Voon Kazz

18/10/2022

Voon Kazz dia mirary tontolo andro mahafinaritra ho anao sy ny ankohonanao 😊

04/11/2021

Tongava maro 😊😊

https://m.facebook.com/story.php?story_fbid=3366563046913295&id=1667767286792888

Fiadanana! Aza adino ny fotoanan-tsika ny Asabotsy 6 novambra ho avy zao amin'ny 2ora30mn ao amin'ny tranompokonolona Analakely. Ny karatra fidirana dia azonao alaina maimaimpoana ao amin'ny super music Analakely. Tsy misy ny vidim pidirana fa rakitra no ho tatazina. Mandram pihaona ary e!

26/10/2021

Salama ô

Ireto indray ny vokatra efa azonao jifaina eto aminay.

- VK 0007 - VENDU - Echeveria elegans
=> 10000 ariary ny tavy iray

- VK 0008 - Graptopetalum paraguyense sy Sedum rupestre
=> 10000 ariary ny tavy iray

- VK 0009 - Albuca bracteata (étoile de Bethlehem)
Efa akaiky hamelana
=>Vidiny : 8000 ariary ny tavy iray

- VK 0010 - Pelargonium "geranium lierre rouge vif"
Efa mamelana, mbola misy "boutons" maro
=> Vidiny : 10000 ariary ny tavy iray.

- VK 0011 - Hyppeastrum reginae "orange" grandes pétales.
=> Vidiny : 12000 ariary ny tavy iray.

- VK 0012 - Plectranthus verticillatus (liane suédoise).
Zava-maniry fanao an'efitra na amin'ny toerana malomaloka. Azo ahantona. Efa mandrobona tsara.
=> Vidiny : 20000 Ariary ny tavy 3.
Na 7000 ariary ny tavy 1.

- VK 0013 - Callisia (liane tortue)
Zava-maniry fanao an'efitra na amin'ny toerana malomaloka. Azo ahantona. Efa mandrobona tsara.
=> Vidiny : 10000 Ariary ny tavy 1

- VK 0014 - Fuschia 'Annabel'.
Vao manomboka mamolera ary misy "boutons" maromaro.
=> Vidiny : 10000 Ariary ny tavy iray.8

- VK 0015 - Fuschia 'Dark eyes'.
Vao manomboka mamolera ary misy "boutons" maromaro.
=> Vidiny : 10000 Ariary ny tavy iray.

- VK 0016 - VENDU - Saintpaulia (violette d'Afrique). Couleur rose, double
=> Vidiny : 8000 Ariary ny tavy iray.

Raha misy mahaliana anao dia tongava ao amin'ny hafatra miafina (MP), fa mahafaly sy ankasitrahan'i Voon Kazz ny hifandray aminao. 😊

Voon Kazz dia mirary tontolo andro mahafinaritra ho anao 😊

15/10/2021

Salama ô😊

- VK 0006 : Fuschia 'Dark eyes'.
Vao manomboka mamolera ary misy "boutons" maromaro.
=> Vidiny : 10000 Ariary ny tavy iray.

Hatreto dia tsy manao "livraison" isam-baravarana izahay, fa saingy afaka mifanao fotoana amin'ny hakàna azy any amin'ny toerana iray ao amin'ny "centre ville" Antananarivo. 😊

Raha misy mahaliana anao dia tongava ao amin'ny hafatra miafina (MP), fa mahafaly sy ankasitrahan'i Voon Kazz ny hifandray aminao. 😊

Voon Kazz dia mirary tontolo andro mahafinaritra ho anao 😊

07/10/2021

Salama daholo 😊

Tonga ny lohataona. Manomboka mamolera tsikelikely ny voly sy zava-maniry ao an-tsahan'i Voon Kazz. ❤️

Ireto tanisaina manaraka ireto ny vokatra efa azonao jifaina eto aminay.

- Nomerao 0001- Plectranthus verticillatus (liane suédoise).
Zava-maniry fanao an'efitra na amin'ny toerana malomaloka. Azo ahantona. Efa mandrobona tsara.

=> Vidiny : 20000 Ariary ny tavy 3
Na 7000 ariary ny tavy 1.

- Nomerao 0002 : Hyppeastrum sp. roa isa + "liane suedoise" 1.
Hyppeastrum (amaryllis) miloko mena (folera 2) + miloko fotsy mara mena (folera 2 sy mbola tsy mivelatra 1).

=>Vidiny : 20000 ariary izy tavy 3 miaraka.

- Nomerao 0003 : Kalanchoe blossfeldiana (Flaming Katy).
Zava-maniry fanao an'efitra na amin'ny toerana malomaloka.
Misy lokony mavo, mena, mavokely, volon-dôranjy.

=> Vidiny : 5000 ariary ny tavy iray.

- Nomerao 0004 : Geranium sp. (fiandrilavenona).
Toy ny folera fiandrilavenona ihany ny folera fa ny raviny mitasitasy maramara no tena mahavariana aminy.

=> Vidiny : 3000 Ariary ny zanany anaty "gaine plastique" iray.

- Nomerao 0005 : Fuschia 'Annabel'.
Vao manomboka mamolera ary misy "boutons" maromaro.
=> Vidiny : 10000 Ariary ny tavy iray.

Hatreto dia tsy manao "livraison" isam-baravarana izahay, fa saingy afaka mifanao fotoana amin'ny hakàna azy any amin'ny toerana iray ao amin'ny "centre ville" Antananarivo. 😊

Raha misy mahaliana anao dia tongava ao amin'ny hafatra miafina (MP), fa mahafaly sy ankasitrahan'i Voon Kazz ny hifandray aminao. 😊

Voon Kazz dia mirary tontolo andro mahafinaritra ho anao 😊

27/07/2021

Ianareo koa ve mba toy izao? 😁😁
Mahita tiana foana. Misy fotoana mba mieritreritra ny tsy hanampy intsony fa dia tsy laitra. 😁😁

01/07/2021

Ny botiry ?

Ny botiry dia ampahany iray amin'ny zava-maniry toy ny raviny, tsimoka, taho, faka... izay tazomina ho velona ahazoana faka hiteraka zava-maniry vaovao.

Ny zava-maniry dia afaka mitombo avy amina sombin'ny taova eo aminy noho ny fisian'ny sela manokana manana fahafahana ho lasa selan'ny ravina na selan'ny faka... Eo amin'ny vona izay ipoiran'ny tsiry vaovao, eo amin'ny faka na ny faritry ny taova teo aloha no ahitana izany.

Antony maro toy ny fitoerana ela ao anaty rano, tany na koa ny asan'ireo mpanafaingana fitomboana no mahatonga ny fiovan'ireo sela ireo ho lasa faka.

- Inona ary ny antony anaovana botiry?

Mitovy tanteraka, amin'ny lafiny rehetra amin'ilay zava-maniry reniny ny zanany.

Haingana, tsy ela dia ahazoana zanany amin'ireo zava-maniry ela fitombo.

Hitazonana sy hampitomboana isa ny zava-maniry haingana fitombo tsy ho lany taranaka.

Sarotra ny mamboly ny zava-maniry sasany avy amin'ny voany, ao koa ny tsy mitombo avy amin'ny fizarazarana.

Ny botiry ihany koa dia ahafahana mitahiry ny fitohizan'ny fiovana mahaliana mety hipoitra amin'ny zava-maniry iray.

- Inona avy ny dingana arahina amin'ny fanaovana botiry?

Fakàna, fanapahana, fambolena, fikarakarana ny botiry. Fiandrasana azy hitsiry.

Rehefa hanao botiry dia taova vao nalaina no ampiasaina.
Alaina vao maraina be ny faritra kasaina atao botiry. Ny omalin'iny dia tondrahana tsara ilay zava-maniry hakana azy mba ho vonton-drano sy matanjaka tsara.
Raha zava-maniry tsiloina sy tsy dia tia rano loatra dia atao amin'ny maimaina kely aloha vao atsatoka.

Tsy maninona raha efa somary notahirizina anaty fonony na tavoahangy plastika ary apetraka amin'ny toerana mangatsitsiaka ilay botiry.

- Toy ny ahoana ny fanomanana ny hambolena azy ity?

Miova arakarak'ilay ho ambolena ny tany sy toerana asiana azy. Matetika dia toerana misy rivotra (tsy mandrivotra be) ary mando amin'ny antonony.
Amin'ny ankapobeny dia 2/3 tany masaka azo avy amin'ny fahalovan'ny zava-maniry + 1/3 fasika ny atao fangaron'ny tany.

Fasika avy amin'ny ranomany na fasika avy amin'ny ranomasina avy nosasàna (hialan'ny sira) no ampiasaina amin'izany.
Tsy mitovy amin'io voalaza io ny fangaro raha "plantes grasses" sy tsy dia mila hamandoana loatra. Ampitomboina ny ampahana fasika, ary ahena ny tany masaka.

Tsara ihany koa ny miomana amin'ny fiarovana ny botiry amin'ny fahalovana sy bobongolo : Asiana potika saribao any amin'ny fanambanin'ny tavy. Miaro amin'ny olatra na "champignons" kosa ny fanondrahana azy amin'ny rano misy vovoka saribao.

Mety ambolena azy na tavy plastika na tany, "sachet" plastika, boaty bôritra (tsy atao mando be), tapaka tavoahangy...

Mba hiarovana amin'ny fientonana dia azo atao ny manarona ny botiry amin'ny plastika, tapaka tavoahangy, toerana voarakotra, na atao amin'ny toerana efa voatokana amin'izany toy ny "serre" fa tandremana kosa tsy ho voakitika na voadona ny ravina mitsiry. Apetraka amin'ny toerana azon'ny hazavana nefa tsy tara-masoandro mivantana.

Indrindray ilaina ny singa manafaingana ny fitsirian'ilay botiry toy ny "hormone de bouturage" fa matetika dia ny ady gasy amin'ny kalitaon'ny zezika sy ny tany hambolena azy ihany dia mety.

Tsy manana faka hitroany rano ny botiry. Noho izany dia ilaina ny fanondrahana amin'ny antonony, tsy atao dibo-drano.

Tsara raha diovina ny fitaovana ampiasaina hiarovana ny fifindran'ny aretina amin'ny zava-maniry samy zava-maniry.

Somary lava, kanefa ankasitrahako indrindra raha nahaliana anao ity tapany voalohany momba ny botiry ity.

Mandra-pihaona eto indray ary,
voon kazz 😊😊

Aza adinoina ny 👍 amin'ny pejintsika, hanarahanao ny fifampizarana 😊😊

23/06/2021

Ny hakanton'ny natiora any amin'ny faritra Atsimo Andrefana sy Anôsy no entin'i "Voon Kazz" hirariana ny soa sy ny tsara indrindra ho an'ny Malagasy tsivakivolo amin'izao Asaramanitra izao.
.. Dia ho tany sambatra ilay Madagasikaranay ...

19/06/2021

"Voon Kazz" dia miarahaba sy mirary soa ny ray rehetra.

Tsaroana manokana ireo ray mitoto, mifofotra, miainga amin'ny andro mamanala, maizim-bava vilany vao tafaverina, ireo ray mandranto any lavitra ho an'ny ankohonany, mikatsaka mandrakariva izay hahasoa ny zanany sy ny taranany.

Ho tahiana ianareo.

10/06/2021

Ny mafikely.
Mafikely ny anisan'ny anarana ahalalana azy amin'ny teny malagasy.
"Zinnia" ny anarany amin'ny teny frantsay ary maro ny mahalala azy amin'izay anarana izay.
"Zinnia elegans" ny anarany siantifika.
Vonikazo iray tarika amin'ny marigrity, tsipolitra, kôsimôsy, tanamasoandro, daliâ, izay tafiditra anatiny fianakavian'ny "Asteraceae" izy ity ary avy any "Mexique" no niaviany.
Avy amin'ny anaran'ilay mpikaroka momba ny zava-maniry antsoina hoe
Johann Gottfried Zin no namoronana ny anarana hoe "Zinnia".

Haingana fitombo ny mafikely ary mandravaka ny zaridaina, lavarangana, banja, sy ny saha izy amin'ireo loko maro arantiny mandritry ny vanim-potoana fahavaratra. Folera miloko marevaka tokana na roa sosona miloko fotsy, mavo, volon-dôranjy, mena, mavokely...no mameno ny tontolo amin'izay fotoana izay.

Mora ambolena sy mora karakaraina ity karazana vonikazo ity. Tsy dia mila rano be loatra, haingana fitombo, mila hazavana sy tara-masoandro, kanefa tsy mahatanty hatsiaka.
Maina sy mihitsana ny raviny amin'ny vanim-potoana ririnina. Angonina ny folera maina hakana ny voany ary dia iny ihany no afafy rehefa volana septambra na oktobra.
Tsy dia mifidy tany, fa tsy tia tany dibo-drano na dia izany aza.

Mankasitraka anao namaky 😊

03/06/2021

Ny raozy.
"Rosa" ny anarana siantifika, ary tafiditra ao anatin'ny fianakavian'ny "Rosaceae" .
Avy any amin'ny faritra tsy dia mafana na mangatsiaka loatra any am ila-bolan-tany avaratra no nipoirany. Misy karazana eo amin'ny 100 ka hatramin'ny 200 ny raozy izay afaka mifanambady amin'ny izy samy izy ao ka manome raozy safiotra.

Maro amin'izy ireny no ambolena hanaingo noho ny hakanton'ny folerany : ny raozy. Hanaovana fehezam-bonikazo na koa ampiasaina amin'ny fanaovana ranomanitra noho ny fofony mamerovero.
Anisan'ny mampiavaka azy koa dia izy mamolera mandava-taona raha voakarakara tsara.
Mitondra hafanana sy hazavana anatin'ny ririnina.

Mirary tontolo andro mahafinaritra 😊