit Íslendinga, merkustu menningarverðmæti þjóðarinnar. Í húsinu er starfsemi Stofnunar Árna Magnússonar og Íslensku- og menningardeild Háskóla Íslands sameinuð ásamt því að varðveisla og aðgengi almennings að íslenskum menningarverðmætum er tryggð til langrar framtíðar.

10/11/2023

Miðstöð hönnunar og arkitektúrs er hreyfiafl sjálfbærrar verðmætasköpunar sem byggir á hönnun og arkitektúr. Miðstöðin stuðlar að auknu samstarfi milli hönnuða og fyrirtækja og vinnur að því að efla hönnunardrifna og notendavæna nýsköpun sem mótandi afl í menningu, sam...

07/11/2023

EDDA - Hús íslenskunnar er tilnefnt sem staður ársins á hönnunarverðlaunum Íslands 2023

EDDA - Center for Icelandic studies is nominated as place of the year Icelandic Design Awards 2023

07/11/2023

EDDA - Hús íslenskunnar

Byggingin er sporöskjulaga að grunnfleti. Hin mjúku og ávölu form byggingarinnar ráða því að hún hefur ekki horn í síðu nágranna sinna heldur myndar opinn faðm utan um fjölþætta starfsemi. Sérstök lögun hússins og ytri áferð skapa eftirvæntingu en gefa jafnframt fyrirheit um spennandi og margvíslega starfsemi innandyra.

Leitast var við að móta hógværa byggingu, sem þó er ætlað að skapa sterk hughrif. Hún er sjálf vafin verndarhjúp úr stálslegnum texta; bókmenntaarfur fortíðarinnar leggur byggingarlist samtímans verðugt lið.

The building is oval in shape. Its soft, curved form has no corners, but creates a welcome to varied types of work. The unique form of the building and outer appearance give expectation and even promise of exciting and varied work inside it.
The aim was to create a modest building which will nonetheless be very attractive. It is surounded by a protecting cover decorated with texts; the literary inheritance of the past supports the architecture of the present.

Verkkaupi / Framkvæmdasýslan - Ríkiseignir
Samstarfsaðilar / Verkís Verkfræðistofa, EFLA, LOTA
Byggingaraðili / Ístak hf.

Byggingin er BREEAM vistvottuð.

Ljósmyndari: Sigurður Stefán Jónsson

07/11/2023

EDDA - Hús íslenskunnar

Á jarðhæð situr bókasalurinn og teygir sig upp í háa hvelfingu sem tengir vinnustofur fræðimanna við bókasafnið. Bókasalurinn er í senn friðsæll, glæsilegur og ögrandi vinnustaður, aflvaki nýrra hugmynda í miðju mannvirkis er tengir forna og nýja menningu við nútímafræðiiðkun. Inn á þessa miðju tengist fjölbreytt starfsemi hússins; sýningarsalur, kaffistofa, safnkennsla, vinnustofur og fyrirlestrasalur mynda einskonar torg sem er bæði sýnilegt og aðgengilegt gestum og gangandi.

On ground level, is the library, which expands to a space which connects the work places of scholars with the library. The library is both peaceful, elegant, and an inspiring workplace, where new ideas will arise in the middle of a creation which connects old and new culture with contemporary scholarship. On this level an exhibition room, coffee room, teaching area, work places and a lecture room are an area accessible to guests.

Ljósmyndari: Sigurður Stefán Jónsson

07/11/2023

EDDA - Hús íslenskunnar

Á megin gönguleiðum innandyra er slípuð steypa (terrazzo); á fyrstu hæð er felldar í gólfið hellur úr blágrýti er mynda e-k traðir á gönguásnum.

Ljósmyndari: Sigurður Stefán Jónsson

07/11/2023

EDDA - Hús íslenskunnar

Að utan er byggingin umlukin baklýstum málmhjúp með stílfærðum afritum texta úr handritum frá 13. öld sem í senn fjörgar útveggina og vekur forvitni um það sem býr innan þeirra.

The building is surrounded by a back-lighted metal coating with quotations from thirteenth century manuscripts on four sides, which awaken curiosity about what may be inside.