05/03/2026
නිවැරදිම වාස්තු වලට ගැලපෙන නිවාස සැලසුමක වැදගත්කම.
🙏" නුඹ වහන්සේලාට දිව්යමන්දිරයක් හා සමාන ප්රාසාදයක් කරවන්නෙමි " ඒ සඳහා සැලසුමක් ලබා දෙන සේක් වා . 📝
📝නිවාස සැලසුමක් යනු අලංකාරය තාක්ෂණය වාස්තු ශාස්ත්රය යන මේ සියල්ලම තුලනාත්මකව එකතු වූ විශේෂ නිර්මාණයකි.
🏠️ හිසට වහලක් යන්න නමින් ව්යවහාරයේ පවතින නිවස තම ජීවිතයේ සුන්දරම සහ ආලෝකමත්ම ස්ථානය වීම තමයි අපේ කැමැත්ත.
ඉතින් මෙවැනි ආලෝකමත් නිවසක් හදන්න අපට වැදගත්ම සාධකය තමයි වාස්තු ශාස්ත්රානුකූලව සැලසුම් කරන ලද නිවාස සැලසුමක්.
🧭මෙම සැලසුම වාස්තු විද්යාවට ගැලපෙන ලෙස නිර්මාණය කර තිබීම ඉතාම වැදගත් සාධකයක් වශයෙන් පෙන්වා දෙන්න පුළුවන්.
🧱ඒ විතරක් නෙමේයි නිවස ඉදිකරන කොට ප්රායෝගිකව ඇතිවන ගැටලු නොමැති හෝ අවම වන පරිදි සැලසුම සකස් කළ යුතුයි.
උදාහරණ ලෙස ඉතිහාසයෙන් බිඳක්💧
👑එකල දුටුගැමුණු රජු දවස...
ලෝවාමහා ප්රාසාදය ඉදිකිරීම ගන්න පුළුවන්. එය මෙසේය...
නුඹ වහන්සේලාට මම දිව්යමන්දිරයක් හා සමාන ප්රාසාදයක් කරවන්නෙමි " ඒ සඳහා සැලසුමක් ලබා දෙන සේක් වා . යී කීයේ ය.
ඒ අනුව භරණී නම් දේව ගණනට අයිති රත්නප්රාසාදය සැලසුමට අනුව නව මහල්කොට ලෝවාමහාප්රාසාදය ඉදිකර ඇත.
තවත් සාධකයක් වශයෙන් අර්ජුන සහ ධර්මරාජරථ නැමැති මහල් ගොඩනැගිලිවල සැලසුම් අනුව ලෝවා මහාප්රාසදය ඉදිකළ බවද සඳහන්ය.
🏛️කෙසේ වෙනත් අතීත ගොඩනැගිලි පවා නිවැරදි සැලසුමකට අනුව ඉදිකළ බවට මේය හොඳ සාක්ෂියකි.
සැලසුමක ඇති වාස්තු විද්යාත්මක කරුණු වශයෙන් පඨවි ආපෝ තේජෝ, වායෝ ආකාශ යන පංච මහා භූතයන්ට ගැලපෙන ලෙස නිවාස සැලසුම් කළ යුතුය.
මේයට උදාහරණය වශයෙන් ගිනිකොණ දිශාව තුළ මුළුතෙන්ගේය ඉදිකළ යුතුය.
නිවසක පඩිපෙළ බටහිර සහ දකුණු දිශාවත්,
වැසිකිළි ආදිය වයඹ බටහිර දිශාවලටත්,
ප්රධාන නිදින කාමරය නිරිත දිශාවටත්,
අධ්යාපන කාමර සහ ළමා හෝ වැඩිහිටි කාමර, පූජාසනය ආදිය ඊසාන දිශාවටත්,
සැලසුම් කරගැනීම ඉතාම සුදුසුයි. මෙම දිශාවන් වලට සැලසුම් කිරීමට නොහැකි නම් පමණක් මෙම අංගයන් සඳහා සුදුසු අනෙක් විකල්ප දිශාවන් යොදා ගත යුතුයි.
මේ උදාහරණයක් කීපයක් පමණි...
මීට අමතරව නිවසට ඇතුළු වීමේ සහ පිටවීමේ දොරටු, දොරටු චක්රයට අනුව සුභ ආකාරයට ඉදිකළ යුතුය. ශෝඩෂ ගෘහ ප්රභේද වශයෙන් හඳුන්වනු ලබන මෙම ක්රම දාසය තුළ නිවසකට සුදුසු දිශා අනුව නිවසට ඇතුළු වීමේ සහ පිටවීමේ දොරටු සැලසුම් කල යුතුයි.
උදාහරණයක් වශයෙන් උතුර, දකුණ, නැගෙනහිර යන දිශාවන් වලට දොරටු තැබු නිවසක් " ධනද "වශයෙන් හඳුන්වනු ලබන අතර මෙම නිවාසය ඉතාම සුභ නිවසක් ලෙස හැඳින්වේ.
තවද නිවසක් අය වැය ආයුෂ ආදී කරුණු කිහිපයකින් සමන්නාගත වූ වර්ග කිරීම වශයෙන් හඳුන්වනු ලබන ශාස්ත්රීය ක්රමවේදය අනුවද සැලසුම් කරගත යුතුය.
නිවසක මධ්ය ලක්ෂය කිසිවිටකත් බාදා නොවන ලෙසත් ඊට අමතරව මහා මරම, අති මහා මරම ,සන්ධි මර්ම වශයෙන් හඳුන්වනු ලබන මර්මස්ථානද සූක්ෂමව හඳුනාගෙන එවැනි ස්ථාන ගැටලු ඇති නොවන ලෙසත් සැලසුම් කල යුතුය.
ඊට අමතරව දොර ජනෙල් වහලය නිවසට බාහිරින් ඇති වස්තූන් පිළිබඳවත් හොඳින් සිතා බලා නිවස සැලසුම් කරගැනීම ඉතාම වැදගත්.
එපමණක් නොව නිවාසයක් සැලසුම් කළ විට එහි අභ්යන්තර සැලසුම් කිරීමද වාස්තු විද්යාවට ගැලපෙන ලෙස සිදුකළ යුතුය.
උදාහරණයක් වශයෙන්...
නිදන කාමරයක නිදන ඇඳ උතුරට හිස යොමු වන ලෙස කිසිවිටකත් නොතැබිය යුතුය.
අධ්යයන කාමරයක් තුළ සුදුසු දිශාව බලා පාඩම් කිරීමට හැකිවන පරිදි පොත් මේසය සහ පුටුව ආදිය සැලසුම් කරගැනීම.
මේ අනුව නිවසක අභ්යන්තර සැලසුමත් වාස්තු විද්යාත්මකව සැලසුම් කරගත යුතුයි.
නිවාස සැලසුමක් කිරීම යනු අලංකාරය තාක්ෂණය සහ වාස්තු ශාස්ත්ර යන මේ සියල්ලම තුලනාත්මකවකව සංකලනය කරන ලද නිර්මාණයක් වන අතර මේ කරුණු ගැලපීම මගින් ඉතාම සුබදායක ආලෝකමත් නිවසක් ඔබට ලබා ගත හැකිය.
ලිපිය දීර්ඝවන බැවින් ඉතා කෙටියෙන් පමණක් මේ ලිපියය පිළිබඳව සඳහන් කර ඇත.
ඉතින් හැම කෙනෙකුටම තේරෙන විදිහට මේ ලිපිය ඉතාම සරලව ඉදිරිපත් කරලා තියෙනවා, වැඩිදුර තොරතුරු ලබාගන්න පහතින් ඇති අනිකුත් ලිපිත් බලන්න.
ඒත් ...
ඔබට නොතේරෙන දෙයක් අපෙන් අහගන්නත් , දැනගන්න පුළුවන් ඒ සඳහා අපට කතා කරන්න Whatsapp message කරන්න.
ආලෝකමත් නිවසක් ඉදි කරගන්න... ඔබටත් පුළුවන්.
මෙවැනි වටිනා ලිපි ලබා ගැනීම සඳහා අපගේ Page එකට Like කරන්න. ඔබගේ හිතවතුන් අතරේද share කරන්න.
https://www.facebook.com/AlokaHomesvasthu
අපගේ අනෙකුත් සේවාවන්...
🏠️ විද්යානුකූල නිවාස සැලසුම් ඇඳීම සහ නිවාස ඉදිකිරීම.
🧭නිවාස සැලසුම් පරීක්ෂාව සහ නිවාස පරීක්ෂාව.
ආලෝකා Homes 🏘️
ආලෝකමත් නිවසක් උදෙසා...
076 4025612 / 072 7382820
