M-Architect & Construction Co., Ltd.

11/02/2026

🤝 សញ្ញានៃកិច្ចសហប្រតិបត្តិការថ្មី ដើម្បីពង្រឹងវិស័យអប់រំ និងជំនាញវិជ្ជាជីវៈក្នុងវិស័យស្ថាបត្យកម្ម និងសំណង់

ថ្ងៃនេះ ក្រុមហ៊ុន អឹម អាឃីធេក & ខនស្ត្រាក់សិន - M-Architect & Construction Co., Ltd. មានសេចក្តីសោមនស្សរីករាយយ៉ាងក្រៃលែង ក្នុងការចុះអនុស្សារណៈយោគយល់គ្នា (MOU) ជាមួយ សាកលវិទ្យាល័យ លីមកុកវីង - Limkokwing Cambodia

កិច្ចសហប្រតិបត្តិការនេះ រៀបចំឡើងក្នុងគោលបំណង៖

💡ជំរុញការបណ្តុះបណ្តាលធនធានមនុស្សក្នុងវិស័យស្ថាបត្យកម្ម និងសំណង់។

💡ផ្តល់ឱកាសចុះអនុវត្តការងារផ្ទាល់ (Internship) សម្រាប់សិស្សនិស្សិត។

💡ផ្លាស់ប្តូរបទពិសោធន៍ និងបច្ចេកវិទ្យាថ្មីៗរវាងវិស័យអប់រំ និងវិស័យឯកជន។

យើងជឿជាក់ថា ភាពជាដៃគូនេះនឹងក្លាយជាស្ពានចម្លងដ៏សំខាន់សម្រាប់យុវជនកម្ពុជា ក្នុងការឈានទៅចាប់យកអាជីពប្រកបដោយសក្តានុពលនាពេលអនាគត! 🇰🇭✨

[English]
🤝 A New Chapter of Collaboration for Education and Professional Excellence!

Today, 𝗠 𝗔𝗿𝗰𝗵𝗶𝘁𝗲𝗰𝘁 & 𝗖𝗼𝗻𝘀𝘁𝗿𝘂𝗰𝘁𝗶𝗼𝗻 𝗖𝗼., 𝗟𝘁𝗱. is honored to officially sign a Memorandum of Understanding (MOU) with 𝗟𝗶𝗺𝗸𝗼𝗸𝘄𝗶𝗻𝗴 𝗨𝗻𝗶𝘃𝗲𝗿𝘀𝗶𝘁𝘆 𝗖𝗮𝗺𝗯𝗼𝗱𝗶𝗮.

This partnership aims to:

💡Strengthen human resource development in Architecture and Construction.

💡Provide practical internship opportunities for students to gain real-world experience.

💡Bridge the gap between academia and the industry through knowledge and technology exchange.

We believe this collaboration will serve as a vital steppingstone for Cambodian youth to achieve their professional dreams and shape the future of our industry! 🇰🇭✨

Limkokwing University x M Architect 🤝🏛

Today, a new partnership begins! Limkokwing University and M-Architect & Construction Co., Ltd. have officially signed a Memorandum of Understanding to promote collaboration in architectural education, industry exposure, and professional growth. Together, we aim to shape future architects through real-world experience and innovative design thinking.

BE THE BEST
BE A LIMKOKWING GRADUATE

☎️ For more information:
• Tel: 023 995 733 / 015 582 801
• Telegram: https://t.me/limkokwingcambodia
• Telegram Channel: https://t.me/limkokwingscholarship
• Instagram: https://www.instagram.com/limkokwing_cam/
• Youtube: https://www.youtube.com/
• Address៖ https://maps.app.goo.gl/AwaLrMqFLKHN2PEq5

06/11/2025

អគារថ្មីនៃ គណកម្មាធិការជាតិរៀបចំការបោះឆ្នោត និង អគ្គស្នងការនគរបាលជាតិ ជាស្នាដៃថ្មីបន្ថែមទៀតរបស់ក្រុមហ៊ុន អឹម អាឃីធេក & ខនស្ត្រាក់សិន ឯ.ក

Discover the future of Phnom Penh's skyline with the introduction of M TOWER, a 43-floor landmark that embodies architectural excellence and urban sophistica...

19/09/2025

M-Architect & Construction Co., Ltd. សូមជូនពរ 🙏🙏

05/08/2025

លោកស្រីស្ថាបត្យករ កែវ ម៉ាលីកា ផ្ញើសារលិខិតគោរពជូនពរ សម្ដេចតេជោ ហ៊ុន សែន ក្នុងឱកាសចម្រើនជន្មាយុ

(ភ្នំពេញ)៖ លោកស្រីស្ថាបត្យករ កែវ ម៉ាលីកា ស្ថាបនិកា និងជាអគ្គនាយិកាក្រុមហ៊ុន អឹម អាឃីធេក & ខនស្ត្រាក់សិន ឯ.ក និងក្រុមគ្រួសារព្រមទាំងសហការីទាំងអស់ សូមផ្ញើសារលិខិតគោរពជូនពរ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា, នាយឧត្តមសេនីយ៍ផុតលេខផ្កាយមាស់៥ និងជាប្រធានក្រុមឧត្តមប្រឹក្សាផ្ទាល់ ព្រះមហាក្សត្រ ក្នុងឱកាសដ៏មង្គលសួស្ដីប្រពៃថ្លៃថ្លា ចម្រើនជន្មាយុគម្រប់៧៣ឆ្នាំ ដែលនឹងប្រព្រឹត្តទៅនាថ្ងៃអង្គារ ១១កើត ខែស្រាពណ៍ ឆ្នាំម្សាញ់ សប្តស័ក ព.ស ២៥៦៩ ត្រូវនឹងថ្ងៃទី០៥ ខែសីហា ឆ្នាំ២០២៥។

នាងខ្ញុំសូមអនុញ្ញាតចូលរួមសម្តែង នូវសេចក្តីអំណរសាទរឥតឧបមា ជូននូវសព្ទសាធុការពរ បវរសួស្តី សិរីមង្គល វិបុលសុខ មហាប្រសើរគ្រប់ប្រការ ជូនចំពោះសម្តេចតេជោ និងសម្តេចកិត្តិព្រឹទ្ធបណ្ឌិត ប្រកបដោយមនោសញ្ចេតនា គោរពស្រឡាញ់ដ៏ជ្រាលជ្រៅ និងកតញ្ញូកតវេទីតាធម៌យ៉ាងស្មោះស្ម័គ្របំផុត ចំពោះកិច្ចខិតខំប្រឹងប្រែង យកអស់កម្លាំងកាយចិត្ត ប្រាជ្ញាស្មារតី និងបទពិសោធន៍ ប្រកបដោយគតិបណ្ឌិត ក្នុងការដឹកនាំនាវាកម្ពុជាទទួលបាននូវសុខសន្តិភាពពេញលេញ។

ឆ្លៀតក្នុងឱកាសដ៏ប្រពៃថ្លៃថ្លានេះ យើងខ្ញុំទាំងអស់គ្នាសូមអនុញ្ញាតចូលរួមសម្តែងនូវសេចក្តីអំណរសាទរឥតឧបមា ជូននូវសព្ទសាធុការពរ បវរសួស្តី សិរីមង្គល វិបុលសុខ មហាប្រសើរគ្រប់ប្រការ ជូនចំពោះសម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត និងសូមសម្ដែងនូវការគោរពដឹងគុណ យ៉ាងជ្រាលជ្រៅបំផុតចំពោះ សម្តេចដែលបានយកអស់កម្លាំងកាយចិត្ត ប្រាជ្ញាស្មារតី និងបទពិសោធន៍ប្រកបដោយគំរូវីរភាពដ៏អស្ចារ្យ ក្នុងការដឹកនាំប្រទេសកម្ពុជា នាពេលកន្លងមករហូតដល់ពេលបច្ចុប្បន្ន ដោយបានជួយស្រោចស្រង់ប្រទេសកម្ពុជាចេញពីរបបប្រល័យពូជសាសន៍ ប៉ុលពត និងសង្គ្រាមឈ្លានពាន ធ្វើឱ្យជាតិមាតុភូមិ និងប្រជាជនកម្ពុជាទទួលបានសន្តិភាពពេញលេញ។ យើងខ្ញុំទាំងអស់គ្នា នឹងប្តេជ្ញាបន្តថែរក្សាមរតកសន្តិភាព ភារកិច្ចជាអមតៈ និងសមិទ្ធផលគ្រប់យ៉ាងដែល សម្តេចតេជោ សម្រេចបានដើម្បីជាតិមាតុភូមិ និងប្រជាពលរដ្ឋកម្ពុជា។

ជាថ្មីម្ដងទៀត យើងខ្ញុំ សូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមប្រោសប្រទានពរជ័យជូន សម្ដេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ព្រមទាំងបុត្រា-បុត្រី ចៅប្រុស-ចៅស្រីជាទីស្រឡាញ់ សូមបានសមប្រកបដោយពុទ្ធពរ និងពរទាំងបួនប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ៕

31/07/2025

ចូលរួមជាមួយក្លឹបរ៉ូតថារី ភ្នំពេញសេនត្រល ផ្តល់ជំនួយដល់ បងប្អូនជនភៀសសឹក នៅតាមបណ្តាព្រំដែន
ចេញដំណើរទៅខេត្តឧត្តរមានជ័យ នៅថ្ងៃចន្ទ ទី០៤ ខែសីហា ឆ្នាំ២០២៥

Please donate to refugees along the border.
Depart for Oddar Meanchey province on Monday, 4th August, 2025.

边境难民物资慈善捐赠
2025年8月4日（星期一）
出发前往奥多棉吉省

17/06/2025

ទូលព្រះបង្គំជាខ្ញុំ កែវ ម៉ាលីកា សូមក្រាបបង្គំថ្វាយព្រះពរ សម្តេចព្រះមហាក្សត្រី ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៨៩ព្រះវស្សា យាងចូល ៩០ព្រះវស្សា

(ភ្នំពេញ)៖ ទូលព្រះបង្គំជាខ្ញុំ ស្ថាបត្យករ កែវ ម៉ាលីកា ស្ថាបនិកា និងជាអគ្គនាយិកាក្រុមហ៊ុន អឹម អាឃីធេក & ខនស្ត្រាក់សិន ឯ.ក សូមព្រះបរមរាជានុញ្ញាត ក្រាបបង្គំទូលថ្វាយព្រះពរ សម្តេចព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងឱកាសព្រះរាជពិធីបុណ្យចម្រើនព្រះជន្ម គម្រប់ ៨៩ព្រះវស្សា យាងចូល ៩០ព្រះវស្សា។

នៅក្នុងឱកាសដ៏មហានក្ខត្តឫក្ស ប្រកបដោយសិរីសួស្តី បវរថ្លៃថ្លាមហាប្រសើរនៃព្រះរាជពិធីបុណ្យចម្រើនព្រះជន្ម សម្តេចព្រះមហាក្សត្រី ព្រះវររាជមាតាជាតិខ្មែរ គម្រប់ ៨៩ព្រះវស្សា យាងចូល ៩០ព្រះវស្សា ដែលនឹងប្រព្រឹត្តទៅនៅថ្ងៃទី១៨ ខែមិថុនា ឆ្នាំ២០២៥ ទូលព្រះបង្គំយើងខ្ញុំ សូមព្រះបរមរាជានុញ្ញាតអភិវន្ទលំឱនកាយវាចារចិត្តក្រាបបង្គំ សម្តែងនូវការគោរពកោតសរសើរ និងកត្តញ្ញូតាធម៌ដ៏ជ្រាលជ្រៅបំផុត ថ្វាយចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ ដែលព្រះអង្គបានលះបង់ព្រះបញ្ញាញាណ ព្រះរាជសកម្មភាពដ៏ឧត្តុង្គឧត្តមថ្លៃថ្លាបំផុត ប្រកបដោយព្រះគុណធម៌ ព្រះមនុស្សធម៌ ក្នុងវិស័យអប់រំសិក្សាធិការ ព្រះពុទ្ធសាសនា សង្គមកិច្ច សុខុមាលភាព ជីវភាពរស់នៅរបស់ ប្រជាពលរដ្ឋ និងជាពិសេសព្រះរាជសកម្មភាព ជាព្រះប្រធានកិត្តិយសនៃកាកបាទក្រហមកម្ពុជា និងក្រុមប្រឹក្សាជាតិកម្ពុជា ដើម្បីស្ត្រី ដែលបានរួមចំណែកយ៉ាងធំធេង ក្នុងការលើកកម្ពស់ជីវភាពរស់នៅរបស់ប្រជាពលរដ្ឋ និងការលើកកម្ពស់តួនាទីស្ត្រីក្នុងសង្គម កម្ពុជានាពេលកន្លងមក។

ក្នុងឱកាសដ៏វិសេសវិសាលនេះ ទូលព្រះបង្គំយើងខ្ញុំទាំងអស់គ្នា សូមលើកអញ្ជលិប្រណម្យ បួងសួង ដល់គុណបុណ្យ ព្រះរតនត្រ័យគុណកែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សា ព្រះមហាស្វេតច្ឆត្រ និងព្រះឫទ្ធានុភាព នៃព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ ជាពិសេសបុណ្យបារមីព្រះករុណា ព្រះមហាវិរក្សត្រ ព្រះវររាជបិតា ព្រះបរមរតនកោដ្ឋ សូមតាមជួយទ្រទ្រង់ថែរក្សាការពារ និងប្រោះព្រំ ប្រទានព្រះពរជ័យ ថ្វាយសម្តេចព្រះមហាក្សត្រី នរោត្តម មុនិនាថសីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលខ្លាំងក្លា ព្រះជន្មាយុយឺនយូរ ព្រះបញ្ញាញាណភ្លឺថ្លាជានិច្ចនិរន្តរ៍តរៀងទៅ៕

24/05/2025

🍫 ⋆ 🍬 🎀 រីករាយថ្ងៃកំណើតលោកតា 🎀 🍬 ⋆ 🍫

លោកស្រីស្ថាបត្យករ កែវ ម៉ាលីកា ផ្ញើសារលិខិតអបអរសាទរ និងគោរពជូនពរ សម្តេចអគ្គមហាពញាចក្រី ហេង សំរិន ក្នុងឱកាសចម្រើនជន្មាយុ

(ភ្នំពេញ)៖ លោកស្រីស្ថាបត្យករ កែវ ម៉ាលីកា ស្ថាបនិកា និងជាអគ្គនាយិកាក្រុមហ៊ុន អឹម អាឃីធេក & ខនស្ត្រាក់សិន ឯ.ក ព្រមទាំងក្រុមគ្រួសារនិងសហការីទាំងអស់ បានផ្ញើសារលិខិតគោរពជូនពរ សម្តេចអគ្គមហាពញាចក្រី ហេង សំរិន ប្រធានកិត្តិយស នៃក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា ក្នុងឱកាសចម្រើន ជន្មាយុគម្រប់៩១ឆ្នាំ ឈានចូល៩២ឆ្នាំ នាថ្ងៃទី២៥ ខែឧសភា ឆ្នាំ២០២៥ ខាងមុខនេះ។

យើងខ្ញុំទាំងអស់គ្នា សូមសម្តែងនូវសេចក្តីអំណរសាទរ ដោយស្មោះអស់ពីដួងចិត្ត សូមចូលរួមជូននូវសព្វសាធុការពរជ័យ បវរសួស្តី សិរីវឌ្ឍនា វិបុលសុខ មហាប្រសើរ គ្រប់ប្រការចំពោះ សម្តេចអគ្គមហា ពញាចក្រី និងសម្តេចធម្មវិសុទ្ធវង្សា។

យើងខ្ញុំសូមសម្តែងនូវការដឹងគុណយ៉ាងជ្រាលជ្រៅ ចំពោះទឹកចិត្តដ៏ប្រពៃថ្លៃថ្លា និងសកម្មភាពដ៏ឧត្តុង្គឧត្តមរបស់សម្តេចអគ្គមហាពញាចក្រី ដែលកន្លងមកបាន ខិតខំយកអស់កម្លាំងកាយចិត្ត ប្រាជ្ញាស្មារតី ចូលរួមដឹកនាំកសាងប្រជាជាតិកម្ពុជា ទទួលបានសុខសន្តិភាព និងមានការរីកចម្រើនលើគ្រប់វិស័យ។

ឆ្លៀតក្នុងឱកាសដ៏វិសេសវិសាលប្រពៃថ្លៃថ្លានេះផងដែរ យើងខ្ញុំទាំងអស់គ្នា សូមលើកហត្ថបួងសួងដល់ គុណបុណ្យព្រះរតនត្រ័យគុណកែវទាំងបី វត្ថុស័ក្តិសិទ្ធិទាំងឡាយក្នុងលោក បុណ្យបារមីព្រះឥន្ទ ព្រះព្រហ្ម ព្រះអង្គចេក ព្រះអង្គចម ទេវតាថែរក្សាទឹកដីនៃព្រះរាជាណាចក្រកម្ពុជា សូមព្រះអង្គតាមជួយថែរក្សា អភិបាលប្រោះព្រំសព្វសាធុការពរជ័យ គ្រប់យ៉ាងចំពោះសម្តេចអគ្គមហាពញាចក្រី និងសម្តេចធម្មវិសុទ្ធវង្សា ព្រមទាំងបុត្រា បុត្រី ចៅប្រុស ចៅស្រី ជាទីស្រឡាញ់ និងសូមសមប្រកបដោយពុទ្ធពរដ៏ប្រសើរថ្លៃថ្លា បួនប្រការគឺអាយុ វណ្ណៈ សុខៈ ពលៈ ជានិច្ចនិរន្តរ៍ កុំបីឃ្លៀងឃ្លាតឡើយ៕

13/05/2025

លោកស្រីស្ថាបត្យករ កែវ ម៉ាលីកា សូមក្រាបបង្គំថ្វាយព្រះពរ ព្រះករុណា ព្រះមហាក្សត្រកម្ពុជា ក្នុងឱកាសនៃព្រះរាជពិធីបុណ្យចម្រើន ព្រះជន្មគម្រប់ ៧២ យាងចូល ៧៣ព្រះវស្សា
꧁༒❣️☬✨សូមថ្វាយព្រះពរ✨☬❣️༒꧂

(ភ្នំពេញ)៖ នៅថ្ងៃទី១៣ ខែឧសភា ឆ្នាំ២០២៥នេះ លោកស្រីស្ថាបត្យករ កែវ ម៉ាលីកា ស្ថាបនិកា និងជាអគ្គនាយិកាក្រុមហ៊ុន M-Architect & Construction Co., Ltd. បានទូលថ្វាយនូវសារលិខិតថ្វាយព្រះពរ ព្រះករុណាព្រះបាទសម្តេចព្រះបរមនាថ នរោត្ដម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត នៅក្នុងឱកាសនៃព្រះរាជពិធីបុណ្យចម្រើនព្រះជន្មគម្រប់ ៧២ យាងចូល ៧៣ព្រះវស្សា របស់ព្រះករុណាជាអម្ចាស់ជីវិតលើត្បូង ដែលនឹងប្រព្រឹត្តទៅនៅថ្ងៃទី១៤ ខែឧសភា ឆ្នាំ២០២៥នេះ។

សារលិខិតថ្វាយព្រះពរនោះ មានខ្លឹមសារថា ៖ «ស្ថិតក្នុងឱកាសដ៏មហានក្ខត្តឫក្សឧត្តុង្គឧត្តម នៃព្រះរាជពិធីបុណ្យចម្រើនព្រះជន្មគម្រប់ ៧២ យាងចូល ៧៣ព្រះវស្សា របស់ ព្រះករុណាថ្លៃវិសេស ក្នុងនាមខ្ញុំម្ចាស់ផ្ទាល់ និងក្រុមគ្រួសារព្រមទាំងសហការីទាំងអស់ សូមព្រះបរមរាជានុញ្ញាតលំឱនកាយថ្វាយនូវព្រះរាជសព្ទសាធុការពរជ័យ បវរសួស្តី សិរីមង្គល វិបុលសុខ មហាប្រសើរគ្រប់ប្រការ ថ្វាយ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គបានប្រកបដោយព្រះរាជសុខភាពល្អពេញបរិបូរណ៍ ព្រះកាយពលមាំមួន ព្រះបញ្ញាញាណភ្លឺថ្លា និងមានព្រះជន្មាទីឃាយុយឺនយូរជាងរយព្រះវស្សា ដើម្បីគង់ប្រថាប់ជាមហាម្លប់ដ៏ត្រជាក់ត្រជំសម្រាប់ប្រជារាស្រ្តជ្រកកោន ជាភិយ្យោភាពតរៀងទៅ។

ក្នុងព្រះរាជពិធីចម្រើនព្រះជន្មវឌ្ឍនមង្គលដ៏វិសេសវិសាលនេះ ខ្ញុំម្ចាស់ ទូលព្រះបង្គំយើងខ្ញុំទាំងអស់គ្នា នៃ M-Architect & Construction Co., Ltd. សូមព្រះបរមរាជានុញ្ញាតក្រាបបង្គំថ្វាយនូវព្រះរាជកតញ្ញុតាធម៌ និងកតវេទិតាដ៏ជ្រាលជ្រៅបំផុត ចំពោះ ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត ដែលព្រះអង្គតែងតែលះបង់ព្រះកាយពលគ្រប់ពេលវេលា និងព្រះរាជបញ្ញាញាណដ៏ភ្លឺថ្លាវាងវៃ បំពេញព្រះរាជពោធិសម្ភារយ៉ាងខ្ជាប់ខ្ជួន ដើម្បីវឌ្ឍនភាពជាតិ សាសនា និងប្រជានុរាស្ត្រជាទីស្រឡាញ់របស់ព្រះអង្គ។ ខ្ញុំម្ចាស់ និងសហការីនៃ M-Architect & Construction Co., Ltd. សូមប្តេជ្ញាដង្ហែតាមព្រះរាជលំអានមនុស្សធម៌ដ៏ឧត្តុង្គឧត្តម នៃព្រះបរមរូប ព្រះករុណាព្រះមហាវីរក្សត្រ ព្រះបរមរតនកោដ្ឋ,សម្តេចព្រះមហាក្សត្រី ព្រះវររាជមាតាជាតិខ្មែរ ព្រះប្រធានកិត្តិយស កាកបាទក្រហមកម្ពុជា និងជាពិសេស នៃព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត។

ក្នុងវរោកាសដ៏ឧត្តុង្គឧត្តមថ្លៃថ្លានេះ ខ្ញុំម្ចាស់ និងសហការីនៃ M-Architect & Construction Co., Ltd. ទាំងអស់ សូមលំឱនកាយលើកហត្ថប្រណមឧទ្ទិសបួងសួងដល់គុណបុណ្យព្រះរតនត្រ័យ ព្រះតេជះបារមីនៃវត្ថុស័ក្តិសិទ្ធិនានាក្នុងលោក និង ដួងព្រះវិញ្ញាណក្ខន្ធអតីត ព្រះមហាក្សត្រ ព្រះមហាក្សត្រិយានីខ្មែរគ្រប់ព្រះអង្គ ជាពិសេស ទេវតាថែរក្សាឆ្នាំថ្មី សូមជួយអភិបាលប្រោះព្រំគ្រងរក្សា ព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត សូមស្តេចទ្រង់ប្រកបដោយព្រះពុទ្ធពរទាំង៤ ប្រការ គឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ»។

25/04/2025