25/10/2021
🏠️🏠️ නිවෙසේ ජනේල සංඛ්යාව
කොපමණ විය යුතුද ...... 🏠️🏠️
නිවසක ජනේල අයත් වන්නේ නිවසේ පිහිටි ජනේල උළුවහු ගණයටයි. එකම රාමුව මත ජනෙල් තුනක් හෝ ඊටත් වැඩි සංඛ්යාවක් ද, නැතිනම් ඊට අඩු සංඛ්යාවක් ඇතත් එකම රාමුවක පිහිටි නිසා එය අයත් වන්නේ ජනේල උළුවස්සක් ගණයටය . එනම් එක ජනේල උළුවස්සක් ලෙසය.
මේ ආකාරයෙන් එකම රාමුවක පිහිටි ජනේල ප්රමාණය කොපමණ වුවත් එය තනි ජනේල උළුවස්සක් ලෙස සලකන්න.
වාස්තු විද්යාව අනුව ජනේල උළුවහු තැබිය යුතු නියමිත සංඛ්යාවක් දැක්වේ. නිවසක පමණටත් වඩා ජනේල උළුවහු නොවැඩි විය යුතුය. එකම කාමරයකට ජනේල උලුහවු තුන හතරක් තැබීමෙන් එම කාමරයට යොදන ජනේල ප්රමාණය වැඩිවෙයි. සාමාන්ය දිග සහ පළල කින් යුතු (10 × 12) කාමරයක් සඳහා එක් උළුවස්සක් සහිත ජනේල පේලියක් අගනේය. බිත්ති වල තැනින් තැනින් ජනෙල් උලුහව් තැබීම අසුබයි .
බිත්තියක ප්රමාණය ගෙන බැලුවත් ජනේලයක ප්රමාණය බිත්තියේ දිගින් බාගයක් විය යුතුය. අවශ්ය නම් ඊට වඩා අඟල් කිහිපයක් සුළු වශයෙන් වැඩි වීම වරදක් නැත. නමුත් බිත්තියේ පමණට හෝ බිත්තියේ දිගට වඩා අඟල් කිහිපයක් ම පමණක් අඩුවෙන් ජනේලයක් යෙදීම බලගත දෝෂයකි. එම නිවසේ වැඩ කටයුතු නිමා කිරීම පමා කරයි . නිවස ඉක්මනින් ගරා වැටීමට පටන් ගනී.
වාස්තුවිද්යාව අනුව ජනේල තැබිය යුතු සංඛ්යාවක් දක්වා ඇති බව ඉහතින් සඳහන් විය. කුමක්ද මේ සංඛ්යාව...?
ජනේල තැබිය යුත්තේ සැමවිටම ඉරට්ටේ සංඛ්යාවන් ගෙන්ය. මෙහිදී ජනේල කියා අදහස් කරන්නේ එක් රාමුවක් මත ඇති ජනේල උළුවස්සයි.
මේ ආකාරයෙන් රාමු ප්රමාණය එකතු කරගත් විට දෙකෙන් බෙදෙන සංඛ්යාවක් විය යුතුය. එනම් ඉරට්ටේ සංඛ්යාවකි. උදාහරණ ලෙස 2, 4, 6, 8 වැනි සංඛ්යාවන් ය.
රොෂාන් පනාගොඩගේ
Vasthu Architecture
0768387844
