31/08/2026
شو يعني نبني عمارة لبنانية اليوم؟
مش ضروري يكون الجواب بس بالحجر، القناطر، أو الشبابيك الخشب.
لأنّ البيت اللبناني القديم ما كان بس عنده هوية بصرية. كان عنده ذكاء بطريقة تعامله مع الطبيعة: كيف بيتوجّه، كيف بيفوت الهوا، كيف بيحمي حاله من الشمس، وكيف بيخلق مساحات بين جوّا وبرّا.
بهالمشروع السكني المؤلّف من 10 شقق، حاولنا ناخد هالدروس ونترجمها بطريقة معاصرة.
تهوئة طبيعية بتقطع بالشقق، فتحات غميقة، بلكونات مسقوفة وcanopies للحماية من الشمس، وانفتاح مباشر عالبحر.
يعني بدل ما نسأل كيف منخلّي المبنى يشبه البيت اللبناني؟
سألنا سؤال تاني:
شو فينا نتعلّم من البيت اللبناني؟
ومن هون بلّش التصميم.
من الماضي أخدنا المبدأ، مش القالب.
#