18/06/2026
வைத்தியர் போல் நடித்து, வெளிநாடுகளில் இருந்து மருந்துகளை இறக்குமதி செய்ததாகக் கூறி, கொழும்புத் துறைமுகத்திலிருந்து அவற்றை விடுவிக்கப் பணம் கேட்டு, சுமார் அறுநூறு மில்லியன் ரூபாய் மோசடி செய்ததாகக் கூறப்படும் ஒரு பெண் ஒருவர் கைது செய்யப்பட்டுள்ளார்.
ஹொரன சிறப்பு குற்றப் புலனாய்வுப் பிரிவினரால் குறித்த கைது நடவடிக்கை மேற்கொள்ளப்பட்டுள்ளது.
கைது செய்யப்பட்ட அந்தப் பெண், 53 வயதான திருமணமாகாதவர் என்றும், அவர் கிரிபவ பகுதியில் வசித்து வந்ததாகவும், பின்னர் ஹொரன வீட்டுவசதி வளாகத்தில் வசித்ததாகவும் கூறப்படுகிறது.
உள்ளூர் மற்றும் மேற்கத்திய மருத்துவர் போல் நடித்து இந்தப் பெண் பொதுமக்களுக்கு மருந்துகளை வழங்கி வந்ததாகவும், அந்த மருந்துகள் இந்த நாட்டில் பயன்படுத்த அங்கீகரிக்கப்படாத தரம் குறைந்த மருந்துகள் என்பது விசாரணையில் தெரியவந்துள்ளதாகவும் காவல்துறையினர் தெரிவித்துள்ளனர்.
