Flowers & Plants with Hsu

17/04/2025

" နှစ်သစ်ဆုတောင်း "

ငြိမ်းချမ်းသောအရပ်မှာ နေထိုင်ခွင့်ရ၍
ပိုကောင်းတဲ့အနာဂတ်ကိုသာ ပိုင်ဆိုင်ခွင့်ရပါစေ ။

အပူအပင်ကင်းကင်း အိပ်စက်ပြီး
အေးချမ်းစွာ နိုးထနိုင်ပါစေ ။

ဒုက္ခရောက်နေသူနဲ့ တွေ့တဲ့အခါ
အားပေးနိုင်သူဖြစ်ရပါစေ ။

အဆင်ပြေတဲ့သူနဲ့ တွေ့တဲ့အခါ
ဝမ်းသာပေးနိုင်သူ ဖြစ်ရပါစေ ။

မြင်သမျှ မေတ္တာဖြင့် ကြည့်ရှုနိုင်ရပါစေ ။
မုန်းသူမရှိ ချစ်သူသာ ရှိရပါစေ ။

မကောင်းသောအလုပ်ဖြင့်
အသက်မွေးမြူရခြင်းမှ ကင်းလွတ်ရပါစေ ။

သူတစ်ပါးတို့သည် မိမိကြောင့် မငိုကြွေးရပါစေနှင့် ။
သူတစ်ပါးတို့ကြောင့် မိမိသည် မငိုကြွေး
မပူလောင်ရပါစေနှင့် ။

မြန်မာနိုင်ငံသူ မြန်မာနိုင်ငံသားအားလုံး
ကမ္ဘာသူ ကမ္ဘာသား အားလုံး
စိတ်ချမ်းသာ ကိုယ်ကျန်းမာစွာဖြင့်
ကောင်းကျိုးလိုအင်ဆန္ဒများ ပြည့်ဝကြပါစေ ။ 🙏🙏🙏
Crd.

12/12/2024

Plumeria (တ႐ုတ္စကားပန္း)
ပန်းလေးရဲ့အဓိပ္ပါယ်က"မင္းနဲ႕ေတြ႕ဆုံခြင့္ရလို႔ကံေကာင္းပါတယ္''တဲ့
သူ႕ရဲ႕love languageေလးက
Plumeriaပန္းေလးနဲ႕အတူ
မင္းဘဝရဲ႕ေနာက္ဆုံးအခ်စ္ကိုေပးနိုင္မလားလို႔ဆိုလိုၾကတယ္ တဲ့ ။

22/09/2024

👌👌😃

20/07/2024

#ဝါဆိုလပြည့်နေ့၏ထူးခြားချက်များ

မြန်မာ့ရိုးရာ ၁၂ - လ ရှိသည့်အနက်
ဝါဆို လပြည့်နေ့သည်

၁။ ဂေါတမဘုရားလောင်း
ပဋိသန္ဓေနေသောနေ့ဖြစ်၍ ထူးခြားခြင်း

၂။ ဂေါတမ ဘုရားလောင်း တောထွက်တော်မူသောနေ့ဖြစ်၍ ထူးခြားခြင်း

၃။ ဂေါတမမြတ်စွာဘုရား ဓမ္မစကြာတရား စတင်ဟောတော်မူသောနေ့ဖြစ်၍ ထူးခြားခြင်း

၄။ ရေမီးအစုံစုံတို့ဖြင့် တန်ခိုးပြာဋိဟာကို ပြတော်မူသောနေ့ဖြစ်၍ ထူးခြားခြင်း

၅။ ဘုရားအဖြစ် ၀န်ခံတော်မူသောနေ့ဖြစ်၍ ထူးခြားခြင်း

၆။ တရားရတနာ စတင်ပေါ်သောနေ့ဖြစ်၍ ထူးခြားခြင်း

၇။ သံဃာရတနာ စတင်ပေါ်သောနေ့ဖြစ်၍ ထူးခြားခြင်း

၈။ ပုထုဇဉ်ခရီးမှ အရိယာခရီးသို့ စတင် ကူးပြောင်းခွင့်ကြုံသောနေ့ဖြစ်၍ ထူးခြားခြင်း

၉။ ဧဟိ ဘိက္ခု-ဟူသောစကားကို
စတင်ကြားရသောနေ့ဖြစ်၍ ထူးခြားခြင်း

အထက်ဖော်ပြပါ ဝိသေသအကြောင်းများကြောင့်
ဗုဒ္ဓဘာသာ၀င် သူတော်စင်တို့က
ဤဝါဆိုလပြည့်နေ့၌
ကျောင်းကန်ဘုရားသို့ သွားရောက်၍
ဝါဆိုပန်းများ ကပ်လှူခြင်း၊
ဝါဆိုသင်္ကန်း လှူဒါန်းခြင်း၊
ဓမ္မစကြာ တရားတော်များကို
ရွတ်ဖတ်သရဇ္ဈာယ်ခြင်း အားဖြင့်
#ဝါဆိုလပြည့်_ဓမ္မစကြာ_အခါတော်နေ့ - ကို
ဆင်နွှဲ ပြုလုပ်ကြပါသည်

🙏🙏🙏🙏🙏

#ဘေးရန်ကင်းကွာကောင်းကျိုးဖြာပြီးလိုအင်ဆန္ဒမှန်သမျှပြည့်ဝကြပါစေ
#ဝါဆိုလပြည့်
#ဓမ္မအလင်း

22/05/2024

17/02/2024

မချစ်နဲ့လို့ မဆိုလိုပါဘူး ။ ချစ်ပါ မစွဲလမ်းပါနဲ့ ။ တစ်ခါတလေ ကိုယ် ချစ်တဲ့သူနဲ့ ဖူးစာဆိုတာ ဆုံချင်မှဆုံတတ်တာပါ ။ လွဲသွားတဲ့အခါ နောက်ဆုံး ခံစားရတာက စွဲလမ်းလွန်းတဲ့ ကိုယ်ကိုယ်တိုင်ပဲ မဟုတ်လား ။

မုန်းပါ မမုန်းနဲ့လို့ မဆိုလိုဘူး ။ တစ်ခါတလေ အမုန်းဆိုတာ မုန်းတဲ့သူက သိပေမဲ့ အမုန်းခံရသူက သိချင်မှသိတာပါ ။ မုန်းနေတဲ့ ကိုယ့်စိတ်ကပဲ အရင်ဆုံး ပူလောင်နေရတာပဲ မဟုတ်လား ။

လောကမှာ ဘယ်သူကိုပဲ ချစ်ချစ် ၊ ဘယ်သူကိုပဲ မုန်းမုန်း အစွဲလမ်းကြီးစွာနဲ့ မချစ်မိပါစေနဲ့ ။ အစွဲလမ်းကြီးစွာနဲ့ မမုန်းမိပါစေနဲ့ ။ ချစ်စွဲ၊ မုန်းစွဲ ဆိုတာ နှလုံးသားထဲမှာ ကြာကြာထားမိလေ ပိုပူလောင်လေပဲမို့ ချစ်တဲ့သူကိုဖြစ်စေ ၊ မုန်းတဲ့သူကိုဖြစ်စေ မေတ္တာနှင့်သာ တုံ့ပြန်လိုက်ပါ ။ ကိုယ့်ဘဝအတွက်လဲ အေးချမ်းမှု ရစေသလို သူ့ဘဝအတွက်လဲ အေးချမ်းစေမှာပါ ။

၁၆-၂-၂၀၁၉

#နေပျော်ပါတယ်
#မေဆု (ရာမညမြေ)

17/02/2024

အတွေးထဲမှာ မင်းအမြဲတမ်းရှိတယ်
နှလုံးသားထဲမှာမင်းကိုအမြဲသိမ်းထားတယ်
နေရောင်ခြည်ထွက်လာသမျှ
ပင်လယ်တောင်တန်းတွေရှိနေသမျှ
ကိုယ်မင်းကိုချစ်နေရင်း
ဘဝခရီးကိုဆက်လျှောက်သွားမယ်...။

23/01/2024

စိတ်ကြည်လင်စေချင်တဲ့အခါ
ပန်းတွေပေးကြတယ်...
ပျော်ရွှင်စေချင်တဲ့အခါလည်း
ပန်းတွေပေးကြတယ်...
ဂန္ဓမာအဖြူပန်းကလေးတွေပေးမယ်
ငြိမ်းငြိမ်းချမ်းချမ်းလေးရှိပါစေတော့ကွယ်...

#လုံးလုံးလေး

24/12/2023

❄⛄❄

24/12/2023

ကိုယ် မကောင်းဘူးထင်လို့ မပတ်သက်တဲ့ လူတွေကို
ကိုယ်ဘက်ကလည်း ခပ်ကင်းကင်းပဲ နေပြလိုက်တယ် ။

ကိုယ်က မေတ္တာတရားကြီးမားတဲ့
လူတစ်ယောက်တော့ မဟုတ်ပေမဲ့
ငါ ဒါလုပ်လိုက်ရင် သူဘယ်လိုခံစားရမလဲဆိုတဲ့
ဖြည့်တွေးပေးတတ်တဲ့ စိတ်တော့အပြည့်အဝရှိတယ် ။

ကိုယ့်မှာ မကောင်းတဲ့အချက်တွေ
အများကြီး ရှိချင်ရှိမယ် ။
ဒါပေမယ့်
အောက်တန်းကျတဲ့ စိတ်တော့ မရှိဘူး ။

ကိုယ့်အကြောင်း ကိုယ်အသိဆုံးမို့
တစ်ဖက်လူ ဘယ်လိုထင်ထင်
မြေကြီးလို စိတ်ထားမျိုးနဲ့ပဲ
ကမ္ဘာကြီးပေါ်မှာ နေထိုင်ပါတယ် ။

#ဖားစည်ရည်ကျော်(၆.၁၂.၂၀၂၂)

03/12/2023

လူတစ်ယောက်နဲ့ တစ်ယောက် တွေ့ဆုံကြခြင်းမှာ မတော်တဆ၊ အကြောင်းမဲ့ ဆိုတာမျိုး မရှိပါဘူး။ Blessing ရယ် ၊ Lesson ရယ် ဆိုပြီး နှစ်မျိုးပဲ ရှိပါတယ်။

ကျွန်မတို့ ဘ၀မှာ လူတွေ အများကြီးနဲ့ တွေ့ဆုံ ပတ်သက်ကြရပါတယ်။ ဘ၀ထဲကို ၀င်လာကြတဲ့သူတွေထဲမှာကောင်းတဲ့သူတွေလည်း အများကြီး ပါသလို၊ မကောင်းတဲ့သူတွေလည်း အများကြီး ပါပါတယ်။

ကောင်းတဲ့သူတွေဟာလည်း ကောင်းတဲ့သူအလျောက် ကျွန်မတို့ကို ချစ်ခြင်းမေတ္တာတွေနဲ့ နွေးထွေးစေလိမ့်မယ်။ ပျော်ရွှင်မှုတွေ ပေးလိမ့်မယ်။ ကာကွယ်မှုတွေပေးလိမ့်မယ်။ တိုးတက်ရာ တိုးတက်ကြောင်းတွေအတွက် လူအား၊ စိတ်အား အကြံဉာဏ်ကောင်းတွေပေးပြီး
ဝိုင်း၀န်း support ကြပါလိမ့်မယ်။

မကောင်းတဲ့သူတွေဟာလည်း မကောင်းတဲ့အလျောက် ကျွန်မတို့ကို စိတ်ဒုက္ခပေးကြမှာတော့ အသေအချာပါပဲ။ ကိုယ့်ရဲ့ စိတ်ကို ညစ်ညူးစေမယ်၊ ယုံကြည်မှုတွေကို အလွဲသုံးစား လုပ်မယ်၊ ကိုယ့်ရဲ့ မေတ္တာကို စော်ကားမယ်၊ နောက်ကျော ဓားနဲ့ထိုးမယ် စသဖြင့်ပေါ့ စိတ်ဒုက္ခတွေ ပေးကြပါလိမ့်မယ်။

ဘယ်သူပဲဖြစ်ဖြစ် ကောင်းတဲ့သူတွေပဲ ဖြစ်ဖြစ်၊ မကောင်းတဲ့သူတွေပဲ ဖြစ်ဖြစ် အကြောင်းရှိလို့ ဆုံကြရတာပါ။ တွေ့ဆုံမှုတိုင်းရဲ့ နောက်ကွယ်မှာ အကြောင်းတရားတွေ ကိုယ်စီရှိကြပြီးသား ဖြစ်ပါတယ်။

ဒါကြောင့်မိုလို့ Blessing တစ်ခု၊ Lesson တစ်ခုအနေနဲ့ သဘောထားမလား၊ ဒါမှမဟုတ် ကံဆိုးမှု တစ်ခုအနေနဲ့ သဘောထားမလား ဆိုတာကတော့ ကျွန်မတို့ရဲ့ စိတ်ထားတတ်မှုနဲ့ပဲ ဆိုင်ပါတယ်။ ဘ၀မှာ စိတ်ထားတတ်ရင်၊ လက်ခံတတ်ရင် စိတ်အေးချမ်းမယ်၊ စိတ်မထားတတ်ရင် ပူလောင်ရမယ် ဒါပါပဲ။

ကိုယ့်ဘ၀ထဲက ကောင်းမွန်တဲ့သူတွေဟာ Blessing ဖြစ်တယ်။ ကောင်းချီးတစ်ခု ဖြစ်ပါတယ်။ "သူတို့ရှိလို့ တော်ပါသေးတယ်" လို့ ခံစားရတဲ့ ခံစားချက်ဟာ blessing ပါပဲ။ ကောင်းချီးဆိုရင် ချီးမွမ်းတတ်ရတယ်။ ကိုယ့်အတွက် တန်ဖိုးရှိရင် တန်ဖိုးထားတတ်ရတယ်။ အလေးထားတတ်ရတယ်။ သူတို့တွေရဲ့ ဖြစ်တည်မှု၊ တည်ရှိမှုလေးကို စိတ်ထဲမှာ အမြဲ ကျေးဇူးတင်တတ် ရပါတယ်။

မကောင်းတဲ့ သူတွေကတော့ ကျွန်မတို့အတွက် ကံဆိုးမှုမဟုတ်ဘဲ သင်ခန်းစာ (Lesson) တစ်ခုသာ ဖြစ်ပါတယ်။ သေချာ ပြန်စဥ်းစားကြည့်တဲ့အခါ လူအကြောင်းကို လူတွေကပဲ သင်ပေးသွားကြတာပါ။ မကောင်းတဲ့သူတွေနဲ့ ဆုံခဲ့ရပြီးတဲ့ နောက်မှာ လူတွေရဲ့ သဘောမနောတွေ အကြောင်း၊ အပြုအမူတွေ အကြောင်း၊ အတွင်းစိတ်သဏ္ဌာန်တွေ အကြောင်း အများကြီး လေ့လာသင်ယူခဲ့ရတယ် မဟုတ်လား။ နောက်ပြီး ကိုယ့်ကိုယ်ကိုယ် ချစ်တတ်ဖို့၊ တန်ဖိုးထားတတ်ဖို့၊ boundary ထားတတ်ဖို့တွေကိုလည်း သူတို့တွေကပဲ သင်ပေးသွားကြတာပါ။

ဒါကြောင့်မို့ မကောင်းတဲ့သူတွေနဲ့ တွေ့ဆုံခဲ့ရတဲ့အပေါ်
နာကျည်းမုန်းတီးတဲ့ စိတ်တွေ မထားတော့ဘဲ Lesson တစ်ခုအနေနဲ့ပဲ လက်ခံယူတတ်ဖို့ အရေးကြီးပါတယ်။ ဒီလိုမှမဟုတ်ရင် တွေးမိတိုင်း တနုံ့နုံ့နဲ့ ကိုယ်ပဲ ပူလောင်၀မ်းနည်းပြီး နာကျင်နေရမှာဖြစ်ပါတယ်။

ဘ၀ထဲမှာ ရှိနေပေးကြတဲ့ ကောင်းတဲ့လူတွေကိုလဲ blessing တစ်ခုအဖြစ် အမြဲ တန်ဖိုးထားသွားပါ။
မကောင်းတဲ့လူတွေနဲ့ ကြုံခဲ့ရရင်လဲ lesson အဖြစ်သာ လက်ခံယူပြီး ခွင့်လွှတ်သင့်တာ၊ ခွင့်လွှတ်ခဲ့၊ မလိုတာတွေဆိုရင် ချန်ခဲ့ပြီး ဘ၀ကို ရှေ့ဆက်သွားဖို့ပဲ ကြိုးစားပါ။

ဘယ်အရာပဲဖြစ်ဖြစ် အကြောင်းရှိလို့ ဖြစ်လာတာ၊ဘယ်အရာပဲဖြစ်ဖြစ် နောက်ဆုံးမှာ ကောင်းဖို့အတွက် ဖြစ်လာတာပါလို့ လက်ခံစိတ် ထားတတ်လာတဲ့အခါ ဆိုးရွားတယ်လို့ ထင်ရတဲ့အရာတွေကတောင် ထင်သလောက် မဆိုးရွားတော့ဘဲ ကျွန်မတို့ကို ဆက်လက် ရှင်သန်နိုင်ဖို့ ခွန်အားတွေ ဖြစ်စေပါလိမ့်မယ်။

#ရှင်သန်ခြင်းရဲ့အဓိပ္ပာယ် စာအုပ်မှ
#စူးရှမေ

🩷🍀စာဖတ်ပါ။ ပျော်ရွှင်ပါ။
Shwe Au Book Shop
09987045108