09/02/2022
ඔබේ සිතේ ඇඳුන නිවස සාදාගන්නට, එන්න...
මිනිසාගේ ආශාවන්, සිතුවිලි හා අපේක්ෂාවන් එකිනෙකට වෙනස්ය. සෑම පුද්ගලයෙකුටම වාගේ ජීවිතයේ කවදා හෝ තමන්ගේ සිතැඟිවලට ගැලපෙන්නට නිවසක් තනා ගැනීමට අවශ්යතාවය උදා වේ.
එහිදී තම සිතෙහි ඇඳී ඇති නිවස තම අවශ්යතාවයන්ට ගැලපෙන පරිදි සාදා ගැනීම සරල කටයුත්තක් නොවේ. එම අපහසු කටයුත්ත යථාර්ථයක් කර ගනිමින් තමන්ගේ නිවස තම සිහින නිවසම කර ගැනීමේ අවස්ථාව හිමිවන්නේ, වාස්තු විද්යාත්මක මගපෙන්වන්නෙක්, සිවිල් ඉංජිනේරුවරයෙක්, ප්රමාණ සමික්ෂකවරයෙක් වැනි ක්ශේත්රයේ ප්රවීණයන්ගේ මගපෙන්වීම මතයි.
එහිදී නිර්මාණකරුවා සතු අභියෝගය වන්නේ, සීමිත සම්පත් උපරිමයෙන් ප්රයෝජනයට ගනිමින් සේවා දායකයාගේ අවශ්යතාවයන් සම්පූර්ණ වන ලෙස නිවස නිර්මාණය කිරීමයි.
කාමර ගණන වෙන්කර වහලයක් ගසා අවසන් කිරීම තරම් සරල නොවන, සංයමයකින් කළ යුතු, එය සැබැවින්ම කලාත්මක නිර්මාණය කටයුත්තකි. එහිදී නිර්මාණකරුවා හා සේවා දායකයා අතර සිදුවන සංවාදය ඉතාම වැදගත්ය. එම කාර්යය එක හමුවකින් අවසන් නොවන සාකච්ඡා වාර කිහිපයකින් යුතු දිගු ක්රියාවලියකි.
මෙම ක්රියාවලියේදී සේවාදායකයාට අවශ්ය ආකාරයෙන්ම නිවස සම්පූර්ණ කර දීමට නම් සේවාදායකයා විසින් නිර්මාණකරුවා හමුවට යාමේදී තමන් සෑදීමට අපේක්ෂා කරන නිවස සම්බන්ධ අවශ්යතා ගොනුකර ගෙන යෑම වඩාත් උචිතය.
එනම්, උදාහරණයක් ලෙස තමාට අවශ්ය කාමර ගණන, සාලය, මුළුතැන්ගෙය, නානා කාමර ආදිය පිළිබඳ මුලික ලැයිස්තුවක් සකස්කරගෙන යෑම පහසුවකි.
තමන්ගේ නිවස පිළිබඳව සිතේ ඇඳී ඇති චිත්තරූපය හැකි උපරිම අයුරින් නිර්මාණකරුවාට විස්තර කිරීමද වැදගත්ය. සේවාදායකයාගේ සිතේ මැවුණු නිවස පිළිබඳ නිර්මාණකරුවාට පැහැදිලි අවබෝධයක් ලබා ගැනීමට මෙය උපකාර වේ.
සේවා දායකයාගේ ආර්ථික තත්වය පිළිබඳව ද සැබෑ අවබෝධයක් නිර්මාණකරුවාට ලබාදීම ඉතාමත් වැදගත් සැලකිලිමත්විය යුතු කරුණකි. බොහෝ විට තමන්ගේ අවශ්යතාවන්ට අනුව සිතාගෙන සිටින නිවස සෑදීමට ආර්ථික පසුබිම සීමාකාරී සාධකයක් විය හැකිය.
එබැවින් තමන් නිවස සඳහා යොදවන්නට අපේක්ෂා කරන්නේ කුමන මුදලක් ද, එය ලබා ගන්නේ බැංකු ණයක් මගින් ද ආදී සියළු තොරතුරු පැවසීම නිර්මාණකරුවාට පහසුවකි. එවිට නිර්මාණකරුවාට ආර්ථික පසුබිමට ගැලපෙන අයුරින් නිවස නිර්මාණය කිරීමටත්, සමහර විට එම මුදලට අදාලව, පළමු අදියර යටතේ නිම කල හැකි ප්රමාණයත් ආදිය කල් ඇතිව තීරණය කළ හැකිය. උදාහරණයක් ලෙස, එවිට ඉදිකරනු ලබන්නේ නිවසේ කොටසක් වුවද එම කොටස් සම්පූර්ණ නිවසක් ලෙස පෙනෙන අයුරින් අලංකාරවත්ව නිර්මාණය කිරීමට හැකිවීම නිර්මාණකරුවාගේ දක්ෂතාවයයි.
සේවා දායකයාගේ විස්තරයට අනුව නිර්මාණකරුවා විසින් නිවසක් සැලසුම් කිරීමද සංකල්පමය ලෙස සිදුවන කලාත්මක කටයුත්තකි. අදාල සංකල්ප ගොඩනැගීම නිර්මාණකරුවාගේ ප්රතිභාවයි.
ඔබේ සිතේ ඇඳුන සිහින නිවහන සාදාගන්නට, එන්න..."
-වාස්තුසංකල්ප ගෘහ නිර්මාණ සේවය -
