https://www.facebook.com/109040095342388/

Lavender Hill မေမြို့, Lavender Hill, Maymyo (2026)

22/05/2026

True Lavender (English Lavender) ရဲ့ အဖူးဖူးတော့မယ့် ကိုင်းလေးတွေ၊ စဖူးခါစ အရွယ်၊ အပွင့်ပွင့်တော့မယ့် အဖူးနဲ့ အပွင့်ပွင့်နေတဲ့ ပုံလေးတွေပါ။

တခြား #လာဗင်ဒါ တွေကို ဘယ်သူတွေ ဘာကြောင့် ပိုကြိုက်တယ်ပြောပြော စိုက်ရခက်တဲ့ပန်းမို့လို့ အလွယ်လိုက်တဲ့သူတွေ ပေးတဲ့ ဆင်ခြေလို့ဘဲမှတ်လိုက်တယ်။

ပန်းတကယ်ချစ်တဲ့သူတွေ True Lavender ကိုစိုက်ကြည့်ပါ။ ပန်းပွင့်လာတဲ့အချိန်မှာ အချိန်ပေးရကျိုးနပ်တယ်လို့ ခံစားရမှာသေချာတယ်။

15/05/2026

April လကုန်က စပြီး ရွာလိုက်တဲ့မိုး။ တခါရွာ ၃ရက်လောက်ဆက်တိုက်။ နေလုံးဝမထွက်ဘဲ သဲသဲမဲမဲရွာ။ နေတရက်လောက်ပြန်ထွက်ပြီး ဆက်ရွာပြန်။ ဘယ်လိုအညှိုးနဲ့ရွာနေမှန်းကိုမသိ။

နွေမကုန်သေးဘူးဆိုပြီး အေးအေးဆေးဆေးနဲ့ ပြင်ဆင်နေတာဆိုတော့ မိုးတွင်းအတွက် ဘာမှအဆင်သင့်မဖြစ်သေး။ တကယ်ကို စိတ်ပင်ပန်းရတယ့်အချိန်။ အပင်တွေအကုန်သေကုန်လဲ အစကပြန်စယုံဘဲပေါ့လို့ စိတ်လျော့ထားလိုက်ရတယ်။

ပြီးခဲ့တဲ့ ၃ ရက်လောက်ကစပြီး မိုးလုံးဝရပ်သွားတယ်။ တချို့အပင်တွေကတော့ ပူပြင်းတာကနေ ချက်ချင်းမိုးမိတဲ့ဒါဏ်မခံနိုင်ကြ။ အများစုကတော့ ကျန်နေသေးတယ်။
ဒီမိုးက မေမြို့ရာသီဥတုနဲ့ကိုက်မယ့်အပင်တွေ ရွေးပေးခဲ့တာလို့ဘဲ အကောင်းဘက်က တွေးလိုက်တယ်။

မိုးတွင်းရောက်လာပြီဆိုတော့ #လာဗင်ဒါ တွေကို အသေးစိတ်စောင့်ကြည့်လေ့လာရမယ့်အချိန်ပေါ့။ မိုးကုန်တဲ့အချိန်ကျရင်လဲ ပန်းတွေဝေနေသေးရင်တော့ အပင်ပန်းခံ လေ့လာရကျိုးနပ်ပါပြီ၊

14/05/2026

Still surviving after devasting 2 weeks....

08/05/2026

မတ်လ အလယ်လောက်က အဖူးတွေ စဖူးခဲ့တဲ့အပင်လေးတွေ အခုထိ အပွင့် မပြတ်သေးဘူး။ ၂လ လောက်တော့ ဆက်တိုက်ပွင့်နေမှာ သေချာတယ်။ မိုးတွင်း မေမြို့ အပူချိန်က လာဗင်ဒါ ပန်းပွင့်ဖို့ သင့်တော်တဲ့ အပူချိန်မျိုးဆိုတော့ အပွင့်တွေဆက်ပွင့်ဖို့ မျှော်လင့်ထားတယ်။

ရန်ကုန် မန္တလေးက လာဗင်ဒါချစ်သူတွေရေ ... ဆောင်းတွင်း ၃လမှာ လာဗင်ဒါပန်း အစစ်တွေ ဆက်တိုက်ပွင့်ပေးမယ် အပင်လေးတွေ မလိုချင်ကြဘူးလား။

လာဗင်ဒါအများကြီးရှိတဲ့ထဲမှာမှ ပန်အစစ်တမျိုးထဲသာ လာဗင်ဒါရနံ့မွှေးတယ်၊ ဆေးဖက်ဝင်တယ်၊ ဟင်းခတ်အမွှေးအကြိုင်အနေနဲ့သုံးလို့ရတယ်၊ အဆီထုတ်ရတယ်၊ ပန်းစိုပန်းခြောက်တွေကို အမြတ်တနိုး ရောင်းဝယ်ကြတယ်။ ဒါကြောင့် လာဗင်ဒါအစစ် (True Lavender/English Lavender) က တန်ဖိုးရှိတာပါ။

27/04/2026

နွေခေါင်ခေါင်မှာ ဒီလိုရာသီဥတုနဲ့ နေရတာ ရှေ့ဘဝကံအကျိုးပေးလား ဒီဘဝရဲ့ ဆုံးဖြတ်ချက်မှန်တာလား ဝေခွဲမရ...

25/04/2026

ဒီနေ့ မနက် ခူးထားတဲ့ လာဗင်ဒါလေးတွေ။ ပြီးခဲ့တဲ့ အပါတ်က ခူးပြီး အခြောက်လှမ်းထားတဲ့ ပန်းခြောက်လဲ ပါတယ်။ #လာဗင်ဒါ ပန်းအစို နဲ့ ပန်းအခြောက် ယှဉ်ကြည့်လို့ရအောင်။

အခုအထိ အိမ်က လာဗင်ဒါပန်းလေးဆိုပြီး လာပြမယ့်သူမရှိသေးတော့ မြန်မာပြည်မှာ #အနောက်တိုင်းလာဗင်ဒါ (True Lavender/English Lavender) ကို ပန်းပွင့်အောင် စိုက်ထားတာ မရှိကြသေးဘူးထင်တယ်။

ရာသီဥတုကအရမ်းပူလာတော့ ခြံက တချို့လာဗင်ဒါမျိုးတွေတောင် သိပ်မသန်တော့ဘူး။ မေမြို့လို ရာသီဥတုမှာတောင် ဒီလိုဖြစ်နေတော့ မြန်မာပြည်မှာ လာဗင်ဒါကို နှစ်ရှည်စိုက်ဖို့က ခက်လိမ့်မယ်။

19/04/2026

#အနောက်တိုင်းလာဗင်ဒါ (English Lavender) လို့ခေါ်တဲ့ လာဗင်ဒါအစစ် (True Lavender) စိုက်မယ်ဆိုရင် Avignon ကို ထိပ်ဆုံးက ရွေးရမယ်။

အနောက်တိုင်းလာဗင်ဒါ (English Lavender) စိုက်တဲ့ သူတွေ အဓိကကြုံတဲ့ ပြဿနာတွေက
- နွေမှာ ပူလွန်းတဲ့ဒါဏ်မခံနိုင်တာ
- မိုးတွင်းမှာ စိုစွတ်တဲ့ဒါဏ်မခံနိုင်တာ
- ပန်းပွင့်ရန် လိုအပ်တဲ့ အခြေအနေတွေမရလို့ ပန်းပွင့်မလာတာ

ဒါကြောင့်လဲ အနောက်တိုင်းလာဗင်ဒါ (English Lavender) ရဲ့ အဖူး အပွင့် ရနံ့ ဆေးဖက်ဝင်တာတွေကို နှစ်သက်ကြပေမယ့် ပန်းပင်ကိုတော့ စိုက်တဲ့သူ သိပ်မတွေ့ရဘူး။ စိုက်ဖို့ကြိုးစားခဲ့တဲ့သူတော်တော်များကလဲ ရှင်အောင်စိုက်ဖို့ခက်တာရယ်၊ ရှင်ပြန်တော့လဲ ပန်းပွင့်အောင် မလုပ်နိုင်တာရယ်ကြောင့် အခုဆို မြန်မာပြည်မှာ #လာဗင်ဒါ အပင်ဆိုစိတ်ဝင်စားတဲ့သူခပ်ရှားရှား။ ဒါတွေအကုန်လုံး မကြာခင် ပြောင်းမယ်တွက်တယ်။

Avignon ကိုစိုက်မယ်ဆိုရင်
- ပန်းပွင့်လာဖို့ သေချာတယ်
- နွေအပူဒါဏ် မိုးတွင်းစိုစွတ်ဒါဏ်တွေကကာကွယ်နိုင်ဖို့ ပန်းအိုးနဲ့စိုက်လို့ရတဲ့ 9"- 12" အပင်ဆိုဒ်
ဒါကြောင့် Avignon က မြန်မာပြည်က ပန်းချစ်သူတွေ ပါးစပ်ဖျားမှာ မကြာခင် ရေပန်းစားလာမယ်လို့ မှန်းပါတယ်။

ခြံမှာ ပန်းအိုးနဲ့ စိုက်ထားတဲ့ Avignon လေးတွေက အခုလို နွေခေါင်ခေါင် နေ့လည်အပူချိန် ၃၂°C လောက်မှာလဲ ရှင်သန်ပြီး ပန်းပွင့်ပေးနေဆဲပါဘဲ။ ဒါကြောင့် ရန်ကုန်၊ မန္တလေးလို မြို့ကြီးတွေက လာဗင်ဒါချစ်သူတွေအနေနဲ့ Avignon ဆိုရင် အနဲဆုံး ရာသီပန်းအနေနဲ့ မိုးအကုန် အောက်တိုဘာကနေ ဆောင်းအကုန် ဖေဖေါ်ဝါရီလ အထိတော့ စိုက်လို့ရမှာ သေချာတယ်။

အခု videoထဲကလို အဖူးအပွင့်တွေပါတယ့် Avignon အပင်တွေကို ဒီမိုးအကုန်မှာ လာဗင်ဒါချစ်သူတွေလက်ထဲ ဖြန့်ပေးနိုင်အောင် စီစဉ်နေတယ်။ လာဗင်ဒါပန်းတွေကို ကိုယ်တိုင်ထိတွေ ခံစားနိုင်မယ့် အခွင့်အရေးဆိုတော့ လက်မလွှတ်သင့်ဖူးလို့တော့ ထင်တာဘဲ။ Avignon ပန်းပင် စိတ်ဝင်စားသူများကို #လာဗင်ဒါချစ်သူများ ဂရုမှတဆင့် ဒီဆောင်းမှာ ရောင်းပေးမယ်။

17/04/2026

ဒီနေ့မနက် ခူးဖြစ်တဲ့ #လာဗင်ဒါ လေးတွေ။ Avignon လာဗင်ဒါရဲ့ အဖူးနဲ့ ပန်းက Deep Purple (ခရမ်းရင့်) လို့ပြောလို့ရမယ်ထင်တယ်။ #အနောက်တိုင်းလာဗင်ဒါ ထဲမှာ အရောင်လှတယ်လို့ပြောရတယ်။

ဒီနှစ်ဆောင်းမှာ အဖူးပါတဲ့ Avignon လာဗင်ဒါ အပင်တွေရောင်းပေးနိုင်အောင်ကျိုးစားမယ်။ ရန်ကုန်၊ မန္တလေးက လာဗင်ဒါချစ်သူတွေပါ လက်တွေ့စိုက်နိုင်အောင်လို့။ အနဲဆုံး ဖေဖေါ်ဝါရီလအထိတော့ အဆင်ပြေမှာပါ။

လာဗင်ဒါ ပန်းအစို၊ ပန်းအခြောက်တွေအတွက်ကတော့ လာဗင်ဒါအပင်ကြီးတွေ ပွင့်မှဘဲ။ မနှစ်ကတော့ ဇွန်လမှာ ပွင့်ခဲ့တယ်။

13/04/2026

Fernleaf လာဗင်ဒါက #လာဗင်ဒါ မျိုးနွယ် ၈ မျိုးထဲက တမျိုးဆိုပေမယ့် သူ့ရဲ့ အဖူး အပွင့် ရနံ့ ဆေးဖက်ဝင်မှု့တွေက လာဗင်ဒါအစစ် #အနောက်တိုင်းလာဗင်ဒါ (English Lavender) နဲ့ နဲနဲမှမတူပါဘူး။

ဒါကို Fernleaf လာဗင်ဒါပျိုးပင်ရောင်းသူတွေက အနောက်တိုင်းလာဗင်ဒါ (English Lavender) ရဲ့ အဖူး အပွင့် ပုံတွေနဲ့ အသုံးဝင်ပုံတွေကို ပြပြီး သူတို့ပျိုးပင်တွေကို ရောင်းနေတာက ကိုယ်ပျိုးနေတဲ့အပင်အကြောင်း ကောင်းကောင်းမသိတာလား၊ သိသိကြီးနဲ့ လိမ်ရောင်းနေတာလား တွေးစရာဖြစ်လာတယ်။

ဒီ fernleaf လာဗင်ဒါပျိုးပင်ကို ရောင်းနေတဲ့သူ အများစုက ပြင်ဦးလွင်က။ ဒီအပင်က လာဗင်ဒါမျိုးနွယ်မို့လို့ လာဗင်ဒါတမျိုးပါဆိုပြီး ပြောရင်တောင် လက်ခံလို့ရပေမယ့်၊ အနောက်တိုင်းလာဗင်ဒါ (English Lavender) ပုံတွေ စာတွေ ပြပြီး ရောင်းနေရင်တော့ လိမ်တာဖြစ်လိမ့်မယ်ဆိုတာ သိစေချင်ပါတယ်။

နိုင်ငံအများအပြားမှာ လူကြိုက်များတဲ့ လာဗင်ဒါအစစ် အနောက်တိုင်းလာဗင်ဒါ (English Lavender) အကြောင်း ထဲထဲဝင်ဝင် သိချင်ရင် မှာ လေ့လာနိုင်ပါတယ်။

08/04/2026

ခြံရဲ့လက်ရှိအခြေအနေလေး။

မနှစ်ကတော့ #လာဗင်ဒါ ပန်းခင်းဖြစ်ဖို့ဦးတည်ပြီးလုပ်ခဲ့တာဆိုတော့ မိုးများတဲ့ဒါဏ်မခံနိုင်ဘဲ အပင်တွေသေကုန်တဲ့အချိန်မှာ လုပ်ခဲ့တာအရာမထင်သလို ခံစားခဲ့ရတယ်။

ဒီနှစ်တော့ ပန်းအိုးနဲ့လဲစိုက် ပန်းခင်းလဲပြင်ထားတော့ တခုခုလွဲတောင် အရင်လောက်တော့ အခြေအနေဆိုးမယ်မထင်။ ဘာဘဲဖြစ်ဖြစ် ဒီနှစ်ဆောင်းတွင်းမှာတော့ လာဗင်ဒါပန်းခင်းနဲ့ ကြိုဆိုနေနိုင်မှာ သေချာပါတယ်။

လက်ရှိ ပန်းပွင့်နေတဲ့ Avignon ကိုအာရုံစိုက်နေတော့ တခြားမျိုးဘက် မလှည့်ဖြစ်ဘူး။ Scent က ၅ လပိုင်းလောက်မှာပွင့်မယ်မှန်းတယ်။ Lavance ကတော့ ၆လပိုင်းလောက်ပေါ့။ #အနောက်တိုင်းလာဗင်ဒါ ပုံမှန်မျိုး အပင်ကြီးတွေလဲ အဲ့အချိန်လောက်ပွင့်ကြမယ်ထင်တယ်။ Castilliano ကတော့ အခုမှစမ်းစိုက်တာဆိုတော့ ဘယ်တော့ပွင့်မယ်မှန်းကိုမသိဘူး။

အပင်ကြီးတွေပွင့်ကြရင်တော့ ကိုင်း ရာချီလောက်ပွင့်မှာဆိုတော့ အရမ်းလှလိမ့်မယ်။

03/04/2026

Avignon လာဗင်ဒါ အဖူးတွေကနေ ဒီနေ့ စပွင့်ပြီ။ မတ်လ ၁၂ရက်က စဖူးတာဆိုတော့ အဖူးကနေ အပွင့်အထိ ၃ပါတ်လောက်ကြာ။ အပင်ပေါ်ဆက်ထားရင်တော့ ၂ပါတ်လောက်ခံပေမယ့် ပန်းအိုးထိုးရင်ဘယ်လောက်ခံမလဲ စမ်းချင်းတာနဲ့ ခူးလိုက်တယ်။

#လာဗင်ဒါ ပန်းအစိုလိုချင်ရင် မနက်စောစော အအေးဓါတ်မပျောက်ခင် ခူးရမယ်ဆိုဘဲ။ နောက်ပြီး အဖူးတွေရဲ သုံးပုံတပုံလောက် ပန်းပွင့်လာတယ့်အချိန်မှာ ခူးသင့်တယ်။ ပန်းမှာ လာဗင်ဒါအဆီအများဆုံးစုတဲ့အချိန်မှာ ခူးမှ ရနံ့အမွှေးဆုံးရမယ့်သဘော။

လာဗင်ဒါကိုင်းကို ၄၅°လောက်စောင်းဖြတ်ပြီး ရေထဲ့ထားတဲ့ ပန်းအိုးထဲမှာ စိုက်ထားရမယ်။ အရွက်တွေလဲ ချွေပေးသင့်ပြီး ကြာကြာခံအောင် ရေကို နေ့တိုင်းလဲပေးရမယ်။ ကိုင်းကိုလဲ ၂ရက် တခါလောက် ဖြတ်ပေးသင့်တယ်။ နေရောင်တိုက်ရိုက် မကျတဲ့ နေရာမှာ ထားပေးရမယ်။ ဒါဆိုရင် ၂ပါတ်လောက်တော့ ခံမယ်။ ဟုတ်မဟုတ်တော့ နောက် ၂ပါတ်လောက်မှ သိမယ်။

#အနောက်တိုင်းလာဗင်ဒါ (English Lavender) ပန်းက တန်ဖိုးကြီးတဲ့ပန်းဆိုတော့ ကြာကြာခံအောင် ထားနိုင်မှ တန်မယ်။

Lavender Hill မေမြို့

22/05/2026

15/05/2026

14/05/2026

08/05/2026

27/04/2026

25/04/2026

19/04/2026

17/04/2026

13/04/2026

08/04/2026

03/04/2026

Address

Telephone

Website

Alerts

Contact The Business

Shortcuts

Share

Category